Morgunblaðið - 07.10.2003, Blaðsíða 11

FRÉTTIR
MORGUNBLAÐIÐ ÞRIÐJUDAGUR 7. OKTÓBER 2003 11
„ÍSLENSK stjórnsýsla stendur nú
frammi fyrir því að meta og skoða
með gagnrýnum hætti þær að-
gerðir sem gripið var til og móta
framtíðarsýn til næstu ára,“ sagði
Baldur Guðlaugsson, ráðuneyt-
isstjóri fjármálaráðuneytisins, í er-
indi um umbætur í opinberum
rekstri á Íslandi, sem hann hélt á
málþingi á Hótel Loftleiðum í síð-
ustu viku.
Fjármálaráðuneytið stóð fyrir
málþinginu í samstarfi við Stofnun
stjórnsýslufræða og stjórnmála við
Háskóla Íslands og fjallaði það um
umbætur á opinberri stjórnsýslu
OECD-ríkja og Íslands. Aðalfyr-
irlesari var Alex Matheson, for-
stöðumaður hjá OECD, og ræddi
hann um kosti og galla þessara
umbóta undanfarin tuttugu ár.
Baldur sagði að undanfarin tíu
ár hefði verið unnið að stjórnsýslu-
umbótum hjá ríkinu með því meðal
annars að einfalda ríkisreksturinn
og draga úr miðstýringu. Hann
sagði að líkt og í OECD-ríkjum
gæti hafa skort hér ákveðna heild-
arsýn, en breytingarnar hefðu
mótað nýja hugsun. Fjármálaráðu-
neytið teldi að áfram þyrfti að
vinna í anda þeirra stjórnsýsluum-
bóta sem lagt hefði verið af stað
með, auk þess að endurmeta
ákveðna þætti og skoða heildarfyr-
irkomulag þeirra verkefna sem
ríkið sinnti. Hann sagði að senni-
legt væri að umbætur í rík-
isrekstri á næstu árum myndu
einkum beinast að þremur megin-
þáttum, fjárlagagerð og fram-
kvæmd fjárlaga, fyrirkomulagi í
opinberri þjónustu og umbótum í
innri rekstri ríkisins.
Morgunblaðið/Þorkell
Segir að móta þurfi framtíðarsýn
Ráðuneytisstjóri fjármálaráðuneytisins um stjórnsýsluumbætur
HELGI Hjörvar, varaborgar-
fulltrúi og stjórnarmaður í Lands-
virkjun, segir gagnrýni á Lands-
virkjun vegna framkomu
verktakafyrirtækisins Impregilo
við Kárahnjúka ómaklega. Það sé
eftirlitsstofnana að tryggja að
verktakafyrirtækið fari að lögum
en ekki Reykjavíkurborgar eða
Landsvirkjunar.
„Þótt ég hafi verið þeirrar skoð-
unar á sínum tíma í stjórn Lands-
virkjunar, raunar einn stjórnar-
manna, að ekki ætti að ráðast í
þessa framkvæmd og það væri
röng ákvörðun, þá verð ég að
segja að ég tel það fyllilega ómak-
legt að svo mikið sem ýja að því að
Landsvirkjun hafi ekki að fullu
staðið sína plikt í þessu máli,“
sagði Helgi í borgarstjórn á
fimmtudaginn.
Tilefni ummælanna var tillaga
Ólafs F. Magnússonar, borgarfull-
trúa Frjálslynda flokksins, um að
borgarstjórn Reykjavíkur færi
fram á að breytt vinnubrögð
ítalska fyrirtækisins yrðu boðuð
og leikreglur á hérlendum vinnu-
markaði virtar.
Segir Reykjavíkurborg
ekki eiga aðild
Í tillögunni sagði Ólafur jafn-
framt að yfirumsjón með fram-
kvæmdunum væri í höndum
Landsvirkjunar, þar sem Reykja-
víkurborg væri 45% eignaraðili.
„Það er einfaldlega ekki svo,“
sagði Helgi og ítrekaði að yfirum-
sjón framkvæmdanna væri í hönd-
um Impregilo. „Þar af leiðandi á
Reykjavíkurborg enga aðild að
þessum framkvæmdum.“
„Það er ljóst að fyrirtækið
Impregilo ber fulla og óskoraða
ábyrgð í þessu máli,“ sagði Ingi-
björg Sólrún Gísladóttir, borgar-
fulltrúi Reykjavíkurlistans, og
kom með breytingartillögu. Hún
var samþykkt með öllum atkvæð-
um nema fulltrúa F-listans, sem
sat hjá.
„Tennurnar voru dregnar úr til-
lögunni,“ sagði Ólafur að loknum
borgarstjórnarfundi.
„Impregilo ber
fulla og óskor-
aða ábyrgð“
NÝLEGA var tilkynnt að leggja
skuli af notkun aura í íslenska hag-
kerfinu. Engu að síður kom fyrsta
október út tilkynning frá ferðakostn-
aðarnefnd ríkisins þess efnis að kíló-
metragjald fyrir hvern kílómetra
upp að tíu þúsund sé krónur 56,50.
Að sögn Sigríðar Vilhjálmsdóttur,
ritara ferðakostnaðarnefndar ríkis-
ins, hafa upphæðir verið gefnar út í
aurum í mörg ár.
„Það er áfram reiknað með aurum
hjá okkur, þótt ég geti ekki sagt til
um hvernig þetta er annars staðar.
Ég geri þó ráð fyrir að það verði
hækkað upp í næstu heilu krónu þeg-
ar niðurstöðutölur standa á fimmtíu
aurum.“
Hjá launadeild Fjársýslu ríkisins
var það staðfest að eftir alla útreikn-
inga er lokatalan rúnuð að næstu
krónu eins og lög gera ráð fyrir, nið-
ur allt að fimmtíu aurum og upp eftir
að fimmtíu aurum er náð.
Kílómetra-
gjald enn
reiknað
í aurum
ANDRÉS Jónsson frá Reykjavík
var kosinn formaður Ungra jafn-
aðarmanna (UJ) á landsþingi fé-
lagsins á föstudag. Hlaut hann 298
atkvæði eða 67,6%. Mótframbjóð-
andi hans var Margrét Gauja
Magnúsdóttir frá Hafnarfirði sem
hlaut 139 atkvæði eða 31,5%. Alls
kusu 441 í kjöri til framkvæmda-
stjórnar.
Brynja Magnúsdóttir verður
varaformaður, Bryndís Nielsen rit-
ari og Dagbjört Hákonardóttir
gjaldkeri, en þær voru allar sjálf-
kjörnar. Hilmar Kristinsson var
kjörinn alþjóðaritari og meðstjórn-
endur eru Andrés Fjeldsted, Rósa
María Óskarsdóttir, Hinrik Már Ás-
geirsson og Guðjón Egill Guðjóns-
son.
Ágúst Ólafur Ágústsson sem
gegnt hefur formennsku UJ gaf
ekki kost á sér til endurkjörs.
Andrés
Jónsson for-
maður UJ
NOKKUR aukning hefur orðið á af-
skráningu gamalla bíla í sumar. Guð-
laugur Sverrisson, skrifstofustjóri
hjá Úrvinnslusjóði, segir að um 300
bílar hafi verið afskráðir undanfarna
mánuði, en hann rekur þessa aukn-
ingu m.a. til þess að 1. júlí sl. hóf Úr-
vinnslusjóður að greiða 10 þúsund
króna skilagjald til eigenda bílflaka.
Þetta nýja fyrirkomulag er núna
farið að virka um mest allt land, en
Guðlaugur sagði að landsbyggðin
hefði tekið seinna við sér en höfuð-
borgarsvæðið. Unnið hefði verið að
því í sumar að koma upp móttöku-
stöðvum um allt land og væri nú tek-
ið á móti ónýtum bílum á yfir 50 stöð-
um um allt land. Guðlaugur sagði að
áætlanir Úrvinnslusjóðs gerðu ráð
fyrir að tekið yrði á móti um 7.000
bílum á ári.
Lög um úrvinnslugjald gera ráð
fyrir að bifreiðaeigendur greiði
tvisvar á ári 520 kr. gjald í 15 ár.
Gjaldið, sem er innheimt samhliða
bifreiðagjaldi, er lagt á allar bifreið-
ar sem nýskráðar voru eftir 1. janúar
1988. Gjaldið er ekki innheimt af
eldri bílum og eigendur þeirra eiga
þar af leiðandi ekki rétt á að fá greitt
skilagjald.
Guðlaugur sagði að oftar en ekki
fylgdi því nokkur kostnaður fyrir bif-
reiðaeigendur að losa sig við ónýta
bíla. Gjaldinu væri ætlað að dekka
þennan kostnað og vera um leið
hvatning fyrir fólk að losa sig við
ónýta bíla. Hann sagði að Úrvinnslu-
sjóður greiddi kostnað við að losa
spilliefni úr bílunum.
Einar Ásgeirsson, framkvæmda-
stjóri Hringrásar, sem er eitt
þriggja fyrirtækja á höfuðborgar-
svæðinu sem sjá um móttöku bíl-
flaka, sagði að umtalsvert fleiri ónýt-
ir bílar hefðu komið til Hringrásar í
ár en í fyrra. Hann sagði að skila-
gjald Úrvinnslusjóðs ætti líkast til
stærstan þátt í þessari aukningu.
Einnig hefði sala á nýjum bílum auk-
ist og leiddi einnig til meiri afskrán-
ingar á bílum.
Fleiri ónýtir bílar af-
skráðir í ár en í fyrra
Morgunblaðið/Árni Sæberg
Stórir haugar af brotajárni eru á svæði Hringrásar í Sundahöfn, en brota-
járnið er flutt út á markaði á meginlandi Evrópu.
♦ ♦ ♦
FÉLAGSMÁLARÁÐ Reykjavík-
urborgar hefur skipað starfshóp
sem skila á tillögum um tilhögun
sérstakra húsaleigubóta. Sérstakar
húsaleigubætur verða veittar ofan
á almennar bætur þeim sem búa
við verstu félagslegu aðstæðurnar.
„Sérstakar húsaleigubætur
greiðast óháð því hver leigusalinn
er og ættu því að styrkja almennan
leigumarkað. Með þessu er verið
að auka sveigjanleika í húsnæðis-
aðstoð Reykjavíkurborgar. Fé-
lagsbústaðir munu áfram bjóða
upp á ódýrar leiguíbúðir en á sama
tíma mun almenni húsaleigumark-
aðurinn verða styrktur með sam-
stilltu átaki margra aðila,“ sagði
Björk Vilhelmsdóttir, formaður fé-
lagsmálaráðs, á borgarstjórnar-
fundi á fimmtudaginn. Áður hafði
Björk kallað þetta húsnæðisávísan-
ir en nafninu var breytt til sam-
ræmis við lög um félagslega að-
stoð.
Miðað við ákveðin
tekju- og eignamörk
„Í stað þess að allir sem búa í
íbúðum Félagsbústaða fái niður-
greidda húsaleigu fá einungis þeir
sérstakar húsaleigubætur sem eru
undir ákveðnum tekju- og eigna-
mörkum og búa við mjög erfiðar
félagslegar aðstæður,“ sagði Björk.
Björn Bjarnason, borgarfulltrúi
Sjálfstæðisflokksins, óskaði eftir
upplýsingum um við hvað væri
miðað þegar sagt væri „mjög erf-
iðar félagslegar aðstæður“.
Skilgreiningin
grundvallaratriði
Björk sagði grundvallaratriði að
skilgreina vel hvaða hópur ætti
rétt á aðstoð og um leið hvernig að-
stoð. „Nú er það þannig að 48%
heimila í Reykjavík falla undir
tekju- og eignaviðmið um að geta
sótt um félagslegt leiguhúsnæði,“
og að margir umsækjendur væru í
tekjuhærri kantinum og þyrftu
kannski ráðgjöf um útvegun ann-
ars húsnæðis. „Borgin á ekki að
þurfa að veita helmingi borgarbúa
félagslegt leiguhúsnæði. Það held
ég að sé alveg ljóst,“ sagði Björk.
Sérstakar húsaleigu-
bætur undirbúnar
Fyrir þá sem
búa við verstu
aðstæðurnar
HEILBRIGÐIS- og tryggingamála-
ráðherra hefur skipað nefnd sem gera
á tillögur til ráðherra um skipulag
heilbrigðisþjónustu við börn og ung-
linga með geðraskanir. Nefndinni er
m.a. ætlað að skila tillögum um
hvernig haga skuli þessari þjónustu á
höfuðborgarsvæðinu og á lands-
byggðinni, hvernig best megi tryggja
samspil þjónustuþáttanna, hvaða
þjónustuform og rekstarform séu
heppilegust og fleira.
Formaður nefndarinnar er Ragn-
heiður Haraldsdóttir, skrifstofustjóri
í heilbrigðis– og tryggingamálaráðu-
neytinu. Aðrir nefndarmenn eru Sig-
urður Guðmundsson landlæknir, Gísli
Baldursson læknir. Páll Biering
hjúkrunarfræðingur, Sólveig Ás-
grímsdóttir sálfræðingur, Magnús
Skúlason deildarstjóri og Hólmfríður
Grímsdóttir deildarstjóri. Nefndin
mun hefja störf nú þegar.
Nefnd um
þjónustu
við börn