Morgunblaðið - 01.11.2003, Síða 64

FYRSTU niðurstaðna úr áhættumati og
áhættugreiningu vegna eldgosa og jök-
ulhlaupa í Mýrdals- og Eyjafjallajökli er
ekki að vænta fyrr en á næsta ári að því er
Kjartan Þorkelsson, sýslumaður á Hvols-
velli, segir en hann á sæti í vinnuhópi sem
skipaður var vegna áhættumatsins. Hafa
menn horft til þess möguleika að jökulhlaup
úr Mýrdalsjökli kunni að ganga töluvert til
vesturs, t.d. um Markarfljót eða hugsanlega
enn vestar, jafnvel allt að Þjórsá. Við nýleg-
ar jarðlagakannanir hefur komið í ljós að
stór hlaup hafa komið í Markarfljót vegna
eldgosa í vestanverðum Mýrdalsjökli en þau
hafa orðið á eitt til tvö þúsund ára fresti frá
lokum ísaldar. Stór svæði í byggð frá Eyja-
fjöllum og allt vestur að Þjórsá gætu hugs-
anlega verið í hættu í slíku jökulhlaupi.
Morgunblaðið/Rax
Möguleg jökulhlaup úr Mýrdalsjökli
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 1. NÓVEMBER 2003 VERÐ Í LAUSASÖLU 190 KR. MEÐ VSK.
Áskriftarsími 881 2060
Í FORMI
VANSKIL á iðgjöldum til lífeyrissjóða á síð-
asta ári námu um 1.500 milljónum króna, sam-
kvæmt upplýsingum embættis ríkisskatt-
stjóra. Alls eru það um 14-15 þúsund
gjaldendur sem koma við sögu vegna vanskila
með lífeyrisiðgjöld, en það eru um 16% færri
en voru í vanskilum með lífeyrisiðgjöld á árinu
á undan.
Samkvæmt lögum hefur embætti ríkisskatt-
stjóra eftirlit með því að skilað sé 10% iðgjaldi
af launum í lífeyrissjóð og er það byggt á
álagningarskrám vegna tekna næstliðins árs
hverju sinni.
Ásgeir Heimir Guðmundsson, forstöðumað-
ur eftirlitsskrifstofu ríkisskattstjóra, segir að
vanskilin vegna ársins 2002 í það heila tekið
nemi um 1.500 milljónum króna. Á bilinu 14-15
þúsund gjaldendur komi þar við sögu og séu
vanskilin mismunandi mikil í hverju tilviki fyr-
ir sig. Meðalvanskilin séu hins vegar um 117
þúsund krónur þegar um launþega sé að ræða
og 107 þúsund krónur þegar um reiknað end-
urgjald sé að ræða, en öllum sem hafa með
höndum sjálfstæða starfsemi ber að reikna sér
endurgjald fyrir vinnu sína.
Um helmingur fer
til Söfnunarsjóðsins
Upplýsingar um vanskilin eru send til lífeyr-
issjóðanna sem eiga að sjá um að innheimta ið-
gjöldin hjá viðkomandi. Ef ekki liggur fyrir af
starfsstétt viðkomandi til hvaða lífeyrissjóðs
honum ber að greiða hefur Söfnunarsjóður líf-
eyrisréttinda innheimtuna með höndum.
Ásgeir Heimir segir að um helmingur inn-
heimtunnar sé í höndum Söfnunarsjóðs lífeyr-
isréttinda. Eftirlitsskrifstofa ríkisskattstjóra
kalli síðan eftir upplýsingum um hvernig inn-
heimtan gangi og þær upplýsingar séu síðan
framsendar til Fjármálaeftirlitsins, sem sjái til
þess að festa sé í innheimtunni og allir sinni
þeirri skyldu sinni að innheimta viðkomandi ið-
gjöld.
Ásgeir Heimir sagði að milli iðgjaldaáranna
2002 og 2001 hefði þeim sem væru í vanskilum
með lífeyrisiðgjöld fækkað og væru þeir nú
16% færri sem væru í vanskilum en verið hefði
á síðasta ári.
Vangreidd lífeyrisið-
gjöld 1.500 milljónir
FYRIRTÆKIÐ Mó-
gúllinn hefur keypt
heimssýningarrétt
utan Skandinavíu á
leikritinu Sellófon
eftir Björk Jak-
obsdóttur. Verkið
verður sett upp í
Bandaríkjunum,
Þýskalandi, Pól-
landi, Tékklandi og Spáni. Í Banda-
ríkjunum mun leikkonan Fran
Drescher, betur þekkt sem barn-
fóstran úr sjónvarpsþáttunum „The
Nanny“, fara með hlutverk Ellenar.

Sellófon/4
Fran Drescher
Leikritið Sellófon
selt til útlanda
MENNTAMÁLARÁÐHERRA hefur, að tillögu
myndlistarnefndar ráðuneytisins, ákveðið að
bjóða Gabríelu Friðriksdóttur myndlistarmanni
að vera fulltrúi Íslands á Feneyjatvíæringnum ár-
ið 2005.
„Mér líst mjög vel á þetta, og þetta er frábært
fyrir mig,“ segir Gabríela um útnefninguna.
„Ég hef orðið vör við að Íslendingar hafa ekki
skynjað mikilvægi þess að taka þátt í Fen-
eyjatvíæringnum, en þegar farið er á staðinn sér
fólk strax hvað þetta er rosalega stórt. Allir sem
hafa eitthvað með myndlist að gera, hvar sem er í
heiminum, fara á Feneyjatvíæringinn, og þar er
alltaf allt fullt af fólki.“
Gabríela er þegar farin að huga að verkefninu,
og er búin að koma sér upp vinnuheiti fyrir það.
„Skandinaíf“ er vinnuheitið.
Morgunblaðið/Kristinn Ingvarsson
Gabríela Friðriksdóttir á sýningunni sinni í Gerð-
arsafni í Kópavogi sem hún hélt fyrir ári.
Gabríela
Friðriksdóttir
fulltrúi Íslands
„ÞETTA verður vafalaust afskaplega
skemmtilegt verkefni. Ég tek við af af-
ar sterkum leiðtoga og að því leytinu til
gæti þetta orðið erfitt, en einnig verða
nokkrar breytingar á frá því sem verið
hefur. Það verður ekki eins viðamikið
og áður,“ segir Björgólfur Jóhannsson,
nýkjörinn formaður stjórnar LÍÚ.
Björgólfur tekur við formennsku af
Kristjáni Ragnarssyni, sem gegnt hafði
henni í 33 ár.
Björgólfur segir að markmið sitt sé
að gera sitt bezta, ásamt öðrum út-
gerðarmönnum, til að halda áfram að
efla og styrkja LÍÚ og halda samtök-
unum á þeirri sporbraut sem Kristján
Ragnarsson hafi markað þeim. Auk
Björgólfs voru kjörnir í stjórn LÍÚ
þeir Elfar Aðalsteinsson, Ólafur Mar-
teinsson, Ólafur Rögnvaldsson, Sig-
urður Bjarnason og Þorsteinn Erlings-
son.
Tek við af
sterkum leiðtoga
Morgunblaðið/Árni Sæberg
Björgólfur Jóhannsson, nýkjörinn formaður LÍÚ, og Kristján Ragn-
arsson, fráfarandi formaður samtakanna, á aðalfundi LÍÚ í gær.
Ísland og/14
LÖGREGLAN í Reykjavík hefur á aðeins hálfum
mánuði fundið tvöfalt fleiri e-töflur en allt árið í
fyrra. Alls hefur lögreglan lagt hald á 1.550 e-töflur
í þremur málum frá miðjum október, en í fyrra var
lagt hald á 814 e-töflur.
Þessi hrina hófst þann 14. október sl. þegar
1.000 e-töflur fundust við húsleit í Reykjavík og var
karlmaður um tvítugt yfirheyrður vegna málsins. Í
fyrradag fann lögreglan síðan 500 e-töflur og hand-
tók ungan karlmann sem viðurkenndi að hafa átt
fíkniefnin. Var honum sleppt í gær en mál hans
verður sent ákæruvaldinu til áframhaldandi með-
ferðar. Þessu til viðbótar fundust 50 e-töflur í fór-
um nokkurra ungmenna í fyrrakvöld. Hörður Jó-
hannesson yfirlögregluþjónn í Reykjavík segir
e-töfluna vera að aukast í umferð eftir nokkra lægð
að undanförnu.Verð á e-töflum hefur samt verið að
hækka frá því í apríl samkvæmt verðkönnun SÁÁ
og kostar stykkið nú 2.020 krónur en kostaði 1.780 í
apríl. Má því búast við verðlækkun bráðlega sam-
fara vaxandi framboði.
Tvöfalt fleiri e-
töflur á 2 vikum
en allt síðasta ár
♦ ♦ ♦