Morgunblaðið - 04.11.2003, Blaðsíða 47

ÍÞRÓTTIR
MORGUNBLAÐIÐ ÞRIÐJUDAGUR 4. NÓVEMBER 2003 47
„FINGURINN er mölbrotinn og ég
fer í aðgerð klukkan átta í fyrra-
málið,“ sagði Róbert Sighvatsson,
línumaður íslenska landsliðsins í
handknattleik og þýska liðsins
Wetzlar í samtali við Morgunblaðið
í gærkvöldi, en hann var þá ný-
kominn frá lækni þýska liðsins.
Þumalfingur hægri handar Ró-
berts brotnaði undir lok þriðju og
síðustu viðureignar Íslands og Pól-
lands á sunnudagskvöldið þegar
Róbert féll eftir baráttu um knött-
inn við pólskan varnarmann. Strax
var óttast það versta en það var
ekki fyrr en síðdegis í gær eftir
skoðun hjá lækni Wetzlar sem Ró-
bert fékk staðfestingu á því að
fingurinn væri brotinn. Hann fór í
aðgerð árdegis í dag. Að henni lok-
inni kemur í ljós hversu lengi Ró-
bert verður frá keppni, en í versta
falli getur það orðið frá 6 og upp í
8 vikur.
„Það jákvæða er að það er ekki
mikil bólga í kringum brotið og
þess vegna get ég farið strax í að-
gerð því hver dagur skiptir máli,“
sagði Róbert og sagði þessa stað-
reynd vera mikið áfall fyrir sig en
ekki síst félag sitt Wetzlar, sem
ekki hefði úr stórum hópi leik-
manna að ráða. „Ég var að koma
frá lækninum og hef enn ekki
heyrt í framkvæmdastjóra Wetzlar
eftir að staðfestingin á brotinu lá
fyrir, en ég er viss um að hann
verður ekki hress með stöðu
mála,“ sagði Róbert Sighvatsson
handknattleiksmaður.
Róbert Sighvatsson
virðist illa fingurbrotinn
JOHN Terry, varnarmaðurinn
sterki hjá Chelsea og enska
landsliðinu, hefur biðlað til
knattspyrnustjórans Claudio
Ranieri um að veita viðnám
gegn því að félagið kaupi fleiri
nýja leikmenn. Chelsea reyndi
fyrir helgina að kaupa
spænska landsliðsmanninn
Michel Salgado frá Real Madr-
id. Salgado ákvað að vera um
kyrrt hjá Real. Meiðsli fyr-
irliðans Marcels Desaillys og
Williams Gallas hafa orðið til
þess að Chelsea hefur falast
eftir nýjum varnarmönnum,
en Terry segir að það sé
óþarfi. „Við þurfum ekki fleiri
varnarmenn, Desailly og Gall-
as hafa verið meiddir, en Ro-
bert Huth hefur staðið sig frá-
bærlega,“ segir Terry.
Terry vill
ekki fleiri
Logi Ólafsson sagði við Morgun-blaðið í gær að endanlegur hóp-
ur yrði tilkynntur í vikunni en hann
kvaðst ekki sjá neitt því til fyrirstöðu
að hópurinn yrði mjög ámóta og hann
var í leikjunum við Þjóðverja.
Lárus Orri Sigurðsson og Heiðar
Helguson eru enn á sjúkralistanum
og verða ekki með gegn Mexíkönum
og þá er afar ólíklegt að Pétur Hafliði
Marteinsson verði klár í slaginn, en
hann hefur ekkert getað æft síðan
hann meiddist á lokaæfingu íslenska
landsliðsins gegn Þjóðverjum í Ham-
borg í síðasta mánuði.
Engin félög hafa enn sem komið er
sett landsliðsmönnunum stólinn fyrir
dyrnar varðandi förina til Kaliforníu
en Charlton, lið Hermanns Hreiðars-
sonar, hefur þó enn ekki gefið grænt
ljós á að Hermann fari og hefur KSÍ
átt í viðræðum við forráðamenn
enska liðsins varðandi þessi mál. Al-
an Curbishley, stjóri Charlton, var
mjög á móti því að Hermann spilaði
landsleikinn við Þjóðverja í Ham-
borg þar sem hann var nýskriðinn úr
meiðslum en Hermann lét þau orð
eins og vind um eyru þjóta. Hann
spilaði og var einn albesti leikmaður
vallarins og hefur leikið sérlega vel
með Charlton-liðinu í kjölfar lands-
leiksins.
„Við erum að vinna í þessu og telj-
um okkur vera í mjög góðri stöðu. Ég
er mjög bjartsýnn á að við fáum þá
leikmenn sem við óskum eftir og ég
tel ekki veita af því enda Mexíkó með
mjög sterkt lið. Eins og horfur eru í
dag þá stefnum við í þá átt fara með
okkar sterkasta lið sem völ er á,“
sagði Geir Þorsteinsson, fram-
kvæmdastjóri Knattspyrnusam-
bands Íslands, við Morgunblaðið í
gær.
Hópurinn sem mætti Þjóðverjum í
Hamborg 11. október var þannig
skipaður: Árni Gautur Arason, Birk-
ir Kristinsson, Rúnar Kristinsson,
Arnar Grétarsson, Hermann Hreið-
arsson, Helgi Sigurðsson, Þórður
Guðjónsson, Ríkharður Daðason,
Brynjar Björn Gunnarsson, Arnar
Þór Viðarsson, Eiður Smári Guð-
johnsen, Ólafur Örn Bjarnason,
Indriði Sigurðsson, Bjarni Guðjóns-
son, Marel Baldvinsson, Ívar Ingi-
marsson, Ívar Ingimarsson, Kristján
Örn Sigurðsson og Veigar Páll Gunn-
arsson. Allir þessir leikmenn eru
heilir og flestir þeirra verða í lands-
liðshópnum sem mætir Mexíkönum.
Reuters
Hermann Hreiðarsson, til hægri, í baráttu við Thomas Gravesen hjá Everton í leik liðanna í deild-
arbikarkeppninni á dögunum. Hermann sýndi mikla keppnishörku í gærkvöldi er hann lék áfram
eftir að hafa verið saumaður á höfði í hálfleik og lið hans vann mikilvægan útisigur á Birmingham.

GUNNAR Oddsson hefur fram-
lengt þjálfarasamning sinn við 3.
deildarlið Reynis Sandgerði í knatt-
spyrnu um tvö ár. Gunnar, sem er
leikjahæsti knattspyrnumaður lands-
ins í efstu deild, þjálfaði Sandgerð-
inga í sumar og lék fimm leiki með
liðinu.

SIGURÐUR Lárusson tekur ekki
við þjálfun 1. deildarliðs Þórs á Akur-
eyri eins og líkur voru taldar á. Sam-
kvæmt heimasíðu Þórs gekk það ekki
upp vegna vinnu Sigurðar.

HALLDÓR Oddsson er kominn til
liðs við 1. deildarlið Þórs í handknatt-
leik en hann hefur dvalið í Danmörku
um skeið. Halldór átti fast sæti í liði
Þórsara síðasta vetur.

DANÍEL Ragnarsson handknatt-
leiksmaður og samherjar hans hjá
BM Torrevieja eru í efsta sæti
spænsku 2. deildarinnar í handknatt-
leik með fullt hús stiga að loknum sjö
umferðum. Liðið stefnir því hraðbyri
upp í 1. deild á ný eftir að hafa fallið
úr deildinni í vor.

KAROL Bielecki, stórskytta
pólska landsliðsins í handknattleik
sem lék Íslendinga grátt í Laugar-
dalshöll á sunnudaginn, leikur undir
stjórn Alfreðs Gíslasonar hjá
Magdeburg á næstu leiktíð. Magde-
burg gerði fyrir nokkru samning við
skyttuna hávöxnu sem nú leikur með
pólsku meisturunum KS Vive Kielce.
Bielecki er 21 árs gamall.

ALFREÐ hefur upp á síðkastið
reynt að fá Bielecki til Magdeburg
um næstu áramót til þess að fylla
skarð Nenand Perunicic sem verður
að öllum líkindum frá keppni allt
þetta keppnistímabil. Eftir því sem
næst verður komist vill pólska félagið
ekki gefa Bielecki eftir. Perunicic er
meiddur á öxl og kann svo að fara að
hann hafi leikið sinn síðasta kappleik.

LARS Krogh Jeppesen, skytta
danska landsliðsins í handknattleik
og ein helsta driffjöður þýska liðsins
Flensburg, hefur gert fimm ára
samning við Barcelona á Spáni.
Jeppesen gengur til liðs við Barce-
lona á næsta sumri. Talið er líklegt að
Flensburg ætli að tryggja sér Úkr-
aínumanninn Oleg Velyky, félaga
Guðjóns Vals Sigurðssonar, til að
fylla skarð Jeppesens.

THOMAS Linke, varnarmaður
Bayern München, var dæmdur í fjög-
urra leikja bann í gær af þýska knatt-
spyrnusambandinu – fyrir grófan
leik. Hann fékk að sjá rauða spjaldið í
leik á laugardaginn, er hann gaf leik-
manni Schalke olnbogaskot. Þá hefur
Bayern sektað hann fyrir atvikið.

BAKVÖRÐUR NBA-liðsins Atl-
anta Hawks, Jason Terry, var úr-
skurðaður í eins leiks bann eftir að
hann gaf leikmanni Indiana Pacers,
Anthony Johnson, olnbogaskot í leik
liðanna á dögunum.
FÓLK
Charlton hefur ekki gefið
„grænt ljós“ á Hermann
LANDSLIÐSÞJÁLFARARNIR Ásgeir Sigurvinsson og Logi Ólafsson
eru þessa dagana að leggja drög að 18 manna landsliðshópi sem
mætir Mexíkó í vináttuleik í knattspyrnu í San Francisco í Kaliforníu
19. nóvember, sem er alþjóðlegur leikdagur og því hefur KSÍ lagt
ríka áherslu á að fá til leiks þá leikmenn sem þeir Ásgeir og Logi
hafa óskað eftir.
RÚNAR Kristinsson fékk í gær mikið hrós fyrir
frammistöðu sína með Lokeren gegn Club
Brugge í belgíska stórblaðinu Het Laaste
Nieuws. Lokeren vann óvæntan sigur, 2:0, í leik
liðanna í belgísku 1. deildinni í knattspyrnu á
laugardagskvöldið og Rúnar skoraði annað
markanna og lagði hitt upp.
„Íslendingurinn Rúnar Kristinsson var hreint
stórkostlegur á laugardagskvöldið. Hann lék
leikmenn Club Brugge oft grátt í síðari hálf-
leiknum og frammistaða hans var sú glæsileg-
asta sem hefur lengi sést. Hvað tækni og útsjón-
arsemi varðar, er Rúnar í hæsta gæðaflokki í
Belgíu. Þegar Rúnar á góðan dag viljum við vera
á fremsta bekk,“ var sagt í umsögn blaðsins. Þá
lýsti Franky Van Der Elst, hinn nýi þjálfari
Lokeren, yfir ánægju með frammistöðu Rúnars.
Sjálfur sagði Rúnar við blaðið að hann hefði ver-
ið með hálsríg og varla getað snúið höfðinu til
vinstri í fyrri hálfleiknum.
Het Nieuwsblad, annað af stærstu blöðum
Belgíu, gaf Rúnari 8 af 10 mögulegum í einkunn.
Arnar Grétarsson fékk 7 og Arnar Þór Viðars-
son fékk 6 í einkunn.
Lokeren komst með sigrinum úr fallsæti í
fyrsta skipti á tímabilinu. Liðið byrjaði sérlega
illa og þjálfaranum, Paul Put, var sagt upp störf-
um af þeim sökum í síðustu viku.
Rúnar í hæsta gæðaflokki í Belgíu
Morgunblaðið/Kristinn
Rúnar Kristinsson lék frábærlega.