Morgunblaðið - 09.11.2003, Blaðsíða 40
40 SUNNUDAGUR 9. NÓVEMBER 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
EINS og allri þjóðinni er væntan-
lega kunnugt stendur yfir landssöfn-
un til styrktar Sjónarhóli, þjónustu-
miðstöð fyrir fjölskyldur barna með
sérþarfir.
Caritas á Íslandi efnir til tónleika í
Kristskirkju við Landakot sunnu-
daginn 9. nóvember kl. 16-17 til
styrktar landssöfnun Sjónarhóls –
fyrir sérstök börn til betra lífs. Á
efnisskrá eru verk eftir Atla Heimi
Sveinsson, J.S. Bach, Ceccini, C.
Franck, Honegger, Gounod, Mille,
W.A. Mozart, M. Lightfood, Rach-
maninoff, F. Schubert og A. Vivaldi.
Flytjendur eru Sigrún Hjálmtýs-
dóttir, sópran, Guðný Guðmunds-
dóttir, fiðla, Gunnar Kvaran, selló,
Áshildur Haraldsdóttir, flauta, Úlrik
Ólason, orgel, Stúlknakór Reykja-
víkur, undir stjórn Margrétar
Pálmadóttur.
Stofnun þjónustumiðstöðvar fyrir
fjölskyldur barna með sérþarfir er
samstarfsverkefni Foreldrafélags
barna með AD/HD (áður Foreldra-
félag misþroska barna), Landssam-
takanna Þroskahjálpar, Styrktar-
félags lamaðra og fatlaðra og
Umhyggju, félags til stuðnings lang-
veikum börnum.
Þarfir fjölskyldna barna með sér-
þarfir fyrir stuðning og leiðbeining-
ar eru um margt þær sömu burtséð
frá því hvert frávik barnsins er og
oft geta skilin t.a.m. á milli sjúk-
dóms, fötlunar eða þroskafrávika
verið óljós. Mikil hagræðing felst í
samvinnu þessara félaga að bættri
þjónustu við allar fjölskyldur barna
með sérþarfir á Íslandi. Ljóst er að
slík samvinna eykur skilvirkni, auð-
veldar samnýtingu þeirrar þekking-
ar sem býr í hverju félagi og auð-
veldar nýjum foreldrum barna með
sérþarfir að átta sig strax á hvert
þau geta leitað. Ætla má að um 4.000
til 5.000 börn á Íslandi hafi sérþarfir
vegna langvinnra sjúkdóma, fötlun-
ar, athyglisbrests, ofvirkni, mis-
þroska og annarra þroskafrávika.
Málefnið snertir því um 25 til 30 þús-
und Íslendinga. Þá er einungis átt
við nánustu fjölskyldu.
Fyrirhugað er að á Sjónarhóli
verði aðgengileg sérhæfð ráðgjafar-
þjónusta með markmið sem öll miða
að því að styðja foreldra í hlutverki
sínu, vísa þeim veginn og fylgja þeim
eftir í flóknu umhverfi stofnana og
þjónustuaðila. Ráðgjafar Sjónarhóls
munu kynna foreldrum þau réttindi
sem þeir hafa til stuðnings opin-
berra aðila og veita þeim aðstoð við
að fá þeirra notið. Ef þurfa þykir
kemur ráðgjafi á samvinnu þeirra
sem veita viðkomandi fjölskyldu
þjónustu, s.s. skóla, heilsugæslu,
sjúkrahúsa, félagsþjónustu, svæðis-
skrifstofu málefna fatlaðra o.s.frv. Á
þjónustumiðstöðinni Sjónarhóli
verður foreldrum boðin fræðsla í
formi námskeiða, aðgangs að sér-
hæfðu bókasafni og heimasíðu. Jafn-
framt er fyrirhugað að fræðslunni
verði beint út á við til allra þeirra
sem veita fjölskyldum barna með
sérþarfir þjónustu og aðila sem
starfa með börnum í samfélaginu,
s.s. skólanna, íþróttafélaga, félaga-
samtaka o.s.frv. Markmið fræðsl-
unnar verður að skapa skilning
vegna aðstæðna fjölskyldu barna
með sérþarfir. Í því felst óbein þjón-
usta við fjölskyldurnar og börnin.
Þeir sem til þekkja vita að mjög er
vandað til árlegra styrktartónleika
Caritas á Íslandi í Kristskirkju, enda
sést það á dagskrá tónleikanna. Ein-
stök stemning skapast á aðventunni
í kirkjunni sem gerir öllum gott. Að-
standendur Sjónarhóls vilja því
hvetja alla til að njóta góðra tónleika
og styrkja um leið þarft og gott mál-
efni. Miðaverð er kr. 2.000 sem renn-
ur óskert til Sjónarhóls, sjá nánar á
www.serstokborn.is.
INGIBJÖRG KARLSDÓTTIR,
f.h. stjórnar Sjónarhóls.
Caritas-tónleikar í
Kristskirkju til
styrktar Sjónarhóli
Frá Ingibjörgu Karlsdóttur:
Í FRÉTTABLAÐINU 3. nóvember
sl. kom fram að tölfræði tveggja op-
inberra stofnana, sem heyra undir
þig, stangist á. Um er að ræða emb-
ætti Ríkislögreglustjóra og Umferð-
arstofu og málefnið er fjöldi alvar-
legra umferðarslysa í Reykjavík á
árunum 2000 og 2001, sbr. töflu hér
að neðan:
Ríkislög-
reglustjóri
Umferðar-
stofa
2000 79 44
2001 73 28
Þetta er hið undarlegasta mál þar
sem Umferðarstofa byggir sínar töl-
ur á lögregluskýrslum um umferð-
arslys og embætti Ríkislögreglu-
stjóra fær fjölda umferðarslysa
gefinn upp hjá Umferðarstofu!
Það er kunnara en frá þurfi að
segja að opinber tölfræði í nútíma-
legu samfélagi þarf að vera traust og
góð ef ekki á illa að fara. Við þekkj-
um dæmin um hið gagnstæða sbr.
m.a. vonda tölfræði frá Kína og Sov-
étríkjunum sálugu. Það eru spor sem
hræða.
Ég skora á þig að upplýsa hvort
embættið hefur rétt fyrir sér í þessu
máli og hvað fór hér úrskeiðis. Einn-
ig skora ég á þig að grípa til þeirra
ráðstafana, sem duga til að við Ís-
lendingar fáum það umhverfi, sem
tryggir okkur trausta og góða töl-
fræði á þessu mikilvæga sviði.
Hér er mikið í húfi því ótraust töl-
fræði grefur undan baráttunni gegn
umferðarslysum, sem eins og allir
vita er þjóðhagslega mjög arðsöm.
Fækkun slysa er auk þess „mjúkt
mál“ því þegar árangur næst fækkar
þeim, sem eiga um sárt að binda og
það verður ekki metið til fjár.
ÖRN SIGURÐSSON,
Fjólugötu 23,
101 Reykjavík.
Opið bréf til
dómsmálaráðherra
Frá Erni Sigurðssyni arkitekt