Morgunblaðið - 31.12.2003, Blaðsíða 20

HÖFUÐBORGARSVÆÐIÐ
20 MIÐVIKUDAGUR 31. DESEMBER 2003 MORGUNBLAÐIÐ
Hafnarfjörður | Í kvöld verður
kveikt í brennu á svæðinu milli
Ásbrautar og Reykjanesbrautar
við Ásvelli og hefst hún kl. 20.00.
Á vef Hafnarfjarðarbæjar eru for-
eldrar hvattir til að virða reglur
um útivistartíma barna og ung-
linga „því reynslan sýnir að ung-
lingar lenda oftast í vandræðum
eða aðstæðum sem þau ráða ekki
við eftir að útivistartíma þeirra
lýkur. Og er nýársnótt þar engin
undantekning.“ Einnig er þar
hvatt til þess að fólk geri gamlárs-
kvöld að fjölskylduvænu kvöldi,
setji börnunum gott fordæmi og
fari inn i nýtt ár með góðar minn-
ingar.
  
Brenna við
Ásvelli
Garðabær | Starfshópur sem bæjarstjórn
Garðabæjar skipaði til að vinna að tillögum um
framtíðarskipulag Ásgarðssvæðisins hefur lok-
ið störfum. Hópurinn setur í greinargerð sinni
fram átta tillögur um hvernig bæta megi að-
stöðu til íþróttaiðkunar á svæðinu. Þetta kem-
ur fram á vef Garðabæjar, www.gardabaer.is.
Tillögur starfshópsins eru eftirfarandi:
1: Ásgarðssvæðið verði áfram aðal æfinga- og
keppnissvæðið í Garðabæ.
2: Gervigras á malarvöll með tveimur batta-
völlum.
3: Gervigras-keppnisvöllur næst stúkubygg-
ingu verði tilbúinn til notkunar sumarið
2004.
4: Stúkubygging verði tilbúin til notkunar sem
fyrst.
5: Möguleikar á að reisa knatthús til æfinga.
6: Aðstaða til fimleikaiðkunar verði bætt.
7: Aðstaða við sundlaugina Ásgarð verði bætt.
8: Aðkoma gesta að íþróttamiðstöðinni Ásgarði
verði lagfærð
Ásgarðshópurinn leggur áherslu á mik-
ilvægi þess að tímasetja hönnun og fram-
kvæmdir ofangreindra tillagna. Í niðurlagi
greinargerðarinnar tekur hópurinn fram að
einstaka liði þurfi að ræða betur og gera ná-
kvæma kostnaðaráætlun um. Engu að síður
telji hópurinn að sú uppbygging sem lögð sé til
skapi þann ramma sem unnið verði eftir á
næstu árum.
  
Framtíðarskipulag
Ásgarðssvæðis lagt fram
Sýningu lýkur | Brátt lýkur í Gerðu-
bergi sýningunni „Þetta vilja börnin
sjá!“ sem staðið hefur síðan í nóv-
ember. Sýningin er á myndskreyt-
ingum úr íslenskum barnabókum
sem koma út á árinu 2003. „Þetta
vilja börnin sjá!“ er í samstarfi við
íslensk bókaforlög og stendur til 5.
janúar. Því eru síðustu forvöð fyrir
fjölskylduna að fara og skoða þessa
spennandi sýningu.
Reykjavík | Sorphirða í höfuðborginni hefur
gengið nokkuð brösuglega undanfarna daga.
Bæði er þar um að ræða brandajólin, sem
koma upp og þýða að helgin lengist um þrjá
daga og einnig að á mánudag kyngdi niður
snjó, þannig að fyrsta virka daginn eftir jól var
sorphirðustarfsmönnum nær ófært að stunda
sína vinnu. Að sögn Garðars Steingrímssonar,
rekstrarfulltrúa hjá umhverfis- og heilbrigð-
isstofu, hafa þessir ólíku þættir bitnað alvar-
lega á starfi sorphreinsunar höfuðborg-
arinnar. „Dagurinn í gær var nánast ónýtur, ef
við komumst eitthvað áfram komu smábílarnir
eins og fuglar á eftir okkur og menn komust
ekki burt og allt var stopp,“ segir Garðar, en
snjórinn á mánudaginn var sorphreins-
unarmönnum til gríðarlegs trafala. „Við förum
þó strax af stað um sexleytið á öðrum í nýári
og vinnum þá laugardaginn líka. Það er árleg-
ur viðburður að sorpið hellist yfir okkur um jól
og áramót. Það bætir ekki úr skák að sorp-
magnið yfir hátíðirnar er tvöfalt í umfangi
miðað við það sem venjulega gerist,“ segir
Garðar.
Garðar segir starfsmenn umhverfis- og heil-
brigðisstofu hafa reynt að vinna sér í haginn
með ruslið og sótt rusl á aðfangadag og þor-
láksmessu, „en snjórinn setti strik í reikning-
inn og gerir okkur afar erfitt fyrir. Það eru
áratugir síðan við höfum fengið svona óþverra-
hvell eins og í ár. Þetta kom svona 1976, en þá
voru snjófjöll á götunum fram á vor og geilar
inn með blokkum til að fara inn í,“ segir Garð-
ar og bætir við að starfsmenn séu afar þakk-
látir borgarbúum fyrir þann skilning sem fólk
sýnir á ástandinu. „Við reynum það sem við
getum og það er ekki verið að kvarta mikið við
okkur yfir þessu. Karlarnir okkar eru alveg
dauðuppgefnir, enda afar erfitt að draga rusla-
tunnur í gegnum skafla og annað.“
Garðar segir sorphirðumenn munu taka
aukapoka ef vel er frá þeim gengið ef rusla-
tunnur verða of fullar eftir áramót.
Í Kópavogi var svipaða sögu að segja og í
Reykjavík. Jón Frantzson, eigandi Íslenska
gámafélagsins, segir starfsmenn vissulega
hafa orðið vara veðursins. „Það var unnið í
gær en þetta tafði okkur mjög. Það var mikið
af föstum bílum og ekkert mokað frá rusla-
tunnum á heimilum. Þær voru því illfær-
anlegar. Í gær voru helmingi fleiri bílar að
vinna við sorphirðuna en á venjulegum degi,“
segir Jón að lokum.
Í Hafnarfirði var unnið við sorphirðu
helgina eftir jól og hefur því ekki safnast upp
sorp þar. „Við höfum verið í mjög góðum mál-
um, þrátt fyrir ófærð og vitleysu,“ segir Björn
Guðmundsson hjá Þjónustumiðstöð Hafn-
arfjarðar. „Gámaþjónustan sér um sorp-
hirðuna í Hafnarfirði og það hefur ekkert ver-
ið kvartað við okkur yfir þeirra þjónustu.“
Hjá Garðabæ, Seltjarnarnesi og í Mos-
fellsbæ unnu starfsmenn Gámaþjónustunnar
einnig um helgina og komust yfir ruslasöfn-
unina. Að sögn Hannesar Arnar Ólafssonar
hjá Gámaþjónustunni unnu menn þeirra á
laugardag og sunnudag frá morgni til kvölds.
„Við erum með svo seiga og duglega menn. Við
náðum að vinna okkur gott forskot um helgina.
Þetta var samt alveg skelfilegt í gær vegna
veðurs, þegar við vorum að taka á Álftanesinu.
Menn fóru fetið, en mjökuðust þetta,“ segir
Hannes.
„Þessi sorpmál koma við alla á þessum tíma
og það safnast mikið fyrir.“
Sorp safnast upp í Reykjavík og víðar vegna samvirkni veðurs og frídaga
„Karlarnir okkar eru
alveg dauðuppgefnir“
Morgunblaðið/Árni Sæberg
Erfitt verk: Það er ekkert grín að öslast með ruslatunnurnar í gegnum skaflana í blindbyl.
Leirvasar í bókasafnið | Bókasafn Seltjarn-
arness fékk skemmtilega jólagjöf skömmu fyrir
jól frá Rögnu Ingimundardóttur leirlistakonu
sem gaf safninu tvo veglega leirvasa. Þær Pál-
ína Magnúsdóttir bæjarbókavörður og Sólveig
Pálsdóttir formaður menningarnefndar voru að
vonum ánægðar með gjöfina og kunna Rögnu,
sem var bæjarlistamaður Seltjarnarness árið
1998, bestu þakkir fyrir höfðinglega gjöf sem
sómir sér afar vel í hinu nýja og glæsilega hús-
næði safnsins á Eiðistorgi.
Reykjavík | Víkingi Heiðari Ólafs-
syni píanóleikara var í gær veittur
styrkur úr Minningarsjóði Gunnars
Thoroddsens, fyrrverandi borg-
arstjóra og forsætisráðherra. Styrk-
urinn, sem nemur 250.000 krónum,
var afhentur í fyrradag við hátíð-
lega athöfn í Höfða, en Gunnar
Thoroddsen var fæddur 29. desem-
ber. Það var Þórólfur Árnason borg-
arstjóri sem afhenti Víkingi Heiðari
styrkinn.
Víkingur Heiðar er 19 ára gamall
og lauk hann einleikaraprófi með
eftirminnilegum hætti árið 2001,
þegar hann flutti 1. píanókonsert
Tsjajkovskís með Sinfóníuhljómsveit
Íslands. Víkingur er nú við nám í Ju-
illiard-tónlistarháskólanum í New
York. Þar hóf hann nám haustið
2002, en samhliða náminu þar lauk
Víkingur Heiðar stúdentsprófi frá
Menntaskólanum við Hamrahlíð nú í
desember. Hann þykir sýna mikla
hæfileika og færni á hljóðfærið og
vaxa hratt sem listamaður.
Foreldrar Víkings, þau Ólafur
Óskar Axelsson arkitekt og Svana
Víkingsdóttir píanókennari, eru af-
ar stolt af syni sínum. „Þetta leggst
afskaplega vel í okkur, það er af-
skaplega dýrt að læra í Ameríku,
skólagjöldin eru svo há,“ segir
Svana. „Lánasjóður lánar aðeins fyr-
ir uppihaldi á námslánakjörum en
skólagjöldin eru á bankavöxtum.
Þetta er líka mikill heiður fyrir Vík-
ing að fá úr þessum sjóði, því þetta
er sjóður sem veitir til menningar-
mála almennt. Gunnar var sjálfur
mikill tónlistarunnandi og bæði
samdi tónlist og spilaði á píanó.“
Nýtur þess að vera nemandi
Við afhendinguna lék Víkingur
lítið lag eftir Gunnar, sem hann fékk
í handriti eftir ættingjum. „Þetta
kom talsvert á óvart, ég átti ekki von
á þessu, enda sækir maður ekki um
þennan styrk,“ segir Víkingur.
„Þetta var því eins og besti áramóta-
glaðningur sem hægt er að hugsa
sér. Þetta á eftir að koma sér ótrú-
lega vel fyrir mig akkúrat núna, því
ég er í feikilega dýru námi. Það er
alveg stórfínt að læra í Juilliard, það
er allt fyrsta flokks og ég verð
ánægðari og ánægðari eftir því sem
ég kynnist umhverfinu betur.“ Að-
spurður hvort hann hyggist starfa í
Bandaríkjunum segist Víkingur
ekki farinn að velta fyrir sér fram-
tíðaráformunum ennþá varðandi
hvar í heiminum hann vill starfa.
„Ég reyni að lifa í núinu og taka einn
dag fyrir í einu.“
Minningarsjóður Gunnars Thor-
oddsens var stofnaður af hjónunum
Bentu og Valgarð Briem 29. desem-
ber 1985, þegar liðin voru 75 ár frá
fæðingu Gunnars. Sjóðurinn er í
vörslu borgarstjórans í Reykjavík,
sem ákveður úthlutun úr honum að
höfðu samráði við Völu Thoroddsen,
ekkju Gunnars heitins. Styrkþegar
eru orðnir 18 talsins, en hinir fyrstu
til að hljóta styrk úr sjóðnum voru
þeir Jóhann Pétur Sveinsson lög-
fræðingur og Gunnar Guðbjörnsson
söngvari.
Ungur píanóleikari hlýtur styrk úr Minningarsjóði Gunnars Thoroddsens
Ljósmynd/Jóhannes Long
Við afhendingu styrksins: Frá vinstri: Vala Ásgeirsdóttir Thoroddsen, Þór-
ólfur Árnason borgarstjóri, Víkingur Heiðar Ólafsson og Benta Briem.
Mikill og óvæntur heiður