Morgunblaðið - 31.12.2003, Blaðsíða 51

BÍLAR
MORGUNBLAÐIÐ MIÐVIKUDAGUR 31. DESEMBER 2003 51
MERCEDES-Benz kynnir á bíla-
sýningunni í Detroit, sem hefst í jan-
úar, Grand Sports Tourer-bílinn sem
fyrirtækið segir að marki upphafið í
nýjum flokki lúxusbíla. Bíllinn, sem
ennþá er eingöngu kynntur sem
hugmyndabíll, sameinar í einum bíl
vinsælar bílgerðir eins og hinn hefð-
bundna fjölskyldubíl, langbak, fjöl-
notabíl og jeppa og úr því verður til
einstæður hugmyndabíll sem mark-
ar upphafið að nýrri nálgun í hönnun
bíla hjá fyrirtækinu.
Það sem þessi bíll hefur að bjóða
umfram aðra eru mikil þægindi fyrir
farþega, mikið rými og auk þess upp-
fyllir hann ýtrustu kröfur hvað varð-
ar vélarafl og aksturseiginleika.
Það sem vekur mesta athygli við
hönnun bílsins er bogadregið þakið
sem gerir bílinn ólíkan flestum lang-
bökum eða fjölnotabílum og ljær
honum yfirbragð kúpubaks. Fyrir
vikið er hann sportlegri en vænta
mætti af bíl sem uppfylla á vænt-
ingar til langbaka eða fjölnotabíla.
Í bílnum eru sex sjálfstæð lúxus-
sæti og hann er með sóllúgu sem nær
alveg frá framsætum að öftustu sæt-
um og veitir mikilli birtu inn í bílinn.
DVD og CD-spilarar eru fyrir far-
þega í annarri og þriðju sætaröð og
heyrnartæki fylgja hverju sæti.
Litaskjáir eru innbyggðir í hnakka-
púða framsætanna. Fjögur öftustu
sætin er hægt að fella niður og þar
með stækka farangursrýmið upp í
2.030 lítra, sem er með því mesta
sem þekkist í fjölnotabílum og meira
en þekkist í stórum langbökum.
Mercedes-Benz kynnir einnig
byltingarkennda aflrás í Grand
Sports Tourer. Þar er um að ræða
sömu 250 hestafla, V8 dísilvélina og
er að finna í S-bílnum en að auki raf-
magnsmótor sem gegnir því hlut-
verki að draga úr eldsneytisnotkun-
inni og mengun án þess að dragi úr
afli bílsins. Aflrásin í Sports Tourer
er byltingarkennd. Með þessari afl-
rás hraðar bíllinn sér í 100 km hraða
á aðeins 6,6 sekúndum, sem er eins
og í meðalsportbíl. Samtals er snún-
ingsvægi aflrásarinnar 860 Nm sem
býður upp á áreynslulausa millihröð-
un. Hámarkshraðinn er takmarkað-
ur við 250 km á klst. Með þessari afl-
rás eyðir Vision Grand Sports
Tourer u.þ.b. 20% minna eldsneyti
en dísilbíll af sambærilegri stærð.
Líkt og í Prius, tvinnbíl Toyota, not-
ar Grand Sports Tourer-bíllinn raf-
mótorinn þegar hann tekur af stað,
verið er að leggja honum í stæði eða
þegar hann er að silast áfram í þéttri
borgarumferð þar sem minni þörf er
fyrir allt aflið. Um leið tryggir hann
að mengun frá bílnum er í algjöru
lágmarki. Átta strokka samrásardís-
ilvélin tekur ekki til starfa fyrr en
þörf er fyrir meira afl. Rafmótorinn
virkar síðan eins og rafall þegar
hemlað er og framleiðir hann þá raf-
magn inn á rafhlöður bílsins. Nýtt er
að aflinu frá þessari byltingar-
kenndu aflrás er deilt til allra fjög-
urra hjóla bílsins og er hann því með
sítengdu aldrifi.
Grand Sports Tourer er síðan með
nýjustu tækni í sjálfskiptingu. Engin
hefðbundin gírskipting er í bílnum
heldur er honum skipt með sveif við
aftanvert stýrið eða tökkum í sjálfu
stýrinu. Með þessu móti er einnig
hægt að handskipta bílnum og öku-
maður þarf aldrei að taka hendur af
stýri.
Grand Sports Tourer er sýndur á
21 tommu felgum og er á Airmatic-
loftpúðafjöðrun.
Mercedes-Benz Vision Grand Sports Tourer heitir hugmyndabíllinn fullu nafni.
Hann er með dísilvél og rafmótor, fjórhjóladrifinn og með loftpúðafjöðrun.
Grand Sports Tourer – nýr flokkur lúxusbíla
SALA á fólksbílum á árinu sem er
að líða er yfir 40% meiri en var á
árinu 2002. Bílasalan verður nálægt
10.000 bílar á árinu í samanburði
við tæplega 6.600 selda bíla 2002.
Söluhæsta gerðin á þessu ári er
Toyota Corolla og athygli vekur að
Toyota bílar eru í fjórum efstu sæt-
unum yfir söluhæstu bílana. Töl-
urnar miðast við 26. janúar og var
þá einn og hálfur virkur dagur eftir
til áramóta og lítilla breytinga að
vænta.
Það vekur sömuleiðis athygli að
næst söluhæsta gerðin er Toyota
Land Cruiser 90 jeppinn, sem seld-
ist í 579 eintökum. Ódýrasta gerð
þessa bíls kostar 4.120.000 kr. en
flaggskipið 5.580.000 kr.
Það er ekki nýmæli hér á landi
að Toyota tróni á toppnum yfir
söluhæstu bílana. Eins og meðfylgj-
andi tafla sýnir var Toyota einnig í
fjórum efstu sætunum yfir sölu-
hæstu bílana í fyrra. Þá varð
Toyota Yaris söluhæstur allra, en
Land Cruiser 90, eldri gerðin, í sjö-
unda sæti.
+ ? 
@
+ ? 
( + ? 
A   + ? 


&  B
C  $
>D
+ ? 
-$
A 
4
&  B
E  
-D?
> 

 + $

$


9$


$
  " 0/
/
/
./
6/
1/
5/
3/
4/
0/
..0
..
65
6

30
.
1
030
05
$
$
%

$

%

$

+ ? 
A   + ? 
-$
A 
4
+ ? 
@
+ ? 
(
&.
&  B
C  $
>D
! $
! D 
+ ? 


 F 
&GC$
& &  B
E + $

$


9$


$
H% I
2
0/
/

1
$/

0/
/
/
./
6/
1/
5/
3/
4/
0/
1
654
66
.53
.05
3.
03
01

.
Toyota Corolla söluhæst-
ur – Land Cruiser annar
 ÞAÐ vekur athygli þegar bílasalan í
Evrópu er skoðuð að þar eru sölu-
hæstu bílarnir allir evrópskrar gerðar.
Hérlendis er þessu öfugt farið þar sem
japanskir bílar tróna á toppnum en
það er fleira sem kemur á óvart.
Frönsku bílarnir, Renault, Peugeot
og Citroën, eru meðal sex mest seldu
bílanna á árinu í Vestur-Evrópu og það
kemur kannski mörgum á óvart að
Toyota selst minna en Fiat og Merce-
des-Benz. Ekki kemur það síður á
óvart að Mini selst talsvert meira en
allir bandarísku bílarnir samanlagt. Þá
seljast fleiri Lödur frá Rússlandi í Vest-
ur-Evrópu en Chevrolet. Einnig seljast
fleiri Porsche en Daihatsu og fleiri
Smart en Saab. Fleiri kaupa líka Jagu-
ar í Evrópu en Subaru. Evrópubúar eru
líka hallir undir þýska bíla. Fyrstu tíu
mánuði ársins seldust 12,4 milljónir
fólksbíla í álfunni og þar af voru næst-
um 5 milljónir þeirra af þýskri gerð. Á
sama tíma seldist 3,1 milljón franskra
bíla, sem er eftirtektarvert þar sem
Frakkar framleiða aðeins þrjár teg-
undir, Renault, Peugeot og Citroën, en
Þjóðverjarnir bjóða upp á VW, Ford,
Opel, Mercedes-Benz, Audi og BMW.
Í Evrópu er Toyota í níunda sæti yfir
söluhæstu tegundirnar. Nissan er í 12.
sæti, en Mazda, Honda, Suzuki og Mit-
subishi í 18., 19., 20. og 22. sæti. Sub-
aru er í 18. sæti í Evrópu.
Söluhæstu bílarnir
í Evrópu evrópskir
SVO virðist sem ný gerð bíla sé að
ryðja sér til rúms í Evrópu. Þetta
eru svokallaðir smásportjeppar og
hafa þegar fjórir framleiðendur sett
slíka bíla á markað. Ekki er þess þó
að vænta að þessi nýi flokkur verði
allsráðandi í bílasölunni þegar fram
líða stundir en vissulega er hér um
vænlegan valkost að ræða fyrir
marga sem þurfa á fjórhjóladrifinu
að halda.
Suzuki Ignis er dæmigerður bíll
fyrir þennan flokk. Hann er með
meiri veghæð en vant er um smábíla
og fjórhjóladrifið er sítengt og
tryggir meira veggrip. Ignis er
væntanlegur á markað hérlendis á
nýju ári. Aðrir bílar í þessum flokki
er t.d. tvíburabíll Ignis, Subaru
Justy, og nýlega sýndi Fiat smá-
sportjeppaútgáfuna af bíl ársins í
Evrópu 2004, Fiat Panda. Panda er
boðinn fjórhjóladrifinn og er í þeirri
gerð sláandi líkur framdrifsgerðinni
en á bílasýningunni í Bologna má sjá
bílinn í SUV-útgáfu, þ.e.a.s. sem
smásportjeppa. Bíllinn er hærri og
með grjóthlífum og í alla staði mun
grófgerðari útlits. Einnig hefur
Volkswagen sýnt Polo í svokallaðri
Fun-útgáfu, sem er ekki síður tilbú-
inn til meiri átaka en vaninn er að
bjóða smábílum upp á.
Nýjasta útspilið er síðan C3 X-
TReme frá Citroën, sem einnig var
frumsýndur á bílasýningunni í Bo-
logna í desember. Það er samt einn
stór hlutur sem aðskilur C3 X-
TReme frá öðrum bílum í þessum
flokki; hann er eingöngu framdrif-
inn. Engu að síður er hann hærri og
með meiri drifgetu en venjulegur
C3. Ólíklegt er að bíllinn verði seinna
boðinn með fjórhjóladrifi því PSA-
samsteypan (Peugeot-Citroën)
framleiðir ekki fjórhjóladrifsbíla en
gæti vissulega með samstarfi við
aðra framleiðendur orðið sér úti um
það.
Smásportjepp-
ar að koma
Citroën C3 X-TReme var frumsýndur í Bologna í desember.
Morgunblaðið/Guðjón Guðmundsson.
Suzuki Ignis 4x4 er smásportjeppi með sítengt fjórhjóladrif og mikla veghæð. Citroën C3 X-TReme er hærri en venjulegur C3.
Fiat Panda verður boðinn sem smásportjeppi með fjór-
hjóladrifi og meiri veghæð.
Morgunblaðið/Guðjón Guðmundsson.
VW Polo Fun var sýndur í Frankfurt sl. haust og fellur í
flokk smásportjeppa.