Morgunblaðið - 06.02.2004, Side 11

FRÉTTIR
MORGUNBLAÐIÐ FÖSTUDAGUR 6. FEBRÚAR 2004 11
ÁRNI M. Mathiesen sjávarútvegs-
ráðherra segist hafa áhyggjur af
þeirri þróun að sjávarútvegsfyrir-
tæki séu í auknum mæli að fara út
úr Kauphöllinni. Þetta geti haft
áhrif á þá langtímahugsun sem ríki í
rekstri fyrirtækjanna.
Sjávarútvegsráðherra lýsti þess-
ari skoðun sinni í umræðum um
sjávarútvegsmál á Alþingi fyrr í
vikunni. Hann sagði að þessi þróun
hefði það í för með sér að horfið
væri „frá fjármögnun í gegnum
hlutabréfamarkaðinn í fjármögnun
í gegnum einkafyrirtæki sem eru
mjög skuldsett með lánum hjá
bönkum. Þetta getur haft áhrif á þá
hugsun sem ríkir í rekstrinum, þá
langtímahugsun sem hefur skipt
svo miklu máli hvað varðar ábyrgð
útgerðarinnar í fiskveiðistjórnun-
inni, ábyrgð í umgengni við auð-
lindina og þann aga sem Kauphöllin
veitir fyrirtækjum sem þar eru
skráð.“
Árni tók fram að ekki bæri að
skilja ummæli sín sem áfellisdóm
yfir þeim fyrirtækjum sem keypt
hefðu Brim af Eimskipafélaginu
heldur sem almenn viðvörunarorð.
„Þeir sem þar hafa fjárfest [kaup-
endur Brims] virðast hafa langtíma-
sjónarmið í fjárfestingum sínum og
ætla sér að standa að rekstri fyr-
irtækjanna. Hér er um að ræða
mjög traust fyrirtæki sem eiga sér
langa sögu og eru í góðum rekstri.
Þar af leiðandi er engin ástæða til
að hafa áhyggjur af því að sá rekst-
ur væri betur kominn á annan hátt
eða einhvers staðar annars staðar
en hann er í dag,“ sagði Árni.
Sjávarútvegsráðherra um þróunina í sjávarútvegi
Áhyggjuefni að fyrirtækin
skuli fara úr Kauphöllinni
TÆPLEGA þrítugur karlmaður
hefur verið dæmdur í eins mánaðar
fangelsi fyrir að hafa að nóttu til í
mars í fyrra á veitingahúsi í
Reykjavík slegið tæplega fertugan
mann hnefahögg í andlitið með
þeim afleiðingum að hann nefbrotn-
aði og hlaut 2 cm langt sár á enni
sem sauma þurfti saman. Var fulln-
ustu refsingarinnar frestað um tvö
ár og fellur hún niður að þeim tíma
liðnum haldi maðurinn skilorðið.
Dómari við Héraðsdóm Reykja-
víkur segir í niðurstöðum sínum að
árásin hafi verið tilefnislaus þar eð
brotaþoli hafi ekki ógnað ákærða á
neinn hátt er hann sló hann. Hafi
og ákærði – sem bar því við að hafa
reiðst skyndilega – mátt gera sér
grein fyrir aukinni hættu á
meiðslum sem fylgir því að slá
mann, sem ber gleraugu, í andlitið.
Var það virt manninum til refsi-
lækkunar að hann játaði brot sitt
hreinskilnislega og fljótlega eftir at-
burðinn hafði hann samband við
lögreglu og gekkst við verknaðin-
um.
Einnig gert að
greiða málskostnað
Maðurinn var dæmdur til að
borga þeim er hann kýldi rúmar
175 þúsund krónur í miska- og
skaðabætur auk dráttarvaxta.
Einnig var honum gert að borga
25.000 króna réttargæsluþóknun
skipaðs réttargæslumanns brota-
þola og 30.000 króna málsvarnar-
laun verjanda síns.
Dóminn kvað upp Guðjón St.
Marteinsson héraðsdómari.
Greiði 175 þúsund
króna miskabætur
Laugavegi 54,
sími 552 5201
Útsala
stærðir 36-46
Árshátíðarkjólar
SMS FRÉTTIR
mbl.is
ÍSLENDINGAR gegna á þessu
ári formennsku í Norrænu ráð-
herranefndinni og var for-
mennskuáætlunin kynnt með
formlegum hætti fyrir Norður-
landaráði á fundi 87 norrænna
þingmanna í Reykjavík í byrjun
vikunnar. Siv Friðleifsdóttir um-
hverfisráðherra, sem er formað-
ur Norrænu ráðherranefndarinn-
ar, segir að megináherslur
Íslendinga í formennskuáætlun-
inni lúti að því að bæta lýðræði á
Norðurlöndunum, auka vestnor-
rænt samstarf og halda áfram því
verki sem Svíar byrjuðu á í sinni
formennskutíð að draga úr landa-
mærahindrunum.
Að sögn Sivjar er yfirskrift
áætlunarinnar „Auðlindir Norð-
urlandanna“ og lykilorð þar á
bak við eru lýðræði, menning og
náttúra. Fram hefur komið í
blaðinu að Kristínu Ástgeirsdótt-
ur, sagnfræðingi og fv. þingkonu,
hefur verið falin formennska í
sérstakri lýðræðisnefnd og Páll
Pétursson, fv. félagsmálaráð-
herra, mun fylgja eftir tillögum
um aukið samstarf Vestur-Norð-
urlanda. Nefnd Kristínar er ætl-
að að koma með tillögur fyrir
fund Norðurlandaráðs í haust um
hvernig styrkja megi lýðræði á
svæðinu.
Áhrif hnattvæðingar
Siv segir að stjórnmálamenn
og fleiri standi frammi fyrir
mörgum áleitnum spurningum
um lýðræðið á næstu árum og
áratugum, t.d. áhrif hnattvæðing-
ar og hvernig nálgast megi kjós-
endur betur með upplýsinga-
tækninni. Kosningaþátttaka fólks
hafi t.d. víða dalað. Einnig sé
verið að skoða hvernig auka megi
virkni ungs fólks í lýðræðinu, efla
þátttöku kvenna og tryggja þátt-
töku nýbúa. Að sögn Sivjar verða
haldnar tvær stórar ráðstefnur á
Íslandi á árinu sem tengjast
starfi lýðræðisnefndarinnar.
Auk samstarfs við vestnor-
rænu þjóðirnar Færeyjar og
Grænland, þar sem m.a. á að
bæta samgöngur milli landanna,
segir Siv að Íslendingar leggi
áherslu á meira samstarf við
nærsvæði eins Skotland og
skosku eyjarnar, N-Írland, Ír-
land og þau héruð Kanada sem
liggja að N-Atlantshafinu. Þar
beri hæst það markmið að verja
hreinleika hafsins og auka sam-
starf við nýtingu sjávarauðlinda á
sjálfbæran hátt.
Siv segir að full ástæða hafi
verið til þess að halda áfram því
góða starfi sem Svíar hafi verið
byrjaðir á, undir forystu Pouls
Schluters, fv. forsætisráðherra
Dana, að minnka hindranir fyrir
þá Norðurlandabúa sem ferðast
milli landanna vegna atvinnu,
náms eða ferðalaga. Þetta eigi
við um ýmis félagsleg réttindi,
m.a. vegna meðlaga, fasteigna-
kaupa, orlofsgreiðslna og náms-
lána.
Skilar miklu í þjóðarbúið
Aðspurð hvort þessar áherslur
muni snerta Íslendinga beint og
skila árangri segir Siv engan
vafa leika á því. Norræna sam-
starfið skipti Íslendinga miklu
máli líkt og aðra Norðurlanda-
búa. Ekki megi heldur gleyma
því að á árinu verði yfir tuttugu
ráðstefnur haldnar hér á landi
þar sem von sé á þúsundum
gesta.
Formennska Íslendinga muni
því skila miklum tekjum í þjóð-
arbúið í gegnum ferðaþjón-
ustuna.
Áætlun Íslendinga í Norrænu ráðherranefndinni kynnt
Auka á lýðræði og
vestnorrænt samstarf
Siv Friðleifsdóttir umhverf-
isráðherra segir norrænt sam-
starf skila Íslendingum ávinningi.