Morgunblaðið - 06.02.2004, Blaðsíða 23

AUSTURLAND
MORGUNBLAÐIÐ FÖSTUDAGUR 6. FEBRÚAR 2004 23
Egilsstaðir | Hagnaður af rekstri Barra hf. á Egilsstöðum
var 10,2 milljónir króna á síðasta ári. Á aðalfundi fyrirtæk-
isins sem haldinn var fyrir skemmstu, kom fram að heild-
arvelta jókst um 36% á milli ára og nam hún 49,8 millj-
ónum króna. Ákveðið var að greiða 5% arð af hlutafé, eða
tæpar 2,6 milljónir króna. Afhentar voru 1,8 milljónir
plantna úr gróðrarstöð árið 2003 og er það aukning um 130
þúsund plöntur milli ára.
Að sögn Helga Hjálmars Bragasonar, sem situr fyrir
hönd Félags skógarbænda á Héraði í stjórn Barra, eru
næg verkefni framundan hjá fyrirtækinu. „Stöðin fer í að
framleiða tvær og hálfa milljón plantna á þessu ári, sem er
sögulegt met hjá fyrirtækinu,“ segir Helgi Hjálmar.
„Barri mun á árinu rækta 650 þúsund trjáplöntur fyrir
Landgræðsluskógana, um 1.300 þúsund plöntur fyrir Hér-
aðsskóga og um 550 þúsund plöntur fara til Norðurlands-
skóga og Suðurlandsskóga.“
Öll ræktunaraðstaða gjörnýtt
Helgi Hjálmar segir unnið að samningi við Skógræktina
á Hallormsstað um ræktunarsvæði. „Það verður öll tiltæk
ræktunaraðstaða nýtt, bæði í Barra og í Hallormsstað á
árinu. Einnig er í athugun að annað hvort leigja kæli-
geymslu eða byggja, sem vetrargeymslu fyrir plöntur.“
Félag skógarbænda á Héraði keypti nýlega hlutafé rík-
isins í Barra, sem nam 12 milljónum króna að nafnvirði eða
22,39% af heildarhlutafé fyrirtækisins. Félagið hefur nú
framselt 13% hlut af því til Hilmars Gunnlaugssonar og
Skúla Björnssonar. Félag skógarbænda er nú orðið
stærsti hluthafinn í Barra, með 34,70% hlut og Skógrækt-
arfélag Reykjavíkur er annar stærsti eigandinn með 25%
hlut.
Þær breytingar hafa orðið í stjórn Barra að í stað full-
trúa ríkisins, kemur Hilmar Gunnlaugsson í stjórn og
Helgi Gíslason kemur inn fyrir Skógræktarfélag Reykja-
víkur.
Framkvæmdastjóri Barra hf. er Rúnar Ísleifsson.
Rækta tvær og hálfa milljón trjáplantna í ár
Barri í sókn
Morgunblaðið/Steinunn Ásmundsdóttir
Þau eru heldur lotleg grenitrén á Héraði eftir snjóskot-
ið í vikunni. Þessi fjórtyppingur réttir þó sjálfsagt fljótt
úr kútnum þegar hlánar.
Neskaupstaður | Verkmenntaskóli
Austurlands í Fjarðabyggð hefur
fengið styrk úr Þróunarsjóði fram-
haldsskóla til að aðlaga almenna
námsbraut í framhaldsskólum þörf-
um fullorðinna. Helga Magnea
Steinsson, skólameistari Verk-
menntaskólans, og Guðlaug Hrönn
Pétursdóttir, kennari og námsráð-
gjafi Verkmenntaskólans, stýra
verkefninu.
„Megintilgangurinn með þessu
verkefni er að hækka menntunarstig
í Fjarðabyggð og veita öllum jöfn
tækifæri til náms. Jafnframt von-
umst við til að þetta fólk skili sé
áfram í frekara nám í framtíðinni,“
segir Guðlaug.
Námið fært til nemenda og
kennt á einstaklingsgrunni
Verkefnið heitir „Á leiðinni til þín –
hvar sem þú ert“ og eins og nafnið
gefur til kynna þá byggist verkefnið á
því að námið er fært til nemenda.
Komið verður upp námssetrum í
grunnskólunum á Eskifirði og Reyð-
arfirði og þangað mæta kennarar frá
Verkmenntaskólanum í Neskaupstað
einu sinni í viku til að aðstoða nem-
endur. Kennt verður á einstaklings-
grunni og í boði verða grunnfög eins
og enska, danska, íslenska og stærð-
fræði, en einnig námstækni, tölvu-
færni og notkun upplýsingatækni.
„Um er að ræða einstaklingsmiðað
nám, þar sem fólk vinnur verkefni á
milli kennslustunda á eigin hraða og
einnig geta þátttakendur hjálpað
hver öðrum og unnið saman í hóp-
um,“ segir Helga.
Mikill áhugi
Kynningarfundir voru haldnir í öll-
um þéttbýliskjörnum sveitarfé-
lagsins og er óhætt að segja að áhug-
inn hafi verið mikill, sérstaklega á
Eskifirði og Reyðarfirði. „Þessu hef-
ur verið ótrúlega vel tekið, bæði af
fólki sem hefur áhuga á að nýta sér
þetta og einnig meðal kennara Verk-
menntaskólans,“ segir Helga.
Hópurinn sem hefur skráð sig til
náms er breiður og með mismunandi
þarfir. Sumir vilja bæta við sig einni
námsgrein, en aðrir að búa sig undir
frekara framhaldsnám. Áhuginn er
minnstur í Neskaupstað, en það skýr-
ist líklega af því að undanfarin ár hef-
ur fullorðnu fólki staðið til boða
kvöldnám og utanskólanám í Verk-
menntaskólanum sem þar er og því
er þörfin líklega ekki eins mikil.
„Þetta er hugsað sem eins árs
verkefni, en við ætlum að þróa það
áfram ef við fáum styrki til þess. Von-
andi er þetta komið til að vera,“ segir
Helga að lokum.
Morgunblaðið/Kristín Ágústsdóttir
Vilja auka menntun og jafna tækifæri til náms í Fjarðabyggð: Helga M.
Steinsson og Guðlaug Hrönn Pétursdóttir.
Aukin menntun
og jöfn tækifæri
Egilsstaðir | Heiður Ósk Helgadótt-
ir og Hjalti Stefánsson kvikmynda-
tökumenn eru nýflutt á bæinn
Tókastaði II í Eiðaþinghá, Austur-
Héraði. Þau eru strax komin með
gæludýr, heldur óvenjulegt að vísu,
þar sem um er að ræða einkar fríða
og matlystuga mús, sem fúlsar ekki
við matargjöfum velunnara sinna á
þorranum.
Þau gefa henni einkum vel kæst-
an hákarl, sem stórum og smáum á
Tókastöðum þykir hið mesta lost-
æti. Gælumýslan á raunar orðið tíu
áhangendur sömu tegundar sem
ásælast hákarlinn mjög.
Heiður Ósk sagði í samtali við
Morgunblaðið að mýsnar hefðu
fitnað vel af hákarlinum og þau
Hjalti hefðu bætt súrum hrútsp-
ungum og fleiru þorralegu góðgæti
á matseðilinn. Vegna örrar fjölg-
unar gesta á garðann sé þó í bígerð
að stemma stigu við músarápi
kringum bæinn með skotvopnum
og eitrunaraðgerðum og reyna
heldur að venja blessaða snjótitt-
lingana á bæjarhlaðið.
Ljósmynd/H.Ó.H.
Gælumýslan á Tókastöðum tvö úðar í sig hákarlsbita á bæjarhlaðinu.
Mýslur sem troða sig út
af kæstum hákarli
LANDSVIRKJUN hefur gert tutt-
ugu og níu landeigendum tilboð um
bætur vegna lands sem fer undir
Fljótsdalslínur þrjú og fjögur. Þær
munu liggja frá stöðvarhúsi Kára-
hnjúkavirkjunar í Teigsbjargi í
Fljótsdal yfir að álveri Reyðaráls á
Reyðarfirði. Um endanleg tilboð er
að ræða og verði þeim hafnað tekur
ríkið landið eignarnámi og bætur
verða ákvarðaðar einhliða. Lands-
virkjun gefur ekki upp fjárhæðir
sem einstökum landeigendum hafa
verið boðnar, en samtals munu þær
hljóða upp á tugi milljóna króna.
Landeigendur þurfa að svara tilboði
Landsvirkjunar fyrir næstkomandi
mánaðamót.
Landsvirkjun býður
landeigendum bætur
Heilsugæsla | Sólarhringsvakt
verður framvegis í heilsugæslustöð
Kárahnjúkavirkjunar í Laugarás-
hverfinu. Fram til þessa hefur
heilsugæslustöðin einungis verið op-
in á milli 07 og 19, en nú geta sjúk-
lingar leitað til stöðvarinnar hvenær
sem er sólarhringsins. Þó er einung-
is neyðartilfellum sinnt á milli kl. 19
og 07.
Sameining | Kanna á hagkvæmni
sameiningar Breiðdals- og Djúpa-
vogshrepps. Hreppsnefnd Breið-
dalshrepps ákvað fyrir skömmu að
láta kanna möguleika á slíkri sam-
einingu og hefur Jöfnunarsjóður
sveitarfélaga samþykkt að leggja
sex hundruð þúsund krónur til verk-
efnisins.
  
Fréttir á SMS