Morgunblaðið - 06.02.2004, Page 52

52 FÖSTUDAGUR 6. FEBRÚAR 2004 MORGUNBLAÐIÐ
Clifton - Kóbrukossinn
Risaeðlugrín
framhald ...
JÆJA!!
VERTU RÓLEGUR, BANDORM-
URINN ER HORFINN ...
© DARGAUD
© DARGAUD
ÉG VIL SKIPTA Á ÞEIM OG NÝJUM BÍL OG FLUGVÉL Á
ORLY FLUGVELLI! ER ÞAÐ SKILIÐ SARDET?
SKILIÐ KÓBRA! EN ÞÚ VERÐUR AÐ
GEFA MÉR TÍMA ... ÞAÐ TEKUR TÍMA
AÐ FÁ FLUGVÉL.
MÉR LIGGUR EKKERT Á, EN HARALDUR
FRÆNDI ÞYRFTI KANNSKI AÐ FÁ AÐ-
STOÐ SEM FYRST! ...
... SVO VIÐ SKULUM SEGJA AÐ VERÐI EKKI BÚIÐ AÐ
VERÐA VIÐ KRÖFUM MÍNUM VIÐ SÓLARUPPRÁS ÞÁ
BINDI ÉG ENDA ÞJÁNINGAR HANS!
RÉTT FYRIR SÓLARUPPRÁS KOM VÍKINGASVEITIN ...
SARDET
... ÞRÓTTUR
YFIRFORINGI
HÉR!
FÍNT, MÁTTI
EKKI SEINNA
VERA GAMLI!
EN HANN SKILUR EFTIR
SIG SVAKALEGA MIKIÐ AF
VEGGJAKROTI!!
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÞRIÐJUDAGINN 13. janúar sl. birt-
ist í Morgunblaðinu á forsíðu frétt
þess efnis að dómar Hæstaréttar Ís-
lands þar sem lög eða tiltekin laga-
framkvæmd reist á lögum er talin
andstæð stjórnarskránni.
Aðalfyrirsögn með stærra letri,
„mun algengara hér en á öðrum
Norðurlöndum.“ Í miðopnu morgun-
blaðsins þennan sama dag var 6 dálka
grein eftir Davíð Þór Björgvinsson
prófessor sem ber fyrisögnina
„Hæstiréttur og stjórnarskráin.“
Grein þessi er afar athyglisverð.
Yfirgripsmikil og kemur víða við.
Þó finnst mér vanta að tekið sé á
því sem mér finnst kjarni málsins
varðandi stjórnarskrána. Þar eru 2
greinar sem ekki eru í samræmi hver
við aðra. Og þar sem fólk er ekki að
handleika stjórnarskrána mjög oft
leyfi ég mér að birta hér báðar þessar
greinar svo hinn almenni lesandi geti
séð þennan mismun í hendi sér með
eigin augum.
62. gr.
Hin evangelíska lúterska kirkja
skal vera þjóðkirkja á Íslandi og skal
ríkisvaldið að því leyti styðja hana og
vernda.
Breyta má þessu með lögum.
65. gr.
Allir skulu vera jafnir fyrir lögum
og njóta mannréttinda án tillits til
kynferðis, trúarbragða, skoðana,
þjóðernisuppruna, kynþáttar, litar-
háttar, efnahags, ætternis og stöðu að
öðru leyti.
Konur og karlar skulu njóta jafns
réttar í hvívetna.
Fyrri greinin hefur staðið óbreytt
frá því við fengum stjórnarskrána frá
Dönum 1874.
Síðari greinin er nýkomin í stjórn-
arskrána, frá 1995 fyrir þrýsting frá
Evrópusamtökum sem við erum að-
ilar að og þar höfum við undirgengist
að hlíta reglum þeirra í mannrétt-
indamálum.
Ég tel að þessar greinar stangist á
og séu ósamræmanlegar og að önnur
þeirra verði að víkja úr stjórnar-
skránni sem fyrst.
Sérréttindi þjóðkirkjunnar sanna
vel að hún er ríkiskirkja, arfur frá
nítjándu öld sem þegar var orðinn úr-
eltur þegar lýveldið var stofnað 1944.
Þá var þjóðinni lofað nýrri stjórnar-
skrá fyrir 1950 en hún er ókomin enn.
Helstu umbæturnar eru breyting-
ar á kjördæmaskipan sem engin sátt
er um.
Ég leyfi mér að skora á alþingis-
menn að hrista af sér niðurlægjandi
sinnuleysi og koma í verk að semja
framtíðar stjórnarskrá þar sem land-
ið væri gert að einu kjördæmi og
tryggt að jafnrétti væri hér tryggt um
trú, siði og trúleysi landsmanna.
Það er neyðarlegt að vera með ný
kosningarlög sem urðu úrelt áður en
þau tóku gildi. Ég hef ekki orðið var
við að nýju kosningalögin væru borin
undir þjóðina í almennri atkvæða-
greiðslu.
Það væri lágmarkskurteisi við
þjóðina að gefa henni kost á að eiga
síðasta orðið, því hennar er áhættan
að vera áfram 2. flokks lýræðisríki,
þar sem hvorki er jafnrétti um trúmál
né stjórnmál.
BJÖRGVIN BRYNJÓLFSSON,
fv. sparisjóðsstjóri á Skagaströnd.
Alþingi og
stjórnarskráin
Frá Björgvini Brynjólfssyni
SKYLDU margir hlusta á næturút-
varp Ríkisútvarpsins? Gaman og
fróðlegt væri, að gerð yrði könnun á
því. Ýmislegt er bitastætt þar, ef vel
er að gáð.
Eftir að þulurinn hefur sagt, að
dagskrá Rásar eitt sé lokið og boðið
hlustendum góða nótt, klukkan um
tíu mínútur gengin í eitt, tekur næt-
urútvarp við með músík, sem ég
hlýði sjaldnast á, enda mér lítt hug-
stæð. En klukkan eitt er Veðurstof-
an mætt til leiks og segir okkur frá
veðrinu vítt og breitt um landið, og
er það drjúgur lestur.
Fréttir eru næst klukkan tvö, og
við tekur næturútvarp með músík til
kl. fjögur þrjátíu. Þá eru veðurfregn-
ir með svipuðu sniði og klukkan eitt.
Fréttir taka nú að heyrast á
klukkustundar fresti, fyrst klukkan
fimm.
Oft hlýði ég á þessar fréttir,sem
ágætir fréttamenn eins og Jón Þórð-
arson og Kristófer Svavarsson lesa.
Í lokin er þá að vænta frétta af flugi
að vestan og austur um haf. Kenni-
tölu flugs er getið. Fróðlegt.
Næstu fréttir eru klukkan sex að
morgni. Oft sömu fréttaþulir. Þeir,
sem ég hefi nefnt, lesa glöggt og
hæfilega hátt. Jafnvel þeir, sem
teknir eru að tapa heyrn, hafa not af
þessum fréttalestri. Mæli ég mjög
með þeim, sem þarna standa að
verki.
En ekki er nóttin alveg á enda enn.
Þegar klukkuna vantar fjórðung í sjö
koma veðurfregnir. Þá fáum við að
vita, hvernig veðrið er á hinum
mörgu athugunarstöðvum hringinn í
kringum landið. Svo er spáin fyrir
hin ýmsu spásvæði landsins lesin, og
loks koma öll djúpin. Langur lestur.
Loks er morgunandaktin rétt fyr-
ir klukkan sjö. Prestar lesa virka
daga, en prófastar á sunnudögum.
Fer vel á því. Undanfarið hefur séra
Karl Valgarður Matthíasson lesið úr
guðs orði fyrir okkur, sem vöknuð
erum þetta snemma dags. Séra
Hannes Örn Blandon, prófastur
Eyjafjarðarprófastsdæmis, hefur
lesið á sunnudögum undanfarið. Fer
hann þar nokkuð eigin leiðir, og er
ekkert við því að segja.
Þá er kominn dagur, og flest verk-
fært fólk að koma sér í vinnu. Þess
vegna er best að ljúka þessu rabbi
um næturútvarp Ríkisútvarpsins,
sem ég þakka af heilum hug.
AUÐUNN BRAGI SVEINSSON,
Hjarðarhaga 28, 107 Reykjavík.
Hlustað á
næturútvarpið
Frá Auðuni Braga Sveinssyni