Morgunblaðið - 18.04.2004, Page 62

AUÐLESIÐ EFNI
62 SUNNUDAGUR 18. APRÍL 2004 MORGUNBLAÐIÐ
ÁSGEIR Sigurvinsson og Logi Ólafsson
landsliðsþjálfarar í knattspyrnu hafa
valið 22 manna landsliðshóp fyrir
vináttuleikinn gegn Lettum sem fram fer
í Ríga miðvikudaginn 28. apríl.
Endanlegur 18 manna hópur sem tekur
þátt í leiknum verður valinn síðar í
mánuðinum.
Í 22 manna hópnum, sem þeir Ásgeir
og Logi völdu, eru þeir sömu 17
leikmenn og voru í leiknum gegn
Albönum á dögunum en við bætast:
Eiður Smári Guðjohnsen, Hermann
Hreiðarsson, Tryggvi Guðmundsson,
Arnar Grétarsson og Helgi Sigurðsson.
Hópurinn er þannig skipaður: Árni
Gautur Arason, Man.City., Kristján
Finnbogason, KR, Arnar Grétarsson,
Lokeren, Hermann Hreiðarsson,
Charlton, Helgi Sigurðsson, AGF, Þórður
Guðjónsson, Bochum, Brynjar Björn
Gunnarsson, Stoke, Tryggvi
Guðmundsson, Örgryte, Arnar Þór
Viðarsson, Lokeren, Pétur H.
Marteinsson, Hammarby, Eiður Smári
Guðjohnsen, Chelsea, Heiðar Helguson,
Watford, Jóhannes K. Guðjónsson,
Wolves, Ólafur Örn Bjarnason, Brann,
Indriði Sigurðsson, Genk, Bjarni
Guðjónsson, Coventry, Ívar
Ingimarsson, Reading, Marel
Baldvinsson, Lokeren, Gylfi Einarsson,
Lilleström, Hjálmar Jónsson,
Gautaborg, Veigar Páll Gunnarsson,
Stabæk og Kristján Örn Sigurðsson, KR.
Ásgeir og Logi velja Ríga-farana
Morgunblaðið/Brynjar Gauti
Úr landsleik.
SAFNHÚS Þjóðminja-safns
Íslands við Suðurgötu
verður opnað 1. september
í haust, eftir miklar
breytingar. Safnið hefur
verið lokað í sex ár vegna
breytinganna, eða allt frá
árinu 1998.
Kostnaður við
endur-bætur á húsinu nema
um 980 milljónum króna.
Búið er að stækka
sýningar-rými verulega en
Þjóðminja-safnið á yfir 60
þúsund forngripi og um
tvær milljónir ljósmynda.
Einnig hefur gólf í jarðhæð
hússins verið lækkað og
nýtist hæðin nú fyrir
kaffihús, safna-verslun og
sýningarsal fyrir ljósmyndir.
Fyrsti safn-gripurinn,
landhelgis-báturinn
Ingjaldur, var fluttur í húsið
í vikunni. Hannes Hafstein,
fyrsti ráðherra Íslands, sem
þá var sýslumaður, fékk
þennan bát lánaðan þegar
hann reyndi að taka breska
landhelgis-brjóta á Dýrafirði
árið 1899. Bretar sökktu
bátnum og fórust með
honum þrír menn, en þrír
komust af og var Hannes
einn þeirra.
Morgunblaðið/Golli
Þjóðminja-
safnið
opnað aft-
ur í haust
ARIEL Sharon,
forsætisráðherra Ísraels, fór
í heimsókn til George W.
Bush Bandaríkjaforseta í
vikunni. Í heimsókninni
samþykkti Bush í raun að
Ísraelar mættu leggja undir
sig palestínskt land á
Vesturbakkanum. Það er
ekki í samræmi við
samþykktir Sameinuðu
þjóðanna. Þetta er
stefnubreyting hjá Bush.
Yasser Arafat, leiðtogi
Palestínu-araba, brást mjög
reiður við þessari
stefnubreytingu
Bandaríkjastjórnar. Aðrir
leiðtogar araba urðu líka
reiðir. Þeir segja að Bush
hafi ekki umboð til að leyfa
Ísraelum að gera þetta.
Bush sagði að það væri
óraunsætt að búast við því
að Ísraelar skiluðu aftur öllu
því landsvæði sem þeir
hertóku árið 1967, eftir að
þeir unnu stríð sem arabar
höfðu hafið gegn Ísrael.
Sharon vill að
Austur-Jerúsalem, sem fyrir
árið 1967 var undir stjórn
Palestínu-araba, og fimm
eða sex bæir gyðinga sem
reistir hafa verið á
Vesturbakkanum, verði í raun
innlimaðir í Ísrael. Þá vill
Sharon heldur ekki að
palestínskir flóttamenn, sem
bjuggu í Ísrael fyrir 1967, fái
að flytjast aftur þangað sem
þeir bjuggu. Í staðinn muni
ísraelski herinn fara frá
Gazasvæðinu og hluta
Vesturbakkans. Þessi svæði
eiga að vera undir stjórn
Palestínu-araba.
Talsmenn Palestínu-araba
eru óánægðir. Þeir segja
þessar fréttir eyðileggja vonir
um frið milli Palestínumanna
og Ísraela. Arafat
Palestínuleiðtogi sagði að
palestínskt flóttafólk myndi
aldrei gefa frá sér réttinn til
að snúa aftur til fyrri
heimkynna sinna í Ísrael.
Hann ítrekaði líka að hann
vildi að búið yrði til sjálfstætt
ríki Palestínu-araba með
Jerúsalem sem höfuðborg.
Margir Palestínu-arabar
tóku þátt í mótmælum gegn
tillögum Sharons og
stefnubreytingu Bush.
Bush samþykkir áætlun Ísraela
AP
George W. Bush, forseti Bandaríkjanna (til vinstri), og Ariel
Sharon, forsætisráðherra Ísraels, takast í hendur í Hvíta hús-
inu í Washington á miðvikudag.
GEIRMUNDUR Valtýsson
tónlistarmaður bauð til
veglegrar veislu í
Íþróttahúsinu á Sauðárkróki
að kvöldi annars páskadags,
í tilefni af sextíu ára afmæli
sínu og útkomu nýrrar plötu.
Eins og alþjóð veit þá er
Geirmundur maður vinmargur
og því var veislan með þeim
fjölmennari sem um hefur
getið í Skagafirðinum.
Lauslega er áætlað að á
þrettánda hundrað gestir hafi
verið mættir til veislunnar,
hlýtt á ræðuhöld, skagfirska
sveiflu og þegið veitingar.
Þegar íþróttahúsið var
opnað klukkan átta var þegar
kominn mikill mannfjöldi og
mynduðust langar raðir við
innganginn þar sem
afmælisbarnið bauð gesti
velkomna, ásamt eiginkonu
sinni Mínervu Björnsdóttur.
Geirmundur hefur verið
landsþekktur tónlistarmaður
og skemmtikraftur í á fimmta
áratug en hann byrjaði að
leika á böllum á
fermingaraldrinum.
Veislustjórinn í afmælinu,
Þorgeir Ástvaldsson, kynnti
fyrir gestum nýútkomna plötu
Geirmundar og þá stigu á
svið flytjendur, allir úr
Skagafirðinum, sem hver af
öðrum fluttu lög Geirmundar
við undirleik hljómsveitar
sem stjórnað var af Magnúsi
Kjartanssyni.
Sextugsafmæli
Geirmundar
Geirmundur með eiginkonu sinni Mínervu.