Morgunblaðið - 22.04.2004, Blaðsíða 27

AUSTURLAND
MORGUNBLAÐIÐ FIMMTUDAGUR 22. APRÍL 2004 27
Efnispakki í harðviðarhús
Í efnispakka er harðviðarklæðning (Tatajuba), gluggar
og hurðir ásamt panelklæðningu, burðargrind,
milliveggjum og einangrun. Viður þessi er vottaður af
RB. Gerum tilboð eftir teikningum.
Dæmi: Efnispakki í 130 fm íbúðarhús + 40 fm bílskúr
AÐEINS 5,9 millj. (sjá mynd að ofan).
Sjá heimasíðu www.casema.is
Harðviður ehf.,
sími 552 6065, GSM 698 6235
Kárahnjúkavirkjun | SBA-Norð-
urleið hefur sagt upp samningi við
ítalska verktakafyrirtækið
Impregilo um fólksflutninga í
Kárahnjúkavirkjun.
Fimm langferðabifreiðar sem
notaðar hafa verið við fólksflutn-
ingana fóru frá Kárahnjúkum norð-
ur til Akureyrar í nótt. GT-
verktakar hafa tekið aksturinn að
sér frá og með deginum í dag.
SBA-Norðurleið hefur séð um
starfsmannaflutninga innan verk-
svæðis og til og frá mötuneyti og
svefnskálum meira eða minna síðan
í haust og samkvæmt skammtíma-
samningi frá því í febrúarbyrjun.
Þá hefur fyrirtækið annast helg-
arferðir starfsmanna í Egilsstaði.
Missti þolinmæðina
Gunnar M. Guðmundsson, fram-
kvæmdastjóri SBA-Norðurleiðar,
sagði í samtali við Morgunblaðið að
eftir tveggja mánaða langt þóf um
gerð langtímasamnings, hefði hann
misst þolinmæðina og vilji setja bíl-
ana í önnur verkefni.
„Impregilo skuldar mér tölu-
verða fjármuni, en það er þó ekki
meginástæða þess að ég fer með
bílana burt úr Kárahnjúkum,“
sagði Gunnar í samtali við Morg-
unblaðið. „Það er fyrst og fremst
það að þrátt fyrir þrotlausa tilboðs-
gerð, þar sem við höfum reynt að
mæta kröfum Impregilo, virðist
ekki ætla að takast að finna eðlileg-
an snertiflöt á verkefninu. Þeir
hafa margoft breytt forsendum
verkefnisins og auðvitað gefið til
kynna að þeim þyki verðið hjá okk-
ur of hátt; þeir geti fengið mann-
skap fyrir miklu minni peninga en
ég get boðið mínum bílstjórum upp
á.
Ég sé því enga ástæðu til að láta
draga mig á asnaeyrunum lengur.
Ég hef nóg á minni könnu þó ég
hafi verið tilbúinn til að taka þetta
verkefni að mér og vinna það vel.
Ég er með 52 bíla í verkefnum eins
og er og býst við að þeim fjölgi eitt-
hvað í sumarbyrjun, þannig að það
er nóg um önnur verkefni.“
GT buðu betur
Ómar Valdimarsson, upplýsinga-
fulltrúi Impregilo, segir að GT-
verktakar hafi tekið fólks-
flutningana að sér og muni þeir
taka við í dag þar sem frá var
horfið hjá SBA-Norðurleið. „Þeir
buðu einfaldlega ekki samninga
sem voru að okkar mati sann-
gjarnir. Við höfðum beðið þá um að
gefa okkur verð í rútuferðir til
lengri tíma og verðið var einfald-
lega ekki nógu gott. GT-verktakar
buðu betur í þetta og þeir taka
strax yfir. Það verður því engin
truflun á þjónustu á svæðinu,“ segir
Ómar.
SBA-Norðurleið hefur hætt fólksflutningum við Kárahnjúka og sent rúturnar norður í land
Aðrir í dag en í gær
Morgunblaðið/Steinunn Ásmundsdóttir
Rútuflotanum skipt út: SBA-Norðurleið hættir akstri í Kárahnjúkum og GT-verktakar taka yfir í dag.
Lokar ekki deildum | Ekki mun
koma til lokana hjá Heilbrigð-
isstofnun Austurlands í ár, þrátt fyrir
kröfu um 100 milljóna króna nið-
urskurð í rekstrinum. Dregið verður
áfram úr þjónustu og launakostnaði
en samkvæmt mati HSA er ávinn-
ingur af lokunum hverfandi í þessu
samhengi, ekki síst þegar litið er til
óhagræðis og óþæginda sem lokanir
leiða af sér. Yfirstjórn HSA væntir
þess að rekstrargrundvöllur stofn-
unarinnar verði leiðréttur í samræmi
við fólksfjölgun og framkvæmdir á
Austurlandi, þannig að hægt sé að
reka hana á viðunandi hátt.
  
Klippustyrkur | Bónus útdeildi
styrkjum á fimmtán ára afmælinu
og kom einn þeirra í hlut Bruna-
varna á Héraði. Er um að ræða eina
milljón króna sem nota á til kaupa á
öryggisklippum. Þær eru nýttar til
að ná fólki úr bílflökum eða rústum
og koma eflaust í góðar þarfir.
Kárahnjúkar | Þeir taka íslenska sumrinu fagnandi, þessir verkamenn við
Kárahnjúka sem hvíla lúin bein í kaffipásunni og njóta blíðviðrisins. Eftir
langan og strangan vetur hverfa nú snjóalög þar efra eins og dögg fyrir sólu
og hitatölur hækka hratt eins og vera ber. Þó er ekki loku fyrir það skotið að
Vetur konungur brýni klærnar eitthvað meira í vertíðarlok, en alltjent segir
dagatalið að nú megi fagna sumrinu, hvort sem er á láglendi eða til fjalla.
Morgunblaðið/Sigurður Aðalsteinsson
Brosað mót sumri
Egilsstaðir | Í vikunni var
byrjað að grafa fyrir
fyrsta húsinu í nýju íbúð-
arhverfi í Selbrekku á Eg-
ilsstöðum.
TF-hús og Ófeigur Páls-
son eru þeir verktakar
sem fyrstir verða til að
hefja byggingu íbúðarhúsa
á svæðinu. Það hús sem
byrjað var að grafa fyrir
er tveggja hæða, tólf íbúða
raðhús sem TF-hús byggja
við Skógarsel 13.
Ómar Bogason, fram-
kvæmdastjóri TF-húsa,
brá sér sjálfur upp í gröfu
Jóns Hlíðdal og tók fyrstu
skóflustunguna. Húsið
mun standa í neðri hluta
Selbrekku, þar sem deili-
skipulagsskilmálar gera
ráð fyrir 52–68 íbúðum við
göturnar Skógarsel, Hjallasel og
Brekkusel. Íslenskir aðalverktakar
sjá um gatnagerðina á þessu svæði
og er hún vel á veg komin og reikn-
að með að malbikun hefjist á svæð-
inu áður en langt um líður.Fljótlega
verður farið að auglýsa lóðir í efri í
hluta Selbrekku, en í deiliskipulags-
skilmálum þar er gert ráð fyrir 44–
48 íbúðum.
Ljósmynd/ÁÓ
Svona munu fyrstu hús Selbrekkunnar líta út.
Hafist handa við hús-
byggingar í nýju hverfi
Grafið fyrir fyrsta húsinu í Selbrekku á Egils-
stöðum: Ómar Bogason, framkvæmdastjóri
TF-húsa, Sigurður Sigbjörnsson gröfumaður
og Ófeigur Pálsson byggingaverktaki.
Eiðar | Söngleikurinn „Með ham-
ingjuna í handarkrikanum“ verður
frumsýndur í dag á Eiðum. Flytj-
endur söngleiksins eru Skólakór
Egilsstaða og Eiða, undir stjórn
Ástu Bryndísar Schram, sem
einnig þýddi söngleikinn. Leik-
stjóri er Keith Reed.
Með hamingjuna í handarkrik-
anum heitir á frummálinu Safety
Kids og er eftir Janeen Brady.
Þetta mun vera í fyrsta sinn sem
verk eftir Brady er sett upp hér-
lendis, en þau þykja vinsæl til
sýninga í Bandaríkjunum.
Ásta Bryndís sagði í spjalli við
Morgunblaðið að uppsetning
söngleiksins væri miklu meira en
bara venjuleg skólasýning. „Við
höfum verið að æfa þetta frá ára-
mótum og í þessu er fólgin mikil
vinna allra sem að koma“ segir
Ásta.
„Þetta er amerískur söngleikur
sem ég þýddi í fyrra og fjallar um
skaðsemi fíkniefna og mikilvægi
vináttunar. Í söngleiknum
skiptast á fjörug tónlist og dansar
ásamt samtölum sem fjalla um
hættuna við að ánetjast eit-
urlyfjum, mikilvægi þess að
treysta á sjálfan sig, hugsa um
heilbrigt líferni og heilsu og hafa
sterkt sjálfsmat. Þetta er góður
boðskapur sem á erindi til allra,
en ekki síst unglinga.“
20 unglingar skólakórsins, sem
hefur starfað frá haustinu 2000,
taka þátt í uppfærslunni. Þeir,
ásamt þremur öðrum unglingum
fara svo til Finnlands 18. maí nk. á
barnakóramót og verða þar með
tónleika. Uppsetning söngleiksins
er fjáröflun fyrir Finnlandsferð-
ina.
Sýningin í dag hefst kl. 17 og er
miðaverð eitt þúsund krónur en
frítt inn fyrir forskólabörn. Önnur
sýning verður laugardaginn
24.apríl kl. 17 á sama stað. Sýn-
ingar verða aðeins tvær.
Bandarískur söngleikur frumsýndur á Eiðum í dag
Hamingjan í handarkrika
Kór Grunnskólans á Egilsstöðum og Eiðum frumsýnir bandarískan söngleik á Eiðum í dag.