Morgunblaðið - 23.04.2004, Qupperneq 8

FRÉTTIR
8 FÖSTUDAGUR 23. APRÍL 2004 MORGUNBLAÐIÐ
Viljið þið bara að ég láti skjóta ykkur, naglarnir ykkar?
Námsleiðir þroskahamlaðra
Þrýstingur frá
aðstandendum
Ráðstefna sem fjallarum hvað tekur viðhjá fólki með
þroskahömlun eftir að
framhaldsskóla lýkur
verður haldin í Menning-
armiðstöðinni Gerðubergi
á morgun, laugardaginn
24. apríl 2004, frá kl. 9.30
til kl. 14.00. Morgunblaðið
ræddi við Atla Lýðsson,
framkvæmdastjóra Fjöl-
menntar, í tilefni þessa.
Hver er yfirskrift ráð-
stefnunnar og hvað felst í
henni?
„Fjölmennt á höfuð-
borgarsvæðinu og FFA,
fræðsla fyrir fatlaða og
aðstandendur, standa
saman að ráðstefnunni á
morgun.
Ráðstefnan ber heitið
„Framhaldsskólinn hvað svo?“ og
er ráðstefna um og kynning á því
hvað fólki með þroskahömlun
stendur til boða varðandi nám og
störf þegar framhaldsskólagöngu
lýkur. Við nálgumst viðfangsefn-
ið á fjölbreyttan hátt, svo sem
með framsöguerindum, kynning-
um í hléum og sýningu stutt-
myndar.“
Hvert er tilefni ráðstefnunnar?
„Tilefnið er margvíslegt, þó má
segja að aðstandendur þess unga
fólks sem hefur verið að útskrif-
ast úr starfsdeildum framhalds-
skólanna undanfarin tvö ár séu
kveikjan að þessari umræðu. Við
hjá Fjölmennt á höfuðborgar-
svæðinu höfum fundið mikinn
þrýsting frá aðstandendum um
að bjóða upp á samfellt, heild-
stætt framhaldsnám að lokinni
framhaldsskólagöngu nemenda
með þroskahömlun. Fjölmennt
býður hinsvegar ekki upp á slíkt
heldur einungis námskeið sem
gert er ráð fyrir að fólk geti sótt
einu sinni, tvisvar eða þrisvar í
viku. Stjórn Fjölmenntar tekur
þessar óskir aðstandenda alvar-
lega og hefur verið að leita leiða
til að vekja athygli á óskum þessa
hóps í víðara samhengi.
Ég vil einnig nefna að Fjöl-
mennt er í samstarfi við Svæð-
isskrifstofu um málefni fatlaðra á
Reykjanesi, Svæðisskrifstofu um
málefni fatlaðra í Reykjavík og
Styrktarfélag vangefinna um
gerð rannsóknar á högum þessa
hóps og væntingum þeirra, ósk-
um og þörfum varðandi atvinnu
og nám á fullorðinsárum. Vonast
er til að niðurstöður úr þessari
rannsókn liggi fyrir nú í haust.
Ætlunin er síðan að nýta af-
rakstur ráðstefnunnar ásamt nið-
urstöðum rannsóknarinnar til
framþróunar í atvinnu- og skóla-
málum ungs fólks með þroska-
hömlun.“
Hverjar verða helstu áherslur
þessarar ráðstefnu?
„Áherslur eru margvíslegar,
þær helstu eru að fá fram sjón-
arhorn nemenda sjálfra sem eru
að útskrifast, kynnast stefnu
stjórnvalda varðandi þessi mál-
efni og kynna það sem útskrift-
arnemendum stendur
til boða að námi loknu.
Mjög mikilvægt er
að ná saman þeim sem
móta og framfylgja
stefnu stjórnvalda í
þessum málum, því
unga fólki sem hér um ræðir og
aðstandendum þeirra. Þannig er
hægt að meta og bera saman
væntingar, óskir og viðhorf við
það sem raunverulega stendur til
boða og byrja að byggja þær brýr
sem þarf.“
Segðu okkur eitthvað frá dag-
skrá ráðstefnunnar.
„Bjarni Kristjánsson, stjórnar-
formaður Fjölmenntar, setur
ráðstefnuna. Dagskráin er mjög
fjölbreytt, útskriftarnemendur
tveggja framhaldsskóla, Borgar-
holtsskóla og Fjölbrautaskólans í
Breiðholti ætla að fjalla um
hvernig þeir sjá fyrir sér framtíð-
ina. Ásmundur R. Richardsson,
pabbi ungs manns sem er að út-
skrifast í vor, kemur með sitt
sjónarhorn. Jón Torfi Jónasson
ætlar að fjalla um stefnu stjórn-
valda varðandi nám að loknum
framhaldsskóla og fleira því
tengt. Gunnar K. Guðmundsson
ætlar að fjalla um Endurhæf-
ingarátak Tryggingastofnunar
ríkisins. Stuttmyndin Skóli fyrir
alla, sem nemendur Borgarholts-
skóla gerðu, verður sýnd.
Ég vil taka fram að Svæðis-
skrifstofa um málefni fatlaðra í
Reykjavík, Svæðisskrifstofa um
málefni fatlaðra á Reykjanesi,
Styrktarfélag vangefinna og
Fjölmennt á höfuðborgarsvæðinu
verða með kynningar á starfsemi
sinni á ráðstefnunni. Auk þess
verða fulltrúar frá þessum aðilum
til skrafs og ráðgerða í kaffi- og
matarhléi. Halldór Gunnarsson,
formaður Þroskahjálpar, slítur
síðan ráðstefnunni.“
Hverjir eiga erindi á ráðstefn-
una?
„Allir sem hafa áhuga á mál-
efninu. Sérstaklega velkomnir
eru núverandi og útskrifaðir
nemendur starfsbrauta fram-
haldsskólanna og aðstandendur
þeirra ásamt auðvitað öllu ungu
fólki sem er að velta framtíðinni
fyrir sér.“
Er þetta opin ráð-
stefna eða lokuð?
„Ráðstefnan er öll-
um opin og vil ég
hvetja alla þá sem
áhuga hafa á málefninu
að láta sig ekki vanta.
Mig langar að fá að nota tæki-
færið hér í lokin og þakka Frið-
riki Sigurðssyni framkvæmda-
stjóra Þroskahjálpar fyrir
samstarfið við undirbúning þess-
arar ráðstefnu. Einnig langar
mig að fá að þakka öllum þeim
sem eru með erindi eða önnur
innlegg á morgun fyrir þeirra
framlag.“
Atli Lýðsson

Atli Lýðsson er fæddur í
Reykjavík 19.7. 1966. Útskrif-
aðist úr KHÍ með B.ed-gráðu
1992. Var áður m.a. kennari í
Fjölskyldu- og húsdýragarð-
inum, fræðslustjóri Tæknivals,
starfsmanna- og fræðslustjóri Ax
hugbúnaðarhúss, núna fram-
kvæmdastjóri Fjölmenntar.
Maki er Katrín Friðriksdóttir,
kennari við Snælandsskóla í
Kópavogi, og eiga þau tvö börn,
Almar Stein Atlason 11 ára og
Salbjörgu Ósk Atladóttur 8 ára.
Meta og bera
saman vænt-
ingar, óskir
og viðhorf
ELLEFU hafa sótt um embætti
sóknarprests í Grafarholtspresta-
kalli í Reykjavík en það er nýstofnað
prestakall í Reykjavíkurprófasts-
dæmi eystra.
Umsækjendurnir eru: Séra Elín-
borg Gísladóttir, séra Hannes
Björnsson, séra Helga Helena Stur-
laugsdóttir, séra Jón Ragnarsson,
séra Jóna Hrönn Bolladóttir, séra
Kjartan Jónsson, séra Óskar Ingi
Ingason, séra Sigríður Guðmars-
dóttir, séra Skúli Sigurður Ólafsson,
séra Yrsa Þórðardóttir og Vigfús B.
Albertsson guðfræðingur.
Embættið er veitt frá 1. júlí 2004.
Vígslubiskup Skálholtsumdæmis
boðar valnefnd prestakallsins saman
en í henni sitja fimm fulltrúar úr
prestakallinu, auk vígslubiskups.
Kirkjumálaráðherra skipar í emb-
ættið til fimm ára samkvæmt niður-
stöðu valnefndar, sé hún einróma.
Ellefu sækja um
prestsembætti
í Grafarholti
♦♦♦
Í ÁRSLOK 2003 voru 267 leikskólar
starfandi á landinu og hafði þeim
fjölgað um fimm frá árinu áður.
Leikskólabörnum fjölgaði á sama
tímabili um 400, eða 2,5% en starfs-
mönnum um 5,9%. Rúmlega 6% leik-
skólabarna hafa annað móðurmál en
íslensku. 6,5% allra leikskólabarna
njóta sérstaks stuðnings í leikskól-
anum. 72% allra leikskólabarna eru í
skólanum í 7 stundir eða lengur dag-
lega. Þetta kemur fram í nýrri sam-
antekt Hagstofu Íslands á högum
leikskólabarna.
Tæplega 9 af hverjum 10 leikskól-
um (237) eru reknir af sveitarfélög-
unum, tveir leikskólar eru reknir af
sjúkrahúsum og 28 af einkaaðilum.
Fjöldi leikskóla sem reknir eru af
sveitarfélögum stóð í stað milli ára.
Á síðastliðnu ári sameinuðust nokkr-
ir minni leikskólar sveitarfélaga og
jafnmargir nýir voru opnaðir. Einka-
reknum leikskólum fjölgaði um
fimm. Alls höfðu 23 leikskólar opið
allt árið en það er fækkun úr 57 árið
2002 og 87 árið 2000.
Í desember á síðasta ári sóttu um
16.700 börn leikskóla og hefur þeim
fjölgað um rúmlega 400 frá desem-
ber 2002, sem er 2,5% fjölgun. Eins
árs börnum fjölgaði um tæp 27% og
hafði fjölgað um 31% milli áranna
2001 og 2002. Í desember 2003 sóttu
24% eins árs barna leikskóla. Fjöldi
3-5 ára barna breytist lítið hlutfalls-
lega, enda er skólasókn í leikskóla
93–95% í þessum aldurshópum.
Viðvera barnanna heldur áfram að
lengjast og voru 72% allra leikskóla-
barna í leikskólanum í 7 stundir eða
lengur daglega. Fjölgunin er mest í 9
tíma vistun og eru nú 32% allra leik-
skólabarna í vistun í 9 tíma eða leng-
ur á hverjum degi.
Í desember 2003 naut 1.081 barn
sérstaks stuðnings vegna fötlunar,
félagslegra eða tilfinningalegra erf-
iðleika. Þetta eru 6,5% allra leik-
skólabarna. Alls njóta 8,3% drengja
sérstaks stuðnings og 4,6% stúlkna.
Rúmlega 1.000 leikskólabörn (6,1%)
hafa annað móðurmál en íslensku og
hefur þeim fjölgað um 130 frá árinu
áður. Jafnmörg börn hafa nú ensku
og pólsku að móðurmáli (122) en
hingað til hafa enskumælandi börn
verið flest. Sama þróun á sér stað í
grunnskólum landsins. Tveir þriðju
hlutar barna með erlent móðurmál
búa á höfuðborgarsvæðinu. Tungu-
mál, sem töluð eru af 10 eða fleiri
börnum, eru 25 talsins.
Starfsmönnum
fjölgaði um 5,9%
Í desember 2003 störfuðu 4.684
starfsmenn í 3.811 stöðugildum í 267
leikskólum á Íslandi. Starfsmönnum
hefur fjölgað um 5,9% og stöðugild-
um um 6,5% frá desember 2002.
Fjölgunin er hlutfallslega mest með-
al háskólamenntaðs starfsfólks.
Leikskólakennarar eru 30% starfs-
fólks
Yngri börn og lengri
viðvera á leikskólum