Morgunblaðið - 11.05.2004, Blaðsíða 16

ERLENT
16 ÞRIÐJUDAGUR 11. MAÍ 2004 MORGUNBLAÐIÐ
Dagskrá
Borgartún 35 • 105 Reykjavík • sími 511 4000 • fax 511 4040 • utflutningsrad@utflutningsrad.is • www.utflutningsrad.is
Fundarsetning
Valur Valsson, forma›ur stjórnar
Ávarp
Halldór Ásgrímsson, utanríkisrá›herra
A› loknum framsöguerindum ver›a veitingar í bo›i Útflutningsrá›s Íslands.
Vinsamlegast tilkynni› flátttöku til skrifstofu Útflutningsrá›s Íslands í síma 511 4000
e›a me› tölvupósti utflutningsrad@utflutningsrad.is
Ársfundur
Útflutningsráðs Íslands 2004árið
verður haldinn miðvikudaginn 12. maí kl. 15:00 til 17:00
á Nordica Hótel, Reykjavík, 2. hæð, salur H-I.
Menningarmunur og vi›skipti
One Man’s Cod is another Man’s Red Herring
- Heimurinn me› augum Tjallans
Dr. J. L. Kettle-Williams, Bretlandi
Er Nígería marka›ur framtí›ar fyrir Ísland?
Gu›ni Einarsson, framkvæmdastjóri, Su›ureyri
Í Sumo vi› firánd í Götu?
Vi›skipti erlendra fyrirtækja í Japan
Eyflór Eyjólfsson, framkvæmdastjóri, Tók‡óFundurinn er öllum opinn.
GEOFF Hoon, varnarmálaráð-
herra Bretlands, sagði í breska
þinginu í gær að ákvörðunar væri
að vænta í tveimur málum, er varða
meinta illa meðferð á íröskum
föngum, um það hvort ákærur yrðu
gefnar út. Hann bað þá Íraka „inni-
lega“ afsökunar sem kynnu að hafa
verið beittir misrétti af breskum
fangavörðum eða hermönnum en
tók fram að bresk stjórnvöld hefðu
ávallt brugðist við ábendingum
Rauða krossins um slæma meðferð
á föngum um leið og þær bárust.
Hoon sagði að alls hefðu borist
þrjátíu og þrjár kvartanir um illa
meðferð á föngum. Í fimmtán til-
fellum hefði ekki verið talin ástæða
til aðgerða og væri rannsókn í þeim
málum lokið. Sex önnur mál væru
nú til rannsóknar og í tveimur mál-
um til viðbótar væri rannsókn það
langt á veg komin að ákvörðunar
um það, hvort ákærur yrðu gefnar
út, væri að
vænta innan
skamms.
Ráðherrann
tók fram að hann
hefði ekkert á
móti því að
skýrsla sem
Rauði krossinn
afhenti breskum
yfirvöldum um
þessi mál í febrúar yrði gerð op-
inber. Wall Street Journal hefur
þegar birt hluta skýrslunnar en þar
eru taldar upp nokkrar ávirðingar
breskra hermanna. Meðal annars
er þar talið hugsanlegt að sitthvað
hafi verið athugavert við það
hvernig dauðdaga Baha Mousa,
Íraka sem var í haldi Breta, bar að
í september sl.
Þá gagnrýndi Rauði krossinn að
hettur skyldu ítrekað vera settar
yfir höfuð fanga og lét Hoon þess
getið í gær að þessum sið hefði ver-
ið hætt í september á síðasta ári.
Myndirnar falsaðar?
Athygli vakti að Hoon dró í efa
að myndir er sýna breska hermenn
misþyrma íröskum fanga, væru
ófalsaðar. Sagði Hoon að „sterkar
vísbendingar“ væru um að ökutæk-
ið, sem sést á myndum af meintri
misþyrmingu breskra hermanna á
íröskum fanga, hafi ekki verið í
Írak á þeim tíma sem myndin var
sögð tekin á.
Sagði Hoon að þetta hefði honum
verið tjáð af sérstöku rannsóknar-
teymi á vegum konunglegu herlög-
reglunnar. Hann bætti við að „ver-
ið væri að gera frekari rannsóknir
til þess að kanna hvort grunurinn
reyndist á rökum reistur“.
Umræddar myndir birtust í síð-
degisblaðinu Daily Mirror 1. maí
síðastliðinn.
Hoon segir að brugðist hafi verið skjótt við gagnrýni
Rauða krossins vegna meðferðar á föngum í Írak
Ákveða fljótlega
hvort ákært verður
London. AFP, AP.
Geoff Hoon
AKHMAD Kadyrov, forseti Tétsn-
íu, sem ráðinn var af dögum í
fyrradag, var í gær borinn til graf-
ar í heimabæ fjölskyldu hans,
Tsentoroi. Um 3.000 manns gengu
um götur bæjarins, fóru með bæn-
ir, og vottuðu forsetanum hinstu
virðingu sína.
Kadyrov var einn helsti banda-
maður rússneskra stjórnvalda í
Tétsníu og nú leita Rússar nýrra
leiða til þess að ná tökum á svæð-
inu. Árásin þykir mikið áfall fyrir
Pútín, Rússlandsforseta, sem hafði
lýst því yfir skömmu áður að Rúss-
ar hefðu nú örugg tök á stjórn
mála á svæðinu.
Tveir synir Kadyrovs, Ramzan
og Zelimkhan, sem álitnir eru með-
al valdamestu manna í Tétsníu,
voru meðal þeirra sem báru lík for-
setans á börum í samræmi við tét-
senskar hefðir. Kadyrov var ráðinn
af dögum í sprengjuárás á hersýn-
ingu á íþróttaleikvangi í Grosní,
höfuðborg Tétsníu í fyrradag, en á
sýningunni var sigri á nasista-
stjórn Þjóðverja í seinni heims-
styrjöldinni fagnað.
Augljóst virðist að til hafi staðið
að myrða forsetann, því sprengju-
búnaðurinn var beint undir eins
konar heiðurspalli sem Kadyrov
sat á, ásamt háttsettum hershöfð-
ingjum.
Á meðal þeirra sem særðust var
yfirmaður rússnesku hersveitanna
í Tétsníu, Valery Baranoff hers-
höfðingi, en hann er nú á batavegi
á sjúkrahúsi.
Maskhadov neitar ábyrgð
Tölum um hversu margir létust í
sprengingunum ber ekki saman.
Æðsti embættismaður Rússa á
svæðinu segir að sjö hafi látist, en
tétsenska innanríkisráðuneytið
segir að 32 hafi látist.
Leiðtogi uppreisnarmanna í
Tétsníu, Aslan Maskhadov, hafnar
aðild að sprengjutilræðinu. Í yf-
irlýsingu frá honum kemur vegna
málsins kemur fram að hann „for-
dæmi öll hryðjuverk“.
„Við skiljum vel að dráp og of-
beldi munu aldrei leysa vandamál
okkar,“ sagði Maskhadov í yfirlýs-
ingu sinni.
Kadyrov bor-
inn til grafar
Tsentoroi. AFP.
ARIEL Sharon, forsætisráðherra
Ísraels, hefur heitið því að hann
muni endurvinna áætlun sína, sem
flokkur hans hafnaði í síðustu viku,
um brotthvarf Ísraela frá Gazasvæð-
inu. Kvaðst hann hafa aflýst fyrir-
hugaðri ferð sinni til Washington til
að fá tíma til að semja nýja áætlun er
hægt væri að leggja fyrir bandaríska
ráðamenn.
Á ríkisstjórnarfundi á sunnudag-
inn tjáði Sharon ráðherrum sínum að
hann myndi leggja nýju áætlunina í
dóm ríkisstjórnarinnar, en gaf engan
ávæning af því hvernig nýja áætlun-
in myndi líta út. Sharon átti að fara
til Bandaríkjanna í lok vikunnar og
ávarpa fund bandarísk-ísraelskra
hagsmunasamtaka, en Bandaríkja-
forseti situr jafnan fundi þeirra.
Samkvæmt upphaflegri áætlun
Sharons, sem meðlimir Likudflokks-
ins höfnuðu í atkvæðagreiðslu, áttu
Ísraelar að leggja niður allar land-
tökubyggðir sínar á Gaza og fjórar
að auki á Vesturbakkanum.
Landtökumenn voru mjög andvíg-
ir áætluninni og ráku áróður fyrir
því að Likudfélagar höfnuðu þeim.
Að sögn blaðsins Haaretz er Sharon
enn staðráðinn í að allar byggðir
gyðinga á Gaza verði lagðar af.
Shaul Mofaz, varnarmálaráðherra
Ísraels, sagði í gær, að hvort sem
samkomulag næðist um nýja áætlun
yrðu allar landtökubyggðir á Gaza
aflagðar á næstu fimm árum. Land-
tökubyggðirnar væru „söguleg mis-
tök“ því að „forfeður okkar arfleiddu
okkur ekki að því landi“.
Sharon heitir breyttri
áætlun um Gazasvæðið
Byggðir gyðinga þar sagðar vera „söguleg mistök“
Jerúsalem. AFP.
FILIPPSEYINGAR kusu sér for-
seta í gær og voru alls um 43
milljónir manna á kjörskrá, einn-
ig voru nokkur hundruð þingsæti
í húfi og fjöldi annarra embætta.
Er núverandi forseti, Gloria Arr-
oyo, talin sigurstrangleg en helsti
keppinautur hennar er Fernando
Poe Junior, fyrrverandi kvik-
myndaleikari með enga reynslu af
stjórnmálum. Segja fréttaskýr-
endur að frambjóðendur hafi lítið
fjallað um helstu vandamál lands-
manna, slæmt efnahagsástand,
spillingu og uppreisnir þjóð-
arbrota múslíma í sunnanverðu
landinu. Hér sést Nicholas Cawed,
höfðingi Igorot-ættbálksins, sem
býr skammt norðan við höf-
uðborgina Manila, greiða atkvæði
með því að þrýsta fingrafarsmynd
á seðilinn.
AP
Forsetakjör á
Filippseyjum