Morgunblaðið - 11.05.2004, Blaðsíða 17

Vinsælasti sumarleyfiststaður Ítalíu.
Glæsileg ströndin teygir sig kílómetrum saman eftir fallegri
strandlengjunni og hér er að finna ótrúlega stemmningu yfir
sumartímann, þar sem bærinn iðar af mannlífi, jafnt daga sem
nætur, af innlendum sem erlendum ferðamönnum, sem koma
hingað til að njóta hins besta
sem sumardvöl á Ítalíu hefur
að bjóða.
Hvítasunnan á
Rimini
27. maí
frá kr. 29.895
Skógarhlíð 18, sími 595 1000.
www.heimsferdir.is
Munið Mastercard
ferðaávísunina
Frá kr. 29.895
Stökktu tilboð, m.v. hjón með 2 börn,
2–11 ára, vikuferð, 27. maí.
Frá kr. 39.990
Stökktu tilboð, m.v. 2 í íbúð/stúdíó,
vikuferð, 27. maí.
Síðustu sætin í maí
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 669-1310. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 669-1115.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Vegur yfir hálendið til að stytta leiðina
milli Reykjavíkur og Akureyrar hefur ver-
ið nokkuð ofarlega í umræðum manna við
botn Húnafjarðar. Yfirleitt eru menn mót-
fallnir þessari hugmynd og telja hana
skaða hagsmuni héraðsins, fjárhagslegan
ávinning fyrir þjóðfélagið engan, jafnframt
því að raska ró hálendisins. Reifaðar hafa
verið hugmyndir um að láta aðalþjóðveginn
liggja um hinn nýja Þverárfjallsveg, gegn-
um Sauðárkrók, um Hegranes og Hjalta-
dal og loks í gegnum Tröllaskaga með
jarðgöngum. Telja menn þessa leið ekkert
lengri en þá sem nokkrir þingmenn hafa
lagt til á Alþingi. Margt er ósagt í máli
þessu og er ótrúlegt annað en sveitarfélög
á norðvestursvæðinu muni spyrna fast með
báðum svo farsæl lausn finnist á málinu.
  
Jón Ísberg fyrrverandi sýslumaður Hún-
vetninga var á dögunum gerður að heið-
ursborgara Blönduóss. Of langt mál væri
upp að telja afrek Jóns og hans óeig-
ingjarna starf í gegn um tíðina í þessu
greinarkorni en full ástæða til að gera það
á öðrum vettvangi. Margar sögur eru til
um Jón og eru þær af ýmsum toga en ætíð
á jákvæðum og mannlegum nótum.
  
Talandi um sögur af mönnum þá er hér
við lýði máltækið „Nú er ég svo aldeilis
aldeilis hissa“ þegar undur og stórmerki
gerast og bak við þetta máltæki er saga
sem frómir menn segja að sé til þess að
gera sönn. Óþarfi er að nefna nein nöfn í
sögu þessari en hún fjallar um lífsviðhorf,
lífsháska, æðruleysi og kynhvöt. Kýr var
yxna hjá bónda einum í sýslunni . Ná-
granni sem var í heimsókn bauðst til að
hjálpa til við að koma kálfi í kúna og sagði
bónda að fara út með kúna en hann skyldi
koma með nautið á eftir. Þegar hinn hjálp-
sami nágranni kom út með nautið hafði
það einhverra hluta ekki áhuga á kúnni
heldur fór að hnoðast í hjálparmanni og
hafði hann undir fyrir rest. Kúnni leiddist
þófið og áhugaleysi nautsins og stökk upp
á nautið þar sem það hnoðaði nágrannann.
Þegar þetta stóð sem hæst varð hinum
hjálpsama nágranna sem var í verulegum
lífsháska að orði: „Nú er ég svo aldeilis,
aldeilis hissa. Nautið hefur meiri áhuga á
mér en kúnni.“
Úr
bæjarlífinu
BLÖNDUÓS
EFTIR JÓN SIGURÐSSON FRÉTTARITARA
Um þessar mundirer verið að gangaendanlega frá
niðurröðun bæjarhátíða. Á
Austur-Héraði liggja fyrir
dagsetningar allra helstu
viðburða sumarsins, meðal
annars Fantasy Island.
Alþjóðlega sýningin
Fantasy Island stendur
frá 29. maí til 1. október í
Hallormsstað og á Eiðum.
Dagana 10. til 13 . júní
verður haldin á Egils-
stöðum mannlífs- og at-
vinnusýning sem ber nafn-
ið Austurland 2004 og er
sú stærsta sem haldin hef-
ur verið eystra til þessa.
Djasshátíð Egilsstaða
verður að vanda í Vala-
skjálf og stendur dagana
24. til 27. júní. Sumarhátíð
ÚÍA fer fram á Vilhjálms-
velli 17. og 18. júlí.
Að síðustu má geta þess
að Ormsteiti á Héraði,
rótgróin bæjarhátíð að
hausti, fer fram dagana
13. til 22. ágúst.
Viðburðir
Árneshreppur | Skák-
félagið Hrókurinn hélt
vorskákmót í félagsheim-
ilinu í Árnesi, Trékyll-
isvík á dögunum. Stjórn-
andi mótsins var Hrafn
Jökulsson, forseti Hróks-
ins.
Tefldar voru sjö um-
ferðir og tóku sextán
manns þátt í mótinu.
Hrafn tefldi síðan fjöl-
tefli við skólabörnin og
þótti honum sérstakt að
öll börnin tefldu og mörg
mjög vel. Að lokum af-
henti Hrafn verðlaun fyr-
ir efstu þrjú sætin. Efstur
varð Gunnar Dalkvist í
Bæ með sex vinninga og
hlaut hann farandbik-
arinn. Í öðru og þriðja
sæti urðu jafnir Ingólfur
Benediktsson í Árnesi 2
og Trausti Steinsson
skólastjóri með fjóra og
hálfan vinning, en Trausti
var efstur á páskaskák-
mótinu sem Hrókurinn
hélt í fyrra.
Morgunblaðið/Jón G. Guðjónsson
Skákmót í Trékyllisvík
Í baksíðufrétt í DV varskýrt frá því að Ingi-björg Sólrún Gísla-
dóttir hefði tekið sæti
Guðrúnar Ögmunds-
dóttur á Alþingi, – „og
stekkur varaformaður
Samfylkingarinnar því
ferskur inn í þá orrahríð
sem geisar á Alþingi“.
Fyrirsögnin var „Salmon-
ella vaknar“. Karl af
Laugaveginum orti:
Gamanið kárnar í lífsins leik
lítill á þingi friður;
salmónellan er komin á kreik
kveisan stingur sér niður.
Gísli Ásgeirsson lýsir
morgunstemmningu í
Hafnarfirði:
Fögur er Fjarðarins mynd
ég fer út og sæki blaðið.
Í logninu leysi ég vind
og laufunum feyki um hlaðið.
Hjálmar Freysteinsson
bætir um betur:
Skáldin láta móðan mása
mörg er vísa gjörð.
Vellyktandi vindar blása
víða um Hafnarfjörð.
Einn fagran
morgun
pebl@mbl.is
Eskifjörður | Haldið var upp á sextíu ára af-
mæli Eskju hf. á Eskifirði síðastliðinn laug-
ardag. Opið hús var í öllum starfsdeildum fyr-
irtækisins og margt um manninn. Boðið var
upp á myndasýningu og andlitsmálum á skrif-
stofunni, furðufiskar voru sýndir í frystihúsinu
og virtust gestir spenntir fyrir þeim og fiski-
troll var sett upp á plan nótastöðvar. Loks má
geta þess að boðið var upp á mjölvöfflur í
bræðslunni.
Morgunblaðið/Helgi Garðarsson
Rýnt í furðufiska
Tímamót
Selfoss | Minnisblað frá Sigurði Óla Kol-
beinssyni lögfræðingi Sambands ísl. sveit-
arfélaga um þátttöku sveitarfélaga í kostn-
aði við byggingu hjúkrunarrýma var tekið
fyrir á bæjarráðsfundi Árborgar 6. maí.
Ástæða þessa minnisblaðs er að heilbrigð-
isráðuneytið hefur krafið sveitarfélagið
Árborg um 15% þátttöku í kostnaði vegna
viðbyggingar við Sjúkrahús Suðurlands,
hjúkrunarrýmishluta byggingarinnar.
Árborg fékk Samband íslenskra sveitar-
félaga til liðs við sig til að athuga hvort
þessi krafa ráðuneytisins stæðist.
Sigurður Óli lögmaður kemst að þeirri
niðurstöðu að krafa ráðuneytisins um þátt-
töku í kostnaði við nýbyggingu Sjúkrahúss
Suðurlands stangist á við nýgert sam-
komulag um breytta verkaskiptingu ríkis
og sveitarfélaga. Bæjarráð fagnaði niður-
stöðunni á fundi sínum 6. maí og þakkaði
Sambandi íslenskra sveitarfélaga fyrir
skjót og góð viðbrögð í þessu mikilvæga
hagsmunamáli sveitarfélaganna.
Framkvæmdanefnd um opinberar bygg-
ingar gaf í vetur heimild til þess að fram-
kvæmdir vegna viðbyggingar við Sjúkra-
hús Suðurlands yrðu boðnar út. Dregist
hefur að af því yrði en verkið er tilbúið til
útboðs hjá framkvæmdasýslu ríkisins og
fer í útboð um leið og krafa um þátttöku
sveitarfélaganna hefur verið til lykta leidd.
Krafa um þátt-
töku sveitarfé-
laga stenst ekki
Álit vegna viðbyggingar
Sjúkrahúss Suðurlands
Hólmavík | Sparisjóður Strandamanna
hagnaðist um 43,2 milljónir kr. á síðasta
ári, að því er fram koma á aðalfundi sjóðs-
ins sem nýlega var haldinn. Sparisjóðs-
stjóraskipti urðu um sl. áramót þegar
Benedikt G. Grímsson lét af störfum að
eigin ósk, en hann hefur verið sparisjóðs-
stjóri frá 1997.
Benedikt er þriðji ættliðurinn sem gegnt
hefur starfi sparisjóðsstjóra við sjóðinn, en
ættin hefur stjórnað sjóðnum samfellt frá
árinu 1946. Benedikt voru þökkuð farsæl
störf fyrir Sparisjóðinn og heilldrjúgra
starfa forfeðra hans minnst. Nýr spari-
sjóðsstjóri frá áramótum er Guðmundur
Björgvin Magnússon.
Sparisjóður
Stranda hagnast
♦♦♦