Morgunblaðið - 11.05.2004, Blaðsíða 46

ÍÞRÓTTIR
46 ÞRIÐJUDAGUR 11. MAÍ 2004 MORGUNBLAÐIÐ
ÖRN Arnarson keppti í
100 m baksund á EM í
Madrid og kom í mark á
57,71 sek. og hafnaði í
24. sæti af 35 kepp-
endum og var nærri
þremur sekúndum frá
eigin Íslandsmeti. „Örn
virtist ekki finna sig
nógu vel í sundinu og
því fór sem fór,“ sagði
Þuríður Einarsdóttir
sundþjálfari sem er með
íslenska hópnum í Ma-
drid. Hún sagðist ekki hafa aðra
skýringu á slökum árangri Arnar í
sundinu. Langt er um liðið síðan
hann var fyrir aftan miðjan hóp á
stórmóti í einum af sínum eftir-
lætisgreinum. Örn finnur reyndar
til eymsla í öxl en það
skýrir þetta ekki að
fullu að sögn Þuríðar.
Jakob í 23. sæti
Jakob Jóhann Sveins-
son hafnaði í 23. sæti af
33 keppendum í 100 m
bringusundi á synti
100m bringusund á
1.04,35 mínútum sem
1,2 sekúndum frá eigin
Íslandsmeti. „Jakob átti
von á því að gera betur,
fór fyrstu 50 metrana á um 30 sek-
úndum en tókst ekki að fara eins
hratt til baka,“ segir Þuríður sem
bindur vonir við að Jakob nái sér á
strik í 200 m bringusundi síðar á
mótinu.
Örn þremur sekúndum
frá Íslandsmeti sínu
Örn
CHELSEA, lið Eiðs Smára Guðjohn-
sens, hefur í ár náð besta árangri
sínum frá því félagið varð enskur
meistari fyrir 49 árum, árið 1955.
Þetta er um leið næstbesti árangur
Chelsea frá upphafi. Í blaðinu í gær
var ekki farið rétt með og sagt að
Chelsea hefði endað í öðru sæti árið
1977.
Chelsea hefur aldrei áður hafnað
í öðru sæti í efstu deild ensku knatt-
spyrnunnar, og félagið hefur heldur
aldrei fengið jafnmörg stig og í vet-
ur. Chelsea er komið með 76 stig og
á einn leik eftir en náði best áður 75
stigum árið 1999, þegar liðið hafn-
aði í þriðja sæti. Einungis þrívegis
áður hefur Chelsea náð þriðja sæti
en það var árin 1920, 1965 og 1970.
Claudio Ranieri verðlaunaði sína
menn fyrir að ná öðru sætinu með
því að gefa þeim þriggja daga frí
frá æfingum. Þeir mæta í vinnuna á
ný á fimmtudag til að búa sig undir
lokaleikinn í deildinni, gegn Leeds á
Stamford Bridge á laugardaginn.
Besti árangur
Chelsea í 49 ár
Reuters
Claudio Ranieri stjórnar liði sínu í leiknum á Old Trafford.
Aðeins sex leikmenn fyrir utanHenry hafa hlotið þessa út-
nefningu tvívegis, Sir Stanley
Matthews, Sir Tom Finney, Danny
Blancflower, Kenny Dalglish, Gary
Lineker og John Barnes.
Henry, sem á dögunum var út-
nefndur leikmaður ársins af leik-
mönnum úrvalsdeildarinnar – einnig
annað árið í röð, fékk yfirburðakosn-
ingu hjá blaðamönnum en hann
hlaut 87% atkvæðanna. Frank
Lampard, miðjumaður Chelsea,
varð annar í kjörinu og Patrick
Vieira, fyrirliði Arsenal, hafnaði í
þriðja sæti.
„Það er mikill heiður fyrir mig að
hljóta þessa útnefningu annað árið í
röð, en eins og ég hef áður sagt hefði
ég ekki átt möguleika á að vinna
þetta nema með góðri aðstoð félaga
minna og svo auðvitað knattspyrnu-
stjórans,“ sagði Henry þegar hann
tók á móti viðurkenningu sinni.
Henry hefur farið á kostum með
mögnuðu liði Arsenal á leiktíðinni.
Hann hefur skorað samtals 37 mörk
á tímabilinu, þar af 29 í 37 leikjum í
úrvalsdeildinni, og frammistaða
hans ekki síst orðið til þess að Ars-
enal hefur fyrir nokkru tryggt sér
Englandsmeistaratitilinn og er tap-
laust í úrvalsdeildinni þegar einni
umferð er ólokið.

CHELSEA er sagt hafa áhuga á að
fá enska landsliðsmanninn Owen
Hargraeves frá Bayern München til
liðs við sig. Þýska knattspyrnutíma-
ritið Kicker greindi frá þessu í gær
og sagði að Chelsea væri að undir-
búa kauptilboð í leikmanninn. Fyrir
tímabilið gerði Chelsea tilboð í Har-
graeves, en tilboðinu var umsvifa-
laust hafnað af forráðamönnum Bæj-
ara, eins og oft áður.

HARGRAEVES, sem er 22 ára
gamall og fæddur í Kanada, hefur
lýst því yfir að hann hafi mikinn
áhuga á að reyna fyrir sér á Eng-
landi, en þar hefur hann aldrei leikið
nema með landsliðinu. Fyrirhugaðar
eru talsverðar breytingar á leik-
mannahópi Bayern í sumar en for-
ráðamenn liðsins eru allt annað en
ánægðir með gengi sinna manna á
tímabilinu.

SANDEFJORD tryggði sér á
sunnudagskvöldið norska meistara-
titilinn í handknattleik þegar liðið
bar sigurorð af Haslum, 34:28, í
þriðja úrslitaleik liðanna. Haslum
vann fyrsta leikinn en Sandefjord
vann tvo næstu og þar með einvígið.
Theodór Valsson leikur með
Haslum en hann var ekki á meðal
markaskorara liðsins.

RAGNAR Óskarsson, landsliðs-
maður í handknattleik, skoraði eitt
mark fyrir Dunkerque sem t.a.m.
tapaði fyrir Angers, 27:24, í frönsku
1. deildinni í handknattleik um ný-
liðna helgi. Ragnar kom lítið við
sögu í leiknum enda nýstiginn upp úr
axlarmeiðslum. Ragnar og félagar
eru í 3.–4. sæti deildarinnar með 56
stig eins og Ivry þegar einni umferð
er ólokið. Montpellier hefur þegar
tryggt sér meistaratitilinn. Liðið
hefur 70 stig en Créteil er í öðru sæti
með 63. Í lokaumferðinn um næstu
helgi tekur Dunkerque á móti Paris.

NIGEL Worthington, knatt-
spyrnustjóri Norwich, hefur mikinn
hug á að tryggja sér David Bentley
að láni frá Arsenal fyrir næsta
keppnistímabil. Sam Allardyce,
knattspyrnustjóri Bolton, hefur
einnig áhuga á að fá Bentley til sín.

CARSTEN Jancker, fyrrverandi
landsliðsmiðherji Þýskalands og
Bayern München, er kominn til
Kaiserslautern. Þessi 29 ára leik-
maður kemur til liðsins frá ítalska
liðinu Udinese, en þar náði hann ekki
fótfestu. Hann skrifaði undir þriggja
ára samning, en það ert klásúla í
samningnum að hann er laus allra
mála ef Kaiserslautern fellur í 2.
deild.

VRATISLAV Lokvenc, landsliðs-
maður Tékklands, mun ekki leika
meira með Kaiserslautern. Hann
skrifaði í gær undir þriggja ára
samning við Bochum. Þýski lands-
liðsmaðurinn Miroslav Klose, fer frá
Kaiserslautern til Werder Bremen.
FÓLK
ÞRIÐJA árið í röð varð leikmaður úr
Arsenal fyrir valinu sem knatt-
spyrnumaður ársins á Englandi en
Samtök knattspyrnuskrifara þar í
landi völdu Thierry Henry leikmann
ársins. Allar götur frá árinu 1948
hafa samtökin útnefnt leikmann árs-
ins og sá fyrsti sem varð fyrir valinu
var Sir Stanley Matthews sem gerði
garðinn frægan með Blackpool og
enska landsliðinu.
Þessir leikmenn hafa orðið fyrir
valinu síðustu tíu árin:
1994 Alan Shearer, Blackburn
1995 Jürgen Klinsmann, Tottenham
1996 Eric Cantona, Man. Utd.
1997 Gianfranco Zola, Chelsea
1998 Dennis Bergkamp, Arsenal
1999 David Ginola, Tottenham
2000 Roy Keane, Man. Utd.
2001 Teddy Sheringham, Man. Utd.
2002 Robert Pires, Arsenal
2003 Thierry Henry, Arsenal
2004 Thierry Henry, Arsenal
Sá besti
frá Arsenal
þriðja árið
í röð
Reuters
Thierry Henry er leikmaður ársins í Englandi annað árið í röð.
Hér fagnar hann einu af 29 deildarmörkum sínum í vetur, en
hann á mikla möguleika að tryggja sér Gullskóinn í Evrópu.
THIERRY Henry, framherji Ars-
enal, var útnefndur leikmaður
ársins á Englandi af íþrótta-
fréttamönnum þar í landi og
kemur valið líklega fáum á
óvart. Þetta er annað árið í röð
sem Henry verður fyrir valinu og
í fyrsta sinn sem sami leikmað-
ur er valinn sá besti tvö ár í röð.
Henry
bestur á
Englandi
KOLBRÚN Ýr Kristjánsdóttir, ÍA,
setti í gær Íslandsmet í 50 metra
flugsundi á Evrópumeistaramótinu
í sundi í 50 m braut sem nú stendur
yfir í Madrid á Spáni, en sund-
keppni mótsins hófst árdegis í gær.
Kolbrún kom í mark á 28,17 sek-
úndum og varð í 21. sæti af 26
keppendum en hún átti best 28,49
sek. frá því í Amsterdam í síðasta
mánuði. Gamla metið átti Eydís
Konráðsdóttir, 28,25 sek. sem hún
setti á Evrópumótinu í Helsinki
fyrir fjórum árum.
Fjórir aðrir íslenskir sundmenn
kepptu einnig í undanrásunum og
vakti það athygli að bæði Örn
Arnarson og Jakob Jóhann Sveins-
son voru langt frá sínu besta.
Anja Ríkey Jakobsdóttir synti
200m baksund á 2.24,89 mín., og
hafnaði í 25. og síðasta sæti fjórum
sekúndum frá Íslandsmeti Kol-
brúnar Ýrar. Hjörtur Már Reyn-
isson keppti í 50m flugsundi og
syndi á 25,36 sek og hafnaði í 24.
sæti af 37 sundmönnum. Hjörtur
var 5⁄100 úr sekúndu frá sínu besta.
„Hjörtur synti vel nema rétt undir
lokin þegar hann fór aðeins að
spóla,“ sagði Þuríður.
Ragnheiður Ragnarsdóttir og
Kolbrún Ýr keppa í 100 m skrið-
sundi í dag.
Verður fróðlegt að fylgjast með
þeim Kolbrúnu og Ragnheiði í dag
en þær háðu gríðarlegt einvígi um
Íslandsmetið í 100 m skriðsundi á
dögunum sem endaði með að Kol-
brún hafði betur.
Kolbrún bætti met
Eydísar á EM í Madrid
Morgnblaðið/ Sigurður Elvar
Kolbrún Ýr Kristjánsdóttir