Morgunblaðið - 29.05.2004, Blaðsíða 16

ERLENT
16 LAUGARDAGUR 29. MAÍ 2004 MORGUNBLAÐIÐ
BRESKI blaðamaðurinn Peter
Hounam, sem í samvinnu við Mord-
echai Vanunu kom upp um kjarn-
orkuáætlun Ísraela árið 1986, var
rekinn úr landi í Ísrael í gær.
Lögreglumenn fylgdu Hounam á
Ben Gurion-flugvöll, skammt frá Tel
Aviv, og þaðan fór hann í flugvél til
Lundúna.
Hounam var handtekinn á mið-
vikudag en sleppt úr haldi á fimmtu-
dagskvöld. Hann var grunaður um
að hafa haft samband við Mordechai
Vanunu, sem er óheimilt að ræða við
útlendinga. Vanunu var látinn laus
úr fangelsi í aprílmánuði eftir að hafa
setið í varðhaldi frá árinu 1986. Þau
skilyrði voru sett að hann ræddi ekki
við útlendinga en Hounam greindi
fyrstur fréttamanna frá uppljóstrun-
um Vanunus árið 1986.
Rekinn
frá Ísrael
Tel Aviv. AFP.
ALÞJÓÐLEGT björgunarlið vinnur
nú hörðum höndum að því að leita
fólks í aurnum eftir tíu daga úrhell-
isrigningar á eyjunni Hispaníólu og
hafa nú um eitt þúsund lík fundist og
hundraða er saknað. Tala látinna fer
sífellt hækkandi. Staðfest manntjón
er mun meira á Haítí, þar eru 1700
talin látin og yfir 300 í Dóminíska lýð-
veldinu.
Sameinuðu þjóðirnar og aðrar
hjálparstofnanir reyna nú eftir
fremsta megni að koma vatni, mat og
sjúkrabirgðum til þeirra bæja sem
urðu fyrir mestu tjóni í flóðunum.
Talsmaður SÞ sagði í viðtali við
Sky News sjónvarpsstöðina að það
myndi taka margar vikur að stað-
festa tölu látinna.
Flóðin hafa lamað vegakerfi eyj-
unnar að miklu leyti og því er aðeins
hægt að nálgast ákveðin svæði með
þyrlum en vonskuveður hefur haml-
að þeim för.
Enn rignir á svæðinu. Fjöldagrafir
hafa verið teknar í bænum Jimani í
Dóminíska lýðveldinu þar sem heilu
fjölskyldurnar fórust og því engir
ættingjar á lífi til að vitja hinna látnu.
Flóðin á Hispaníólu eru einhverjar
mestu náttúruhamfarir sem orðið
hafa í Karíbahafi.
Líklegt talið að
2.000 hafi farist
Alþjóðlegt björgunarlið leitar fólks
við skelfilegar aðstæður á Hispaníólu
Port-Au-Prince, Santo Domingo. AFP.
RÍKASTI maður Rússlands,
Mikhaíl Khodorkovskíj, leiddur í
handjárnum út úr réttarsal í
Moskvu í gær, en hann á yfir höfði
sér 10 ára fangelsisdóm fyrir
meint skattsvik. Réttarhöldin í
málinu eru talin munu standa í
nokkra mánuði, en í gær var þeim
frestað til 8. júní. Khodorkovskíj
er 41 árs milljarðamæringur,
stofnandi stærsta olíufélags Rúss-
lands, Yukos. Hann er ákærður
fyrir að hafa svikist um greiðslur
á milljörðum króna í opinbera
sjóði, en sjálfur segir hann, að
ákærurnar séu liður í herferð
ríkisstjórnar Vladimírs Pútíns
Rússlandsforseta gegn sér.
Reuters
Khodorkovskíj fyrir rétti
FYRRUM einræðisherra Chile,
Augusto Pinochet, var í gær sviptur
friðhelgi af áfrýjunarrétti í Santiago,
höfuðborg Chile, sem gerir að verk-
um að nú er hægt að sækja hann til
saka fyrir chileskum dómstólum.
Pinochet var einráður í Chile frá
1973 til 1990 er hann lagði niður völd
með skilyrðum, sem hann setti sjálf-
ur og tryggðu honum friðhelgi.
Undrun og gleði greip um sig
meðal viðstaddra í áfrýjunarréttin-
um þegar úrskurðurinn var kveðinn
upp, skv. frétt á vef breska ríkisút-
varpsins BBC.
Pinochet kom á fót öryggislög-
reglunni illræmdu, DINA, sem falið
var að leita uppi og uppræta and-
stæðinga herforingjastjórnarinnar í
Chile. Það var síðan að frumkvæði
yfirmanns DINA, Manuel Contrer-
as, sem „Condor-áætluninni“ var
hrint af stokkunum en hún kvað á
um samstarf herforingjastjórna í
Rómönsku-Ameríku í því skyni að
sigrast á andstæðingum sínum með
kúgunum, mannránum, pyntingum
og morðum.
Pinochet var handtekinn í Bret-
landi árið 1998 að beiðni spænskra
yfirvalda, var fluttur til Spánar en
síðan sleppt tveimur árum síðar þar
sem hann þótti of heilsutæpur fyrir
réttarhöld. Einu ári síðar var hann
svo settur í stofufangelsi í Chile en
hæstiréttur landsins taldi hann van-
hæfan sökum elliglapa til þess að
svara fyrir ásakanir um morð og
mannrán.
Líklegt þykir að lögfræðingar Pin-
ochet reyni að fá mál hans fellt niður
fyrir hæstarétti Chile með þeim rök-
um að hann þjáist af vitglöpum, en
langt sjónvarpsviðtal við Pinochet
sem birtist á bandarískri sjónvarps-
stöð gæti orðið til þess að hæstarétt-
ardómarar dæmdu hann hæfan til
réttarhalda. Einræðisherrann fyrr-
verandi er orðinn 88 ára gamall og
hefur fengið þrjú væg hjartaáföll
auk þess að þjást af sykursýki og
gigt.
Reuters
Chilebúi fagnar friðhelgisviptingu Pinochet fyrir utan réttinn í Santiago.
Pinochet tapar
friðhelginni
FIMMTUGUR Ástrali, sem snerist
til íslamstrúar, var í gær fundinn sek-
ur um að hafa lagt á ráðin um
sprengjuárás á sendiráð Ísraels í
Canberra. Er hann fyrsti Ástralinn
sem dæmdur er samkvæmt hertum
lögum gegn hryðjuverkastarfsemi.
Jack Roche, sem fæddist í Bret-
landi, hélt fram sakleysi sínu þegar
réttarhöldin í máli hans hófust 17.
maí. Hann játaði hins vegar sekt sína
áður en réttarhöldunum lauk í gær.
Roche á yfir höfði sér 25 ára fang-
elsi samkvæmt lögum sem voru hert
eftir hryðjuverkin á indónesísku eyj-
unni Balí í október 2002. 202 biðu þá
bana, þeirra á meðal 88 Ástralar.
Segir bin Laden mjög
viðkunnanlegan
Roche kvaðst hafa fengið þjálfun í
hryðjuverkum, fylgst með hugsan-
legum skotmörkum í Ástralíu og
reynt án árangurs að fá fylgismenn
íslamskra öfgahreyfinga til að fremja
hryðjuverk í landinu.
Hann játaði aðild að íslömsku
hreyfingunni Jemaah Islamiyah í
Suðaustur-Asíu. Hann sagði að ind-
ónesíski klerkurinn Abu Bakar Bash-
ir, sem hann taldi leiðtoga hreyfing-
arinnar, hefði skipað honum að hætta
við árásina á sendiráð Ísraels.
Roche kvaðst hafa snúist til ísl-
amstrúar á síðasta áratug og farið í
þjálfunarbúðir í Afganistan árið 2000.
Þar hitti hann Osama bin Laden, leið-
toga al-Qaeda.
„Hann var mjög viðkunnanlegur
maður, en ég hitti hann aðeins í stutta
stund, rétt fyrir utan Kandahar,“
sagði Roche fyrir réttinum. „Ég á við
að þetta fólk var mjög viðkunnan-
legt … það virðist undarlegt að segja
þetta.“
Játaði að hafa skipu-
lagt hryðjuverk
Fyrsti Ástralinn sem dæmdur er samkvæmt hertum
lögum um hryðjuverk á yfir höfði sér 25 ára fangelsi
Perth. AFP.
UMBERTO Agnelli, stjórnarfor-
maður ítalska stórfyrirtækisins
Fiat, lést aðfaranótt föstudags.
Hann var 69 ára. Krabbamein dró
hann til dauða.
Agnelli tók við stjórn Fiat í
febrúar í fyrra af Paolo Frescore
en fyrirtækið hefur átt við mikla
fjárhagserfiðleika að etja.
Agnelli stýrði áður eignarhalds-
félögum fjölskyldu sinnar, IFI og
IFIL, sem eru stærstu hluthafar í
Fiat. Hann hafði einnig áður
gegnt ýmsum trúnaðarstörfum
innan Fiat-samsteypunnar og var
m.a. um tíma forstjóri bílafram-
leiðslu Fiat.
Yngri bóðir „Giannis“
Talið er að við fráfall Agnellis
kunni tök Agnelli-fjölskyldunnar
á fyrirtækinu að linast. Fjölskyld-
an stofnaði Fiat fyrir rúmri öld.
Eldri bóðir
Agnellis, Giov-
anni eða
„Gianni“, var
lengstum andlit
Fiat-fyrirtækis-
ins, sem hann
stýrði áratug-
um saman.
„Gianni“ Agn-
elli var 13 árum
eldri en Umberto og lést árið
2003.
Gengi hlutabréfa Fiat hækkaði
um 2,86% á markaði í Mílanó í
morgun þegar fréttir bárust af
andláti Agnellis.
Fyrir hálfum mánuði tilkynnti
Fiat að tap á rekstrinum fyrstu
þrjá mánuði ársins hefði numið
158 milljónum evra en á sama
tímabili í fyrra var tapið 342 millj-
ónir evra, um 30 milljarðar króna.
Agnelli látinn
Mílanó. AFP.
Umberto Agnelli
♦♦♦