Morgunblaðið - 29.05.2004, Qupperneq 52

ÍÞRÓTTIR
52 LAUGARDAGUR 29. MAÍ 2004 MORGUNBLAÐIÐ
LOS Angeles Lakers vann sigur á
Minnesota Timberwolves á heima-
velli, 92:85, í fjórða leik liðanna í úr-
slitum Vesturdeildar NBA í körfu-
knattleik í fyrrinótt. Lakers er 3:1
yfir í einvígi liðanna og liðið er að-
eins einum sigurleik frá því að vera
krýndir Vesturstrandarmeistarar.
Næsti leikur liðanna fer fram í
Minnesota. Kobe Bryant var besti
leikmaður Lakers en hann skoraði
31 stig og tók 8 fráköst. Shaquille
O’Neal lék einnig vel í liði Lakers en
hann skoraði 19 stig og tók 19 frá-
köst. Kevin Garnett var sem fyrr
besti leikmaður gestanna en hann
skoraði 28 stig, tók 13 fráköst og
gaf 9 stoðsendingar. Leikurinn var
jafn framan af og í hálfleik munaði
aðeins fimm stigum á liðunum,
Lakers í vil. Í þriðja leikhluta sigu
heimamenn fram úr og náðu 15
stiga forskoti og eftir það var aldrei
spurning hvorum megin sigurinn
myndi enda.
Kobe Bryant fór mikinn í þriðja
leikhluta en hann skoraði þá 18 stig.
„Við höfum verið í þessum sporum
áður. Þegar kemur að úrslitakeppn-
inni vitum við nákvæmlega hvað við
þurfum að gera. Í síðari hálfleik
náði ég mér á strik og ég tók þá leik-
inn í mínar hendur,“ sagði Bryant
eftir leikinn.
„Ég held að það sé enginn í NBA
sem getur hitt úr jafn mörgum erf-
iðum skotum og Kobe Bryant. Hann
hefur þann hæfileika að geta tekið
yfir leiki þegar honum sýnist,“ sagði
Flip Saunders, þjálfari Minnesota.
Kobe Bryant afgreiddi
Minnesota Timberwolves
MIHAJLO Bibercic leikur ekki
meira knattspyrnu með
Stjörnunni á þessu tímabili.
Bibercic, sem áður lék með
KR og ÍA við góðan orðstír,
gekk til liðs við Stjörnuna fyr-
ir þetta tímabil en hefur ekki
staðið undir væntingum. Að
sögn Ragnars Gíslasonar,
þjálfara Stjörnunnar, var það
sameiginleg ákvörðun stjórn-
ar og leikmanns um að leysa
hann undan samningi. „Helsta
ástæða þess að við látum hann
fara er sú að hann fellur ekki
inn í leikskipulag liðsins. Hann
var ekki í góðu formi þegar
hann kom til landsins og það
hefur tekið langan tíma að
koma honum í leikhæft
ástand.“ Að sögn Ragnars
stendur ekki til að fá annan
leikmann í hans stað, að
minnta kosti ekki í bráð.
Bibercic
farinn frá
Stjörnunni
sinni enda eru margir leikmanna
liðsins búnir með keppnistímabilið á
meðan aðrir eru að hefja sitt keppn-
istímabil á Norðurlöndunum. „Það
hefur ekkert uppá sig að vera að
þjösnast á leikmönnum á þessum
tímapunkti. Við förum þeim mun
betur yfir leikaðferð okkar og
áhersluatriði sem við viljum skerpa.“
Kristján Finnbogason og Kristján
Sigurðsson úr KR bættust í hópinn í
gær er þeir komu frá Íslandi og
Tryggvi Guðmundsson leikmaður
Örgryte í Svíþjóð kom einnig í gær
til Englands. Ásgeir sagði að von
væri á Helga Sigurðssyni frá Dan-
mörku eftir leikinn gegn Japan og þá
væru allir leikmenn liðsins komnir á
svæðið.
„Það eru margir leikmenn liðsins í
þeirri stöðu að þeir þurfa að sýna sig
og sanna í þessum leikjum. Og þá á
ég við leikmenn sem eru samnings-
lausir eða eru að leita fyrir sér á
þessum markaði. Ég veit að okkar
leikmenn munu leggja hart að sér
þrátt fyrir að um sé að ræða vin-
Við höfum séð og skoðað nokkralandsleiki með Japan og það á
fátt að koma okkur á óvart. Leik-
menn liðsins eru
flinkir og liprir með
knöttinn. Við höfum
oft átt í erfiðleikum
með lið sem eru góð í
að halda knettinum í sínum röðum.
En að sama skapi erum við líkam-
lega sterkari og ætlum okkur að
nýta þann styrk í þessum leik,“ sagði
Ásgeir og taldi að föst leikatriði á
borð við auka- og hornspyrnur ættu
að skapa hættu í vítateig Japana.
„Það er búið að vera mjög
skemmtilegt andrúmsloft í okkar
hópi frá því að við komum. Hér er
nóg við að vera og margt hægt að
gera til þess að brjóta upp daginn.
Golfvöllurinn sem er hér við hótelið
kemur sér vel og við höfum aðeins
kannað aðstæður með óformlegu
golfmóti. En aðalmótið verður haldið
síðar.“ Ásgeir bætti því við að ekki
væri ætlunin að reyna að bæta lík-
amlegt ástand leikmanna að þessu
áttulandsleiki. Enda er þetta ein-
stakt tækifæri fyrir okkur að leika
gegn þessum liðum. Það gerist ekki
á hverju ári,“ sagði Ásgeir Sigur-
vinsson í gær.
Meiðsli í herbúðum Japana
Japanski landsliðsframherjinn
Naohiro Takahara verður líklega
ekki með í leikjum Japana á þriggja
landa mótinu sem hefst í Manchester
á Englandi á sunnudag. Takahara
leikur með Hamborg í þýsku 1.
deildinni og var hann fluttur á
sjúkrahús eftir æfingu japanska liðs-
ins í gær, þar sem hann kvartaði yfir
verki í brjóstkassa. Ichirota Fukushi
talsmaður japanska landsliðsins
sagði í gær við BBC að ekki væri bú-
ið að kanna ástand leikmannsins til
hlítar en það væri afar ólíklegt að
hann myndi leika með liðinu á
mótinu en Englendingar eru gest-
gjafar mótsins.
Landsliðsþjálfari Japans er hinn
þekkti knattspyrnumaður Zico frá
Brasilíu og á hann í nokkrum vanda
með að stilla upp sterkasta liði sínu
þar sem Hidetoshi Nakata og Norih-
iro Nishi eru meiddir. Nakata er
stórstjarna í heimalandi sínu en
hann er 27 ára gamall og var í eldlín-
unni á HM í Japan árið 2002. Hann
hefur komið víða við á ferli sínum og
leikið með Perugia, Róma, Parma og
nú Bologna á Ítalíu.
AP
Landsliðsþjálfararnir Ásgeir Sigurvinsson og Logi Ólafsson
stóðu vaktina við boltana á heimavelli Manchester City í gær.
„Kominn fiðr-
ingur í hópinn“
„ÞAÐ hefur allt gengið samkvæmt áætlun frá því að við komum til
Manchester á fimmtudaginn. Að mínu mati eru leikmenn liðsins vel
á sig komnir líkamlega, þeir hafa haft gott af þeirri hvíld sem þeir
hafa fengið á undanförnum dögum. Við æfðum á City of Manchest-
er Stadium, leikvelli Manchester City þar sem leikirnir gegn Japan
og Englandi fara fram. Það er kominn fiðringur í hópinn og menn
ætla sér að sýna hvað í þeim býr í þessum leikjum,“ sagði Ásgeir
Sigurvinsson þjálfari íslenska landsliðsins í knattspyrnu í gær.
Eftir
Sigurð Elvar
Þórólfsson
 ÞORVALDUR Makan Sigbjörns-
son, sem skoraði fyrir Framara í
tveimur fyrstu leikjum Íslandsmóts-
ins í knattspyrnu, verður ekki með
þeim gegn Grindavík í 4. umferð
deildarinnar á þriðjudag. Þorvaldur
var fluttur á sjúkrahús eftir leik
Fram gegn ÍA á þriðjudag vegna
mikilla höfuðverkja. Hann hefur ver-
ið útskrifaður en sagði við vef Fram í
gær að óvíst væri hvenær hann hæfi
æfingar á ný og hann yrði ekki með í
Grindavík.
 KRISTJÁN Brooks, markahæsti
leikmaður Fram á síðasta tímabili,
hefur tekið fram skóna á ný og er
byrjaður að æfa með liðinu. Kristján
hætti síðasta haust en hann skoraði
12 mörk í KSÍ-mótunum þremur á
síðasta tímabili og tryggði Fram
áframhaldandi sæti í úrvalsdeildinni
með sigurmarki gegn Þrótti í síðustu
umferðinni.
 SIGURÐUR Flosason, fyrrum
leikmaður með Val, Dalvík og ÍR, er
genginn til liðs við 1. deildarlið HK í
knattspyrnu.
 ANTON Pálsson og Hlynur Leifs-
son handknattleiksdómarar verða í
eldlínunni í sumar. Þeir verða eitt tíu
dómarapara sem dæma leiki á Evr-
ópumeistaramóti 18 ára landsliða
pilta sem fram fer í Serbíu/Svart-
fjallalandi 23. júlí til 1. ágúst.
 ANTONIO Conte, fyrrum lands-
liðsmaður Ítalíu, hefur hafnað nýju
samningstilboði frá Juventus og er á
leið frá félaginu. Conte, sem gekk til
liðs við Juventus árið 1991, hefur enn
ekki gert upp við sig hvort hann
leggi skóna á hilluna eða spili eitt ár
til viðbótar. Juventus hefur einnig
gengið frá samningi við franska
miðjumanninn Olivier Kapo hjá
Auxerre, en fyrr í mánuðinum festi
félagið kaup á franska varnarmann-
inum Jonathan Zebina frá Róma.
 ÖREBRO, sænska úrvalsdeildar-
félagið í knattspyrnu, á það á hættu
að vera dæmt úr keppni þar sem
efnahagur þess er afar slæmur. Fé-
lagið mun missa keppnisleyfi sitt 1.
júlí verði ekki breyting hjá því til
hins betra. Félagið skuldar rúmlega
100 milljónir kr.
 BYRON Scott, fyrrverandi þjálfari
New Jersey Nets, var í gær ráðinn
þjálfari New Orleans Hornets í
NBA-deildinni. Hann tekur við af
Tim Floyd en Scott náði góðum ár-
angri með New Jersey Nets en undir
hans stjórn komst liðið í lokaúrslit
NBA tvö ár í röð.
 MARSEILLE hefur afþakkað til-
boð frá Chelsea í sóknarmanninn
Didier Drogba. Hermt er að Chelsea
hafi boðið Marseille rúmlega 2,1
milljarðs króna, fyrir Drogba, sem
ættaður er frá Fílabeinsströndinni.
Forráðamenn Marseille segja
Drogba ekki vera til sölu. Juventus
hefur sýnt Drogba áhuga.
FÓLK
FABIO Capello var í gær ráðinn
þjálfari hjá Juventus á Ítalíu. Ráðn-
ing hans kemur mjög á óvart en
hann hafði áður verið orðaður við
þjálfarastöðuna hjá Inter Mílanó.
Hann tekur við af Marcello Lippi,
sem sagði starfi sínu lausu á dög-
unum. Fyrir fram var talið að Did-
ier Deschamps, þjálfari Mónakó,
eða Cesare Prandelli, þjálfari
Parma. tækju við liðinu.
Capello átti eitt ár eftir af samn-
ingnum sínum hjá Róma en vegna
ógreiddra launa sem hann átti inni
hjá félaginu gat hann fengið sig
lausan. Hann skrifaði undir þriggja
ára samning við Juventus.
Capello, fyrrverandi leikmaður
Juventus, er einn sigursælasti þjálf-
ari ítalskrar knattspyrnu. Hann
stýrði AC Milan fjórum sinnum til
sigurs í ítölsku deildinni í upphafi
tíunda áratugarins auk þess að
vinna meistaradeildina 1994. Hann
tók við Real Madrid árið 1996 þar
sem liðið vann spænsku deildina en
staldraði stutt við á Spáni og tók
aftur við AC Milan ári seinna. Hann
var síðan ráðinn til Róma 1999 og
skilaði þar einum deildarmeistara-
titli árið 2001.
Framtíð Róma er í lausu lofti.
Liðið er í miklum fjárhagsvandræð-
um og hefur á síðustu vikum selt
tvo sterka leikmenn, þá Walter
Samuel til Real Madrid og Jonathan
Zebina til Juventus. Stórstirnið
Francesco Totti er sagður vera að
íhuga framtíð sína hjá félaginu auk
þess sem Brasilíumaðurinn Emer-
son gæti verið á leið frá félaginu.
Ekki er enn vitað hver mun taka við
Róma. Nafn Claudio Ranieri hefur
borið á góma en dagar hans hjá
Chelsea eru að öllum líkindum tald-
ir.
Capello
tekur við
Juventus