Morgunblaðið - 05.06.2004, Blaðsíða 21
Morgunblaðið/Jim Smart
Vatnsmýri | Vegfarendur í Vatns-
mýrinni hafa undanfarnar vikur orð-
ið áþreifanlega varir við það jarð-
rask sem fylgir framkvæmdum við
færslu Hringbrautar. Framkvæmd-
irnar hafa heldur ekki farið fram hjá
börnunum í leikskólanum Sólbakka,
stórvirkar vinnuvélarnar þokast
nær og nær leikskólanum og um-
kringt hann. Í fyrradag voru vinnu-
vélarnar komnar að leikskólalóðinni
og í gær var hafist handa við niðurrif
þessa gamla leikskóla.
Börnin hafa þó enga ástæðu til að
óttast um framtíð skólans, því strax
eftir helgi mæta þau í glænýtt hús-
næði leikskólans við Stakkahlíð, en
þar var áður gæsluvöllur. Því má
bæta við að Sólbakki fagnar 30 ára
starfsafmæli sínu í desember.
Síðasta stund leikskólans
HÖFUÐBORGARSVÆÐIÐ
MORGUNBLAÐIÐ LAUGARDAGUR 5. JÚNÍ 2004 21
Grandagarður | Á morgun verður opið hús í
húsakynnum væntanlegs sjóminjasafns í
Reykjavík að Grandagarði 8, í tilefni af hátíð
hafsins. Nýlega var tekin ákvörðun um það að
hafa veita safninu aðstöðu í húsinu, en borgin
hefur verið án sjóminjasafns til þessa. Borg-
arbúum gefst því tækifæri til að kynna sér hug-
myndir um bæði innra- og ytra útlit safnsins og
umfang starfsemi þess, en nýlega fór fram
samkeppni um útlit þess og var þar unnið í
samhengi við nýtt skipulag Mýrargötusvæð-
isins.
Myndar tengsl milli
atvinnusvæðis og miðbæjar
Helgi Sigurðsson, forstöðumaður safnsins,
fagnar þeim tímamótum að Reykjavík fái loks-
ins sæmandi sjóminjasafn og segir margar há-
leitar hugmyndir uppi um starfsemina. „Nú er-
um við hér með rúma 1.000 fermetra rými og
þar af 500 undir sýningar, en í framtíðinni
fáum við líka fyrstu hæð hússins og pláss til
útisýninga. Þá eykst sýningarrýmið og verður
um 1.500 fermetrar,“ segir Helgi og bætir við
að einnig verði í safninu fræðslustofur og að-
staða til kennslu bæði fyrir börn og fullorðna.
Þá verða í safninu rúmgóðar steinsteyptar sval-
ir auk 60 fermetra rýmis fyrir sérsýningar.
„Við erum að stefna að því að þetta verði út-
hverft safn, hluti af umhverfinu og mjög að-
gengilegt fyrir þá sem koma úr miðbænum,“
segir Helgi og vísar í samhengi hússins við nýj-
ar hugmyndir um skipulag Mýrargötusvæð-
isins. „Safnið er haganlega staðsett hér á mörk-
um atvinnusvæðis og miðborgarinnar, og
myndar þannig sterk tengsl milli almennings
og þessa höfuðatvinnuvegs. Svo munum við
hafa gamla hlaðna steingarðinn, sem húsið
stendur við, sýnilegan, en hann er í raun sýn-
ingargripur í sjálfu sér. Þar fyrir framan er
gert ráð fyrir staurabryggju og þannig
tengslum við höfnina.“
Samkvæmt hugmyndum um útfærslu safnsins
verður safnið opið og breytilegt og nýtt til
fræðslu, enda er burður hússins í súlum og því
auðvelt að rífa burt milliveggi og breyta rými.
Safnið mun fá ýmsa muni að láni frá Þjóð-
minjasafninu, bæði muni frá árabátatímanum
og einnig muni sem sýna tækniframfarir tutt-
ugustu aldar, en Helgi segir hraðasta íbúafjölg-
un í Reykjavík einmitt hafa orðið við komu
togaranna. „Við vonumst eftir öflugu samstarfi
og jákvæðri samkeppni við Þjóðminjasafnið,
sem verði til hagsbóta fyrir alla,“ segir Helgi
og bætir við að fjölmargar hugmyndir hafi
komið upp um möguleika sýningarsalanna, þar
á meðal hugmynd um nokkurs konar öfugt
sjávarlífsbúr, þar sem gestir geta gengið inn í
herbergi þar sem þeir eru umluktir sjó á alla
vegu og ganga gegnum mergð sjávardýra.
Safnið verður opið almenningi milli 13:00 og
18:00 á sunnudaginn, sjómannadag.
Opið hús á sjómannadaginn í fyrirhuguðu sjóminjasafni Reykjavíkurborgar
Úthverft og aðgengilegt safn
Morgunblaðið/Jim Smart
Sýningarsalirnir bjóða upp á marga möguleika.
Hafnarfjörður | Fjölmargt verður á
döfinni í Hafnarfirði um helgina.
Á laugardeginum verður dagur
lúðrasveitanna haldinn hátíðlegur
með risaskrúðgöngu með þátttöku
lúðrasveita víðsvegar af suðvest-
urhorni landsins. Skrúðganga legg-
ur af stað frá Hrafnistu kl.13:15 og
önnur frá Suðurbæjarlaug á sama
tíma. Göngurnar sameinast í eina
risagöngu við Hafnarfjarðarkirkju
sem marserar um miðbæinn. Mælst
er til að áhorfendur njóti skrúð-
göngunnar af gangstéttum. Að lok-
inni göngunni verða flutt frábær
tónlistaratriði í Íþróttahúsinu við
Strandgötu og boðið upp á léttar
veitingar og kaffi fyrir þátttak-
endur.
Á sunnudag verður formleg dag-
skrá sjómannadags þannig:
Kl. 8 Fánar dregnir að húni
Kl. 10 Lúðrasveit Hafnarfjarðar
leikur við Hrafnistu.
Kl. 10:30 Lagður blómsveigur að
minnisvarða um horfna sjómenn.
Kl. 11 Sjómannamessa í Fríkirkju
Hafnarfjarðar.
Kl. 13 Skemmtisigling fyrir börn.
Farið verður frá suðurhöfninni.
Opið hús hjá Siglingaklúbbnum Þyt,
boðið upp á siglingar, starfsemin
kynnt og haldin furðubátakeppni.
Kl. 14 Hátíðardagskrá sjó-
mannadagsins sett á svæðinu fyrir
framan Fiskmarkaðinn.
Lúðrasveit Hafnarfjarðar leikur,
flutt verða ávörp og aldraðir sjó-
menn heiðraðir.
Listflug, kappróður og margt
fleira. Fiskur og annað góðgæti
verður til sölu á svæðinu.
Kaffisala á Hrafnistu.
Öryggisgæsla er í höndum Björg-
unarsveitar Hafnarfjarðar.
Þrjár nýjar sýningar
Byggðasafn Hafnarfjarðar hefur
nú flutt alla sýningastarfsemi sína í
Pakkhúsið á Vesturgötu 8, sem hýs-
ir þrjár nýjar sýningar sem verða
opnaðar 6. júní. Stærsta sýningin er
sögusýningin „Þannig var...“ þar
sem saga Hafnarfjarðar er rakin
frá landnámi til okkar daga með að-
stoð sagnfræðilegra texta, ljós-
mynda, teikninga og fjölda muna er
glæða söguna lífi.
Á efstu hæð hússins hefur verið
sett upp leikfangasýning sem sér-
staklega er hönnuð fyrir börn, en
áByggðasafni Hafnarfjarðar
er varðveitt eitt stærsta leik-
fangasafn landsins.
Þriðja sýningin í þessu nýja hús-
næði Byggðasafnsins er ljós-
myndasýning þar sem fjölmargar
gamlar ljósmyndir úr Hafnarfirði
verða sýndar.
Sjómannahelgi
í Hafnarfirði
Garðabær | Í sumar verður hægt að
heimsækja bæinn Krók á Garðaholti í
Garðabæ. Bærinn verður opinn gest-
um og gangandi á sunnudögum í
sumar frá og með morgundeginum.
Síðastliðið sumar var bærinn einnig
opinn almenningi og aðsókn var mjög
góð.
Krókur á Garðaholti er lítill báru-
járnsklæddur burstabær sem var
endurbyggður úr torfbæ árið 1923.
Er hann talinn gott dæmi um húsa-
kost og lifnaðarhætti alþýðufólks á
þessum landshluta á öndverðri síð-
ustu öld og hefur því ótvírætt menn-
ingarlegt og sögulegt gildi. Í Króki er
eitt herbergi sérstaklega ætlað sem
vinnuaðstaða fyrir listamenn. Í vetur
hafa tveir listamenn haft afnot af
vinnuaðstöðunni í Króki og búið er að
úthluta vinnuaðstöðunni fram á
haust. Vorið 1934 hafði Þorbjörg
Stefanía Guðjónsdóttir fengið ábúð á
Króki en maður hennar var Vilmund-
ur Gíslason. Afkomendur Þorbjargar
og Vilmundar í Króki gáfu Garðabæ
bæjarhúsin í Króki ásamt útihúsum
og innbúi árið 1998 með því skilyrði
að bærinn yrði endurbyggður. Jón
Nordsteien arkitekt stjórnaði end-
urgerð bæjarins og Einar Hjartarson
húsasmíðameistari var fenginn til að
vinna verkið. Systurnar Elín og Vil-
borg Vilmundardætur höfðu umsjón
með uppröðun húsmuna.
Aðgangur að Króki er ókeypis og í
sumar verður opið alla sunnudaga frá
kl. 13–17.
Bærinn Krókur
opinn á sunnudögum
Krókur er staðsettur í nágrenni
samkomuhússins á Garðaholti.
Miðbær | Í dag klukkan þrjú verð-
ur opnuð sýningin „Minningar frá
Íslandi“ í húsakynnum Alliance
Française í Tryggvagötu 8, en þar
er rekin saga franskra sjómanna
sem stunduðu veiðar við strendur
Íslands í ljósmyndum og vitn-
isburðum.
Fátt er enn til vitnis um sögu
hinna hugrökku skútusjómanna, að-
eins einn og einn hlutur á stangli,
annaðhvort fenginn í vöruskiptum
eða keyptur á uppboði þegar skúta
hafði strandað, sem og grafreitir
franskra sjómanna og fyrrum
franskir spítalar. Hervé Jézéquel
ljósmyndari og mannfræðingurinn
Vanessa Doutreleau fóru víða um
land á slóðir myndanna til að vinna
heimildavinnu fyrir sýninguna.
Sýning um franska
skútusjómenn
Er vinningur
í lokinu?
www.ms.isEr
vin
nin
gu
r í l
ok
inu
?
fiú sér› strax
hvort fla› leynist óvæntur
gla›ningur í Engjaflykkninu
flínu!
H
V
ÍT
A
H
Ú
SI
Ð
/
S
ÍA