Morgunblaðið - 05.06.2004, Page 27
Á MATSEÐLI veitingastaðarins
Caruso í Bankastræti eru yfir sextíu
réttir en lesandi sem heimsótti stað-
inn nýlega mælti sérstaklega með
fylltum sveppahöttum og grænmet-
isböku.
„Grænmetisbakan er mjög vinsæl
og töluverð hreyfing á henni,“ segir
Márus Jóhannesson matreiðslu-
meistari, sem hefur yfirumsjón með
eldhúsinu, þegar falast var eftir upp-
skriftum að þessum réttum. „Við
finnum alltaf fyrir árstíðabreyt-
ingum hjá gestunum,“ segir hann.
„Á veturna eru þyngri réttir vinsælir
og rauðvín með en þegar fer að vora
er minna pantað af rauðvíni miðað
við hvítvín og létta grænmetis- og
pastarétti. En þeim hefur fjölgað
verulega sem kjósa grænmetisrétti
og annað sérfæði svona yfirleitt.“
Márus segist vera ánægður með
betri og bætta vínmenningu síðustu
ára. Algengt sé að fólk fái sér eitt
vínglas með matnum í hádeginu, sér-
staklega þegar fer að vora og sólin
skín. „Maður sér fólk fá sér eitt glas
og síðan ekki meir. Þetta er huggu-
legt og menningarlegt eins og hjá
öðrum þjóðum,“ segir hann.
Fylltu sveppahattarnir hafa verið
á forréttaseðlinum síðan 1996 og
pastaréttir, bæði með rjómasósu og
olíu. „Vinsælasti pastarétturinn heit-
ir „þrír litir“ og samanstendur, eins
og nafnið ber með sér, af pasta í
þremur litum, fersku grænmeti og
olíu.“
Grænmetis-
baka Caruso
Fyrir 4
4 egg
400 ml chedd-
arostasósa (fæst
tilbúin)
600 g blandað ferskt
grænmeti
hvítlauksolía
rifinn ostur
4 stk. form (quiche) (fást tilbúin hjá
GV heildverslun)
salt og pipar eftir smekk
Sósan er hituð upp í potti (ekki
sjóða) eggin slegin út í, salt og pipar,
hvítlauksolía.
Grænmetið
er steikt á
pönnu og sett í
formin.
Sósu hellt yfir
grænmetið í form-
inu og rifnum osti
stráð yfir.
Bakað í 180º heitum ofni í
um 10–12 mín.
Af fersku grænmeti má t.d. nota,
sveppi, eggaldin, kúrbít, gulrætur,
blaðlauk og papriku.
Sveppahattar, fylltir með
gráðosti og hvítlauk
3 sveppahattar, miðlungsstórir
gráðostur
hvítlaukssmjör
salat
Stilkurinn tekinn úr sveppahattin-
um og hatturinn fylltur með gráðosti
og þykku lagi af hvítlaukssmjöri, um
einn cm, smurt yfir hattinn. Bakað í
ofni við 180° í um 10 mín., allt eftir því
hvað sveppirnir eru stórir. Borið
fram með salati og bráðnu hvít-
laukssmjöri sem hellt er úr ofnbakk-
anum.
UPPÁHALDSRÉTTUR| Léttmeti með hækkandi sól
Morgunblaðið/ÞÖK
Sigríður Grétarsdóttir leggur síðustu hönd á
matreiðsluna á veitingastaðnum Caruso.
Morgunblaðið/ÞÖK
Létt: Grænmetisbakan
vinsæla.Grænmetisbak-
an sívinsæla
DAGLEGT LÍF
MORGUNBLAÐIÐ LAUGARDAGUR 5. JÚNÍ 2004 27
Sérstök útimarkaðsstemning verður frá búðarborði og
út á gangstéttar í miðborginni í dag á Löngum laugardegi.
Verslanir verða opnar til kl. 17.
Markaðsnefnd miðborgarinnar
Kringlunni, s. 588 1680
iðunn
tískuverslun
kvartbuxur
S k o ð i ð V i ð e y
www . f e r j a . i s
www.thjodmenning.is
FRÁ og með Hafn-
ardeginum, sem hald-
inn verður hátíðlegur í
dag, verður hægt að
gæða sér að gómsæt-
um réttum um borð í
Árnesinu, sem er eina
fljótandi veitingahúsið
á Íslandi. Skipið liggur
við landfestar við Suð-
urbugt, undan Hafn-
arbúðum við Reykja-
víkurhöfn. Veitinga-
reksturinn verður í
höndum Önnu Guð-
mundsdóttur og barna
hennar, Bjarna og
Örnu Gunnarsbörnum.
Alls tekur skipið yfir
eitt hundrað manns í
sæti í þremur sölum og
er Bjarni framkvæmdastjóri staðarins.
Árnesið var upphaflega smíðað árið 1966 og
hefur lengst af þjónað sem Breiðafjarðarferjan
Baldur. Þegar nýr Baldur leysti hina gömlu af
hólmi árið 1990, keypti Eysteinn Yngvason skipið
og nokkrum árum síðar lét hann gera breytingar
á skipinu til að gera aðstöðuna farþegavænni.
Skipið var í siglingum um Faxaflóann til ársins
1999, með hópa og veislur af ýmsum toga, en verð-
ur hér eftir nýtt sem veitingahús og sem miðstöð
siglinga um sundin blá. „Hópar geta nú pantað
ýmsar sérferðir hjá okkur og svo getur fólk bara
komið hér við á björtum sumardögum og athugað
hvort bátar séu lausir, farið í skreppitúra út á fló-
ann, í eyjaferðir, sjóstangaveiði og fuglaskoðun,“
segir Eysteinn og bætir við að daglega verði boðið
upp á tvær fastar fuglaskoðunarferðir á dag,
klukkan 10.30 og 16.45.
Áhersla á sjávarfang
Anna Guðmundsdóttir, veitingamaður um borð
í Árnesi, segist búa að þeirri reynslu að hafa rekið
heimili í fjörutíu ár
auk þess sem hún
hafi komið nálægt
veitinga- og kaffi-
húsarekstri. Sjálf
er hún hinsvegar
menntuð leikkona
frá Leiklistarskóla
Þjóðleikhúss-
ins og út-
skrifaðist
sem slík árið
1967. „En svo
tók lífið aðra
stefnu og hef ég lengst af unnið við
ýmis skrifstofustörf. Það má þó
segja að ég sé að skapa mér at-
vinnu eftir að hafa verið atvinnu-
laus í heilt ár því ég er komin á
þann aldur að ég er ekki einu sinni
kölluð í viðtöl þrátt fyrir að hafa
sótt um fjöldamörg störf.“ Hægt hefur verið að fá
kaffi, meðlæti og súpu um borð í Árnesinu frá nóv-
embermánuði. Eftir sem áður geta gestir og
gangandi staldrað við og fengið sér kaffi og með
því, en frá og með deginum í dag verður boðið upp
á sérréttamatseðil á kvöldin þar sem valið stendur
um fimm til sex rétti. Veitingamennirnir um borð í
Árnesi ætla að leggja sérstaka rækt við sjáv-
arfang á matseðlinum þar sem humar, kræklingur
og svartfugl verða í hávegum hafðir. Íslenska
lambakjötið verður einnig áberandi á matseðli Ár-
nessins því bæði verður hægt að fá marinerað
lambafile og ávaxtafyllta lambasteik með brún-
uðum kartöflum.
Uppskrift að sjávarréttasúpu varð fyrir valinu
þegar Anna var beðin um að gefa lesendum upp-
skrift, en að hennar sögn hefur súpa þessi verið
elduð á hennar heimili reglulega undanfarin tólf
ár. „Súpan góða hefur alltaf verið að betrumbæt-
ast enda hefur hún farið í gegnum breytingar ár
frá ári. Okkur þykir því tilvalið að leyfa öðrum að
njóta.“
Sjávarréttasúpa
(fyrir 4–6)
½ dl olía
3 marin hvítlauksrif
1 smátt saxaður laukur
2 meðalstórar smátt
saxaðar gulrætur
1 smátt saxaður sellerístöngull
1 dós tómatmauk
½ dós kókosmjólk
1 msk kjúklingakraftsduft
1½ msk fiskikrydd frá Pottagöldrum
1 msk tómatpurré
1 tsk salt
1 tsk pipar
1 msk red curry paste
2 fiskikraftsteningar
1 peli hvítvín
1 ½ lítri vatn
Olía sett í pott ásamt laukum og gulrótum. Lát-
ið krauma í smástund. Tómatmauki bætt út í og
síðan öðru því sem fara á í réttinn. Látið sjóða þar
til gulræturnar eru orðnar mjúkar. Þá er hálfum
lítra af rjóma bætt út í og rétt áður en súpan er
borin fram er fiskmetinu blandað saman við. Um
borð í Árnesinu er notast við 100 g af rækjum, 100
g af hörpudiski og 50 g af krabbakjöti. Smekks-
atriði er hinsvegar hvaða fiskur og hversu mikið
magn af honum er notaður í súpuna.
Morgunblaðið/Eggert
Árnesið: Þjónar nú sem fljótandi veitingahús við Suðurbugt í
Reykjavíkurhöfn.
Veitingamennirnir: Anna Guðmunds-
dóttir og Bjarni Gunnarsson.
MATARKISTAN| Fljótandi veitingahús í Reykjavíkurhöfn
Sjávarréttasúpa
um borð í Árnesi