Morgunblaðið - 19.06.2004, Blaðsíða 53

ÍÞRÓTTIR
MORGUNBLAÐIÐ LAUGARDAGUR 19. JÚNÍ 2004 53
Golfmót Víkings og Austurbakka verður haldið á einum glæsilegasta
golfvelli landsins Oddfellowvellinum við Urriðavatn þann 27. júní nk.
Mótið er punktamót. 1. 2. og 3 verðlaun verða veitt bæði fyrir karla og
konur auk tvennra nándarverðlauna á par 3 holum.
Rástími frá kl. 11. Panta þarf rástíma.
Vinsamlega skráið ykkur í tíma í Víkinni, sími 581 3245
eða hjá Erni netfang: orngu@simi.is,
Jóhannesi s. 564 1695 eða Sigurði Inga s. 896 3940.
Golfmót Víkings og
Austurbakka
Fulltrúaráð Víkings
hljóta refsingu fyrir. Einnig hefði
myndbandsupptaka sýnt dómara
leiks Frakklands og Króatíu, að
franski leikmaðurinn David Trez-
eguet handlék knöttinn viljandi
áður en hann tryggði Frökkum
jafntefli, 2:2. Þar með misstu
Króatar af tveimur þýðingarmikl-
um stigum, sem getur orðið þeim
dýrkeypt.
Ég skora á Eggert Magnússon,
formann Knattspyrnusambands
Íslands og einn af stjórnarmönn-
um Knattspyrnusambands Evr-
ópu, UEFA, að beita sér fyrir að
myndbandsupptökur verði lög-
leiddar í knattspyrnuleikjum og
þannig komið í veg fyrir að leikir
séu skemmdir og skemmtun
spillt. UEFA og FIFA, Alþjóða
knattspyrnusambandið, geta ekki
endalaust fitnað og safnað sjóðum
án þess að auka gæði knattspyrn-
unnar. Knattspyrnuunnendur
óska eftir skjótum viðbrögðum.
Sigmundur Ó. Steinarsson.
 CLAUS Jensen, miðjumaður
Dana, segir að leikmenn Dana séu í
frábæru formi og það muni hjálpa
þeim í Portúgal. „Við höfum lagt
mikla áherslu á að vera í góðu lík-
amlegu formi. Í leiknum gegn Ítalíu
sást það að við erum í betra formi en
ítölsku leikmennirnir,“ sagði Jensen.
 ENSKA úrvalsdeildarliðið Birm-
ingham hefur náð samkomulagi við
Chelsea um kaup á danska miðju-
manninum Jesper Grønkjær, en
kaupverðið hefur ekki fengist upp-
gefið. Grønkjær, sem er 26 ára, hef-
ur leikið 48 leiki fyrir Chelsea og
skorað í þeim þrjú mörk. Ekki er bú-
ist við að gengið verði frá samning-
um fyrr en eftir EM í Portúgal.
 WAYNE Rooney fékk annað mark
Englands gegn Sviss skráð á sig. Um
tíma var talið að markið yrði tekið af
honum og skráð sem sjálfsmark
Jörge Stiel, markvarðar Svisslend-
inga. Skot Rooney’s hafnaði á stöng
og knötturinn var á leiðinni frá
marki er hann hafnaði á bakinu á
Stiel og fór þaðan í netið. Markið var
skráð að Rooney á þeim forsemdum,
að Stiel hafi ekki reynt að ná til
knattarins og breytt stefnu hans.
 BERND Schuster, fyrrverandi
landsliðsmaður Þýskalands í knatt-
spyrnu, hefur verið ráðinn þjálfari
Levante, nýliðanna í 1. deildar-
keppninni á Spáni. Schuster, 44 ára,
var á dögunum látinn fara sem þjálf-
ari Shakhtar Donetsk í Úrkaínu, þar
sem liðið stóð sig ekki vel undir hans
stjórn. Schuster þekkir vel til á
Spáni, en hann hefur leikið þar með
Real Madrid, Atletico Madrid og
Barcelona.
 THIERRY Henry, markahrókur-
inn mikli, sem hefur ekki náð sér á
strik með franska landsliðinu á EM,
er mjög ánægður með framgöngu
Wayne Rooney með enska landslið-
inu. „Rooney hefur náð að heilla
Englendinga, enda er hann hinn
dæmigerði enski miðherji – marka-
skorari af guðs náð.“
FÓLKMÖRKIN sem Wayne Rooney
skoraði gegn Sviss verða
skráð í sögubækurnar þar sem
hann er yngsti leikmaðurinn
frá upphafi til að skora í úr-
slitakeppni EM. Fyrra metið
átti Dragan Stojovic frá Júgó-
slavíu, en hann var 19 ára, 3
mánaða og 16 daga gamall,
þegar hann skoraði gegn
Frakklandi árið 1984. Rooney
var hins vegar 18 ára, 7 mán-
aða og 23 daga gamall þegar
hann skoraði gegn Sviss á
fimmtudag. Þetta er ekki eina
metið sem Rooney á með
enska landsliðinu en hann er
bæði yngsti leikmaðurinn sem
leikið hefur fyrir Englands
hönd og hann er yngsti leik-
maðurinn sem hefur skorað
fyrir England. Hann var að-
eins 17 ára og 4 mánaða gam-
all þegar hann skoraði sitt
fyrsta mark gegn Makedóníu í
undankeppni EM, en Michael
Owen átti bæði þessi met á
undan Rooney.
„Það er alltaf frábært að
setja met en það er liðið sem
skiptir máli. Við spiluðum vel
en hefðum getað spilað betur.
Þetta var stór dagur en við
höfðum það af og mikill léttir
því hefðum við tapað leiknum
værum við úr leik í keppninni
hér í Portúgal. Sending
Owen’s var frábær í fyrsta
markinu – ég gat ekki annað
en skorað.“
Sven-Göran Eriksson,
landsliðsþjálfari Englands,
var einnig hæstánægður með
frammistöðu piltsins eftir leik-
inn gegn Sviss.
„Hann er frábær leikmaður
– með frábæra hæfileika.
Hann lék vel gegn Frakklandi
og Svisslendingum – er hreint
ótrúlegur og ég vona að hann
spili svona það sem eftir er af
mótinu,“ sagði Eriksson.
Rooney
slær enn
eitt metið
Svisslendingar byrjuðu leikinn afkrafti og það var greinilegt að
þeir sýndu Englendingum enga
virðingu. Hakan Yakin var áberandi
á miðjunni og olli ensku vörninni
miklum vandræðum með vel út-
færðum aukaspyrnum. Í tvígang
voru Englendingar nærri búnir að
skora í eigið mark eftir aukaspyrn-
ur frá Yakin. Englendingar fengu
sína fyrstu sókn á 20. mínútu sem
endaði með því að Wayne Rooney
fékk að líta gula spjaldið eftir
háskalega tæklingu á markverði
Sviss, Jörg Stiel. Þremur mínútum
síðar skoraði Rooney fyrsta mark
leiksins. David Beckham gaf góða
sendingu á Michael Owen inn á
vítateig Svisslendinga. Hann tók við
boltanum, lyfti honum laglega yfir
tvo varnarmenn Sviss og þar var
Rooney mættur og skallaði boltann
fram hjá Stiel í markinu af stuttu
færi. Eftir markið voru Svisslend-
ingar ívið sterkari án þess að skapa
sér hættuleg færi og áttu miðju-
menn enska landsliðsins rólegan
dag, einkum Frank Lampard sem
var langt frá sínu besta í leiknum.
Seinni hálfleikur byrjaði á svip-
uðum nótum. Svisslendingar voru
meira með boltann á meðan Eng-
lendingar vörðust. Á 60. mínútu
þurfti Bernt Haas, leikmaður Sviss,
að yfirgefa völlinn þegar hann fékk
að líta sitt annað gula spjald og
Englendingar gengu á lagið. Roon-
ey bætti við sínu öðru marki á 76.
mínútu eftir að Darius Vassell vann
boltann af miklu harðfylgi. Fast
skot Rooneys hafnaði í stönginni en
fór í bak Stiel í markinu og þaðan í
netið. Það var svo Steven Gerrard
sem innsiglaði sigur Englendinga á
82. mínútu eftir góðan undirbúning
Gary Neville.
Sigur Englendinga var ekki
sannfærandi og gefa úrslitin ekki
rétta mynd af leiknum. Miðjuleikur
liðsins var slappur og það var ekki
fyrr en þeir voru orðnir einum leik-
manni fleiri sem þeir náðu tökum á
leiknum. Svisslendingar voru lán-
lausir og annan leikinn í röð missa
þeir mann af leikvelli. Þeir eiga þó
möguleika á að komast áfram í riðl-
inum sigri þeir Frakka í síðustu
umferðinni. Englendingum nægir
jafntefli gegn Króatíu og miðað við
frammistöðu Króata gegn Frökkum
má búast við mjög erfiðum leik fyr-
ir Englendinga.
Vafasamt mark
bjargaði Frökkum
Króatar voru óheppnir að hirða
ekki öll stigin er þeir gerðu 2:2 jafn-
tefli við Evrópumeistara Frakka.
Með sigri hefðu Frakkar tryggt sér
farseðilinn í fjórðungsúrslitin en
þeir geta þakkað dómara leiksins
fyrir stigið.
Frakkar voru mun betri aðilinn í
fyrri hálfleik og náðu Króatar aldr-
ei að ógna marki Frakka að ráði.
Fyrsta mark leiksins kom á 22.
mínútu og var það varnarmaður
Króata, Igor Tudor, sem skoraði í
eigið mark eftir aukaspyrnu Zined-
ine Zidane utan af vinstri kanti.
Eftir markið héldu Frakkar áfram
að sækja og undir lok fyrri hálfleik
var William Gallas nálægt því að
skora, eftir stórglæsilegan undir-
búning Zidane, en skalli hans fór
rétt fram hjá markinu.
Króatar komu mjög sterkir til
leiks í síðari hálfleiks og það tók þá
aðeins þrjár mínútur að jafna met-
in. Mikael Silvestre fékk dæmda á
sig sína aðra vítaspyrnu á mótinu
þegar hann hljóp niður Giovanni
Rosso og það var Milan Rapaic sem
skoraði af miklu öryggi framhjá
Barthez í markinu. Aðeins fjórum
mínútum síðar var Dado Prso búinn
að koma Króötum yfir þegar hann
hamraði boltann í þaknetið eftir að
Marcel Desailly mistókst að hreinsa
boltann frá markinu. En Frakkar
náðu að jafna metin á 62. mínútu.
Igor Tudor gaf slæma sendingu aft-
ur á Butina í marki Króata sem
spyrnti knettinum í hendi David
Trezeguet sem síðan renndi bolt-
anum í autt markið. Boltinn fór
augljóslega í höndina á Trezeguet
en dómarinn sá ekkert athugavert,
Króötum til mikillar gremju. Eftir
markið skiptust liðin á að sækja en
hættulegasta færið fékk Ivica
Mornar á síðustu mínútu leiksins
þegar hann sneri varnarmann
Frakka laglega af sér á markteign-
um en skot hans fór rétt fram hjá
markinu.
Frakkar mega teljast heppnir að
ná jafntefli í leiknum þrátt fyrir að
hafa yfirspilað Króatana í fyrri hálf-
leik. Liðsuppstilling liðsins vakti
óneitanlega furðu þar sem Sylvain
Wiltord byrjaði inn á í stað Robert
Pires auk þess sem Marcel Desailly
er greinilega langt frá sínu besta.
Króatar spiluðu hins vegar góðan
fótbolta í seinni hálfleik og eiga ef-
laust eftir að veita Englendingum
harða mótspyrnu þegar liðin mæt-
ast á mánudag.
Reuters
Wayne Rooney (9) fagnar fyrra marki sínu gegn Svisslendingum.
Rooney með stór-
leik gegn Sviss
EFTIR áfallið gegn Frakklandi í fyrsta leik sínum á EM í Portúgal
þurftu Englendingar nauðsynlega á sigri að halda gegn Sviss á
fimmtudag og það var ljóst á leik liðsins að það var mikið undir.
Leikmenn enska liðsins virtust taugaóstyrkir og fram að fyrsta
marki Englendinga voru Svisslendingar líklegri til að skora. En það
var hið 18 ára gamla undrabarn, Wayne Rooney, sem sá um að af-
greiða Svisslendingana með sínum öðrum stjörnuleik á mótinu.
Pilturinn skoraði tvö fyrstu mörk Englendinga í leiknum og varð þar
með yngsti leikmaðurinn frá upphafi til að skora í úrslitakeppni EM.
Með sigrinum komust Englendingar í annað sæti B-riðils og nægir
þeim jafntefli gegn Króatíu á mánudag til að tryggja sér sæti í fjórð-
ungsúrslitum.
ÍTALSKI knattspyrnumaðurinn
Francesco Totti var dæmdur í
þriggja leikja bann fyrir óíþrótta-
mannlega framkomu á leikvelli.
Hann hrækti framan í danska leik-
manninn Christian Poulsen. Það
voru ekki margir sem sáu atvikið í
hita leiksins, en sjónsvarpsmynda-
vélar festu atburðinn á filmu og út
frá því var dæmt. Totti hefur enn á
ný komið sér í sviðsljósið á stórmóti
fyrir óíþróttamannlega framkomu.
Fyrir tveimur árum – í Taejon í
Suður-Kóreu 18. júní 2002 – reyndi
hann að fiska vítaspyrnu í leik gegn
Suður-Kóreumönnum í 16-liða úr-
slitum, með því að láta sig falla inni
í vítateig. Góður dómari leiksins,
Byron Morento frá Ekvador, sá við
honum og sýndi honum gula spjald-
ið fyrir leikaraskap og í kjölfarið
kom upp rauða spjaldið, þar sem
Totti hafði fengið að sjá gult spjald
fyrr í leiknum. Suður-Kóreumenn
nýttu sér það og tryggðu sér sigur
og sendu Ítali heim, 2:1.
Totti aftur í sviðsljósinu
Francesco Totti og Christi-
an Poulsen.