Morgunblaðið - 24.09.2004, Blaðsíða 6

6 FÖSTUDAGUR 24. SEPTEMBER 2004 MORGUNBLAÐIÐ
FRÉTTIR
Nýr Corolla. Tákn um gæði.
www.toyota.is
Það gerir lífið spennandi að vita ekki alltaf hvað bíður manns. En um bíla gegnir
öðru máli. Þér finnst nýr Corolla spennandi kostur af því að þú veist hvað bíður
þín í nýjum Corolla. Þú gerir kröfur um öfluga, hljóðláta og sparneytna vél,
öryggi í umferðinni, þægindi í akstri og bíl sem er góður í endursölu. Þess
vegna viltu nýjan Corolla og ert spenntur þegar þú sest undir stýri í fyrsta skipti.
Komdu og prófaðu nýjan Corolla.
Njóttu þess að lífið er spennandi!
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
T
O
Y
25
72
4

09
/2
00
4
EKKERT miðaði í kjaradeilu grunnskóla-
kennara og sveitarfélaga á rúmlega tveggja
tíma fundi deilenda hjá ríkissáttasemjara í
gærmorgun. „Það ber mikið á milli aðila,“
sagði Ásmundur Stefánsson ríkissáttasemj-
ari við Morgunblaðið eftir fundinn í gær, en
vísaði að öðru leyti á fulltrúa deilenda.
Næsti fundur hjá sáttasemjara hefur verið
boðaður á fimmtudag að viku liðinni.
Finnbogi Sigurðsson, formaður Félags
grunnskólakennara, sagði að fulltrúar sveit-
arfélaganna hefðu ekki komið með neitt nýtt
inn á fundinn í gær. „Þeir komu ekki með
neitt nýtt og við lýstum því yfir að við vær-
um ekki tilbúin til frekari viðræðna nema
þeir hefðu um eitthvað að tala,“ sagði hann.
Aðspurður sagði hann að boltinn væri, að
sínu mati, hjá sveitarfélögunum.
Birgir Björn Sigurjónsson, formaður
launanefndar sveitarfélaganna, segir að
staðan í málinu sé í raun mjög „þung og al-
varleg,“ eins og hann orðar það.
„Þeir [grunnskólakennarar] stilla okkur
frammi fyrir kröfum sem eru algjörlega
ófrávíkjanlegar og ósveigjanlegar. Það gefur
ekki miklar vonir né heldur mikið olnboga-
rými.“
Vilja ekki á hugarflæðisfund
Birgir Björn segir að sáttasemjari hafi á
fundinum í gær stungið upp á því að deil-
endur hittust á „hugarflugsfundi á mánudag
þar sem allir myndu leggja sig fram um að
leita að nýjum leiðum og nýjum aðferðum til
þess að finna lausn á þessu máli“. Birgir
segist, fyrir hönd launanefndar sveitarfélag-
anna, fús til að mæta á slíkan fund. Fulltrú-
ar grunnskólakennara hafi hins vegar hafn-
að honum. „Við erum í raun ekki með nein
ný tilboð en erum að sjálfsögðu tilbúin að
fara óskuldbundin inn í svona viðræður,“
segir hann og vísar til hugarflugsfundarins.
Finnbogi játar því að kennarar hefðu ekki
verið tilbúnir í hugarflugsfund. „Við erum
ekki tilbúin í þetta hugarflæði nema það sé
eitthvað á borðinu af þeirra hálfu.“ Hann
segir að sá fjárhagsrammi sem sveitarfélög-
in séu aftur og aftur að bjóða kennurum
komi ekki til greina, þ.e. ramma sem feli í
sér hækkanir upp á sautján til átján prósent
á samningstímanum. „Það er búið að vera
ljóst í marga mánuði að þessi rammi, sem
þeir lögðu fram í maí, er of lítill. Þeir leggja
hann á borðið ellefu tímum fyrir verkfall og
eru enn að tala um að fara í einhverja hug-
arflæðisumræðu í kringum þennan sama
ramma. Ég sé ekki nokkra ástæðu til að
endurtaka þann leik.“
Enginn árangur á sáttafundi kennara og sveitarfélaga í gær
„Staðan þung og alvarleg“
Næsti fundur boðaður
að viku liðinni
Morgunblaðið/Þorkell
Fulltrúar kennara og sveitarfélaga funduðu hjá ríkissáttasemjara í gærmorgun en án árang-
urs. Fundurinn var stuttur. Hér gefst stund milli stríða hjá þeim Birgi Birni Sigurjónssyni, for-
manni launanefndar sveitarfélaganna, og Ásmundi Stefánssyni ríkissáttasemjara.
EIN undanþágubeiðni frá kennaraverkfalli,
af tólf sem borist hafa, var afgreidd á fjög-
urra tíma löngum fundi svokallaðrar und-
anþágunefndar í gær. Beiðninni var hafnað,
að sögn Sigurðar Óla Kolbeinssonar, fulltrúa
sveitarfélaganna í nefndinni. „Við töldum að
hún fæli ekki í sér neitt neyðarástand,“ út-
skýrir hann og bætir því við að hún hafi ekki
snúist um kennslu fyrir fötluð börn.
Ekki náðist samkomulag um hinar und-
anþágubeiðnirnar en Sigurður Óli segir stefnt
að því að afgreiða þær á næsta fundi nefnd-
arinnar sem hefst fyrir hádegi í dag. „Von-
andi náum við þá að klára allar þær umsóknir
sem borist hafa.“ Hann segir að flestar beiðn-
irnar snúist um kennslu fyrir fötluð börn.
Af þeim tólf undanþágubeiðnum sem borist
hafa eru fjórar ófullnægjandi, segir Sigurður
Óli. Til dæmis vanti meiri upplýsingar um
þær. „Viðkomandi aðilum hafa verið sendar
upplýsingar um það og við bíðum eftir því að
þeir lagfæri sínar umsóknir.“
Báðir þurfa að samþykkja
undanþágubeiðnir
Undanþágunefndin, svokallaða, starfar á
grundvelli 21. greinar laga um kjarasamning
opinberra starfsmanna. Í 20. gr. laganna segir
að komi til verkfalls sé heimilt að kalla starfs-
menn, sem eru í verkfalli, tímabundið til
vinnu í þeim tilgangi að afstýra neyðar-
ástandi. „Nefnd tveggja manna ákveður
hverjir skulu kvaddir til starfa,“ segir síðan í
21. greininni. „Annar nefndarmanna skal til-
nefndur af því stéttarfélagi sem á í verkfalli
en hinn af viðsemjanda þess. Ákvarðanir um
kvaðningu til vinnu skulu teknar með atkvæð-
um beggja nefndarmanna og eru þær end-
anlegar.“ Síðasta setningin þýðir m.ö.o., að
sögn Sigurðar Óla, að undanþágubeiðni er
hafnað ef báðir aðilar eru ekki samþykkir
henni.
Fulltrúi grunnskólakennara í nefndinni er
Þórarna Jónasdóttir. Ekki náðist í hana við
vinnslu þessarar fréttar í gær.
Ein undan-
þágubeiðni
afgreidd
ALÞÝÐUSAMBAND Íslands hef-
ur ekki ákveðið hvort dómi héraðs-
dóms verður áfrýjað til Hæsta-
réttar, en í dómnum var kröfum
ASÍ um greiðslu orlofslauna í fæð-
ingarorlofi hafnað. Halldór Grön-
vold, aðstoðarframkvæmdastjóri
ASÍ, segir að þessi niðurstaða sé
óviðunandi.
„Ef dómurinn stendur er hann
að staðfesta þessa framkvæmd. Við
höfum fyrst og fremst gagnrýnt að
fyrir fólk á almennum vinnumark-
aði er fæðingarorlofið í reynd
styttra en lögin kveða á um.
Ástæðan er sú að það er skorið af
almenna orlofinu á móti. Foreldri
sem fer t.d. í sex mánaða fæðing-
arorlof er í raun og veru að tapa
tveimur til þremur vikum af venju-
legu orlofi á móti,“ segir Halldór.
Hann bendir á að ef þessi nið-
urstaða héraðsdóms stendur til
frambúðar sé ljóst að eitt af meg-
inmarkmiðum fæðingarorlofslag-
anna um að jafna stöðu fólks á
vinnumarkaði hafi ekki náðst. „Rík-
issjóður er að greiða starfsmönnum
sínum orlof í fæðingarorlofi en ger-
ir það ekki gagnvart fólki á al-
mennum vinnumarkaði,“ segir
Halldór.
Ekki dómsins að
leiðrétta misræmi
Í dómi héraðsdóms í gær fellst
dómarinn á að það sé til staðar
ósamræmi í lögum hvað þetta varð-
ar, að sögn Halldórs. „Orlofslögin
kveða á um að orlofstöku eigi að
fylgja greiðsluréttur í orlofi en
dómarinn segir að það sé ekki
dómsins að leiðrétta það misræmi
sem sé í löggjöfinni.
Við erum að fara yfir og meta
hvort við teljum efni til að áfrýja
dómnum en þegar upp er staðið
snýst þetta hugsanlega ekki um
lögfræði heldur pólitík. Það er al-
veg ljóst að við hljótum að sækja á
félagsmálaráðherra um að hann
tryggi og standi fyrir því að lög-
unum verði breytt til þess að ná
þessum jafnréttismarkmiðum og ná
þeirri framkvæmd sem Páll Pét-
ursson, þáverandi félagsmálaráð-
herra, lýsti yfir á sínum tíma að
ætti að fylgja við framkvæmd lag-
anna,“ segir Halldór. Vísar hann
þar til svars þáverandi félagsmála-
ráðherra til Jóhönnu Sigurð-
ardóttur, þingmanns á Alþingi vet-
urinn 2002–2003, á þá leið að
Fæðingarorlofssjóði beri að greiða
foreldrum orlofslaun skv. ákvæðum
laga um orlof og um fæðingar- og
foreldraorlof, vegna þess tíma sem
þeir eru í fæðingarorlofi og njóta
greiðslna úr sjóðnum.
Halldór Grönvold, aðstoðarframkvæmdastjóri ASÍ
Óviðunandi niðurstaða
un Evrópusambandsins segi að
aðildarríki skuli gera nauðsynleg-
ar ráðstafanir til að tryggja öllum
launþegum rétt á launuðu árlegu
orlofi í að minnsta kosti fjórar vik-
ur í samræmi við skilyrði fyrir að
öðlast og fá notið slíks réttar, sem
mælt sé fyrir um í innlendri lög-
gjöf og/eða réttarvenju.
Bent á að ríkisstarfsmenn
hafa þennan rétt
Í dómnum segir að í þessum
reglum felist þó ekki að foreldrum
í fæðingarorlofi hafi verið tryggð-
ur réttur til orlofslauna af
HÉRAÐSDÓMUR Reykjavíkur
sýknaði í gær Tryggingastofnun
ríkisins (TR) af kröfum Alþýðu-
sambands Íslands um að viður-
kenndur verði réttur foreldra í
fæðingarorlofi til orlofslauna úr
Fæðingarorlofssjóði þann tíma
sem fæðingarorlofið stendur yfir.
ASÍ vildi að Tryggingastofnun
greiddi orlof ofan á greiðslur sínar
úr Fæðingarorlofssjóði til fé-
lagsmanna aðildarfélaga ASÍ í
fæðingarorlofi. Þessu hafnaði TR.
Í niðurstöðu Héraðsdóms segir,
að launþegi eigi rétt á orlofslaun-
um í orlofi skv. lögum og í tilskip-
greiðslum úr Fæðingarorlofssjóði
á hendur TR vegna sjóðsins, enda
séu hvorki fyrirmæli um þá tilhög-
um á orlofslaunagreiðslum í lög-
um um fæðingar- og foreldraorlof
né í öðrum lögum. Breyti engu í
því sambandi þótt launþegar eigi
ekki rétt til launaðs orlofs úr
hendi atvinnurekanda vegna þess
tíma sem þeir séu í fæðingarorlofi
og njóti greiðslna úr Fæðingaror-
lofssjóði.
ASÍ benti á, að í kjarasamning-
um aðildarfélaga ASÍ við fjár-
málaráðherra, sem gerðir hefðu
verið eftir að málið var höfðað,
hafi verið samið um að starfsmenn
ríkisins í aðildarfélögum ASÍ
áynnu sér rétt til orlofslauna í
fæðingarorlofi. Þannig hefðu rík-
isstarfsmenn þegar fengið þann
rétt sem krafist væri viðurkenn-
ingar á í málinu.
Héraðsdómur segir að þetta
misræmi breyti heldur ekki efni
þessara reglna, enda beri að hafna
því sjónarmiði ASÍ að dómurinn
geti túlkað reglurnar sem hér
gildi, á þann hátt að slíkt misræmi
verði með því leiðrétt.
Ekki hefur verið ákveðið hvort
málið fer til Hæstaréttar.
TR sýknuð af kröfum um
orlofslaun í fæðingarorlofi
Á ÞESSU safamikla sumri var iðandi kríulíf í
Rifi. En nú er krían farin – svo til alveg.
Krían er vængjaður
snillingur og öruggt er,
að hjá henni er ekkert til-
viljunum háð, hvorki
komutíminn, hvenær hún
byrjar varpið né heldur
hvernig brottförinni er
háttað. Ungarnir fara síð-
astir. Þeir hafa undanfarið náttað sig í stórum
breiðum á upplýstu hafnarsvæðinu. Þessar
breiður minnkuðu smám saman og urðu að
einum stórum hópi. Síðan var aðfaranótt mið-
vikudagsins svo komið að telja mátti þarna 29
fugla. Næstu nótt kúrðu svo fjórar kríur undir
bryggjuljósunum með nefið upp í næðinginn.
Vængjaðir
snillingar farnir
Ólafsvík. Morgunblaðið.