Morgunblaðið - 24.09.2004, Blaðsíða 26

A
lls eru sýndar 474 gerðir bíla á
Parísarsýningunni frá 26 lönd-
um, en eins og vænta mátti eru
franskir bílaframleiðendur
mest áberandi.
Hlið við hlið í stærstu höll-
inni, Höll 1, eru Renault og
Nissan. Fátt er um nýjungar
hjá Renault, annað en smábíll-
inn Modus, sem þar er frumsýndur, og tveir hug-
myndabílar, Wind og Fluence, en sá síðarnefndi
hefur áður verið sýndur. Modus hefur þegar fengið
5 stjörnur í árekstraprófun Euro NCAP og er
fyrsti bíllinn í þessum flokki að ná þeim árangri.
Modus er lítill en rúmgóður og verður fáanlegur
með 1,2, 1,4 og 1,6 lítra bensínvélum og auk þess
1,5 lítra dísilvél.
Peugeot kynnir líka smábíl, 1007, sem er ennþá
minni en Modus og eingöngu með tveimur renni-
hurðum á hliðunum sem eru rafstýrðar. 1007 kem-
ur á markað í mars á næsta ári og kostar í grunn-
gerð 13.700 evrur. Hann verður m.a. boðinn með
120 hestafla, 1,6 lítra vél.
Tveir áhugaverðir jeppar voru frumsýndir í gær.
Nissan Pathfinder er sjötti fjórhjóladrifsbíllinn frá
Nissan og er mitt á milli Terrano og Patrol að
stærð með sína 4,74 metra. Það er langt um liðið
síðan Pathfinder var á markaði á Íslandi en sá sem
er sýndur í París er nýr frá grunni og verður smíð-
aður í Barcelona á Spáni. Hann er væntanlegur á
markað í mars 2005. Pathfinder er með rafstýrðu
fjólhjóladrifskerfi sem menn þekkja frá X-Trail en
að auki millikassa. Hann er með 2,5 lítra, 174 hest-
afla samrásardísilvél og sætum fyrir sjö. Þetta er
vel búinn jeppi, m.a. með bakkmyndavél, eins og
kynnt var í Primera fyrir tveimur árum. Murano er
blendingur af jeppa og fólksbíl og var sýndur í
fyrsta sinn í Evrópu, en hann hefur verið á markaði
í Bandaríkjunum um nokkurt skeið. Ólíkt Murano
er Pathfinder byggður á sjálf-
stæða stigagrind.
Ekki síður vakti athygli ný
kynslóð Land Rover Discovery
sem hefur fengið margt að láni
frá Range Rover en er um leið
mjög ólíkur honum. Að innan
hefur bíllinn algjörlega verið
tekinn í gegn og minnir þar
mjög á Range Rover. Það sem
líka er ólíkt frá fyrri gerð, fyrir
utan gerbreytt útlit, er að hann
er með sambyggða yfirbygg-
ingu og burðargrind. Þótt hann
sé minni bíll er hann með sjö
sætum og hægt er að fella tvö
öftustu sætin slétt niður í gólf-
ið. Hann var sýndur með V6-
forþjöppudísilvél, sem er sögð eyða 10,4 lítrum á
hundraðið í blönduðum akstri, 13,2 lítrum í borg-
inni og 8,7 lítrum í þjóðvegaakstri. Þetta er ný kyn-
slóð samrásardísilvélar, common-rail, en vinnur á
25% hærri þrýstingi en meðaltal annarra samrás-
ardísilvéla. Þetta eykur afl vélarinnar til muna og
dregur úr útblæstri óvinsælla lofttegunda.
Hámarksaflið er 190 hestöfl við 4.000
snúninga og hún togar hvorki meira
né minna en 440 Nm strax við
1.900 snúninga á mínútu.
Discovery er líka fáanlegur
með 4,4 lítra, V8-bensínvél
sem skilar 295 hestöflum.
Þessar vélar er líka að
finna í Jaguar, sem eins
og Land Rover tilheyrir
PAG-lúxusbílaarmi Ford.
Áhugaverðir
jeppar og
tveir franskir
smábílar
Fjölmiðlar tóku forskot á sæluna í gær og í dag á alþjóðlegu bílasýningunni í París en annars verða dyr
hennar opnaðar fyrir öðrum á morgun. 60 heims- og Evrópufrumsýningar eru á dagskrá en í mörgum til-
vikum er eingöngu um kynslóðaskipti eða smávægilegar breytingar á bílum að ræða en minna er um nýja
bíla. Guðjón Guðmundsson var í hópi rúmlega 10.000 blaðamanna á sýningunni og kynnti sér það helsta.

Porsche Boxster
hefur fengið nýjan
framsvip og var
kynntur í
fyrsta sinn í París.

Nissan
Pathfinder, sjö
sæta og mitt á
milli Terrano og
Patrol að stærð.

Toyota kynnti nýj-
ar dísilvélar og jafn-
framt breyttan
Toyota Corolla.

Land Rover kynnir
nýjan Discovery með
öflugum dísil- og
bensínvélum.

Discovery hef-
ur verið breytt
frá grunni að ut-
an sem innan.
26 FÖSTUDAGUR 24. SEPTEMBER 2004 MORGUNBLAÐIÐ
BÍLAR