Morgunblaðið - 02.12.2004, Side 20

20 FIMMTUDAGUR 2. DESEMBER 2004 MORGUNBLAÐIÐ
MINNSTAÐUR
AKUREYRI
AUSTURLAND
Kárahnjúkavirkjun | Skipulags- og
byggingarnefnd Fljótsdalshéraðs legg-
ur til að Heilbrigðiseftirlit Austurlands
(HAUST) heimili tímabundna skil-
greiningu svonefnds þynningarsvæðis
fyrir mengað vatn í Glúmsstaðaá. Þetta
kemur fram í fundargerð nefndarinnar
frá 29. nóvember sl., en niðurstaða
nefndarinnar á eftir að hljóta staðfest-
ingu bæjarstjórnar. Glúmsstaðaá, sem
einnig hefur verið nefnd Glúmsstaða-
dalsá, rennur um Glúmsstaðadal sem
gengur suðvestanvert inn úr Hrafn-
kelsdal. Í Glúmsstaðadal liggja ein að-
göng af þremur inn að meginaðrennsl-
isgöngum Kárahnjúkavirkjunar.
Ítalska verktakafyrirtækið Imp-
regilo S.p.A. sem byggir Kárahnjúka-
virkjun, hafði óskað eftir því við
HAUST að um 500 m kafli í ánni yrði
notaður sem þynningarsvæði fyrir
mengað vatn, sem skilgreint er sem
svifagnir og olía.
Fram kemur í erindi sem HAUST
sendi Skipulags- og bygginganefnd um
miðjan nóvember sl. að stofnunin telur
ekki heimildir fyrir hendi til að fallast
á skilgreiningu þynningarsvæðis fyrir
olíuefni, en hins vegar sé unnt að fall-
ast á að leirblandað vatn megi þynna í
ánni. Skipulags- og byggingarnefndin
tekur fram í fundargerð sinni að þó
heimilað verði tímabundið þynningar-
svæði í ánni megi ekki undir neinum
kringumstæðum heimila að sleppa olíu-
efnum í ána.
Vilja nota hluta Glúmsstaðaár sem
þynningarsvæði fyrir mengað vatn
Morgunblaðið/Steinunn Ásmundsdóttir
Neskaupstaður | Í haust hafa börn á leikskólaaldri í Neskaupstað stundað
íþróttaskóla af kappi á hverjum laugardagsmorgni. Þar hefur gleðin ráðið
ríkjum og mikið hoppað og skoppað, skriðið og klifrað, allt eftir kúnst-
arinnar reglum. Sl. sunnudag var sérstakur sparitími en þá lauk íþrótta-
skólanum að sinni. Allir voru útskrifaðir með forláta íþróttaskólabolum.
Mesta hrifningu vakti þó hinn furðulegi fýr Bjúgnakrækir sem stalst til
byggða til þess að heyra börnin syngja og gauka að þeim góðgæti.
Morgunblaðið/Kristín Ágústsdóttir
Ég sá mömmu
kyssa jólasvein
Fáðu úrslitin
send í símann þinn
Eivør á Akureyri | Eivør Páls-
dóttir efnir til útgáfutónleika á
skemmtistaðnum Græna hattinum
á Akureyri í kvöld, fimmtudags-
kvöldið 2. desember. Húsið verður
opnað kl. 20.30 en tónleikarnir hefj-
ast kl. 21. Þar mun hún flytja lög af
nýrri plötu sinni, Eivør.
  
Samverustund | Aðventukvöld
Heimahlynningar á Akureyri verður
í kvöld, fimmtudagskvöldið 2. des-
ember kl. 20 í sal Dvalarheimilisins
Hlíðar.
Séra Arnaldur Bárðarson flytur
stutta hugvekju og síðan gefst gest-
um tækifæri til að spjalla og eiga
saman notalega stund. Helga Kvam
leikur jólalög á píanóið auk þess sem
boðið verður upp á veitingar.
Hjúkrunarfræðingar Heima-
hlynningar vonast til að sjá sem
flesta sem kynnst hafa starfseminni
á einn eða annan hátt í gegnum árin,
segir í frétt.
  
Heimspeki | Félag áhugafólks um
heimspeki á Akureyri í samstarfi við
Háskólann á Akureyri efnir til fyr-
irlestrar í dag, fimmtudaginn 2. des-
ember kl. 16.30 á heimspekitorgi í
Ketilhúsinu. Valdimar Tr. Hafstein
þjóðfræðingur flytjur erindi sem
hann kallar „Menningararfur og al-
þjóðapólitík“.
Hann fjallar um þá
menningararfsvæðingu sem hefur
umbreytt ólíkustu hlutum, atferli og
ummerkjum fortíðar í menningar-
arf.
Ólafsfjörður | Eftirlitsnefnd með
fjármálum sveitarfélaga hefur lýst
yfir áhyggjum vegna stöðu fjár-
mála Ólafsfjarðarbæjar. Að mati
hennar eru fyrirætlanir bæjaryf-
irvalda um niðurskurð og áfram-
haldandi hagræðingu í rekstri
ekki nægjanlegar til að reksturinn
geti skilað þeim afgangi sem þarf
til að greiða niður skuldir. Nefndin
leggur því til að gripið verði þegar
til aðgerða til að lækka skuldir
með sölu eigna sem ekki eru nauð-
synlegar til að sveitarfélagið geti
rækt lögbundnar skyldur sínar.
Jóna Vilhelmína Héðinsdóttir
lagði á fundi bæjarráðs fram bók-
un þar sem segir að fjárhagsvandi
Ólafsfjarðar eigi sér langa sögu og
þær aðgerðir sem gripið hefur
verið til undanfarin tvö ár hafi
skilað umtalsverðum árangri í
bættum rekstri og þjónustu auk
þess sem fyrstu skrefin vegna
löngu tímabærra framkvæmda við
gatnakerfi bæjarins voru tekin.
„Tekjuhrun, fólksfækkun og önn-
ur ytri áföll hafa gert þennan
ávinning að engu og nú er sárs-
aukafullur niðurskurður sem mun
hafa áhrif á bæði starfsmenn bæj-
arins og íbúa eina úrræðið. Slíkar
aðgerðir geta veikt stoðir hvers
bæjarfélags ef ekki er hægt að líta
til bjartari framtíðar. Tekjur
næsta árs duga hvorki fyrir út-
gjöldum né heldur afborgun lána.
Ný lántaka er ekki kostur í þessari
stöðu,“ segir í bókun hennar. Þá
kemur þar fram að í ljósi tilmæla
eftirlitsnefndar með fjármálum og
erfiðrar stöðu bæjarsjóðs „sjá
fulltrúar Ó-listans í bæjarráði
Ólafsfjarðar sig tilneydda, þvert á
yfirlýstan vilja, til að kanna hvaða
ávinningur í bráð og lengd getur
falist í sölu Hitaveitu Ólafsfjarð-
ar,“ segir í bókun Jónu.
Áhyggjur vegna erfiðrar stöðu Ólafsfjarðarbæjar
Kanna ávinning af sölu hitaveitunnar
Tónlistarhópurinn Ókyrrð hefur
sent frá sér geisladiskinn „Á jörðu“
og af því tilefni verður efnt til út-
gáfutónleika í Ketilhúsinu á Ak-
ureyri í kvöld kl. 20.30. Ókyrrð
samanstendur af átta ein-
staklingum en tónlistarhópurinn
varð til haustið 2002, hóf þá æfing-
ar og stóð síðan að flutningi á tón-
list eftir Bjarna Hafþór Helgason.
Tónlistin er að miklum hluta samin
við áður útgefin ljóð úr ljóðabók-
inni „Jörð“ eftir Ragnar Inga Að-
alsteinsson, móðurbróður Bjarna
Hafþórs, sem ort er með fornyrð-
islagi. Afar fátítt er að tónlist sé
samin við kveðskap með þeim
bragarhætti.
Á geisladiskinum eru 15 lög eftir
Bjarna Hafþór og á hann jafnframt
texta við sex þeirra. Ragnar Ingi á
svo texta við níu lög frænda síns.
Hér er um nokkuð óhefðbundna
framleiðslu á geisladiski að ræða.
Tónlistin þykir að mörgu leyti ný-
stárleg og bragarháttur ljóða
Ragnars Inga er óvenjulegur. Hér
er þó um að ræða dægurtónlist,
þótt hún sé með nokkuð öðru sniði
en fyrri lög sem Bjarni Hafþór hef-
ur samið og þekkt hafa orðið.
Ókyrrð hefur komið fram á tón-
leikum á Akureyri auk þess að taka
þátt í Blue North-tónlistarhátíðinni
ásamt erlendum og innlendum
flytjendum. Arna Valsdóttir og
Heimir Bjarni Ingimarsson sjá um
söng, Hrönn Sigurðardóttir og
Þórey Ómarsdóttir um raddir, Karl
Petersen leikur á trommur og slag-
verk, Baldvin Ringsted á gítar,
Stefán Ingólfsson á bassa og Bjarni
Hafþór Helgason á hljómborð.
Geisladiskurinn er fyrst og fremst
seldur í gegnum vefsíðu hópsins,
okyrrd.is.
Morgunblaðið/Kristján
Geisladiskur Bjarni Hafþór Helgason með nýja geisladiskinn.
Ókyrrð í Ketilhúsinu
HÁTÍÐARDAGSKRÁ var á Sól-
borg í gær, á fullveldisdaginn, 1.
desember. Formaður menningar-
málanefndar, Sigrún Jakobsdóttir,
flutti ávarp en hátíðarræðuna flutti
Birgir Guðmundsson, aðjúnkt við
félagsvísinda- og lagadeild, en einn-
ig söng Kór Menntaskólans á Ak-
ureyri við athöfnina. Þá var árviss
hringing Íslandsklukkunnar, verks
Kristins E. Hrafnssonar, sem
stendur á háskólasvæðinu, en að
þessu sinni var það Bernharð Har-
aldsson, fyrrverandi skólameistari
Verkmenntaskólans á Akureyri,
sem hafði það hlutverk með hönd-
um að hringja henni fjórum sinnum
fyrir árið 2004. Leikskólabörn undir
stjórn Snorra Guðvarðssonar hófu
því næst upp raust sína og að lok-
um var mannskapnum boðið að
þiggja kaffi og veitingar og hlýða á
tónlist sem nemendur Tónlistar-
skólans á Akureyri fluttu.
Morgunblaðið/Kristján
Klukknahljómur Bernharð Haraldsson, fyrrverandi skólameistari, hringdi
Íslandsklukkunni fjórum sinnum fyrir árið 2004.
Íslandsklukku hringt
fjórum sinnum