Morgunblaðið - 02.12.2004, Blaðsíða 60

60 FIMMTUDAGUR 2. DESEMBER 2004 MORGUNBLAÐIÐ
Richard Gere Jennifer Lopez Susan Sarandon
Sýnd kl. 5.50.
Shall we Dance?
SETH GREEN MATTHEW LILLARD DAX SHEPARD
KRINGLAN
Sýnd kl. 6, 8 og 10.10. B.i. 12 ára.
Frá leikstjóra Mr Deeds kemur
gamanmynd sem fær þig til að
missa það algjörlega.
Fór beint á toppinn í USA
Sýnd kl. 6, 8 og 10. B.i. 12 ára.
ÁLFABAKKI
Sýnd kl. 4, 6, 8 og 10.10. B.i. 12 ára.
Engar tæknibrellur og raunverulegir hákarlar gera
OPEN WATER að mögnuðustu spennumynd síðari ára!
Engar tæknibrellur og raunverulegir hákarlar gera
OPEN WATER að mögnuðustu spennumynd síðari ára!
"Snilldarþriller!
Skuggalega hrollvekjandi!"
- Variety
"Nístir inn að beini!"
- Elle
"Upplifun! Meiriháttar!"
- Leonard Maltin
ill ill !
l ll j i!
- ri ty
í i i i i!
- ll
lif ! i i !
- r lti
"Snilldarþriller!
Skuggalega hrollvekjandi!"
- Variety
"Nístir inn að beini!"
- Elle
"Upplifun! Meiriháttar!"
- Leonard Maltin
i
ll
lti
BLANCHARD RYAN DANIEL TRAVIS
BLANCHARD RYAN DANIEL TRAVIS
Sýnd kl. 5.40, 8 og 10.15.
Sýnd kl. 10.15.
L.627
sýnd kl. 10.
Miðaverð 700 krónur. Keyptu þér passa sem gildir á allar 8
myndirnar á 2200 krónur. Allar myndir m. enskum texta.
S.V. Mbl.

BIRGIR Örn
Steinarsson,
söngvari og gít-
arleikari Maus,
gefur út sitt fyrsta
sólólag þann 9.
desember
næstkom-
andi. Birg-
ir notar
lista-
manna-
nafnið bigi-
tal, en
hann vinnur þessa dagana að fyrstu
sólóplötu sinni, sem ætti að koma út á
næsta ári.
Nýja lagið er jólalag og heitir „Jól-
in koma of seint“. Það verður ekki að
finna á plötunni, enda að hans sögn
mjög ólíkt því sem þar verður að
finna. Lagið var samið og hljóðritað í
fyrra en fyrir síðustu jól gaf Birgir
öllum þeim sem honum þótti vænt
um, lagið í jólagjöf. „Í ár langar hann
að gefa öllum hinum það,“ eins og
orðað er í tilkynningu frá bigital.
Lagið verður aðeins gefið út á tón-
list.is, og verður gert fáanlegt þann 9.
desember. Allur ágóði sölunnar
rennur óskiptur til Mæðrastyrks-
nefndar.
Í samtali við Morgunblaðið segir
Birgir Örn lagið hafa orðið til þegar
hann þurfti á upplyftingu að halda:
„Á þessum tíma í fyrra upplifði ég
ömurlegar stundir, og mig langaði til
þess að gera eitthvað til þess að kæta
sjálfan mig og aðra. Ég átti ekki pen-
inga fyrir jólagjöfum handa þeim
sem mig langaði til að gefa eitthvað
þannig að ég ákvað að semja og
hljóðrita jólalag. Alvöru jólalag sem
væri aðeins gert með það í huga að
kæta aðra, án þess að ég vildi fá eitt-
hvað í staðinn. Ég samdi því lagið á
tveimur tímum, og hljóðritaði það svo
nokkrum dögum síðar, einn heima
hjá mér.“
Birgir segir þetta lag ekki gefa
rétta mynd af því efni sem hann er að
vinna fyrir væntanlega sólóplötu:
„Ég hef verið að vinna að eigin
plötu, og sú tónlist er dekkri, til-
raunakenndari og þyngri en þetta.
Mig langaði til þess að sjá hvort ég
væri fær um að semja grípandi jóla-
lag, sem væri einfalt og jólalegt. Held
að mér hafi bara tekist ágætlega til. Í
textanum er svo smá kaldhæðni, smá
skot á hvað jólin snúast í raun og
veru um hjá flestum og þá sem nýta
sér góðmennsku mæðrastyrks-
nefndar… þess vegna ætla ég og tón-
list.is að gefa allan ágóðan mæðra-
styrksnefnd, bara til þess að fleiri
geti fengið fríar máltíðir á jólunum.“
Tónlist | Biggi í
Maus gefur út
sólólag
Biggi er orðinn sóló og
kominn í jólaskap.
Jólalagið
hans bigitalÚTVARPSMAÐURINN Gestur Einar Jónasson
velur uppáhaldsjólalögin sín á nýjum safndiski, sem
var að koma út hjá Skífunni. „Þetta er eldgömul
hugmynd og eldgamall draumur, sem hefur ræst,
og ég er mjög glaður með það,“ segir Gestur Einar
en platan ber nafnið Gott um jólin og inniheldur 16
jólalög frá árunum 1955–88.
„Við fjölskyldan eigum margar jólaplötur og
margar alveg yndislegar sem ég get spilað aftur og
aftur. Ég er bara svo mikið jólabarn í mér að mig
langaði í plötu sem væri eingöngu með efni sem ég
veldi sjálfur,“ segir hann en mikið var hlustað á
jólatónlist á æskuheimili hans.
„Faðir minn var flugumferðarstjóri á Akureyri
og lærði úti í Bandaríkjunum. Þaðan kom hann með
töluvert af tónlist með sér sem heillaði mig sem
strák. Ég heyrði þetta mikla listafólk syngja og
spila jólalög og þetta seytlast inn í mann,“ segir
Gestur Einar.
Lögin eru blanda af íslenskum og erlendum lög-
um. „Ég vildi ekki eingöngu hafa útlend lög, ég
hefði þess vegna getað valið alveg íslenskan jóla-
disk.“
Andvígur rokkuðum jólalögum
Lögin eiga það sameiginlegt að vera hátíðleg.
„Ég vil hafa jólalög frekar hátíðleg. Það er númer
eitt, tvö og þrjú. Ég er eiginlega andvígur rokk-
uðum jólalögum. Eitthvert rokk í kringum hefð-
bundin jólalög, sem allir kunna, finnst mér ekki
passa. Það er bara gamaldags skoðun mín,“ segir
Gestur Einar og grínast með að það sé „ekkert
verra að vera pínulítið gamaldags“.
Hann segist hafa heyrt þá skoðun að platan sé
svo hátíðleg að aðeins sé hægt að spila hana rétt
fyrir jólin. „En mér finnst það ekki. Ég var um síð-
ustu helgi ásamt konunni minni að taka til heima,
skreyta og setja upp jólaljós. Við spiluðum plötuna
og mér fannst hún rosalega fín.“
Þá vaknar spurningin um hvenær megi byrja að
hlusta á jólalög? „Það er engin regla til um það,“
segir Gestur Einar og hlær. „En Rás 2 hefur eftir
því sem ég best veit ekki byrjað fyrr en í desember,
eða í byrjun aðventu,“ segir Gestur en jólalögin eru
farin að hljóma í útvarpinu enda fyrsti sunnudagur
í aðventu um síðustu helgi.
Gestur Einar stjórnar útvarpsþáttunum Einn og
hálfur með Gesti Einari Jónassyni og Hvítum vöng-
um á Rás 2 og hefur í gegnum tíðina spilað mörg
lög fyrir landsmenn. Eitt lag á
hann heiður af að kynna al-
mennilega fyrir þjóðinni og er
það „O helga natt“ með Jussi
Björling og er það síðasta lag
plötunnar. „Ég var kynntur fyr-
ir laginu af góðu útvarpsfólki og
byrjaði að spila það. Það virtist virka alveg um leið.
Ég fæ stundum hringingar, tölvupóst, eða hitti fólk
og það spyr – hvenær ætlarðu að byrja að spila
Jussa? Fyrr koma ekkert jólin! Þegar ég spila hann
fyrst fæ ég alveg hroll,“ segir Gestur Einar, sem er
með uppskrift að því hvernig eigi að hlusta á Jussa.
„Það á að spila hann rosalega hátt, skrúfa græj-
urnar í botn. Þá færðu hroll og jafnvel tár í augun.“
Kallar fram minningar
Lögin kalla öll fram mismunandi minningar frá
Gesti Einari. „Þegar ég er að hlusta á þessi gömlu
jólalög, þá hverf ég aftur í tímann og rifja upp jólin
þegar ég var lítill gutti með fjölskyldunni. Mér
finnst þetta alveg yndislegt,“ segir Gestur Einar
sem finnst jólin yndislegur tími. „Ég er gamaldags
jólakall og hef afskaplega gaman af jólunum. Við
spilum alltaf sömu lögin þegar við erum að skera út
laufabrauðið. Það er partur af þessu. Þessi mjúka,
fallega jólatónlist er svo góð fyrir hjartað. Þú færð
svo góða tilfinningu inni í þér.“
Fyrir þá sem fá ekki nóg af jólatónlist með því að
hlusta á diskinn hans Gests Einars koma fleiri safn-
diskar frá Skífunni út um þessi jól. Þar er ýmislegt
að finna bæði fyrir þá sem kunna að meta gömlu
góðu lögin og ný lög. Diskurinn Jólastemming er
með Í svörtum fötum, Birgittu Haukdal, Björgvini
Halldórssyni, Ragnheiði Gröndal og fleirum. For-
tíðarþráin blossar upp á diskinum Gömlu góðu jólin
en þar syngja Elly Vilhjálms, Haukur Morthens,
Raggi Bjarna og félagar gömlu góðu jólalögin.
Lagalisti Gests Einars
1. Elvis Presley – I’ll Be Home for Christmas
2. Dean Martin – Let It Snow, Let It Snow, Let It
Snow
3. Guðrún Á. Símonar og Guðmundur Jónsson –
Loksins komin jól
4. Bing Crosby – White Christmas
5. Harry Belafonte – Mary’s Boy Child
6. Vilhjálmur Vilhjálmsson – Guðs kristni í heimi
7. Sissel Kyrkjebø – Julepotpuuri
8. The Mormon Tabernavle Choir – Joy to the
World
9. Mahalia Jackson – Silent Night
10. Þrjú á palli – Hátíð fer að höndum ein
11. Johnny Mathis – When a Child Is Born
12. Þuríður Pálsdóttir – Nóttin var sú ágæt ein
13. Mario Lanza – The First Nowell
14. Karlakórinn Fóstbræður – Í dag er glatt í
döprum hjörtum
15. Karlakór Reykjavíkur og Guðrún Á. Símonar –
Ave maría
16. Jussi Björling – O helga natt
Tónlist | Gestur Einar velur jólalög á nýja safnplötu frá Skífunni
Eiga að vera
hátíðleg
„Þessi mjúka, fallega jólatónlist er svo góð fyrir
hjartað,“ segir jólakallinn Gestur Einar Jón-
asson m.a. í viðtalinu.
ingarun@mbl.is
Í DAG kemur út í fyrsta sinn á mynddiski einn
óvæntasti smellur íslenskrar bíósögu Veggfóður
en hún sló eftirminnilega í gegn þegar hún var
frumsýnd sumarið 1992. Þessi fyrsta mynd Júl-
íusar Kemp bar undirtitilinn Erótísk ástarsaga,
sem og hún var í aðra röndina, enda minnið um
margt sígilt, ung íslensk sveitastúlka sem flytur á
mölina og kynnist þar draumaprinsinum sem
reynist úlfur í sauðargæru, rétt eins og sjálf höf-
uðborgin. Myndin skartaði í aðalhlutverkum
nokkrum ungum og upprennandi stjörnum. Þeir
Baltasar Kormákur og Steinn Ármann Magn-
ússon leika Lass og Sveppa, vafasama vini sem
gera hosur sínar grænar fyrir sveitastúlkunni Sól,
sem leikin er af Ingibjörgu Stefánsdóttur, sem þá
hafði getið sér orð sem söngkona með hljómsveit-
inni Pís of keik. Uppfullir af karlrembustælum
ákveða þeir Lass og Sveppi að veðja um það hvor
komist fyrst yfir Sól, sem auðvitað á eftir að hafa
slæmar afleiðingar. Með myndinni urðu þau Balt-
asar og Ingibjörg mikil kyntákn á meðan Steinn
Ármann – sem auðvitað varð líka kyntákn á sinn
hátt – vakti fyrst og fremst at hygli fyrir grínak-
tug tilþrif sín í myndinni, nokkuð sem hann átti
eftir að sýna meira af í framtíðinni.
Tónlistin í myndinni sló líka í gegn, en hún var
að mestu flutt af Pís of keik sem þau skipuðu sam-
an Ingibjörg, Júlíus leikstjóri myndar innar – þau
voru þá par – og Máni Svavarsson, sem var mað-
urinn á bak við sjálfa tónlistina.
Eins og góðum mynddiskum sæmir þá inniheld-
ur nýja útgáfan slatta af aukaefni. Þar á meðal er
t.d. 20 mínútna heimildarmynd – Hvað er Vegg-
fóður – um gerð myndarinnar, alls konar af gang-
sefni sem klippt var burtu fær nú loks að fljóta
með, einnig ljósmyndir frá tökustað, tónlistar-
myndbönd með Pís of keik og Todmobile, upp-
runalega kvikmyndahúsastiklan og sjónvarps-
auglýsingin.
Kvikmyndir | Veggfóður á mynddiski
Stafrænt
Veggfóður
Sól reynir fyrir sér sem söngkona.