Morgunblaðið - 03.12.2004, Síða 4

4 FÖSTUDAGUR 3. DESEMBER 2004 MORGUNBLAÐIÐ
FRÉTTIR
KJARTAN Magnússon, borgar-
fulltrúi Sjálfstæðisflokksins, hefur
lagt fram tillögu í samgöngunefnd
Reykjavíkur vegna fyrsta áfanga
Sundabrautar. Í tillögunni er mælt
með því að farin verði innri leið, þ.e.
leið III, við val á legu brautarinnar
með þeim breytingum sem Skipu-
lagsstofnun hefur lagt til, þ.e. að í
stað landfyllingar verði um að ræða
eina, langa, lágreista brú. Jafnframt
er í tillögunni lagt til að undirbún-
ingi málsins verði hraðað í samvinnu
við Vegagerðina og því beint til
skipulagsnefndar Reykjavíkur að
hefja nú þegar vinnu við breytingu á
aðalskipulagi í samræmi við tillög-
una.
Að sögn Kjartans hafa borgar-
fulltrúar Sjálfstæðisflokksins ítrek-
að bent á mikilvægi þess að borg-
aryfirvöld hraði ákvörðun sinni um
legu Sundabrautar. „Þetta er mál
sem verið hefur allt of lengi í ein-
hvers konar ferli. En þetta er eins og
með önnur mikilvæg skipulagsmál
hjá R-listanum, það er eins og þetta
ágæta fólk veigri sér við að taka
ákvarðanir,“ segir Kjartan og rifjar
upp að þegar Reykjavíkurlistinn tók
við borginni fyrir áratug hafi málið
þá þegar verið komið inn á skipulag.
„Það eru allir sammála um að þetta
sé þörf framkvæmd sem menn vilja
sjá sem fyrst. Við höfum bent á það
sjálfstæðismenn að til þess að geta
farið að þrýsta á ríkið um að leggja
fé til framkvæmdanna og drífa sig af
stað með framkvæmdina þarf borgin
að klára skipulagsþátt málsins, en
borgin hefur dregið lappirnar í
þessu máli árum saman.“
Kjartan rifjar upp að á undanförn-
um misserum hafi ólíkar leiðir við
lagningu Sundabrautarinnar verið
til skoðunar. „Það var alveg skýrt í
mínum huga að innri leiðin, sem fel-
ur í sér lágbrú, væri líklegasta leiðin,
bæði er hún mörgum milljörðum
króna ódýrari lausn auk þess sem
margt benti til þess að umferðarör-
yggið væri miklu meira á innri leið-
inni. Í nýlegum úrskurði Skipulags-
stofnunar kemur ótvírætt fram að
stofnunin telur innri leiðina vera
miklu heppilegri með tilliti til áhrifa
á samgöngur, áhrifa á gangandi og
hjólandi vegfarendur og áhrifa á
nýtingu hafnarsvæða Sundahafnar,“
segir Kjartan og bendir á að í ljósi
úrskurðar Skipulagsstofnunar sé
ekki eftir neinu að bíða. „Borgaryf-
irvöldum er ekkert að vanbúnaði að
setja kúrsinn í málinu. Við erum bú-
in að bíða nógu lengi og það er kom-
inn tími til þess að taka ákvörðun og
kveða upp úr með það að þessi innri
leið sé heppilegust, ekki bara kostn-
aðarlega heldur ekki síður með tilliti
til umferðaröryggis.“
Aðspurður segist Kjartan eiga
von á því að tillagan verði rædd á
næsta borgarstjórnarfundi, sem er
7. desember nk., og vonar hann að
tillagan verði afgreidd í samgöngu-
nefnd á næstu vikum.
Styðja leið III fyrir Sundabraut
Erum búin að
bíða nógu lengi
MJÓLKURSAMSALAN hefur
fylgst vel með rannsóknum á járn-
forða í börnum og verið í góðu sam-
starfi við þá aðila sem standa að
rannsóknunum, segir Einar Matth-
íasson, markaðs- og þróunarstjóri
Mjólkursamsölunnar, í tilefni fréttar
í Mbl. í gær um að þriðjungur
tveggja ára barna hafi litlar eða eng-
ar járnbirgðir í líkamanum. Járn-
skortur í mjög ungum börnum hefur
lengi verið tengdur mikilli neyslu
venjulegrar kúamjólkur.
Að sögn Einars var myndaður
samstarfshópur um næringu ung-
barna fyrir nokkrum árum sem
fulltrúi MS átti sæti í. Afrakstur
þeirrar samvinnu var þróun á járn-
ríkri stoðmjólk sem kom á markað í
fyrra, eins og greint var frá í gær.
„Mjólkuriðnaðurinn hefur sýnt
vilja í verki frá upphafi til að bæta
þennan næringarskort barna. Við
teljum það mjög mikilvægt, enda
gefum við okkur út fyrir að vera aðili
sem selur næringarrík matvæli.
[...] Mjólkuriðnaðurinn hefur stað-
ið á bak við það að fólk borði fjöl-
breytt fæði, einhæft fæði er óæski-
legt, en jafnframt á að hafa það í
huga að mjólkurvörurnar gegna
mjög veigamiklu hlutverki í fjöl-
breyttu fæði, því við fáum mikið af
næringarefnum úr mjólkinni,“ segir
Einar.
Gefi stoðmjólk til 2 ára aldurs
Að sögn hans er upplýsingabækl-
ingur um stoðmjólk sendur foreldr-
um ungbarna auk þess sem ung-
barnaráðgjöf veitir upplýsingar um
notkun stoðmjólkur.
Einar segir að stoðmjólkin hafi
fengið góðar viðtökur frá því hún
kom á markað. Allt bendi til að for-
eldrar gefi almennt börnum sínum
stoðmjólk til eins árs aldurs en mik-
ilvægt sé að koma þeim skilaboðum
til allra foreldra að þeir gefi börnum
sínum stoðmjólk til tveggja ára ald-
urs, samkvæmt ráðleggingum fag-
aðila.
Mjólkuriðnaðurinn sýnt vilja í verki
GLEÐI ríkti í Mýrdalnum þegar
opnuð var ný sundlaug í Vík en það
hefur lengi verið draumur Mýrdæl-
inga að fá sína eigin sundlaug.
Sundkennsla hefur um áratuga
skeið farið fram í Skógum undir
Eyjafjöllum en færist nú til Víkur.
Að sögn Bryndísar Harðardóttur,
formanns byggingarnefndar sund-
laugarinnar, er áætlaður kostnaður
við sundlaugina og tilheyrandi
heita potta nálægt þrjátíu millj-
ónum króna.
Byggingarfélagið Klakkur í Vík
annaðist smíði mannvirkisins sem
er vandað að allri gerð.
Við vígslu laugarinnar kom fram
hjá Sveini Pálssyni sveitarstjóra að
margir hefðu komið að undirbún-
ingi sundlaugarinnar á löngum
tíma.
Morgunblaðið/Jónas Erlendsson
Bryndís Harðardóttir, formaður byggingarnefndar sundlaugar, og Fríða Hammer, starfsmaður laugarinnar, fóru
fyrstar ofan í nýju sundlaugina í Vík. Margir fylgdu á eftir enda ríkir mikil ánægja með sundlaugina.
Sundkennslan færist til Víkur
NÁTTÚRUFRÆÐISTOFNUN Ís-
lands glímir við alvarlegan rekstrar-
og fjárhagsvanda og segir Ríkisend-
urskoðun að stjórnvöld eigi tveggja
kosta völ; að laga starfsemi hennar
að núverandi fjárhagsramma með
verulegum niðurskurði í rekstri eða
auka fjárveitingar til hennar svo að
hún geti sinnt þeim verkefnum sem
henni eru falin í lögum með svip-
uðum hætti og undanfarin ár.
Ríkisendurskoðun segir í nýrri
skýrslu að þrjár meginástæður séu
fyrir þeim vanda sem Náttúrufræði-
stofnunin á við að glíma. Í fyrsta
lagi hafi framlög ríkisins til stofn-
unarinnar ekki fylgt verðþróun. Í
öðru lagi hafi sértekjur hennar
lækkað um helming frá því að þær
voru hæstar árið 2001. Í þriðja lagi
hafi laun og húsaleiga hækkað veru-
lega.
Stofnunin nær ekki að sinna
lögbundnum verkefnum
Af þessum sökum nægi árlegar
fjárveitingar ekki fyrir núverandi
rekstri, auk þess sem stofnunin hafi
safnað upp nokkrum rekstrarhalla
sem greiða þurfi upp með einhverj-
um hætti. Kemur fram í skýrslunni,
að núverandi umfang stofnunarinn-
ar kosti um 25 milljónum meira en
fjárhagsrammi hennar leyfi og
stefni uppsafnaður halli í meira en
60 milljónir króna í árslok 2004.
Ríkisendurskoðun segir að í við-
leitni sinni til sparnaðar hafi Nátt-
úrufræðistofnun dregið svo mjög
saman seglin að öflun nýrra gagna
hafi stöðvast á mikilvægum sviðum.
Ljóst sé að ekki verði haldið áfram á
þessari sömu braut ef starfsemin
eigi ekki að hljóta skaða af. Yfir-
menn stofnunarinnar og talsmenn
umhverfisráðuneytisins séu einnig
sammála um að með núverandi
rekstri nái stofnunin ekki að sinna
lögbundnum verkefnum sínum svo
vel sé. Þá sé sömuleiðis ljóst að hluti
þeirrar aðstöðu sem stofnunin býr
við standist vart nútímakröfur um
vinnuaðstöðu starfsfólks, geymslu-
húsnæði og aðstöðu til sýningar-
halds enda hafi það verið hugsað til
bráðabirgða á sínum tíma.
Ríkisendurskoðun bendir á að
stjórnvöld þurfi að taka afstöðu til
þess hversu viðamikil starfsemi
Náttúrufræðistofnunar eigi að vera
þegar fjárveitingar til hennar eru
ákveðnar. Meta þurfi ávinning af
þeim verkefnum sem hún sinnir og
ákveða hver þeirra skuli hafa for-
gang og umfang þeirra. Mörgum
verkefnum sé nú sinnt af vanmætti
og þarf annaðhvort að fækka þeim
markvisst eða styrkja fjárhag stofn-
unarinnar svo ráða megi bót á þess-
um vanda.
Árleg fjárveiting
nægir alls ekki
ÞRÍR piltar voru fluttir slasaðir til
Reykjavíkur í fyrrakvöldi eftir út-
afakstur og bílveltu á Snæfellsnes-
vegi á Mýrum, um 20 km vestur frá
Borgarnesi. Bíllinn valt nokkrar
veltur þar til hann stöðvaðist um 30
metra frá veginum.
Að sögn lögreglunnar í Borgar-
nesi var vegurinn launháll. Voru pilt-
arnir mikið skornir en ekki taldir við
fyrstu skoðun hafa beinbrotnað.
Voru þeir á suðurleið er slysið varð.
Slösuðust
í bílveltu