Morgunblaðið - 03.12.2004, Blaðsíða 21

MORGUNBLAÐIÐ FÖSTUDAGUR 3. DESEMBER 2004 21
ERLENT
Nánar í næsta banka, sparisjóð eða á www.kreditkort.is
Draumaferðin í boði MasterCard®
Færð þú 500.000 króna MasterCard ferðaávísun?
Anna, Kata og Sara, ágúst ‘05. Stelpurnar mála bæinn rauðan.
ARIEL Sharon, forsætisráðherra Ísr-
aels, berst nú fyrir lífi stjórnar sinnar
en í fyrradag rak hann alla fimm ráð-
herra Shinui-flokksins úr stjórn eftir
að þeir og aðrir þingmenn flokksins
höfðu greitt atkvæði gegn fjárlaga-
frumvarpi stjórnarinnar. Það eina,
sem nú getur orðið til bjargar, er, að
Verkamannaflokkurinn taki upp sam-
starf við Sharon og Likudflokkinn eða
fallist á að verja stjórnina falli. Gangi
það ekki upp er eins víst, að ákvörðun
Sharons um einhliða brottflutning
landtökumanna frá Gaza nái ekki fram
að ganga.
Í atkvæðagreiðslunni um fjárlögin
beið Sharon ósigur en þau voru felld
með 69 atkvæðum gegn 43 en alls sitja
120 menn á ísraelska þinginu, Kness-
et. Kom þetta raunar ekki á óvart því
að Tommy Lapid, leiðtogi Shinui, sem
er veraldlegur flokkur, hafði áður hót-
að að draga flokkinn út úr stjórn
vegna nærri 6,4 milljarða króna fram-
lags til tveggja bókstafstrúarflokka.
Hafði Sharon heitið þeim þessu fé til
að tryggja stuðning þeirra við fjárlög-
in.
Verkamannaflokkurinn greiddi líka
atkvæði gegn fjárlögunum og þá ekki
síst vegna þess niðurskurðar, sem í
þeim er að finna, á framlögum til vel-
ferðarmála. Þessi mál eru því í svipinn
í óleysanlegum hnút en lögum sam-
kvæmt verður að efna til kosninga ef
fjárlögin verða enn óafgreidd 31.
mars.
Ekki allt sem sýnist
Ósigur Sharons í atkvæðagreiðsl-
unni um fjárlögin er kannski ekki allur
þar sem hann er séður. Margir frétta-
skýrendur telja, að Sharon hafi í raun
kallað hann fram í því skyni að snúa á
sína eigin flokksmenn en þeir eru
margir mjög andvígir samstarfi við
Verkamannaflokkinn. Var tillaga um
slíka samvinnu felld í miðstjórn Lik-
udflokksins í sumar en Sharon hefur
nú sýnt andstæðingum sínum innan
flokksins fram á það, að ekki sé um
neinn annan kost að ræða að undan-
skildum nýjum kosningum. Á þeim er
hins vegar enginn áhugi.
Ísraelski fréttaskýrandinn Nissan
Chen segir um þessa fléttu Sharons,
að hún sé hvorki snilldarleg né óskyn-
samleg. Það verði bara að koma í ljós
hvort hún gangi upp. Það var í júní í
sumar, sem stjórn Sharons missti
þingmeirihlutann, en þá voru nokkrir
smáir trúarflokkar ýmist reknir úr
stjórninni eða sögðu sig úr henni sjálf-
ir. Var það vegna andstöðu þeirra við
áætlun Sharons um brottflutning
landnema frá Gaza en hún felur raun-
ar einnig í sér, að Ísraelar treysti um
leið tökin á því landi, sem þeir hafa
tekið af Palestínumönnum á Vestur-
bakkanum.
Sharon hefur nú aðeins fræðilega á
bak við sig þingmenn Likudflokksins,
40 að tölu, en í reynd ekki svo marga
því að rúmur fjórðungur þeirra er al-
gerlega andvígur Gaza-áætlun hans.
Alls eru 120 fulltrúar á þinginu,
Knesset.
Peres með en margir á móti
Shimon Peres, leiðtogi Verka-
mannaflokksins og fyrrverandi for-
sætisráðherra, er sagður mjög áfjáður
í að komast í stjórn með Sharon og þá
líklega sem utanríkisráðherra. Er
hann kominn yfir áttrætt og því er lík-
lega um að ræða hans síðasta tækifæri
til að finna enn einu sinni fyrir sæt-
leika valdsins. Margir aðrir frammá-
menn í flokknum, sem styðja að vísu
Gaza-áætlunina, vilja hins vegar ekk-
ert hafa með Likudflokkinn að gera og
alls ekki með Benjamin Netanyahu
fjármálaráðherra og efnahagsstefnu
hans í anda Margaret Thatcher.
Sharon ætlar ekki aðeins að fara á
fjörurnar við Verkamannaflokkinn,
heldur einnig við lítinn trúarflokk,
UTJ. Er það ekki vegna þess, að hann
þurfi á stuðningi hans að halda auk
Verkamannaflokksins, heldur til að
gefa hugsanlegri „þjóðstjórn“ trú-
verðugra yfirbragð.
Fréttaskýrendur segja, að þótt
Sharon takist að fá þessa tvo flokka til
liðs við sig, þá sé björninn ekki þar
með unninn. Erfiðasti hjallinn sé eftir
sem áður hans eigin flokkur, Likud-
flokkurinn.
Einn þessara fréttaskýrenda, Yossi
Verter, sagði í dagblaðinu Haaretz í
gær, að stjórn Sharons væri nú í
„dauðateygjunum“.
„Þótt honum takist að sigla framhjá
þessu skerinu, þá blasa bara við hon-
um ólgusjóirnir hvert sem litið er.“
Helstu heimildir: AP, AFP, BBC
Fréttaskýring | Ariel Sharon, forsætisráðherra
Ísraels, hefur nú rekið burt síðasta samstarfsflokk-
inn. Margir telja, að um sé að ræða leikfléttu til að
neyða hans eigin flokksmenn til að fallast á sam-
starf við Verkamannaflokkinn.
Síðasta
leikfléttan?
AP
Ariel Sharon forsætisráðherra og Shimon Peres, leiðtogi Verkamanna-
flokksins, saman á góðri stund. Sagt er, að báðir vilji taka höndum saman í
nýrri stjórn en andstaðan við það í flokkum þeirra beggja er mikil.
DAGBLAÐIÐ The Daily Telegraph
í Bretlandi var í gær dæmt til að
greiða þingmanninum George
Galloway 150.000 pund, eða tæpar
19 milljónir króna, í skaðabætur
fyrir að hafa birt fregnir þess efnis
að Galloway nyti fjárstuðnings frá
Saddam Hussein.
Því var haldið fram í greinaflokki
sem Telegraph birti í apríl í fyrra
að Galloway, sem barðist gegn því
að vestræn ríki beittu Íraka við-
skiptaþvingunum, hefði fengið allt
að 370.000 pund, eða rúmar 46
milljónir króna, á ári frá íröskum
stjórnvöldum í forsetatíð Saddams.
Blaðið birti greinarnar eftir að
blaðamaður þess, David Blair, fann
skjöl tengd Galloway í utanrík-
isráðuneytinu í Bagdad. Í dómnum
sagði að blaðið hefði látið undir höf-
uð leggjast að gefa Galloway færi á
að bregðast við ásökununum áður
en þær voru birtar.
Galloway
fær bætur
SENDIRÁÐ Bandaríkjanna í Bel-
grad í Serbíu harmaði í gær að einn
starfsmanna þess skyldi hafa tengst
árekstri við bíla í bílalest Boris
Tadic forseta á þriðjudag. Stjórn-
völd töldu hugsanlegt að um bana-
tilræði hefði verið að ræða.
Serbneskur öryggisvörður í þjón-
ustu sendiráðsins, Miroslav Cimpl,
mun hafa reiðst vegna þess að bíla-
lestin tafði för hans og sveigði hann
að lestinni með fyrrgreindum af-
leiðingum. Cimpl flúði af staðnum
eftir áreksturinn.
Tadic forseti er umdeildur en
hann vill auka mjög tengslin við
Vesturlönd og hafa serbneskir
þjóðernissinnar og liðsmenn fyrr-
verandi forseta, Slobodans Milosev-
ic, mikla andúð á honum.
Ekki banatilræði