24 stundir - 27.11.2007, Page 2

2 ÞRIÐJUDAGUR 27. NÓVEMBER 2007 24stundir
VÍÐA UM HEIM
Algarve 18
Amsterdam 8
Ankara 12
Barcelona 17
Berlín 3
Chicago 4
Dublin 11
Frankfurt 2
Glasgow 8
Halifax 12
Hamborg 3
Helsinki 0
Kaupmannahöfn 4
London 9
Madrid 16
Mílanó 14
Montreal 2
München 1
New York 6
Nuuk -5
Orlando 18
Osló 2
Palma 21
París 10
Prag 1
Stokkhólmur 0
Þórshöfn 4
Kólnandi veður á landinu. Dálítil rigning eða
slydda og hitinn aðeins 0 til 5 stig sunnan- og
vestanlands í dag, en bjartviðri og vægt frost
fyrir norðan og austan.
VEÐRIÐ Í DAG
2
3
3
2 1
Kólnandi veður
Suðaustan og austan 10-15 m/s, rigning eða
slydda með köflum og hiti 0 til 7 stig S- og V-
lands. Hægari vindur annars staðar, þurrt að
mestu og frost á bilinu 0 til 8 stig, kaldast í
innsveitum.
VEÐRIÐ Í DAG
3
4
0
2 -2
Rigning og slydda
„Femínistar hafa gagnrýnt Silfur Egils frá
upphafi fyrir að vera karlaþáttur og í karlastíl,“
segir Katrín Anna Guðmundsdóttir femínisti
sem hafnaði boði Egils Helgasonar um að taka
þátt í umræðum í þætti hans, Silfri Egils, síðast-
liðinn sunnudag í mótmælaskyni við stjórn og
efnistök þáttarins. Samkvæmt heimildum 24
stunda höfnuðu fjórar aðrar konur boði hans
um að koma í þáttinn.
„Egill hefur hingað til ekki haft fyrir því að
hafa samband við femínista nema þegar um-
ræðan snýst um klám og þess háttar málefni en
það væri ærin ástæða til að tala um fleiri mál,“
segir Katrín.
Ómakleg gagnrýni
Egill Helgason segir aðeins þrjár konur bein-
línis hafa hafnað því að koma í þáttinn en
nokkrar aðrar hafi ekki komist af öðrum ástæð-
um. Hann segist hlusta á alla gagnrýni sem hann
fær á þáttinn en hann telji gagnrýni femínista
ekki réttmæta. „Það var tuttugu mínútna um-
ræða um jafnréttismál í þættinum í gær sem fór
fram á milli tveggja kvenna á meðan karlarnir
sátu hjá og þögðu og kvörtuðu eiginlega yfir því
eftir þáttinn að hafa ekki komist að,“ segir Egill
og bætir við: „Ég held að það sé enginn þáttur
þar sem er talað meira um jafnréttismál.“
Uppfyllir ekki kröfur um gæði
Katrín gagnrýnir einnig að umræður í þætt-
inum einkennist af upphrópunarstíl. „Þannig
fær enginn tíma til þess að útskýra mál sitt,“
segir hún. Katrín segist hafa verið mjög svekkt
þegar þátturinn var fluttur yfir á RÚV.
„Ég er á þeirri skoðun að RÚV eigi að bjóða
upp á vandaða og hlutlausa stjórnmálaumræðu
þar sem raddir og málefni beggja kynja fá tíma
og pláss en þessi þáttur mun seint uppfylla þær
kröfur,“ segir hún. elias@24stundir.is
Silfur Egils, umræðuþáttur Egils Helgasonar á RÚV, er umdeildur á meðal femínista
Sniðganga Silfrið í mótmælaskyni
Katrín Anna Guðmundsdóttir Sniðgengur
Silfur Egils.
„Við erum að gera þetta vegna þess
að erlendir starfsmenn hafa oft orð-
ið fyrir ónotalegum viðbrögðum ef
þeir kunna lítið eða ekkert í ís-
lensku,“ segir Sigurður Jónsson,
framkvæmdastjóri Samtaka versl-
unar og þjónustu (SVÞ), um
barmmerki fyrir starfsfólk verslana
sem ætlað er að sporna við for-
dómum. Merkin verða kynnt með
formlegum hætti í Alþjóðahúsi á
miðvikudaginn. Ásamt SVÞ eru það Efling, ASÍ, VR og Alþjóðahús
sem standa að verkefninu. „Þetta er tilraun til þess að minna fólk á að
sýna umburðarlyndi og bregðast frekar jákvætt við heldur en að vera
með hnútukast. Þetta ágæta starfsfólk er auðvitað að gera sitt besta,“
segir Sigurður. Í fjölmiðlum hefur verið sagt frá því að nokkuð beri á
neikvæðu viðmóti sumra Íslendinga í garð starfsfólks af erlendum
uppruna í verslunum. Sérstaklega hefur borið á þessu í þeim tilfellum
þegar starfsmenn tala litla eða enga íslensku. ejg
Hvetja til umburðarlyndis
Héraðsdómur Norðurlands
eystra hefur dæmt karlmann í 30
daga fangelsi fyrir vörslu fíkni-
efna sem fundust við leit á hon-
um í framhaldi af umferðar-
óhappi í Hörgárbyggð fyrir um
ári. Fullnusta refsingar frestast og
fellur hún niður eftir tvö ár, haldi
maðurinn almennt skilorð. aí
Dæmdur fyrir
vörslu fíkniefna
Lagt hefur verið til á Alþingi að
gerð verði úttekt á stöðu og rétt-
indum líffæragjafa í því skyni að
leitast við að koma til móts við
launatap og útgjöld sem þeir
verða fyrir við líffæragjöf. Siv
Friðleifsdóttir og nokkrir þing-
menn Framsóknar og VG flytja
málið.
Löng bið er eftir líffærum og ár-
lega deyja margir á biðlistum.
Flutningsmenn segja réttindi ís-
lenskra líffæragjafa óljós og brýnt
að koma til móts við kostnað og
launatap sem þeir bera. Hlutfall
nýrnagjafa á Íslandi er með því
hæsta sem gerist.
beva@24stundir.is
Úttekt á réttindum líffæragjafa
Eftir Auði Alfífu Ketilsdóttur
fifa@24stundir.is
„Ég vaknaði úr svæfingu klukkan
korter fyrir níu og spurði strax um
barnið. Þá var mér sagt að ég mætti
ekki sjá það fyrr en klukkan tólf.
Fyrst hélt ég bara að þau væru að
rugla eitthvað,“ segir kona sem
þurfti að bíða í þrjá klukkutíma
eftir að sjá barnið sitt í fyrsta skipti
en hún hafði verið svæfð og barnið
tekið með bráðakeisaraskurði.
Ástæðan var stofugangur lækna á
vökudeild, en meðan á honum
stendur mega foreldrar ekki vera
hjá börnunum sínum.
„Það versta er að ég var seinna
uppi á vökudeild meðan á stofu-
gangi stóð,“ segir hún og bætir við
að allir sem hún bað um að fá að
hitta barnið hafi þá haft sömu sögu
að segja. Læknir, ljósmóðir og
starfsfólk á sængurkvennadeild
sögðu henni að hún yrði að bíða.
Konan segir að ekki sé hægt að
setja svona strangar reglur þegar
konur fæði börn á öllum tímum
sólarhringsins. „Það hefur ekki ver-
ið kona sem hefur eignast barn sem
hefur sett þessa reglu.“
Biðin eftir barninu var henni
mjög erfið og hún segir ekki eðli-
legt að eignast barn og fá ekki að
sjá það. „Mér líður bara eins og ég
hafi verið svívirt og þetta sé mér að
kenna. Ég get ekki ennþá talað um
þetta án þess að fara að gráta, þetta
er náttúrlega ekki eðlilegt,“ segir
konan. Hún bætir við: „Svo varð
auðvitað allt yndislegt þegar ég var
búin að fá drenginn.“
Mæður fá að sjá börnin
Ragnheiði Sigurðardóttur, deild-
arstjóra á vökudeild, kemur þessi
saga konunnar mjög á óvart. „Það
er ævinlega þannig þegar konur
fæða á þessum tíma sem lokað er
vegna stofugangs, að þá er bara
komið með konurnar í rúmunum
hingað á vökudeildina.“
Starfsmaður á sængurkvenna-
deild sem 24 stundir höfðu sam-
band við sagði sömu sögu. Konum
væri yfirleitt fylgt á vökudeild um
leið og þær væru tilbúnar til þess.
Aðrir viðmælendur blaðsins í heil-
brigðiskerfinu sögðust hins vegar
kannast við svipuð dæmi.
ÞEKKIR ÞÚ TIL?
Hringdu í síma 510 3700 eða
sendu póst á frettir@24stundir.is
Hélt fyrst þau
væru að rugla
 Móðir þurfti að bíða í þrjá tíma eftir að fá að sjá barnið sitt í
fyrsta sinn  Deildarstjóri vökudeildar segir það ekki reglu
Vökudeild Lokuð á
meðan stofugangur er.
➤ Árið 2006 fæddust 4.415börn hér á landi, 2.258 dreng-
ir og 2.157 stúlkur.
➤ Árið 2006 mældist frjósemin2,07 börn á ævi hverrar konu.
➤ Í flestum löndum Evrópu erfrjósemin minni.
BARNSFÆÐINGAR
STUTT
● Áskorun Mannréttinda-
skrifstofa Íslands stendur fyrir
áskorun til stjórnvalda um að-
gerðir gegn mansali. Hægt er að
skrifa undir á slóðinni: hum-
anrights.is/undirskriftir.
● Nýr formaður Sverrir Björn
Björnsson hefur tekið við
embætti formanns Lands-
sambands slökkviliðs- og
sjúkraflutningamanna.
● Dómur Hlutafélag sem seldi
Grand Rokk var dæmt í Hér-
aðsdómi Reykjavíkur til að
greiða fasteignasölu rúma
milljón í bætur en hlutafélagið
hafði samið við fasteignasöluna
en seldi svo framhjá henni.
Leiðrétt
Ritstjórn 24 stunda vill leiðrétta hvaðeina,
sem kann að vera missagt í blaðinu.
Leiðréttingar birtast að jafnaði á síðu 2.
Tekjuskattur lögaðila fyrir ár-
ið 2006 var 42,7 milljarðar
króna sem er nær fjórðungs-
aukning frá síðasta ári þegar
hann var 34,7 milljarðar. Þetta
kemur fram í Vefriti fjár-
málaráðuneytisins. Fjár-
málaþjónusta og tengd þjón-
usta er sú atvinnugrein sem
skilar mestu í ríkissjóð eða
18,2 milljörðum króna.
ejg
Tekjuskattur árið 2006
42,7 milljarðar
hollur kostur á 5 mín.
Gríms fiskibollur