24 stundir - 12.01.2008, Page 52

52 LAUGARDAGUR 12. JANÚAR 2008 24stundir
ÍÞRÓTTIR
ithrottir@24stundir.is a
Þó Magnús gangi nokkuð frjáls
um íslenskar götur er hann venju-
lega enn þann dag í dag eltur á röndum
af aðdáendum á mótum erlendis.
Eftir Albert Örn Eyþórsson
albert@24stundir.is
Þær eru fáar íþróttagreinarnar sem
reyna jafn mikið á líkamann og
kraftlyftingar og aflraunir en í
hvoru tveggja hefur Magnús Ver
sérhæft sig um hartnær 30 ára
skeið. Það má því furðu sæta að
karlinn sé enn að æfa sig reglulega
og enn undarlegra að hann tekur
annað slagið þátt í erfiðum mót-
um. Magnús viðurkennir fyrstur
manna að langur en farsæll ferill
hafi tekið sinn toll. „Ég finn það
gjörla að líkaminn er ekki jafn
sterkur og áður fyrr og ferðirnar til
læknis vegna eymsla ýmiss konar
eru algengari, en að hætta að lyfta
eða æfa hvarflar ekki að mér.“
Áhuginn er reyndar svo mikill
að þrátt fyrir að finna fyrir tölu-
verðum verkjum eftir að hafa tekið
„aðeins of“ hart á því í bekkpressu
fyrir skömmu ætlar Magnús
ótrauður að taka þátt í mjög sterku
bekkpressumóti sem fram fer í
Húsdýragarðinum laugardaginn
19. janúar. Ekki aðeins ætlar hann
að taka þátt heldur skipuleggur
Magnús það líka.
Mót eftir mót
Skipulagning aflraunamóta er
einmitt orðin stór þáttur í starfi
Magnúsar þessi dægrin. Vart er
haldið slíkt mót hér innanlands án
þess að hann komi þar nærri og
hann er reglulega fenginn í slík
verkefni erlendis líka. „Hér heima
er áhuginn á aflrauna- og kraftlyft-
ingamótum svipaður ár frá ári. Það
skýrist kannski af því að langt er
síðan íslenskur keppandi vakti
raunverulega athygli erlendis. Allt
slíkt eykur áhuga hér heima til
muna. Hins vegar gæti það farið að
breytast því mér sýnist tveir kappar
lofa góðu í framtíðinni, þeir Bene-
dikt Magnússon og Stefán Sölvi
Pétursson.
Vinsæll erlendis
Erlendis eru aflraunakeppnir
orðnar gríðarlega vinsælar og í
raun orðnar alvöru íþrótt ólíkt því
sem var þegar Magnús Ver og Jón
Páll Sigmarsson fóru mikinn í
keppnum á borð við Sterkasta
mann heims sem báðir unnu fjór-
um sinnum í röð. Þrátt fyrir stór-
aukna þátttöku og fjölda móta
standa met Íslendinganna tveggja
enn þann dag í dag. „Landslagið
þarna úti hefur þó breyst mikið og
keppnirnar jafn misjafnar og þær
eru margar. Ég er mikið fenginn í
kynningarstörf og umsýslu vegna
móta erlendis, bæði í Bandaríkjun-
um og Evrópu, og var nú síðast
orðinn spyrill fyrir sjónvarpsstöð
sem var skemmtileg tilbreytni.“
Forn frægð
Þó Magnús gangi nokkuð frjáls
um íslenskar götur er hann venju-
lega eltur á röndum af aðdáendum
á mótum erlendis enn þann dag í
dag. „Ég veit nú ekki hvernig á að
skilgreina það en vissulega vita
margir hver ég er og það er gaman
að því. Annað slagið er líka hóað í
mig fyrir auglýsingar og slíkt og
talsverður munur á þessu hér
heima og úti.“
Hætti seint … eða aldrei
Magnús segist aðspurður ekki
sjá eftir neinu í lífshlaupi sínu
hingað til. Vissulega séu langvar-
andi meiðsli eða eymsli slæm en að
öðru leyti sé hann sáttur. „Ég er
góður bara almennt, enginn millj-
ónamæringur, en hef vel fyrir salt-
inu í grautinn og líkar vel það sem
ég geri og hef næg verkefni. Hvað
varðar að hætta er það ekki á döf-
inni og mér líður sjaldan eða aldrei
eins vel og þegar ég er að æfa í
ræktinni. Meðan sú tilfinning er til
staðar sé ég enga ástæðu til að
hugsa meira um það.“
Stoltur Magnús Ver Magnússon er enn þann
dag í dag einn þekktasti Íslendingurinn.
Ennþá hefur enginn bætt met hans og Jóns
Páls Sigmarssonar í aflraunakeppni.
Gæti ekki hætt þó
ég glaður vildi
 Magnúsi Ver Magnússyni líður hvergi betur en í æfingasalnum pumpandi járn og lóð
þó hann sé að verða 45 ára gamall og líkaminn farinn að segja til sín
Aldur, fyrri störf og brot-
hættur líkami koma ekki í
veg fyrir að fjórfaldur
sterkasti maður heims,
Magnús Ver Magnússon,
æfi enn þann dag í dag
nokkuð stíft og segist
vart komast gegnum
daginn án þess að lyfta
lóðum eða reyna á sig
með einhverjum hætti.
Hann viðurkennir eftir
ítrekaðar spurningar að
einn góðan veðurdag
komi sennilega að því að
skór hans fari á hillu í síð-
asta sinn en hann hlakkar
ekki til þess tíma.
Nóg eftir enn Magnús
er ónýtur maður ef hann
pumpar ekki reglulega
➤ Magnús Ver Magnússonfæddist 23. apríl 1963 og er
frá Seyðisfirði.
➤ Hann er í sambúð með ÁstuGuðmundsdóttur og á með
henni tvær dætur auk einnar
fósturdóttur.
BETRI HELMINGURINN
Næsti þjálfari BayernMünchen verður eng-inn
annar en Jur-
gen Klins-
mann. Mun
hann taka við
af Ottmar
Hitzfeld 1. júlí
en Klinsmann
er enginn nýliði í þjálfarabrans-
anum. Hann leiddi Þýskaland
til þriðja sætis á HM 2006 auk
þess að ná miklum frama sem
leikmaður með Stuttgart, Inter
Milan og Tottenham.
Gökhan Inler er hvorkiþjált nafn né þekkt enþað breyttist, allavega
utan Ítalíu, í
gær þegar
Svisslending-
urinn var val-
inn besti nýlið-
inn í ítalska
fótboltanum.
Er sá titill oftar en ekki byrj-
unin á glæstum ferli.
Vart tvær vikur liðnar afnýju ári áður en RealMadrid tapar leik. 2-1
tap gegn Mal-
lorca er hið
þriðja undir
stjórn Bernd
Schuster á leik-
tíðinni enda
var Þjóðverjinn
ósáttur mjög.
Leiðinlegt að þetta var fyrsti
leikur Jerzy Dudek milli stang-
anna hjá Real en þrátt fyrir að
honum verði seint kennt um
mörkin tvö eru fjölmiðlar á
bandi Real ekkert á því að gefa
honum frí frá skítkasti. Telja
þeir víst að Casillas hefði staðið
vaktina betur.
Eltingaleikur AvramGrant, þjálfara Chelsea,við Nicolas Anelka hef-
ur valdið því að
Claudio Piz-
arro er kominn
í fýlu. Hefur
karlinum verið
lofað meira
spiliríi en til-
koma Anelka
setur strik í reikninginn.
SKEYTIN INN
Inniheldur 22 valin bætiefni,
12 vítamín og 10 steinefni.