24 stundir - 30.04.2008, Blaðsíða 22
22 MIÐVIKUDAGUR 30. APRÍL 2008 24stundir
Eftir Kristjönu Guðbrandsdóttur
dista@24stundir.is
„Hundruð barna eru í borginni
með enga þjónustu eftir að fæðing-
arorlofi lýkur,“ segir Þorbjörg
Helga Vigfúsdóttir, formaður leik-
skólaráðs Reykjavíkurborgar.
„Við fórum í saumana á þeirri
þjónustu sem nú þegar er í boði og
þá kom í ljós að okkur vantaði um
það bil þúsund pláss fyrir börn. Þá
er nú ekki lengur hægt að sitja og
horfa á neyðina aukast. Við
ákváðum að gera eitthvað nú þegar
til að loka þessu gati meðan verið
er að vinna markvisst að raunhæf-
um valkostum fyrir foreldra. Þar
sem ég stend fyrir fjölbreytni í úr-
ræðum í dagvistarmálum vildi ég
opna nýjar leiðir. Fleiri tegundir af
þjónustu sem gætu verið samhliða
leikskóla og dagforeldrum. Þá vild-
um við tryggja þeim foreldrum
sem fá enga þjónustu í dag ein-
hverja styrki til að leita sér hjálpar
sjálfir og þar kemur þessi þjón-
ustutrygging inn.“
Borgarbörn
Aðgerðaáætlunin sem ber nafn-
ið Borgarbörn sýnir aðgerðir að
því markmiði að foreldrar reyk-
vískra barna hafi val um dagvistun
að loknu fæðingarorlofi.
„Ég tek það fram að ég geri ráð
fyrir því að fæðingarorlof verði
lengt, enda er það í stjórnarsátt-
málanum,“ skýrir Þorbjörg Helga
frá.
„Við fjölgum leikskólaplássum í
nýjum leikskólum og bætum nýj-
um deildum við rótgróna leik-
skóla. Einnig verða í áætluninni
nýjungar á borð við ný úrræði í
þjónustu dagforeldra, hækkun
niðurgreiðslna til dagforeldra en
við hækkuðum niðurgreiðslur um
40% á síðasta ári og munum aftur
hækka í ár, þjónustutrygging, ung-
barnaskólar og jöfnun nið-
urgreiðslna til sjálfstætt rekinna
leikskóla.“
Hvað er þjónustutrygging?
Þorbjörg Helga leggur áherslu á
að þjónustutryggingin sé tíma-
bundið neyðarúrræði. „Þjón-
ustutrygging er tímabundið úrræði
fyrir foreldra sem eru á biðlista eft-
ir plássi fyrir barn sitt. Þjón-
ustutrygging stendur foreldrum til
boða frá 1. september á þessu ári
og er jafn há greiðsla og Reykjavík-
urborg greiðir með barni sem er í
vistun hjá dagforeldri eða 35.000
kr. en fellur niður þegar barn fær
boð um vistun í leikskóla eða gefst
kostur á dagforeldri að ósk for-
eldra.“
Ekkert val til staðar
Ilmur er í fæðingarorlofi sem
lýkur í haust, þá tekur við meist-
aranám í hagnýtri menningar-
miðlun. Aðspurð um hvað hún
vilji að sé gert í dagvistunarmálum
segir hún að þegar orlofinu ljúki
vilji hún eiga raunverulega valkosti
sem geri henni kleift að stunda
nám sitt.
„Ég vil geta valið um hvort
barnið fari til dagmömmu eða á
ungbarnaleikskóla og ég vildi að
það væri raunverulegt val. Dagfor-
eldrar eru ekki raunverulegt val í
dag. Ég er búin að hringja í allar
dagmömmur í hverfinu mínu, að-
eins ein þeirra gat sett barnið mitt
á einhvers konar biðlista en ekki
lofað neinu. Það er heldur ekki val
ef ég fæ ekki neitt og þarf að vera
heima. Það er pattstaða. Ég væri
alveg til í að vera lengur heima ef
ég fengi borgað fyrir það sóma-
samlega upphæð.“
Ilmur er spurð að því hvort hún
geti nýtt sér þjónustutrygginguna
sem borgin býður foreldrum í
neyð upp á í haust.
„Ég á rétt á þjónustutrygging-
unni í haust þar sem barnið mitt er
á biðlista eftir dagvistun. Þessi
upphæð myndi hins vegar ekki
breyta neinu fyrir mig. Mín staða
væri ennþá sú sama, að ég væri
ekki með neina dagvist fyrir barn-
ið. Þar af leiðandi kemur það í veg
fyrir að ég geti stundað nám eða
vinnu. Þessar 35.000 krónur
myndu ekki breyta neinu fyrir
okkur, upphæðin er hrein og klár
móðgun við hvern þann sem ætti
að taka við henni. Þetta úrræði er
ekkert úrræði fyrir mig. Foreldrið
sem situr heima og þarf að sinna
verkefnum utan heimilisins er í
jafnmiklum vandræðum og áður.
Hver á að passa barnið og þiggja
þennan pening? Afar og ömmur?
Unglingar? Ef einhver finnst þá
hrekkur þessi upphæð skammt.
Þetta er upphæðin sem er borg-
uð með barni til dagmömmu en
svo þarf væntanlega foreldrið að
borga manneskjunni jafnháa upp-
hæð til að mæta kostnaði við dag-
vistun. Til að þetta yrði sóma-
samlegt kaup. En að láta það í
foreldra hlut að finna hæfa mann-
eskju til að sinna dagvistun er flótti
borgaryfirvalda. Dagforeldrar hafa
lagt kapp og metnað í að gera
heimili sín örugg, þar hitta börn
líka önnur börn og með starfi dag-
foreldra er eftirlit.“
Ilmur segist geta ímyndað sér að
margt megi gera fyrir þá peninga
sem á að láta foreldrum í té.
„Hvað eru margir foreldrar á
biðlista eftir leikskóla? Kannski
hundrað? Ef hundrað manns fá
þjónustutryggingu hvern mánuð
eru það rúmar þrjár milljónir á
mánuði. Ég myndi vilja sjá þessa
upphæð fara beint í launahækkun
til leikskólakennara og hærri taxta
til dagforeldra. Bara strax að
hækka launin um þennan pening.
Ef upphæðin væri um hundrað
þúsund krónur, þá myndi ég fyrst
hugsa um að vera heima eða voga
mér að spyrja ömmu og afa hvort
þau vilji vera heima með barna-
barninu.“
Ljósmynd/Kristinn Ingvarsson
Farið í saumana á átaki í dagvistarmálum í Reykjavík
Umdeild borgarbörn
Ilmur Gísladóttir er
þriggja barna móðir í
Reykjavík og í hópi fjöl-
margra foreldra sem bíða
eftir úrræðum í dagvist-
armálum. Ilmur segir af
reynslu sinni og skoðun á
nýju átaki sem sett hefur
verið af stað í Reykjavík:
Borgarbörnum. Þorbjörg
Helga Vigfúsdóttir, for-
maður leikskólaráðs, út-
skýrir ennfremur átakið
og nýjar áherslur borg-
arinnar í dagvistarmál-
um.
Úrræði sem gerir ekkert
gagn „Ég myndi vilja sjá
þessa upphæð fara beint í
launahækkun til leikskóla-
kennara og hærri taxta til
dagforeldra.“
Þjónustutrygging Er í raun endurskoðun svonefndra au-pair greiðslna. Þorbjörg
Helga segir hana vera algert neyðarúrræði sem eigi að vera tímabundið.
Fimmtudaginn 1. maí verður ár-
legt Fyrsta maí hlaup Ungmenna-
félags Akureyrar (UFA) haldið, en
hlaupið hefur verið á þessum degi
allt frá fyrstu starfsárum félagsins.
Hlaupið er keppni á milli skóla þar
sem keppt er um hlutfallslega þátt-
töku og sá skóli sem sigrar hlýtur
veglegan bikar. Í skólakeppninni er
hlaupinn 2 km leið án tímatöku,
en einnig er keppt í 4 og 10 km
hlaupi.
Rásmark við Glerártorg
Hlaupaleiðir eru þrjár, 2 km fyr-
ir 14 ára og yngri en engin tíma-
taka er í því hlaupi. Í hlaupinu er
hlaupið niður Tryggvabraut, suður
Hjalteyrargötu, upp Furuvelli, suð-
ur Hvannavelli og endað við Greif-
ann. Í 4 km og 10 km hlaupinu er
leiðin öllu lengri eins og lög gera
ráð fyrir en í öllum vegalengd-
unum er rásmark við Glerártorg
og endamark við Greifann. Þeir
sem eru 15 ára og eldri geta valið
um lengri leiðirnar en yngri krökk-
um er einnig heimilt að taka þátt í
þeim treysti þau sér til. Hlaupið
hefst klukkan 13:00 en skráningu
lýkur kl. 11:30.
Verðlaunapeningur og pitsa
Allir hlauparar fá viðurkenning-
arpening, pitsu og Svala auk þess
sem fyrstu þrír í hverjum flokki fá
verðlaunapening. Þá hlýtur
sá skóli sem er með hæst hlutfall
þátttakenda veglegan farandbikar
og eignarbikar. Þátttökugjöld fyrir
grunnskólanemendur eru 500 kr.
en 1000 kr. fyrir fullorðna í for-
skráningu. Æskilegt er að sem
flestir skrái sig fyrir keppnisdag þar
sem það auðveldar mótshöldurum
utanumhald og dregur úr örtröð á
hlaupadag.
maria@24stundir.is
1. maí hlaup Ungmennafélags Akureyrar
Hefst við Glerártorg
Mynd/Kristján KristjánssonFyrsta maí hlaupið Hefur verið hlaupið frá fyrstu starfsárum
Ungmennafélags Akureyrar.
Brúðuleikhús eru skemmtileg og
krakkar geta jafnvel búið sér til sín-
ar eigin brúður og sett upp leikrit
heima. Jón E. Guðmundsson varð
fyrstur til að stofna brúðuleikhús
hérlendis og rak það lengi í vest-
urbæ Reykjavíkur. Jón gerði brúð-
una Fúsa flakkara á upphafs-
árunum Sjónvarpsins fyrir
Stundina okkar en Brúðubíllinn
hefur í mörg ár farið um bæinn og
skemmt börnum með brúðum.
Skemmtilegt
brúðuleikhús
Taekwondo er meira en 2000 ára
gömul íþrótt sem á rætur sínar að
rekja til Kóreu. Keppt er í íþrótt-
inni á Ólympíuleikunum og sífellt
fleiri byrja að æfa Taekwondo.
Íþróttin er ekki slagsmálaíþrótt
heldur sjálfsvarnar- og bardaga-
tækni og þeir sem vilja læra Taek-
wondo verða því líka að læra að
sýna aga og virðingu. Hægt er að
æfa Taekwondo hjá t.d. Íþrótta-
félagi Reykjavíkur.
Engin slags-
málaíþrótt
Skólahljómsveitir eru starfræktar víða um land en í hverri hljómsveit er
kennt á flest eða öll málm- og tréblásturshljóðfæri auk slagverks. Hægt er
að fá lánuð hljóðfæri í einhvern tíma gegn vægu gjaldi en æskilegt er að
nemendur eignist með tímanum eigið hljóðfæri. Sem dæmi um hljóðfæri
má nefna trompet, kornett, básúnu og þverflautu. Frekari upplýsingar má
finna á vef Reykjavíkurborgar.
Trompet, básúna og kornett