Morgunblaðið - 19.01.2005, Blaðsíða 21

MORGUNBLAÐIÐ MIÐVIKUDAGUR 19. JANÚAR 2005 21
UMRÆÐAN
Útsala • Útsala • Útsala
Klappastíg 44 - sími 562 3614
Innleggsnótur og gjafakort í fullu gildi á útsölunni
FYRIR nokkru skrifaði ég grein
með þessari fyrirsögn þar sem ég
færði rök fyrir samlíkingunni. Við-
brögð hafa verið ótrúlega jákvæð
utan nokkurra aðilja sem virðast
misskilja hvað málið snýst um.
Einn þessara, í nafni „Samtaka um
betri byggð“, eyðir
löngu máli í að bera
saman hvernig
Reykjavíkurflugvöllur
eins og hann er í dag
myndi líta út í mið-
borg Kaupmannahafn-
ar og hvaða hverfi þar
yrðu fyrir ónæði af
flugumferð og áhrif á
hæð húsa þar. Sú um-
fjöllun er byggð á mis-
skilningi því ekki er
verið hér að ráðgera
óbreyttan fugvöll.
Einnig er verið að
bera saman ólík sam-
göngumannvirki sem þjóna sama
tilgangi, flutningi á fólki.
Aðstoðarmaður landbún-
aðarráðherra býr í Keflavík og
sækir vinnu til Reykjavíkur og
finnst ekkert tiltökumál að aka á
milli utan umferðaröngþveitis þegar
til borgarinnar er komið. Sá hefur
einnig áhyggjur af landnýtingu í
Vatnsmýrinni. Víðast hvar í heim-
inum mundi hann taka lestina í stað
þess að nota bílinn og taka þátt í að
mynda umferðaröngþveitið, geta
jafnvel unnið á leiðinni og undirbúið
sig undir daginn.
Fyrir seinni heimsstyrjöld var
tekin um það ákvörðun að leggja
ekki lestarkerfi um landið heldur
veðja á flugið. Hvort sem sú
ákvörðun var rétt eða röng er það
staðreynd sem við verðum að horf-
ast í augu við.
Í Evrópu hafa samgöngur með sí-
fellt hraðskreiðari og þægilegri
járnbrautarlestum aukist jafnt og
þétt á kostnað flugs vegna þeirra
kosta að stíga inn í lest í einhverri
miðborginni og út úr lestinni í ann-
arri miðborg. Semsagt engar tíma-
frekar ferðir út á fjarlægan fugvöll.
Skömmu fyrir heimsstyrjöld voru
uppi ráðagerðir um lítinn flugvöll í
Vatnsmýrinni en ekkert varð af
framkvæmdum, en skömmu eftir að
Bretar hernámu landið hófust þeir
handa um gerð vall-
arins. Hann er óþarf-
lega stór fyrir innan-
landsflugið enda
varaflugvöllur fyrir
Keflavíkurflugvöll. Það
er ótækt. Nægilegt er
að Akureyrarflugvöllur
og Egilsstaðaflugvöllur
sinni því hlutverki.
Í þessu járnbraut-
arleysi er heppni að
hafa flugvöll nánast við
miðborgina þar sem
hægt er að aka upp að
annarri hlið húss og
ganga út í flugvél hin-
um megin alveg eins og á járn-
brautarstöð. Þetta er sama hugsun
og byggt var á þegar hin glæsilega
Tempelhofflugstöð í miðborg Berl-
ínar var byggð árið 1938 (sjá grein í
Morgunblaðinu 9. janúar sl.) Temp-
elhofflugvöllurinn er með elstu flug-
völlum í heimi, var tekinn í notkun
1923 og hefur verið lengi í notkun. Í
Berlín eru tveir aðrir flugvellir. Nú
stendur til að leggja annan þeirra
niður ásamt þeim gamla sem er
e.t.v skiljanlegt þar sem í Berlín
eru járnbrautarstöðvar. Eigi að síð-
ur hefur einn virtasti núlifandi arki-
tekt, sir Norman Foster, haldið því
fram að Tempelhofflugvöllur og
-flugstöð sé móðir allra nútíma-
flugvalla og lokun orki því tvímælis.
Við að minnka Reykjavík-
urflugvöll niður í eina flugbraut,
vestur-austur-braut (með e.t.v.
lengingu), fæst byggingarland á
stærð við gamla vesturbæinn norð-
an megin og nálægt annað eins
sunnan til. Ekki er úr vegi að eiga
síðan landið undir flugbrautinni til
framtíðarnota því loftför framtíð-
arinnar munu sennilega koma lóð-
rétt niður.
Flytja þarf alla aðstöðu einka- og
kennsluflugs suður fyrir flugbraut-
ina til að fá samfellt bygging-
arsvæði. Nýja flugstöð/umferð-
armiðstöð mætti tengja við Hótel
Loftleiðir eða nýta sjálfa hótelbygg-
inguna undir flugstöð með viðbygg-
ingum. Þar væru hjóla- og bílaleig-
ur.
Flugfargjöld þyrftu að lækka
heilmikið, sömuleiðis bílaleigubílar,
þannig að verulegt hagræði væri að
því að taka flug og bílaleigubíl fyrir
utanbæjarfólk. Sama ætti við um
Reykvíkinga á leið út á land.
Með flutningi innanlandsflugs til
Keflavíkur mundi innanlandsflugið
nánast leggjast af og umferð til og
frá höfuðstaðnum aukast ennfrekar
með tilheyrandi aukningu á slysum.
Nógu slæmt er ástandið nú þar
sem alltof þungir flutningabílar
eyðileggja okkar veikbyggðu þjóð-
vegi og greiða ekki nema brot af
þeim kostnaði sem af því hlýst.
Heyrt hef ég tölur um að einn
flutningabíll slíti vegi á við 400–
1.600 fólksbíla. Þá tekur jeppafarg-
anið á alnegldum túttum sinn toll af
vegunum.
Fram kom hjá hinum dönsku
ráðgjöfum um staðarval Landspít-
ala til framtíðar, að Hringbraut og
nálægð við flugvöllinn væri hag-
stæður valkostur vegna vegna
þeirra fjölmörgu sjúklinga sem
koma með flugi utan af landi.
Það yrði verulegt óhagræði fyrir
þann hóp, en stór hluti hans kemst
með venjulegu farþegaflugi nú
vegna nálægðar spítalans. Land-
spítalinn er nefnilega spítali allra
landsmanna. Sama er um Reykja-
víkurflugvöll. Hann er ekki einka-
mál Reykvíkinga heldur allra lands-
manna.
Reykjavík er verulegur hagur að
flugvellinum bæði hvað varðar at-
vinnu tengda beint og óbeint við
flugreksturinn ásamt öllum þeim
ferðamönnum sem fara þar um.
Þeim myndi fækka verulega ef flug-
völlurinn yrði lagður niður, en
fjölga verulega ef hann yrði lag-
færður og gerð vegleg samgöngu-
miðstöð. Samtímis fengist nægilegt
landrými til uppbyggingar miðborg-
arinnar.
Reykjavíkurflugvöllur –
aðaljárnbrautarstöð
Reykjavíkur
Magnús Skúlason
fjallar um samgöngur ’Í þessu járnbraut-arleysi er heppni að
hafa flugvöll nánast við
miðborgina þar sem
hægt er að aka upp að
annarri hlið húss og
ganga út í flugvél hinum
megin alveg eins og á
járnbrautarstöð.‘
Magnús
Skúlason
Höfundur er fv. formaður
Bygginganefndar Reykjavíkur.






 







#  , &



 01$2 "  3&"
01$2 "  3&"
 &4
(
&
/
("& &
5" 4
   4
 6- MIKIL ánægja ríkti við opnun
nýrrar yfirbyggðrar 50 metra
sundlaugar sem vígð var við hátíð-
legt tækifæri í Laugardalnum 2.
janúar sl. Þar lýstu forráðamenn
sundhreyfingarinnar yfir að með
opnun þessarar laugar væri nýr
kafli hafinn í sundsögu landins.
Allt frá árinu 1998, þegar tillaga
um byggingu þessa mannvirkis var
samþykkt og í framhaldi þegar
efnt var til samkeppni um hönnun
mannvirkisins, ríkti
mikil tilhlökkun meðal
sundmanna. Nið-
urstaða dómnefnd-
arinnar lá síðan fyrir í
janúarmánuði 1999 og
nú tæpum sex árum
síðar er þetta glæsi-
lega mannvirki fullbú-
ið tilbúið til notkunar.
Þessi nýja laug er án
efa skrautfjöður fyrir
Reykvíkinga og er sjö-
unda almennings-
sundlaugin sem rekin
er í borginni.
Fjárhagsáætlun
stóðst
Heildarkostnaður
vegna nýju laug-
arinnar og viðbygg-
ingarinnar nemur
1.130 milljónum króna
og er það fagnaðar-
efni að framkvæmdin
stóðst þá fjárhags-
áætlun sem lagt var
af stað með í upphafi.
Þetta glæsilega mann-
virki er bylting fyrir
sundíþróttina í landinu og almenn-
ing í borginni. Það er fyrst og
fremst hannað með tilliti til fjöl-
breytileika í notkun laugarinnar.
Þannig er brú sem skiptir 50
metra lauginni, þannig að hún
skiptist í tvær 25 metra laugar.
Hægt er að hækka og lækka hluta
af botninum, og jafnvel að hækka
hitastigið aðeins í hluta laug-
arinnar. Boðið verður upp á að-
stöðu til ungbarnasunds, skóla-
sunds, æfinga fyrir sundfélögin og
almenningssunds. Staðsetning
laugarinnar býður einnig upp á
glæsilega tengingu við útilaug,
heita potta og eina bestu líkams-
ræktaraðstöðu á landinu svo og
annað íþrótta- og útivistarsvæði í
dalnum. Þetta er fyrsta sundlaugin
hér á landi, sem stenst kröfur sem
gerðar eru vegna alþjóðlegs móta-
halds. Mannvirkið er sérstaklega
hannað með það í huga að hér
verði hægt að halda alþjóðleg
sundmót og stenst bæði þær kröf-
ur sem gerðar eru til keppni í
sundíþróttum og sundknattleik.
Reykjavíkurborg og sveitarfélögin
hér á höfuðborgarsvæðinu eru
sammála um, að þessi laug sé í
raun þjóðarleikvangur fyrir sundí-
þróttina.
Sjö sundlaugar í borginni
Eins og áður sagði eru nú frá ára-
mótum sjö almenningssundlaugar í
rekstri í hverfum borgarinnar,
Vesturbæjarlaug, Sundhöllin,
Laugardalslaug, Árbæjarlaug,
Breiðholtslaug, Grafarvogslaug,
sundlaug við Íþróttamiðstöðina á
Kjalarnesi og nú ný yfirbyggð laug
í Laugardal. Á síðasta ári sóttu um
2 milljónir gesta sundlaugar borg-
arinnar og sýnir það e.t.v. best
þann mikla áhuga sem er á þessari
góðu og ódýru heilsurækt í borg-
inni. Þessi aðsókn er einhver sú
mesta í heimi pr. íbúa, enda laug-
arnar einstakar, þ.e. að það skuli
vera hægt að synda í heitu vatni
allt árið um kring sama hvernig
viðrar. Rekstrarkostnaður borg-
innar vegna þessara
sjö sundlauga var á
síðasta ári tæpar 179
milljónir. Þessum
skatttekjum borg-
arinnar er vel varið
út frá því mikla
heilsufarslega for-
varnargildi sem sund-
ið hefur.
Sundlaugarnar
eru fyrir alla
Allir aldurshópar
stunda sund. Fyrst er
þar að nefna ung-
barna- og síðar skóla-
sundið sem öll börn í
grunnskólum borg-
arinnar stunda. Aldr-
aðir eru fjölmennur
hópur þeirra sem
stunda sundið og
sundleikfimi hluti af
þeirri þjónustu sem
eldri borgarar njóta í
laugunum. Sá hópur
nýtir sér sundlaugar
borgarinnar án endur-
gjalds og er það ekki
síst vegna þess hversu
jákvæð heilsufarsleg áhrif sundið
hefur. Ekki má gleyma andlegum
og félagslegum hliðum því sund er
ekki bara sund. Sundið er jafn-
framt því að vera líkamsrækt tæki
til slökunar og vellíðunar auk þess
sem nota má það til leikja og
skemmtunar. Og sundið er ekki
bara vinsælt meðal Íslendinga.
Þannig hefur könnun Rannsóknar
og ráðgjafar ferðaþjónustunnar
ehf., sem framkvæmd var á sl. ári
við brottför 1.792 ferðamanna í
Leifsstöð á tímabilinu janúar til
maí, sýnt fram á að sund er ein
allra vinsælasta afþreying ferða-
manna á Íslandi. Alls höfðu 57%
þeirra farið í sund meðan áheim-
sókn þeirra stóð. Sundlaugarnar í
borginni eru þannig fyrir alla
borgarbúa og gesti þeirra.
Sundlaugarn-
ar í borginni
Anna Kristinsdóttir
fjallar um sundlaugar
Anna Kristinsdóttir
’Þessi nýjalaug er án efa
skrautfjöður
fyrir Reykvík-
inga og er sjö-
unda almenn-
ingssundlaugin
sem rekin er í
borginni.‘
Höfundur er borgarfulltrúi
og formaður íþrótta- og tóm-
stundaráðs Reykjavíkur.
mbl.is
smáauglýsingar