Morgunblaðið - 19.01.2005, Blaðsíða 29
MORGUNBLAÐIÐ MIÐVIKUDAGUR 19. JANÚAR 2005 29
MINNINGAR
Innilegar þakkir til allra þeirra, sem sýndu
okkur samúð og hlýhug við andlát og útför
móður okkar, tengdamóður, ömmu og lang-
ömmu,
ÞÓRDÍSAR VIGFÚSDÓTTUR,
Aflagranda 40,
Reykjavík.
Vigfús Guðmundsson, Helga Kristjánsdóttir,
Margrét Guðmundsdóttir, Brynjólfur Kjartansson,
Sjöfn Guðmundsdóttir, Steinn Sigurðsson,
barnabörn og barnabarnabörn.
Okkar innilegustu þakkir til allra þeirra, sem
sýndu okkur samúð og hlýhug við andlát og
útför ástkærs eiginmanns míns, föður okkar,
tengdaföður, afa og langafa,
PÁLS LÚÐVÍKSSONAR
verkfræðings,
Álfheimum 25.
Ása Fanney Þorgeirsdóttir,
Þorgeir Pálsson, Sesselja Benediktsdóttir,
Hildur Alexía Pálsdóttir, Eyjólfur Unnar Eyjólfsson,
Páll Reynir Pálsson, Margrét Þorsteinsdóttir,
afabörn og langafabörn.
Þökkum auðsýnda samúð og vináttu við andlát og útför ástkærrar móður
okkar, tengdamóður, ömmu og langömmu,
INGVELDAR Ó. BJÖRNSDÓTTUR,
Skútustöðum,
Mývatnssveit.
Aðstandendur.
Ástkær eiginkona mín, móðir okkar, tengda-
móðir, systir og amma,
ELÍN KATRÍN GUÐNADÓTTIR
frá Rifi,
lést á Landspítala háskólasjúkrahúsi við Hring-
braut að kvöldi mánudagsins 17. janúar.
Jarðarförin auglýst síðar.
Bjarni Gunnarsson,
Helgi Már Bjarnason, Linda Rut Svansdóttir,
Rúna Lísa Bjarnadóttir,
Bjarki Heiðar Harðarson, Guðmunda Jónsdóttir,
Hafdís Magnúsdóttir, Magnús S. Magnússon,
Jóhanna Marteinsdóttir, Smári Hilmarsson
og barnabörn.
Elsku afi, nú ert þú
farinn. Þegar ég hugsa
til þín þá fyllist hjarta
mitt af þeirri hlýju sem
þú gafst af þér.
Ég hugsa um fallegu brúnu augun
þín sem sýndu væntumþykju þína.
Þér þótti svo vænt um börnin þín og
þína nánustu og vildir allt fyrir þau
gera. Ég hugsa um djúpa ást þína til
ömmu. Ég hugsa um hendur þínar
sem voru svo handlagnar og gátu svo
margt. Ég finn fyrir rólegri og nota-
legri nálægð þinni. Ég sé andlit þitt
brosandi og mér verður hugsað til þín
brosandi og hlæjandi við eldhúsborð-
ið heima að rifja upp gamansögur af
þér og okkur frá fyrri tíð. Þannig lifir
þú í minningu minni, afi.
Þorbjörg.
Í dag kveðjum við Adda, elskuleg-
an vin minn og frænda. Mæður okkar
Adda voru systur og héldu Lauga
frænka, Stefán og Addi minn jólin og
aðra hátíðisdaga með okkur fjöl-
skyldunni á Öldugötunni. Oft voru
erfiðir tímar og mikið um veikindi hjá
elsku pabba mínum. Var ég þá stund-
um send til Laugu frænku sem hugs-
aði um mig svo mamma gæti verið hjá
pabba. Kom það oftar en ekki í hlut
elsku frænda míns að gæta mín, þar
sem foreldrar hans voru með matsölu
og unnu oft fram eftir kvöldi. Aum-
ingja Addi minn þurfti að hlusta á öll
mín vandamál og það gerði hann svo
sannarlega án þess að pirrast á mér.
Árin liðu, en alltaf var sama sam-
✝ Ástvaldur StefánStefánsson fædd-
ist á Mánaskál í Lax-
árdal í Austur-Húna-
vatnssýslu 1. júní
1922. Hann lést á
LSH í Fossvogi
fimmtudaginn 6. jan-
úar síðastliðinn og
var útför hans gerð
frá Digraneskirkju
12. janúar.
heldnin hjá okkur
frændsystkinunum.
Svo kom elsku Edda
inn í myndina og það
voru hamingjudagar.
Alla tíð hugsuðu þau
um Laugu frænku og
bjó hún hjá þeim þar til
yfir lauk. Edda var
henni sem besta dóttir
og fyrir ung hjón í
þröngu húsnæði hefur
það ekki alltaf verið
létt. Addi og Edda voru
líka skátar af lífi og sál
og unnu þau góð verk í
því starfi.
Það er margs að minnast frá þess-
um árum. Við vorum svo lánsöm eitt
sumarið að fá lánaðan sumarbústað
frænda okkar að Straumi og þar vor-
um við oft öll og dagarnir liðu í leik og
gleði. Þá voru farnar margar könn-
unarferðir um hraunið og við Dídi
lékum okkur í mömmuleik með stóru
dúkkurnar okkar og auðvitað var
Addi pabbinn.
Það eru góðar minningarnar um
bjarta daga með foreldrum og fjöl-
skyldu og upp úr stendur væntum-
þykja mín til vinar míns og frænda.
Guð gefi Adda mínum eilífa hvíld og
láti hið eilífa ljós lýsa honum. Hann
hvíli í friði.
Ég sendi Eddu minni, börnunum
og fjölskyldum þeirra innilegar sam-
úðarkveðjur.
Björg frænka.
Kveðja frá skátafélaginu
Garðbúum
Skátafélagið Garðbúar var form-
lega stofnað 1969 og var starfssvæðið
Smáíbúða- og Bústaðahverfi. Starfs-
aðstaðan var í risinu á Hólmgarði 34
og á þessum tímamótum tókum við
jafnframt í notkun nýtt skátaheimili
sem var í kjallara Háagerðisskóla
sem þá var nefndur. Þetta var upphaf
mikils uppgangstíma í skátastarfinu
og félagið okkar dafnaði og óx og
fljótlega varð það stærsta skátafélag
landsins. Stjórn félagsins á fyrstu ár-
um þess var skipuð öflugum og sam-
hentum vinahópi fólks, sem okkur
þeim yngri fannst vera kominn til ára
sinna, en voru aðeins á fimmtugs-
aldri. Ekki hár aldur finnst okkur er
stýrum félaginu í dag og erum á svip-
uðu reki.
Í stjórn félagsins á þessum tíma
var Ástvaldur í hlutverki gjaldkera
en þar var einnig kona hans hún
Edda er var ritari stjórnar. Bæði
höfðu hjónin starfað með frumherja
félagsins og fyrsta félagsforingja um
áraskeið, Eyjólfi Snæbjörnssyni, að
skátastarfinu í hverfinu áður en
drengja- og stúlknaskátar sameinuð-
ust í skátafélagið Garðbúa 1969, eins
og áður sagði. Það fór ekki mikið fyrir
Ástvaldi en við þessi yngri vorum
þess alveg meðvituð að fjármálin
voru í góðum höndum og allt sem
hann sagði stóð. Hann var ekki mað-
ur margra orða, en ávallt traustur og
sífellt reiðubúinn að aðstoða okkur
þessi yngri er til hans var leitað. Þeg-
ar frumherjarnir ákváðu að draga sig
til hlés og að komið væri að yngra
fólki að taka við stjórn félagsins sam-
þykkti Ástvaldur að sitja áfram sem
gjaldkeri félagsins og sinnti starfi
sínu af mikilli skyldurækni og ábyrgð
sem góðum gjaldkera sæmir og pass-
aði upp á að við færum ekki fram úr
okkur í kappsemi ungæðisins.
Ekki skal hér farið yfir fyrri skáta-
störf Ástvalds en þess skal þó getið
að hann var til margra ára einn af
burðarásum uppbyggingarinnar á
Úlfljótsvatni á fyrri árum. Vinahóp-
urinn byggði skála á staðnum, Álfa-
sel, sem enn stendur og er nú í um-
sjón yngri kynslóðar Garðbúa.
Sameiginlega önnuðust Álfarnir við-
hald og viðgang skátaskálanna á Úlf-
ljótsvatni til fjölda ára og ekki spurn-
ing að sú staðreynd að Ástvaldur var
málarameistari og fjölhæfur til
margra verka hefur komið skáta-
hreyfingunni vel, ekki síst á Úlfljóts-
vatni. Þá vitum við að hann starfaði
talsvert á vettvangi Skátasambands
Reykjavíkur sem fulltrúi Garðbúa.
Fyrir allt þetta skal þakkað.
En ekki var nóg að þau hjónin
legðu flestar sínar frístundir til skáta-
starfsins heldur nutum við þess að
börn þeirra urðu virkir skátar og for-
ingjar til fjölda ára með okkur í
skátafélaginu.
Skátahreyfingin og skátafélagið
Garðbúar kveður nú öflugan og ein-
lægan skátafélaga. Við þökkum langa
samferð og samvinnu í skátahreyf-
ingunni við leik og störf. Þá sendum
við Eddu og börnum þeirra og skáta-
systkinum okkar innilegustu vina- og
samúðarkveðjur á þessari miklu
sorgarstundu. Minningin um sannan
skáta mun lifa í hugskotum okkar um
ókomna tíð. Blessuð sé minning Ást-
valds Stefánssonar.
Sofnar drótt, nálgast nótt,
sveipast kvöldroða himinn og sær.
Allt er hljótt, hvíldu rótt.
Guð er nær.
Með skátakveðju,
Ingi Þór Ásmundsson
félagsforingi.
Með örfáum orðum viljum við
kveðja einn af bakhjörlum Útilífsmið-
stöðvar skáta Úlfljótsvatni, Ástvald
Stefánsson. Ástvaldur var í hópi er
nefndi sig Álfa er byggðu sér skála
við Úlfljótsvatn, Álfasel. Álfarnir
vörðu ómældum tíma fyrir austan við
margslags viðhald og endurnýjun á
húsnæði og umhverfi skátaskálanna.
Við viljum þakka Ástvaldi fyrir þetta
framlag og hlýhug til staðarins í ára-
tugi og sendum Eddu konu hans og
öðrum Álfi sem og börnum þeirra og
aðstandendum innilegar samúðar-
kveðjur.
Þú ert skáti horfinn heim,
himinn, jörð, ber sorgarkeim.
Vinar saknar vinafjöld,
varðar þökkin ævikvöld.
Sérhver hefur minning mál,
við munum tjöld og varðeldsbál,
bjartan hug og brosin þín,
þau bera ljósið inn til mín.
Kveðjustundin helg og hlý,
hugum okkar ríkir í.
Skátaminning, skátaspor,
skilja eftir sól og vor.
(H.Z.)
Skátakveðja,
Úlfljótsvatnsráð.
ÁSTVALDUR
STEFÁN
STEFÁNSSON
Það er mikill sjón-
arsviptir þegar jafn-
glæsileg kona og hún
Inga er ekki lengur á
meðal vor. Okkur er
ofarlega í minni þegar
litið er um öxl hversu virk hún var
í öllu sem við tókum okkur fyrir
hendur í starfsmannaferðum Raf-
eyrar.
Inga var ávallt létt á fæti, bros-
andi og skemmtileg hvort heldur
sem um var að ræða pöbbarölt í
Amsterdam þar sem hún og Lilla
sáu um að lóðsa hjörðina um gleði-
stræti borgarinnar eða á litlu jól-
INGA JÓNASÍNA
PÁLMADÓTTIR
✝ Inga JónasínaPálmadóttir
fæddist á Húsavík
19. júlí 1955. Hún
lést á LSH við Hring-
braut 8. janúar síð-
astliðinn og fór útför
hennar fram frá Ak-
ureyrarkirkju 14.
janúar.
um fyrirtækisins þeg-
ar elta átti uppi
vísbendingar í ratleik.
Hugmynd Ingu og
Blönda að fara til
Krítar síðastliðið
haust var vel til fund-
in þótt þau hafi ekki
átt tök á því að koma
með. Þeirra var sárt
saknað en við sem
fórum munum ekki
gleyma því hver átti
hugmyndina. Mörg
okkar minnast þess að
hafa hitt Ingu ásamt
fjölskyldu í Hlíðar-
fjalli, ýmist rennandi sér á skíðum
eða gangandi upp á Hlíðarfjalls-
brún með nesti og nýja skó. Þetta
lýsir því vel hversu samrýmd fjöl-
skyldan var.
Samhug vottum við Blönda,
Hlín, Hrefnu, Sunnu, Ingólfi og
fjölskyldum um leið og við kveðj-
um góðan vin.
Starfsmenn Rafeyrar ehf.
✝ Auðun Auðunsson, fv. skip-stjóri, fæddist á Minni-Vatns-
leysu í Vatnsleysustrandarhreppi
í Gullbringusýslu 25. apríl 1925.
Hann lést á Landakotsspítala 8.
janúar síðastliðinn og var útför
hans gerð frá Neskirkju 18. jan-
úar.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Þakka þér fyrir allar góðu stund-
irnar með þér og fyrir að vera mér
alltaf svo góður. Nú mun Guð vaka
yfir þér elsku afi minn.
Fjóla.
AUÐUN
AUÐUNS-
SON
Morgunblaðið birtir minningargrein-
ar alla útgáfudagana.
Skil Minningargreinar skal senda í
gegnum vefsíðu Morgunblaðsins:
mbl.is (smellt á reitinn Morgunblaðið
í fliparöndinni – þá birtist valkostur-
inn „Senda inn minningar/afmæli“
ásamt frekari upplýsingum).
Skilafrestur Ef birta á minningar-
grein á útfarardegi verður hún að
berast fyrir hádegi tveimur virkum
dögum fyrr (á föstudegi ef útför er á
mánudegi eða þriðjudegi). Ef útför
hefur farið fram eða grein berst ekki
innan hins tiltekna skilafrests er ekki
unnt að lofa ákveðnum birtingardegi.
Þar sem pláss er takmarkað getur
birting dregist, enda þótt grein ber-
ist áður en skilafrestur rennur út.
Lengd Minningargreinar séu ekki
lengri en 2.000 slög (stafir með bil-
um - mælt í Tools/Word Count). Ekki
er unnt að senda lengri grein. Hægt
er að senda örstutta kveðju, HINSTU
KVEÐJU, 5-15 línur, og votta þeim
sem kvaddur er virðingu sína án þess
að það sé gert með langri grein. Ekki
er unnt að tengja viðhengi við síð-
una.
Formáli Minningargreinum fylgir
formáli, sem nánustu aðstandendur
senda inn. Þar koma fram upplýsing-
ar um hvar og hvenær sá, sem fjallað
er um, fæddist, hvar og hvenær hann
lést, um foreldra hans, systkini,
maka og börn og loks hvaðan útförin
fer fram og klukkan hvað athöfnin
hefst.
Minningargreinar