Morgunblaðið - 20.03.2005, Síða 53

MORGUNBLAÐIÐ SUNNUDAGUR 20. MARS 2005 53
AUÐLESIÐ EFNI
Eiður Smári Guðjohnsen og
félagar hans í enska liðinu
Chelsea mæta Bayern
München frá Þýskalandi í 8
liða úrslitum Meistaradeildar
Evrópu í knattspyrnu. Fyrri
leikurinn verður á Stamford
Bridge, heimavelli Chelsea,
hinn 6. apríl og síðari
leikurinn verður á
Ólympíuleikvanginum í
München 12. apríl. Aðrir
leikir í 8 liða úrslitunum eru:
Liverpool – Juventus, AC
Milan – Inter, PSV – Lyon.
Reuters
Eiður Smári Guðjohnsen er hér að skora á móti Barcelona.
Chelsea mætir Bayern
BANDARÍSKA rokk-sveitin Velvet Revolver
mun halda tónleika í Egilshöll 7. júlí
næstkomandi. Sama fyrirkomulag verður á
tónleikunum og á tónleikum Iron Maiden í
júní, þ.e. húsinu verður skipt í A- og
B-svæði. Að sögn Ragnheiðar Hansen
tónleika-haldara verður tilkynnt síðar hvar
og hvenær miðasala hefst.
Velvet Revolver var stofnuð árið 2002 og
hét í upphafi The Project. Sveitin er skipuð
Scott Weiland, fyrrverandi söngvara Stone
Temple Pilots, þríeykinu Slash, Duff
McKagan og Matt Sorum, sem áður voru í
Guns n’ Roses og David Kushner úr
Wasted Youth.
Velvet Revolver hefur sent frá sér eina
breiðskífu, Contraband, en hún kom út á
síðasta ári. Náði platan talsverðum
vinsældum, einkum lögin Slither og Fall To
Pieces.
Reuters
Velvet Revolver til Íslands
KRAKKAR sem eru yngri en
18 ára eiga ekki að fara í
ljós. Það er vont fyrir
húðina. Það getur leitt til
þess að krabba-mein
myndist.
Þetta kemur fram í nýrri
skýrslu. Hún var unnin af
WHO sem er stofnun sem
fjallar um heil-brigðis-mál í
heiminum.
Sér-fræðingar WHO segja
að krakkar sem eru yngri en
18 eigi ekki að nota
ljósa-bekki. Þeir segja að
ungt fólk sé í meiri hættu á
að fá húð-krabba-mein.
Svoleiðis krabba-mein
getur verið lífs-hættulegt.
Miklu fleiri fá nú
svoleiðis krabba-mein en
áður. Í Banda-ríkjunum fá
nú þrisvar sinnum fleiri
húð-krabbamein en fyrir 30
árum. Þetta hefur líka gerst
á Norður-löndum. Læknar
segja að fólk með ljósa húð
sé í sérstaklega mikilli
hættu.
Í Frakk-landi mega
krakkar sem eru yngri en
18 ekki nota ljósa-bekki.
Það er líka bannað í
Kali-forníu í
Banda-ríkjunum. Hér á
Íslandi hefur komið í ljós að
margir krakkar fara í ljós
áður en þeir fermast.
Hættulegir ljósabekkir
ÞEIR Pálmi Haraldsson og
Jóhannes Kristinsson,
aðal-eigendur Iceland
Express, keyptu norræna
lággjalda-flugfélagið Sterling
fyrir tæpa fimm milljarða
króna. „Við sjáum strax í
upphafi þá möguleika að
tengja leiða- og sölunet
Iceland Express við Sterling.
Farþegar sem kaupa miða
hjá Iceland Express munu
geta keypt miða með
Sterling og öfugt,“ segir
Pálmi Haraldsson.
Sterling flýgur til tæplega
30 áfangastaða í Evrópu, frá
Kaupmanna-höfn, Ósló og
Stokk-hólmi. Flestir
áfanga-staðir Sterling eru í
Suður-Evrópu, Bretlandi og
Írlandi, auk þess sem félagið
flýgur milli átta áfanga-staða
á Norður-löndum.
Eigendur Iceland
Express kaupa Sterling-
lággjalda-flug-félagið
SIGLINGA-LEIÐ fyrir Horn á
norðan-verðum Vestfjörðum
lokaðist að mestu vegna
hafíss í vikunni. Það fékkst
staðfest í ískönnunar-flugi
á þriðjudag. Kom þá í ljós
að haf-ísinn var víða
land-fastur við Horn.
Mikinn hafís var víða að
finna norður af landi, til
dæmis hjá Grímsey. Oddviti
Grímseyjar, Óttar Þór
Jóhannsson, óttaðist að
haf-ísinn myndi hafa
alvar-legar afleið-ingar fyrir
atvinnu-ástandið í eynni.
Enda væri róðra-tími með
besta móti.
Mikill hafís við landið
Morgunblaðið/RAX
Netfang: auefni@mbl.is