Morgunblaðið - 21.03.2005, Qupperneq 12

12 MÁNUDAGUR 21. MARS 2005 MORGUNBLAÐIÐ
MINNSTAÐUR
VESTURLAND
Vesturland | Um miðjan febrúar
voru nemendur Fjölbrautaskóla
Vesturlands 550 talsins, 286 karlar og
264 konur. Tæpur helmingur, eða
47% nemenda eru á stúdents-
brautum, 23% eru á iðnbrautum og
18% á almennri námsbraut. Um 97%
nemenda eiga lögheimili á Vest-
urlandi þar af um tveir þriðju á Akra-
nesi.
Á síðasta hausti tók til starfa Fjöl-
brautaskóli Snæfellinga í Grund-
arfirði og þar með lagðist niður fram-
haldsdeild frá FVA í Stykkishólmi
þar sem 15–20 nemendur stunduðu
nám. Hörður Helgason segist sakna
þessarar deildar.
„En við samgleðjumst Snæfell-
ingum og vonum að skólinn gangi vel
hjá þeim. Ég býst við að við munum
eiga góða samvinnu við nýja skólann
og eru þegar hafnar viðræður um
hana. Á sama tíma og fækkaði um
þessa nemendur fjölgaði í skólanum
hér á Akranesi frá árinu áður. Í haust
voru nemendur 613 en eru nú 550.
Við útskrifum um 40–50 nemendur á
haustönn og þeir sem taka sér frí frá
námi tímabundið gera það oft um ára-
mót. Minna er um að nemendur hefji
nám á vorönn. Því eru alltaf nokkuð
færri nemendur í skólanum á vorönn-
inni.“
Tvær nýjar brautir
í boði næsta haust
Heilmiklar framkvæmdir hafa
staðið yfir við skólann. Húsnæði hef-
ur verið stækkað og bætt við nýjum
og betri skólastofum og eldri stofum
breytt eða þær lagðar niður. Fimm
nýjar kennslustofur voru teknar í
notkun í janúar og enn aðrar verða
teknar í notkun í ágúst. Í sumar verð-
ur byggð tengibygging við nýja hús-
næðið og gert nýtt anddyri í skól-
anum. Næsta haust verða gerðar
endurbætur á þeim hluta af elsta
skólahúsnæðinu sem enn hefur ekki
verið endurnýjaður og er gert ráð
fyrir að því ljúki í janúar 2006.
„Þegar öllum þessum fram-
kvæmdum verður lokið verður að-
staða til kennslu við FVA orðin mjög
góð og aðstaða til raungreinakennslu
með því besta sem gerist.“
„Nýju brautirnar, félagsmála- og
tómstundabraut og tölvubraut, sem
boðið verður upp á í fyrsta sinn næsta
haust, eru spennandi og fyrstu við-
brögð við þeim hafa verið góð. Fyrr-
nefnda brautin er tveggja ára ný
braut með nýrri námskrá og kjörin
fyrir þá sem áhuga hafa á að vinna að
félagsmálum og íþrótta- og æskulýðs-
málum. Tölvubrautin er þriggja ára
braut og góður undirbúningur fyrir
þá sem ætla sér að læra meira á því
sviði. Hægt er að bæta námi við báðar
brautirnar og taka stúdentspróf.“
Heimavistin þarf að stækka
Um helmingur nemenda FVA eru
á bóknámsbraut til stúdentsprófs en
um fjórðungur í iðnnámi. Aðsókn að
iðnnámi hefur verið heldur á uppleið.
Við skólann er góð aðstaða til að
stunda verknám. Málmiðnaðardeild
er þriggja ára braut sem menntar
vélvirkja, rafiðnaðardeild sem
menntar rafvirkja tekur þrjú og hálft
ár, bygginga- og mannvirkjadeild
menntar húsasmiði til loka. Einnig er
boðið upp á fyrri hluta nám, fyrstu
tvö árin, í rafeindavirkjun. „Allir
nemendur skólans, hvort sem þeir
eru í verknámi eða bóknámi, þurfa að
taka ákveðinn kjarna. Mikil hagræð-
ing er í því að geta keyrt þetta fyrir
alla nemendurna og það á ágætlega
saman,“ segir Hörður.
Fjölbrautaskóli Vesturlands þjón-
ar Vesturlandi og er boðið upp á
heimavist fyrir 64 nemendur. Hörður
segir mikla þörf á að fjölga plássum í
90 því nokkuð er um að nemendur ut-
an svæðisins sæki um skólavist í
FVA. „Það er erfitt að geta ekki orðið
við þessum óskum og ég veit að nem-
endum mundi fjölga við þessa stækk-
un. Við eigum við annað vandamál að
stríða og það er að við höfum ekki
fengið nægar fjárheimildir frá yf-
irvöldum fyrir auknum nem-
endafjölda.“
Aukin ásókn í framhaldsskóla
„Við erum vel sett með húsnæði og
gætum því fjölgað nemendum og höf-
um áhuga á því. Ég tel það slæmt fyr-
ir svæðisskóla sem þennan að geta
ekki tekið við sem flestum. Við tókum
við eins mörgum og við gátum síðasta
haust, en auðvitað verðum við að hafa
tryggingu fyrir því að nægilegt fjár-
magn sé til kennslu allra þessara
nemenda. Það er greinilega meiri
ásókn í framhaldsskóla um þessar
mundir en gert var ráð fyrir og ráða-
menn verða að taka á því. Það er líka
áberandi hvað nemendur utan hefð-
bundins framhaldsskólaaldurs eru að
skila sér aftur í framhaldsskólana.
Þótt þessir nemendur setji strik í
reikninginn er þetta ánægjulegt því
alltaf hefur verið hvatt til þess að þeir
sem luku ekki námi á hefðbundnum
tíma komi aftur.“
Félagslíf er öflugt við FVA og vel
að því staðið að mati Harðar. Á haust-
önn er haldin stór og mikil tónlist-
arhátíð sem gott orð hefur farið af og
á vorönn er árshátíð og leiksýning.
Nemendur fá einingar fyrir leiklist og
setu í stjórn nemendafélagsins. „Ég
held þó að það sé ekki hvatinn því það
er greinilegt að nemendurnir hafa
gott og gaman af því að taka þátt í fé-
lagslífinu og sækjast eftir því.“
Kennsluaðstaða við Fjöl-
brautaskólann mjög góð
Nemendum fjölgaði í
Fjölbrautaskóla Vest-
urlands á Akranesi
síðastliðið haust og
eru nú um 550 í dag-
skóla. Skólinn er í sí-
felldri uppbyggingu
og þróun. Hörður
Helgason skólameist-
ari fræddi Ásdísi Har-
aldsdóttur um starf-
semina og sagði meðal
annars frá tveimur
nýjum námsbrautum
sem boðið verður upp
á næsta haust.
Morgunblaðið/Sigurður Elvar
Góð aðstaða er til iðnnáms við FVA.
Morgunblaðið/Ásdís Haraldsdóttir
Hörður Helgason skólameistari.
„Gætum tekið við fleiri nemum.“
asdish@mbl.is
www.fva.is
Stykkishólmur | Leikfélagið
Grímnir hefur sett svip á
menningarlífið í Stykk-
ishólmi í tæp 40 ár og á
þeim tíma sett upp að með-
altali eitt leikverk á ári.
Nú var röðin komin að
Fiðlaranum á þakinu. Í stórt
er ráðist, því sýningin er
fjölmenn og mikil vinna í
tónlist og leiksviði. Með að-
alhlutverkin fara þau Mar-
grét Ásgeirsdóttir og
Tryggvi Gunnarsson.
Tryggvi leikur Tevye
mjólkurpóst og skilar hlut-
verki sínu með mikilli prýði
og því var eðlilegt að spyrja
hann hvort hann sé vanur
leikari.
„Nei, ég hef aldrei leikið
áður,“ segir Tryggvi „því er
það mikil reynsla að taka
þátt í Fiðlaranum.“ Tryggvi
er alinn upp í Flatey á
Breiðafirði og hefur verið
þar með annan fótinn síðan.
„Það var mikið hlustað á útvarp
heima í Flatey. Ég man að þegar ég
var 11-12 var Fiðlarinn fluttur í út-
varpinu. Ég hlustaði á af áhuga og
dáðist mjög að leik Róberts. Þá
skaut upp í huga minn þeirri hugs-
un að rosalega væri gaman að leika
í þessu leikriti og nú hefur draum-
urinn ræst, svona er þetta.“
Tryggvi er nýfluttur til Stykk-
ishólms. „Það er mér mikils virði að
fá að taka þátt í Fiðlaranum. Það
hefur verið frábært að kynnast öllu
þessu fólki, fólki sem maður þekkti
tilsýndar, en hef nú eignast marga
perluvini.“
Tryggvi tók það fram að það sem
hefði komið sér mest á óvart væri
hvað unga fólkið hefði staðið sig
vel, verið agað og staðið sig eins og
hetjur. „Það fór miklu meiri tími í
æfingar en ég reiknaði með. Ég hef
ekki verið heill heilsu og haft næg-
an tíma, en stundum hef ég vor-
kennt þeim sem hafa verið í fullri
vinnu til viðbótar,“ segir Tryggvi
Gunnarsson.
Fiðlarinn á þakinu er ein viða-
mesta sýning hjá Grímni. Að sýn-
ingunni koma um 64 einstaklingar
og þar af 44 leikarar. Allmörg hjón
taka þátt í uppfærslunni og allt upp
í 5 manns úr sömu fjölskyldu. Margt
ungt fólk tekur þátt í sýningunni og
eru leikarar á aldrinum 9 til 72 ára.
Leikstjóri sýningarinnar er Ing-
unn Jensdóttir. Næsta sýning verð-
ur n.k. miðvikudagskvöld.
Morgunblaðið/Gunnlaugur Árnason
Margt ungt fólk tekur þátt í sýningunni. Á myndinni eru: Sóley, Dagný,
María, Guðrún Edda og Elín Ragna.
Grímnir sýnir Fiðlarann á þakinu
„Ég hef eignast
marga perluvini“
Morgunblaðið/Gunnlaugur Árnason
Tevye og Golda með dæturum sínum fimm.
Að ofan: Anna Margrét, Elín Ragna, Eyrún
Arnars, Margrét Ásgeirsdóttir, Tryggvi
Gunnarsson, Sóley og Jónína.