Morgunblaðið - 27.05.2005, Blaðsíða 12
12 FÖSTUDAGUR 27. MAÍ 2005 MORGUNBLAÐIÐ
FRÉTTIR
ÚR VERINU
Neskaupstaður | Grásleppukarlar í Neskaupstað eru nú sem óðast að
taka upp netin, en vertíðinni hjá þeim lýkur 29. maí. Að sögn þeirra er
þessi vertíð ein sú allra lélegasta sem þeir muna eftir. Bæði hefur afli ver-
ið sáralítill og verðið á hrognunum lágt. Þá hefur veðráttan verið þeim
óhagstæð, oft mikið brim og netin hjá þeim þá fyllst af þara eða eins og
einn þeirra sagði: „Það hefur nánast ekki komið einn dagur á vertíðinni
með gott sjóveður.“
Morgunblaðið/Ágúst Blöndal
Grásleppunetin hreinsuð Feðgarnir Björgvin Sveinsson og Róbert Björg-
vinsson standa vaktina. Þeir eru óánægðir með grásleppuvertíðina.
Léleg veiði, lágt verð og ótíð
SAMHERJI hf. hefur selt fiski-
mjölsverksmiðju sína í Grindavík til
Síldarvinnslunnar hf., en sem kunn-
ugt er hefur verksmiðjan ekki verið
starfrækt frá því í byrjun febrúar sl.
eftir að mikill eldur kom upp í verk-
smiðjunni.
Samherji hefur um langt árabil
verið með rekstur í Grindavík. Fyrir
nokkrum árum var ráðist í endur-
bætur á verksmiðjunni, bæði mann-
virkjum og tækjabúnaði, og lauk
þeim endurbótum í fyrra.
„Frá því að verksmiðjan í Grinda-
vík brann höfum við verið að velta
fyrir okkur framtíð þessa rekstrar.
Eftir að hafa skoðað málið vandlega
höfum við ákveðið að selja Síldar-
vinnslunni verksmiðjuna. Samherji
er stór hluthafi í Síldarvinnslunni og
tengist því rekstrinum með þeim
hætti og mun áfram verða með
hrognafrystingu í Grindavík,“ segir
Þorsteinn Már Baldvinsson, forstjóri
Samherja.
Frágangi á brunatjóninu er ekki
að fullu lokið en gera má ráð fyrir að
hagnaður vegna sölunnar verði
a.m.k. 400 milljónir króna. Á hinn
bóginn munu rekstrartekjur og
framlegð félagsins dragast eitthvað
saman vegna minni umsvifa og því er
erfitt að segja hvaða áhrif salan hef-
ur á rekstur Samherja þegar til
lengri tíma er litið.
Björgólfur Jóhannsson, forstjóri
Síldarvinnslunnar, segir að Síldar-
vinnslan hafi verið leiðandi í mjöl- og
lýsisframleiðslu hér á landi um nokk-
urt skeið. Það sé því rökrétt að fyr-
irtækið kaupi fiskimjölsverksmiðj-
una af Samherja, enda sé Samherji
stór hluthafi í Síldarvinnslunni og
með þessi verði ekki árekstrar milli
fyrirtækjanna í þessari vinnslu.
Endurbætur á verksmiðjunni í
Grindavík eru ekki hafnar eftir brun-
ann í febrúar og segir Björgólfur enn
of snemmt að segja til um það hvort
starfseminni verði haldið áfram í
Grindavík. Síldarvinnslan rekur sem
kunnugt er fiskimjölsverksmiðju í
Helguvík. „Við ákveðum á næstu vik-
um hvernig við háttum bræðslumál-
um á vegum Síldarvinnslunnar á
Reykjanesi, hvort við rekum verk-
smiðjur í Grindavík, í Helguvík eða á
báðum stöðum. Við ætlum hinsvegar
ekki að ráðast í hagræðingu fyrir
aðra með því að leggja niður verk-
smiðjur sem aðrir geta síðan nýtt
sér,“ segir Björgólfur.
Samherji selur fiskimjöls-
verksmiðjuna í Grindavík
Morgunblaðið/Þorkell
Bruni Verulegt tjón varð á verk-
smiðju Samherja í febrúar.
FYRSTI laxinn mun vera kominn á land, 12 punda þung-
ur, en hann veiddi veiðimaður í Þverá í Borgarfirði sem
hugðist ná sér í sjóbirting í soðið. Frá þessu var greint á
vefmiðlinum votnogveidi.is. Annars hefst laxveiðin ekki
fyrr en á miðvikudaginn kemur, í Norðurá, en í Þverá
hefst laxveiðin þann tíunda.
Í maímánuði hefur staðið yfir tilraunaveiði á urriða á
efsta svæði Elliðaánna og seldust leyfin upp á skömmum
tíma, er fréttist af góðri veiði fyrstu dagana.
Þrátt fyrir kuldatíð hafa veiðimenn staðið vaktina alla
daga og verið að fiska ágætlega, urriða sem er mikið í
kringum pund að þyngd. Magnús Sigurðsson veiðivörð-
ur segir mikið af fiskinum og einkum næst Elliðavatni,
en teljari í fiskveginum sýni að fiskurinn flakki talsvert
þar á milli. Magnús mælir alla veidda fiska, tekur hreist-
ursýni og magainnihald úr sumum, en meðal annars er
verið að athuga hvort urriðinn nærist á laxaseiðum.
Kvaðst Magnús enn ekki hafa séð dæmi um það.
Veiðimenn hafa verið að veiða misvel, en sumir hafa
náð allt að tuttugu fiskum, og þrátt fyrir kuldann hafa
litlar þurrflugur reynst vel. Veiðimenn sem lönduðu
fimm fiskum fyrr í vikunni fengu varla högg á straum-
flugur eða púpur, öðru máli gegndi um þurrflugurnar.
Hlíðarvatn í Selvogi er rómað fyrir tökuglaðar og
bragðgóðar bleikjur, en Ármaður einn sem veiddi þar á
dögunum fékk öðruvísi töku þar en hann er vanur. Í stað
hefðbundinna kippa bleikjunnar var rifið í fluguna, fisk-
urinn tók kraftmikið strik langt út í vatn og stökk svo
aftur og aftur; óvenju björt blekja. Enda kom í ljós að um
fjögurra punda sjóbirting var að ræða.
Örflugur í silunginn
Sífellt fleiri silungsveiðimenn eru farnir að veiða á
nettar stangir fyrir léttar línur, og reyna að líkja eftir
þeim skordýrum sem fiskarnir eru að taka hverju sinni.
Meðal þeirra flugna sem veiðimönnum standa til boða
eru agnarsmáar örpúpur, í stærðum 20 og 22, sem dr.
Jónas Jónasson býður til sölu á vefnum frances.is, en
hann hefur verið ötull við að innleiða hverskyns nýj-
ungar í fluguflóruna.
„Veiðimenn eiga að beita þessu þegar þeir sjá fiskinn í
æti, uppítökur í ám og vötnum,“ segir Jónas. „Þá er fisk-
urinn að synda um og borða örsmá skordýr. Þessar flug-
ur eru í sömu stærð og pöddurnar. Það er um að gera að
nota nógu grannan taum og fara rosalega varlega. Það
virkar vel að staðsetja fisk sem er að taka í yfirborðinu,
kasta uppfyrir hann og láta flugurnar leka yfir hann,
eins náttúrulega og hægt er. Stundum er hægt að leika
sér við þetta á mjög grunnu vatni.“
Morgunblaðið/Einar Falur
Skær morgunsól lýsir upp veiðimann sem háfar urriða við Hólmahyl í Elliðaánum.
Morgunblaðið/Golli
Píkokk, Bitmý og Denni dæmalausi: agnarsmáar ör-
púpur úr smiðju Dr. Jónasar á krónupeningi.
Þurrflugur í Elliðaánum
veidar@mbl.is
STANGVEIÐIÆvintýri
á morgun
Lifðu
hamingjusöm
til æviloka