Morgunblaðið - 27.05.2005, Blaðsíða 64
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 27. MAÍ 2005 VERÐ Í LAUSASÖLU 220 KR. MEÐ VSK.
Næring ekki
refsing
Opið 8-24 alla daga
í Lágmúla og Smáratorgi
KB banki og Nýherji fengu í gær
verðlaunin IR Nordic Awards fyrir
Íslands hönd en þau voru afhent á
verðlaunahátíð á Nordica hóteli í
gærkvöldi. Það er breska fagtímarit-
ið Investor Relations Magazine sem
veitir norrænum fyrirtækjum þessi
verðlaun fyrir fjárfestatengsl en um
200 fagfjárfestar og greiningaraðilar
hafa tilnefnt norræn fyrirtæki til
þeirra.
KB banki hlaut verðlaun í flokki
stórra íslenskra fyrirtækja og Ný-
herji í flokki smærri fyrirtækja. Í
flokki stórra fyrirtækja voru Ís-
landsbanki og Össur einnig tilnefnd
en FL Group og Marel í flokki
smærri. | Mikilvægi 16
KB banki
og Nýherji
fá verðlaun
SUMARIÐ er komið og sundlaugarnar fyllast af fólki í blíðunni. Það var
ekki að sjá að þessi hraustu ungmenni, sem svömluðu í nýju sundlauginni í
Salahverfinu í Kópavogi í gær, létu fremur kalt veðurfar undanfarið á sig
fá, enda sól á lofti, sem er það sem öllu skiptir.
Svalt verður áfram í veðri norðanlands, en spá Veðurstofu Íslands gerir
ráð fyrir því að á laugardag verði hiti allt að tólf stigum sunnan til á land-
inu en mun svalara við norðausturströndina. Bjart verður að mestu leyti á
laugardag, en hætt við síðdegisskúrum, einkum við suðausturströndina.
Heldur fer að hlýna á sunnudag, en þá má reikna með smáskúrum víða um
land.
Morgunblaðið/RAX
Hlýnandi veður um helgina
UNGU fólki virðist ganga betur að fá sumarstörf í
sumar en í fyrrasumar, og eru almennt færri á
listum atvinnumiðlana sem sérhæfa sig í þjónustu
við ungt fólk, að sögn forsvarsmanna tveggja
slíkra miðlana.
Umsóknir um störf hjá Vinnumiðlun ungs fólks
í Reykjavík voru um 2.600 í ár, samanborið við um
2.800 í fyrra, sem gefur vísbendingar um að ungu
fólki reynist auðveldara að fá vinnu án milligöngu
miðlunarinnar, segir Selma Árnadóttir, for-
stöðumaður Vinnumiðlunar ungs fólks. Mestur
hluti þeirra sem skrá sig hjá miðluninni er ungt
fólk 17–20 ára, en einnig er stór hópur á aldrinum
20–30, og einhverjir eldri einnig á skrá.
Reikna má með að um helmingur þeirra sem
hafa skráð sig, um 1.200 einstaklingar, fái störf
hjá hinum ýmsu stofnunum borgarinnar, miðað
við þær fjárveitingar sem fengist hafa til þessa, og
verður gengið frá ráðningum öðru hvorum megin
við helgina. „Við erum ekki að veita öllum störf
sem sækja um hjá okkur, svo ég hvet fólk til þess
að taka þau störf sem bjóðast annars staðar frá
líka,“ segir Selma. Um 300 færri ungmenni munu
fá vinnu hjá Reykjavíkurborg í sumar en síðast-
liðið sumar, og segir Selma að þar ráði fjárveit-
ingar frá borginni ferð. Um 1.500 fengu störf í
gegnum Vinnumiðlunina í fyrra, en 1.200 í ár.
Hjá Atvinnumiðlun stúdenta hafa verið u.þ.b.
15% fleiri störf í boði fyrir háskólanema fyrir
þetta sumar en sumarið í fyrra, segir Hanna
María Jónsdóttir, rekstrarstjóri Stúdentamiðl-
unar, sem rekur Atvinnumiðlun stúdenta (AM), og
enn að bætast við störf.
Hún segir áberandi að stúdentar séu frekar að
taka sér sumarfrí í sumar en tíðkaðist áður, og
margir ráði sig ekki í vinnu fyrr en frá byrjun
júní, og taka sér því nokkurra vikna frí frá próf-
lokum.
„Það virðist falla ágætlega að rekstri margra
fyrirtækja, það er mikið af fyrirtækjum sem eru
hætt að ráða sumarfólk í jafnlangan tíma og áður
og eru að taka inn stúdenta í skemmri tíma en
var. Svo þetta passar ágætlega saman,“ segir
Hanna.
Samtals eru tæplega 200 stúdentar á skrá hjá
AM, en Hanna segir að hluti af þeim sé e.t.v. að
leita að öðru en einföldu sumarstarfi, t.d. hluta-
starfi, framtíðarstarfi eða starfi á ákveðnu tíma-
bili. Hún segir að eftirsóttustu nemarnir sem komi
á skrá hjá þeim séu þeir sem hafa menntun eða
reynslu af bókhaldi eða bókasafns- og upplýs-
ingafræðum, og svo virðist sem mörg fyrirtæki
noti sumarið til þess að koma bókhaldinu og
skjalasafninu í gott horf. Hún segir einnig að
sjaldan sjáist nemendur í hinum svokölluðu heil-
brigðisgreinum, þeir fái yfirleitt vinnu eftir öðr-
um leiðum.
Fleira ungt fólk í sumarstörf
Eftir Brján Jónasson
brjann@mbl.is
Morgunblaðið/ÞÖK
HÆSTIRÉTTUR komst í gær að
þeirri niðurstöðu, að óheimilt hefði
verið að draga tiltekin launatengd
gjöld frá fjárhæð, sem Júlíus Sól-
nes, prófessor við Háskóla Íslands,
hafði fengið úthlutað úr ritlauna- og
rannsóknasjóði prófessora.
Dómurinn hefur gríðarlegt for-
dæmisgildi að mati Atla Gíslasonar,
lögmanns Júlíusar, og segir hann að
allir þeir prófessorar sem fengið
hafa úthlutað úr sjóðnum frá því
fyrst var úthlutað úr honum eigi
væntanlega rétt á leiðréttingu á sín-
um kjörum. Spurður um hvaða upp-
hæðir sé þar að ræða segir Atli að
lauslega en varlega áætlað gæti það
verið um eða yfir 150 milljónir
króna. Fyrst var úthlutað úr sjóðn-
um árið 1999 fyrir rannsóknarvinnu
sem unnin var 1997 og 1998, og hef-
ur verið úthlutað árlega úr sjóðnum
síðan.
Með dómi sínum hnekkti Hæsti-
réttur dómi Héraðsdóms Reykja-
víkur sem sýknaði íslenska ríkið og
Háskóla Íslands af kröfum Júlíusar.
Hæstiréttur dæmdi ríkið og Há-
skóla Íslands til að greiða Júlíusi
tæpar 129 þúsund krónur, sem
dregnar voru af framlagi úr sjóðn-
um til hans. Þá viðurkenndi Hæsti-
réttur, að óheimilt hefði verið að
draga mótframlag í lífeyrissjóð,
tryggingagjald og tryggingagjald af
lífeyrisframlagi, mótframlag í sér-
eignasjóð, tryggingagjald af mót-
framlagi í séreignasjóð og önnur
launatengd gjöld frá úthlutuninni
en samtals nema þessi gjöld 19,68%.
Einnig voru ríkið og HÍ dæmd til
að greiða Júlíusi 800 þúsund krónur
í málskostnað.
Málið dæmdu hæstaréttardómar-
arnir Gunnlaugur Claessen, Árni
Kolbeinsson, Garðar Gíslason, Guð-
rún Erlendsdóttir og Ólafur Börkur
Þorvaldsson. Skarphéðinn Þórisson
hrl. og Kristín Edwald hdl. fluttu
málið fyrir ríkið, Hörður Felix
Harðarson hrl. og Gísli Guðni Hall
hdl. fyrir HÍ og Atli Gíslason hrl.
fyrir Júlíus Sólnes.
Óheimilt að mati Hæstaréttar að draga launatengd gjöld frá ritlaunafjárhæð
Endurgreiðslur gætu
numið 150 milljónum
LEIÐANGRI Íslenskra fjallaleið-
sögumanna yfir Grænlandsjökul
miðar vel og eru leiðangursmenn-
irnir komnir yfir hábungu jökulsins
eftir hálfs mánaðar göngu.
Gangan yfir Grænlandsjökul er
vinsæl þrekraun og nokkrir hópar
reyna við jökulinn á hverju ári. Að-
stæður hafa verðir erfiðar á jökl-
inum í vor og allmargir hópar hafa
gefist upp og snúið við.
Leysingarvatn farartálmi
Leiðangur Íslenskra fjallaleið-
sögumanna stefnir nú að yfirgefinni
radarstöð sem Bandaríkjamenn
ráku á dögum kaldastríðsins. Ekki
er búist við neinum hindrunum á
vegi leiðangursmannanna fyrr en
þeir fara að nálgast jökuljaðarinn á
vestanverðum jöklinum en þar getur
leysingarvatn sem rennur af jökl-
inum orðið erfiður farartálmi. Ís-
lenskir fjallaleiðsögumenn sjá um
framkvæmd leiðangursins fyrir
nýsjálensku ævintýraferðaskrifstof-
una Adventure Consultants sem hef-
ur séð um markaðssetningu og sölu
á ferðinni. Þátttakendur í leiðangr-
inum eru víðsvegar að úr heiminum.
Fararstjórar eru þeir Einar Torfi
Finnsson og Friðjón Þorleifsson.
Grænlands-
leiðangri
miðar vel
♦♦♦