Morgunblaðið - 27.05.2005, Blaðsíða 31

MORGUNBLAÐIÐ FÖSTUDAGUR 27. MAÍ 2005 31
MENNING
Flísar
- úti og inni -
Varanleg lausn
Verðdæmi:
30 x 30 kr. 1.150,- m2
Gegnheilar útiflísar
á svalir, tröppur,
sólstofur og
jafnvel bílskúrinn.
„MARKMIÐIÐ með verkinu er að
deila upplifun listamannsins með
áhorfendum. Fá fólk með upp á svið
þar sem það fær snertinguna, lykt-
ina, andardráttinn og nándina beint
í æð,“ segir William Petit dansari,
danshöfundur og listrænn stjórn-
andi franska dansflokksins Rialto
Nomad Fabrik.
Dansflokkurinn mun sýna verkið
East Land/ Nomad Cabaret á Nasa
í kvöld sem hluta af Evrópuverkefn-
inu Trans Danse og Listahátíð í
Reykjavík.
William Petit byrjaði að semja
verkið er hann bjó í Ungverjalandi
árið 2000. Þar kynntist hann bæði
sígauna- og nútímatónlistarmönnum
sem spiluðu fyrir hann tónlist sem
hann hafði ekki heyrt áður. Á þess-
um tíma hafði hann einnig fengið
mikinn áhuga á kabarettforminu og
hvernig það gerir listamönnunum
kleift að ná betur til áhorfenda.
Verkið varð ekki til á stuttum tíma
heldur varði William næsta ári í
uppbyggingu þess og segir hann að
nú fimm árum síðar sé verkið í raun
enn að þróast.
Gagnvirk samskipti
Undirstöðuatriði East Land/
Nomad Cabaret eru gagnvirk sam-
skipti milli listamanns og áhorf-
enda.
William lýsir verkinu sem dans-
brotum sem eru útfærð eftir því
húsnæði sem sýningin fer fram í
hverju sinni ásamt því að dansarar
og leikarar spinni svolítið í kringum
viðbrögð og þátttöku áhorfenda.
Hann vill helst koma á áfangastað
nokkrum dögum fyrir sýningu bæði
til að skoða sýningarstaðinn og til
að fá tilfinningu fyrir heimamönn-
um.
William líkir sýningarferlinu við
sígaunahópa sem ferðist milli staða,
setji upp búðir sínar og haldi helj-
arinnar sirkus. Þar hittist ókunnugt
fólk og skemmtir sér saman.
„Við höfum sýnt verkið 60–70
sinnum en teljum okkur aðeins hafa
haft í kringum 40 sýningar því það
er aldrei eins. Ég hugsa um sýn-
inguna sem stað þar sem fólk hittist
og tekur þátt og ég er sáttur þegar
ég finn fyrir ánægju áhorfenda. Það
er hægt að halda áfram með þessa
sýningu næstu þrjú til fimm ár því
hún er sífellt að breytast,“ segir
William. „Það er ekki vitað fyr-
irfram hvernig hver sýning verður
því við vitum ekki hvernig fólk
bregst við. Í hverju landi eru hefðir
og siðir sem tengjast samskiptum
og snertingu og það er ekki hægt að
segja að ein hegðun sé réttari eða
betri en önnur. Fólk hefur val um
þátttöku í sýningunni og við röðum
stólunum þannig upp að fólk á auð-
velt með að vera með eða færa sig
fjær.“
Í verkinu taka þátt átta dansarar
og leikarar ásamt einum ljósamanni
sem er á sviðinu. Listamennirnir,
sem koma frá Frakklandi, Spáni,
Belgíu og Póllandi, vinna að öðrum
verkefnum með þessu. Þau taka sér
þó reglulega frí frá sýningum East
Land/ Nomad Cabaret til hvíldar og
einnig til að ná í innblástur fyrir
næstu sýningar.
Vonandi taka sem flestir þátt
Trans Danse Europe 2003–2006
er samstarfsverkefni Íslenska dans-
flokksins og sjö annarra Evr-
ópuborga sem felst í að þróa og
semja dansverk ásamt því að
styrkja dansumhverfi í Evrópu og
leiða saman danslistafólk.
Næsti áfangastaður Rialto Fabr-
ik Nomade dansflokksins er Festiv-
al Bellone Brigittines í Brussel,
Belgíu ásamt öðrum dansflokkum
Trans Danse verkefnisins. Franski
flokkurinn hefur verið beðinn um að
setja sýninguna upp sem eins konar
hátíð þar sem dans, tónlist, matur
og drykkur verður í fyrirrúmi og
gleðin við völd.
William og hópur hans kom til
landsins á mánudag og varði þriðju-
deginum í að skoða næsta nágrenni
höfuðborgarinnar. Þau fóru hinn
klassíska gullna hring og William
segir að hann finni vel fyrir þeim
krafti sem Ísland sendir frá sér,
honum líki vel hversu fjölbreytt
náttúran sé og að maður viti aldrei
hvað komi næst, hvorki varðandi
náttúruna né veðrið
Hann er með góða tilfinningu fyr-
ir sýningunni í kvöld og hlakkar til
að sjá hvernig Íslendingar taka
verkinu hans og vonar að sem flest-
ir taki þátt.
Fjögur verk til viðbótar
Eins og áður segir verður franska
verkið sýnt á Nasa í kvöld. Á sunnu-
daginn verða síðan tvær sýningar á
sviðum Borgarleikhússins, annars
vegar tvö verk frá Finnlandi og hins
vegar tvö verk frá Tékklandi.
Katrín Hall, listrænn stjórnandi
Íslenska dansflokksins, segir öll
verkin sem sýnd eru að þessu sinni
vera mjög ólík. Allt listafólkið er
þekkt í sínum heimalöndum og þess
vegna spennandi að sjá hvað sé ver-
ið að gera í dansi annars staðar í
heiminum.
Verkin frá Finnlandi eru Flow
eftir Arja Raatikainen og Lucid
Dreaming eftir Alpo Aaltokoski.
Arja er þekkt fyrir mjög persónuleg
dansverk og dansar oft sjálf í verk-
um sínum líkt og hún gerir nú. Verk
Alpos er ólíkt því sem hann hefur
gert áður en það fjallar um drauma
og hvernig dreymandi á mörkum
svefns og vöku getur mótað innihald
draumsins.
Tékknesku verkin eru Night
Moth eftir Petra Hauerova og Mi
non Sabir eftir Karine Ponties.
Verk Petru er mjög sjónrænt þar
sem notast er við leisigeisla með
dansinum. Í hinu verkinu dansa
fjórir karlar og er það kannski for-
vitnilegt fyrir Íslendinga sem eiga
fáa karldansara.
„Það er ekki á hverjum degi sem
Íslendingum gefst kostur á að sjá
fimm erlend og ólík dansverk á
einni helgi. Allt eru þetta vel þekkt-
ir, framsæknir og spennandi höf-
undar,“ segir Katrín. „Það er því
mikill fengur fyrir Íslendinga að fá
þessa listamenn til landsins og mik-
ill áhugi hjá erlendu dönsurunum að
koma hingað.“
Hægt er að kaupa passa á allar
sýningarnar á 5.500 krónur.
Framlag Íslands í Trans Danse
er Marlene Dietrich FOR eftir
Ernu Ómarsdóttur og Slóvenann
Emil Hrvatin og hefur verkið nú
þegar verið sýnt í nokkrum löndum
Evrópu.
Stefnt er að því að fá þau þrjú
lönd verkefnisins sem eftir eru,
Belgíu, Danmörku og Pólland, til
landsins á Listahátíð í Reykjavík
2006.
William Petit dansari, danshöfundur og listrænn stjórnandi franska Dans-
flokksins Rialto Fabrik Nomade.
Dans | Danshátíð á Listahátíð í Reykjavík 27. og 29. maí
Stór veisla listamanna og áhorfenda á sviði
Vala Ósk Bergsveinsdóttir
valaosk@mbl.is
Morgunblaðið/Þorkell
Finnska verkið Lucid Dreaming eftir Alpo Aaltokoski.
LOKAÐ hefur verið fyrir aðgang að
Listahátíðarverki Elínar Hans-
dóttur í Edinborgarhúsinu á Ísafirði
í nokkra daga vegna lagfæringa.
Verkið, sem er eins konar völund-
arhús, hefur staðið opið án eftirlits
frá opnun þess 14. maí og hafa börn
og unglingar gert sér það að leik-
svæði.
Að sögn Jóns Sigurpálssonar, for-
manns menningarmálanefndar Ísa-
fjarðarbæjar, standa lagfæringar yf-
ir og verður verkið opnað aftur um
helgina.
„Fyrir mistök komust krakkar inn
í húsið utan sýningartíma. Þau
gerðu sér þetta að leikvelli um tíma.
Nú er verið að gera við verkið og bú-
ið að ráða manneskju til að sitja yfir
því og það er gert í samráði við
Listahátíð. Það er auðvitað leiðinlegt
að þetta skyldi koma fyrir en nú eru
bæði smiður og málari að störfum
við lagfæringar og verkið verður
væntanlega opnað aftur á laug-
ardaginn,“ sagði Jón Sigurpálsson.
Þórunn Sigurðardóttir, listrænn
stjórnandi Listahátíðar, segir að
brugðist hafi verið skjótt og vel við
þegar ljóst var að verkið þyrfti að-
hlynningar við. „Listahátíð gerði
samstarfssamninga við sveitarfélög
og stofnanir um myndlistarsýningar
og í þeim felst að þau bera ábyrgð á
sýningunum. Verkið verður lagfært
og tryggt að eftirlit verði haft með
því þar til það verður tekið niður 28.
júní.“
Skemmdir á listaverki á Ísafirði
Verkinu lokað
vegna viðgerða
Ljósmynd/Þorsteinn Tómasson
Ólafur Ragnar Grímsson skoðar verk Elínar Hansdóttur við opnunina.