Morgunblaðið - 22.06.2005, Side 10

10 MIÐVIKUDAGUR 22. JÚNÍ 2005 MORGUNBLAÐIÐ
FRÉTTIR
„ÞAR sem íbúðum hefur nú verið
fækkað styð ég tillögu H því með
henni náum við að samþætta fleiri
sjónarmið, svo sem um að við þurf-
um jú fleiri íbúa en að ekki rísi há-
reist byggð,“ segir Guðrún B. Vil-
hjálmsdóttir íbúi á Seltjarnarnesi.
Á laugardag kjósa íbúar Seltjarn-
arness um tvær bindandi tillögur að
deiliskipulagi á Nesinu en nokkuð
hefur verið fjallað um málið í Morg-
unblaðinu að undanförnu og sjón-
armiðum stuðningsfólks skv.
S-tillögu verið komið á framfæri. Að
þessu sinni var rætt við Seltirninga
sem hyggjast greiða tillögu H at-
kvæði sitt.
Byggð falli að því sem fyrir er
Guðrún segist geta fullyrt að þar
sem íbúðum á Suðurströnd sem
H-tillagan gerir ráð fyrir hafi fækk-
að í fimmtíu geti byggðin vel fallið að
þeirri byggð sem fyrir er og án þess
að grænt svæði hverfi. Það finnist
henni skipta miklu. Hún bætir því
við að þegar aðalskipulag verði full-
unnið sé mögulegt að önnur svæði
komi í ljós sem hentugt bygging-
arland.
Henni finnst einnig ástæða til að
gervigrasvöllur verði staðsettur á
Hrólfsskálamel en ekki Suðurströnd
þar sem hann sé þar í betri tengslum
við öll íþróttamannvirki sem fyrir
eru. Eðlilegt sé að völlurinn tengist
búningsaðstöðu og annarri aðstöðu
sem gott sé að bjóða þar upp á, s.s.
veitingasölu. Þá þyrftu börn ekki að
fara yfir neina götu til að fara úr
skóla eða tónlistarskóla til hvers
konar íþróttaiðkunar. „Ég sé í þessu
ákveðna samþættingu skóla og tóm-
stunda sem yrði til hagræðingar fyr-
ir börnin. Ennfremur hefur fólk nú
val um hvort það vill leita sér eftir
íbúð á Suðurstrandarsvæðinu eða
Hrólfsskálamel.“ Jafnframt bendir
Guðrún á að með auknum fjölda
minni íbúða innan bæjarmarka Sel-
tjarnarness geti losnað um stærra
húsnæði fyrir barnafólk ef aðrir vilji
flytja sig í minna á sama svæði.
Halldór Árnason starfaði með
rýnihópi um deiliskipulagið sem
bæjarstjórn kom á. „Útgangs-
punktur minn í því starfi var að móta
tillögu sem færði Seltirningum sem
mesta hagsæld,“ segir Halldór.
Hann bendir á að samkvæmt
H-tillögu séu takmörkuð landgæði
Seltjarnarness nýtt betur án þess að
umhverfinu sé ofgert á nokkurn
hátt. „Til framtíðar litið gefur þessi
tillaga bæjarsjóði meiri tekjur og
nýtir alla þjónustu sem bærinn hef-
ur upp á að bjóða án þess að það
kosti neitt á móti. Að óbreyttu yrði
hins vegar fækkun á Nesinu og lé-
legri nýting á grunnskóla og öðru
slíku.“
Einnig, segir hann, „hefur þessi
tillaga upp á að bjóða fleiri hentugar
íbúðir fyrir bæði ungt fólk og eldra
fólk sem vill minnka við sig. Íbúð-
irnar af þessari stærð verða fleiri og
það er einmitt sú stærð sem skortir
á Seltjarnarnesi.“ Halldór segist
ekki vita til þess að verðmat hafi far-
ið fram á landinu við Suðurströnd en
segir það „… auðvitað afskaplega
verðmikið land. Og væri þetta land í
eigu þeirra sem mæla með S-tillögu
myndu þeir kannski hugsa sig tvisv-
ar um að nýta það jafnilla og sú til-
laga gerir ráð fyrir. Byggingarland á
Nesinu er mjög takmarkað og því
skiptir máli að huga að nýtingu þess
þegar teknar eru ákvarðanir um
byggingu.“
Óttast stöðnun og hnignun
Halldór segir að staða bæjarsjóðs
sé vissulega mjög góð í dag. „En
miðað við óbreytt ástand er gert ráð
fyrir að fækki um 3–400 manns á
næstu tuttugu árum. Eins og sam-
setning íbúa á Seltjarnarnesi er mun
lífeyrisþegum fjölga þar hlutfalls-
lega meira en á höfuðborgarsvæðinu
í heild. Þar með munu tekjur sveit-
arfélagsins á íbúa lækka á sama tíma
og þörf aldraðra fyrir félagslega
þjónustu mun aukast.“ Til framtíðar
segist hann því óttast verulega að
verði fólksfækkun muni það leiða til
stöðnunar og hnignunar bæj-
arfélagsins.
Sigurður K. Oddsson rifjaði upp í
samtali við Morgunblaðið að haldið
hafi verið íbúaþing á Nesinu um
skipulagið á Hrólfsskálamel. „Sú til-
laga kom upp að staðsetja keppnis-
völlinn þar og með þá hugmynd ríkti
mjög góð samstaða. Samstaða um að
byggja ekki fyrir kirkjuna og skól-
ann heldur hafa þar opið svæði og
eins fyrir framan íbúðir aldraðra en
aftur á móti færa íbúabyggð inn að
gömlu byggðinni. Í kjölfarið komu
fram skipulagstillögur sem misjöfn
ánægja var með, aðallega vegna
þess að mönnum fannst byggðin of
há.“ Því segist Sigurður hafa verið
sammála en í kjölfarið var fyrir-
huguð byggð lækkuð. Hann segist
hins vegar ósáttur með að ekki sé
farið að niðurstöðu íbúaþingsins. „Í
kjölfarið var myndaður hópur sem
var ákaflega harður og rak þungan
áróður fyrir tillögu S. Komið var
heim til mín og reynt að fá okkur til
að skrifa undir jafnvel þótt við segð-
umst stuðningsfólk H-fyrirkomu-
lagsins. Stuðningshópur þess hefur
hins vegar haldið sig til hlés og hefur
ekki fjármuni í að prenta efni.“
Hann bendir á að það ekki sé rétt
sem haldið er fram að allir eldri
borgarar vilji ekki íþróttavöll fyrir
framan hús sín, þvert á móti þekki
hann til aldraðra íbúa við Hrólfs-
skálamel sem séu spenntari fyrir
umferð barna og útsýni yfir opið
svæði og sjó en bakhliðar á blokkum.
„Þegar maður kemst á þann aldur
að gaman væri að minnka við sig
held ég að ég geti sagt að fyrir fólk í
þeim hugleiðingum geti verið mjög
skemmtilegt að vera á Suðurströnd-
inni – inni í byggðinni, ekki úti í rok-
inu á Hrólfsskálamel.“ Sigurður seg-
ir að vel geti verið að þar sem um er
að ræða einbýlishúsabyggð við Suð-
urströnd, finnist íbúum þar vont að
fá blokkarfólk við hliðina á sér. „En
ég tel að bæjarmyndin yrði miklu
huggulegri og heildin betri en ef öll
íbúabyggðin sem eftir er verður við
Eiðistorgið.“ Suðurströndin sé mun
meira aðlaðandi fyrir íbúabyggð.
Bent hefur verið á að verði
íþróttavöllur staðsettur áfram á
Suðurströnd bjóðist þar rými til að
þróa völlinn sem ekki sé til á Hrólfs-
skálamel. Aðspurður um þróun-
armöguleika vallarins segir Bjarni
Torfi Álfþórsson, formaður íþrótta-
félagsins Gróttu, að félagið starf-
ræki í dag þrjár deildir sem allar séu
mjög öflugar; handbolta-, fótbolta og
fimleikadeild. „Ekki síst vegna ná-
lægðar við KR höfum við ákveðið að
ana ekki út í að stofna fleiri deildir
heldur sinna mjög vel þeim sem fyr-
ir eru. Það að við missum kannski
möguleika á að hafa hlaupabrautir,
langstökksgryfjur og slíkt er ekki
áhyggjuefni þar sem það er ekki á
stefnuskrá Gróttu.“
Suðurströnd of langt í burtu
Hann bendir á að öll aðstaða fyrir
íþrótta- og keppnisfólk sé norðan
megin í íþróttahúsi, nær Hrólfs-
skálamel, og nýbúið að samþykkja í
bæjarstjórn að rífa alla búningsklefa
sunnan megin og byggja nýja norð-
an megin. Suðurströnd sé of langt í
burtu. „Auðvitað er stutt á milli en
umgjörð íþróttakappleikja verður að
vera sú að öll aðstaða sé við völlinn.“
Bjarni bendir á að íþróttavöllur sé
einfaldlega íþróttamannvirki og
grípur til þeirrar samlíkingar að ef
reisa ætti annað íþróttahús fyndist
líklega engum koma til greina að
reisa það ekki við hliðina á þeim sem
fyrir eru. Einnig bendir hann á að
mikil búbót fælist í því fyrir barna-
skólann Mýrarhúsaskóla að völl-
urinn yrði staðsettur við lóð skólans.
Börnin og íþróttakennarar hefðu því
aðgang að upphituðu gervigrasi sem
sé nýtanlegt allt árið um kring.
Sparkvöllur Mýrarhúsaskóla sé á
tíðum yfirhlaðinn. Annað gildi um
sparkvöll við unglingaskólann Val-
húsaskóla. Hann sé mikið notaður á
kvöldin og eitthvað á daginn en hins
vegar væri ekki verið að taka keppn-
isvöllinn sjálfan af unglingunum,
þeir noti hann ekki.
Seltjarnarnes þarf fleiri íbúa
Sigurður K.
Oddsson
Halldór
Árnason
Guðrún B.
Vilhjálmsdóttir
Bjarni Torfi
Álfþórsson
SKJÁLFTA hefur gætt meðal íbúa Seltjarnarness að undanförnu, en á
laugardaginn munu þeir kjósa um tvær tillögur að deiliskipulagi í bænum.
Tillögurnar tvær eru auðkenndar með bókstöfunum S og H. Það sem helst
er ólíkt með þeim er staðsetning gervigrasvallar og fjöldi íbúða en sam-
kvæmt S-tillögu verður völlurinn á núverandi stað við Suðurströnd.
H-tillaga gerir hins vegar ráð fyrir að völlurinn færist á Hrólfsskálamel,
þær slóðir þar sem Ísbjarnarhúsið gamla stóð.
Misskilningur á eðli bæjarfélagsins?
Tillaga H gerir einnig ráð fyrir meiri fjölgun íbúa á Nesinu þar sem íbúðir
myndu rísa bæði við Hrólfsskálamel og Suðurströnd en samkvæmt
S-tillögu yrði ekki byggt við Suðurströnd. Skiptar skoðanir eru um gildi
aukins íbúafjölda og byggingamagns og hefur Þór Whitehead sem styður
S-tillögu áður tjáð þá skoðun sína að misskilningur virðist uppi á eðli bæj-
arfélagsins Seltjarnarness. Í dag segir Halldór Árnason hins vegar að
fólksfækkun geti leitt til hnignunar bæjarfélagsins þannig að minni ásókn
verði í búsetu þar.
Viðmælendur Morgunblaðsins að þessu sinni eru þau Bjarni Torfi Álf-
þórsson, Guðrún B. Vilhjálmsdóttir, Halldór Árnason og Sigurður K. Odds-
son (í stafsrófsröð frá vinstri að ofan). Öll eru íbúar á Seltjarnarnesi sem
styðja fyrirkomulag H-tillögu á mismunandi forsendum.
Talsverður titringur meðal íbúa
Íbúar á Seltjarnarnesi kjósa um skipulagsmál á
laugardag. Anna Pála Sverrisdóttir kynnti sér
hug bæjarbúa til þeirra kosta sem í boði eru.
aps@mbl.is