Morgunblaðið - 04.07.2005, Blaðsíða 1

Gott áhugaleik-
hús á Íslandi
Rætt við formann Bandalags áhuga-
leikfélaga í N-Evrópu | Menning
Fasteignir og Íþróttir
Fasteignir | Mikil þensla í byggingarstarfsemi á Selfossi
Meira
jafnvægi ríkir á markaðinum Íþróttir | Ægir bikarmeistari í sundi

Keflvíkingar til Finnlands og Úkraínu
Alonso með yfirburði
„ÞETTA eru hamfarir sem maður trúir ekki að
geti átt sér stað nema sjá með eigin augum,“ segir
Dagbjört Briem Gísladóttir, bóndi á bænum
Sléttu, sunnan Reyðarfjarðar, en mikill vöxtur í
ánni í gær gerði það að verkum að á tímabili var
óttast að hún myndi flæða yfir bakka sína og á
íbúðarhúsið. Þá féllu nokkrar skriður á veginn um
Fagradal um hádegisbil og lokuðu honum fram á
nótt og á Vesturlandi fuku tveir bílar út af og er
annar þeirra ónýtur og hinn stórskemmdur.
„Áin óx gríðarlega og það hefur greinilega kom-
ið stífla í hana uppi í Fossdal, hér fyrir ofan, en
fossinn þar hreinlega hvarf. Áin var ekki brún á
meðan á þessu gekk heldur var hún kolsvört og
drunurnar þvílíkar að ekki heyrðist mannsins mál.
Ég hef búið hér í þrjátíu ár og ekki séð annað eins
áður, en ég verð að viðurkenna það að mér leist
ekki á blikuna í morgun. Það var líkt og fjöllin ætl-
uðu að hrynja yfir mann en ég fór út með börnin
þegar þetta stóð sem hæst,“ segir Dagbjört.
Sigurður Baldursson, maður Dagbjartar, er
fæddur og uppalinn á Sléttu en að sögn Dagbjart-
ar hefur hann aldrei orðið vitni að viðlíka veðri og
geisaði í gær. „Hann hefur alltaf óttast að áin færi
upp úr farveginum en ef hún hefði gert það og
enginn verið heima hefði ekki verið að spyrja að
leikslokum – hún hefði vaðið hér yfir allt. Hann
var hins vegar sem betur fer vakandi yfir þessu.“
Þau hjónin höfðu samband við Almannavarnir
og lögreglu en í kjölfarið var ákveðið að senda
gröfu á staðinn. „Það tókst að halda ánni í skefjum
en það mátti ekki muna miklu að hún færi á húsin
og þá hefði allt farið úr böndunum,“ segir Dag-
björt en nokkrar skemmdir urðu á túnum auk þess
sem áin bar með sér mikið grjót úr Fossdalnum.
Um kvöldmatarleytið í gær hafði heldur dregið
úr veðrinu og hættan var að mestu liðin hjá.
Morgunblaðið/Helgi Garðarsson
„Líkt og fjöllin ætluðu
að hrynja yfir mann“
Fossá í Reyðarfirði flæddi yfir bakka sína og stefndi á nærliggjandi íbúðarhús
Eftir Þóri Júlíusson
thorirj@mbl.is
 Aurskriður/4
GORDON Brown, fjármálaráðherra
Bretlands, segir það „lífstíðarverk“
að ætla að útrýma fátækt. Það verði
ekki gert „með samkomulagi á ein-
um G8-fundi.“ Greint var frá um-
mælum ráðherrans á fréttavef
breska ríkisútvarpsins, BBC, í gær.
„Við verðum að virkja fólkið í Afr-
íku og öðrum þróunarríkjum til að
taka ákvarðanir sjálft,“ sagði Brown.
Hann kvað þó tvö stór skref hafa
verið stigin til aðstoðar þessum ríkj-
um, þ.e.a.s. tvöföldun neyðaraðstoð-
ar og afnám skulda fátækra ríkja.
Einnig var hann jákvæður í garð
Live 8-tónleikanna sem haldnir voru
um helgina og sagði þá augljóst
dæmi um að „fólk geti haft áhrif láti
það í ljós skoðanir sínar“.
Ráðamenn átta helstu iðnríkja
heims, G8-hópurinn, koma saman til
fundar í Skotlandi á miðvikudag þar
sem fátækt og loftslagsbreytingar
verða efst á dagskrá.
Benedikt XVI. páfi hvatti í gær
leiðtogana til að vinna markvisst að
því að útrýma fátækt og hungurs-
neyð í Afríku og hjálpa þriðja heims
ríkjum að endurreisa efnahag sinn.
Brown ítrekaði þó að slíkt næðist
ekki á einnar viku fundi, meira þyrfti
til. Margir leiðtogar Afríkuríkja og
baráttumenn fyrir útrýmingu fá-
tæktar telja að framþróun í Afríku
náist aldrei nema með afnámi tolla
og bættum stjórnarháttum.
„Lífstíðarverk“ að
útrýma fátækt
London. AFP. | Fjögurra báta „flota-
sveit“, Sail 8, sigldi inn í höfnina í
Portsmouth í Englandi í gær eftir
misheppnaða sjóferð til Frakk-
lands. Bob Geldof, aðalskipuleggj-
andi Live 8-viðburðarins, skipu-
lagði sjóferðina sem hluta af Live
8-mótmælunum gegn fátækt.
Geldof hvatti breska bátaeigendur
til að sigla til Norður-Frakklands
„þúsundum saman“, fylla bátana
af mótmælendum og koma með þá
aftur til Bretlands, þar sem fund-
ur G8-hópsins, leiðtoga átta helstu
iðnríkja heims, verður haldinn á
miðvikudaginn. Áttu mótmælend-
urnir að minna leiðtoga ríkjanna á
mikilvægi þess að útýma fátækt í
heiminum. Geldof reyndi jafnvel
að höfða til manna með því að
minnast á það að gríðarstór flota-
sveit hefði bjargað hundruðum
þúsunda hermanna frá Frakklandi
í síðari heimsstyrjöldinni.
Urðu fyrir vonbrigðum
Er bátarnir fjórir komu að landi
var þó enginn farþegi með í för.
Þeir örfáu þátttakendur sem þó
sigldu milli landanna játuðu að
þetta hefði „ekki virkað alveg eins
og skyldi“ og að þeir hefðu orðið
fyrir vonbrigðum.
Áætlað hafði verið að Geldof
sjálfur myndi taka á móti her-
skipaflotanum er hann kæmi til
baka, en hann aflýsti komu sinni á
síðustu stundu.
Reuters
Misheppn-
uð flotasveit
ROGER Federer frá Sviss vann í
gær einliðaleik á Wimbledon-
mótinu í tennis og er þetta þriðja ár-
ið í röð sem honum lánast það. Að-
eins tveimur öðrum tennismönnum
hefur tekist að sigra á mótinu þrjú
ár í röð síðan atvinnumennska var
tekin upp í tennis en hinir tveir eru
Pete Sampras frá Bandaríkjunum
og Svíinn Björn Borg.
Federer, sem er 23 ára, hafði
mikla sérstöðu á Wimbledon-mótinu
að þessu sinni og komust andstæð-
ingar hans ekki með tærnar þar sem
hann hafði hælana. Hann tapaði að-
eins einu setti á mótinu. | B5Reuters
Federer í hóp
með Sampras
og Borg
STOFNAÐ 1913 188. TBL. 93. ÁRG. MÁNUDAGUR 4. JÚLÍ 2005 PRENTSMIÐJA MORGUNBLAÐSINS mbl.is