Morgunblaðið - 04.07.2005, Blaðsíða 6

6 MÁNUDAGUR 4. JÚLÍ 2005 MORGUNBLAÐIÐ
FRÉTTIR
Lokað í dag,
útsalan hefst á morgun kl. 10
NÚ Í JÚLÍ verða fluttir 20 hængar og 20 hrygnur,
sem tekin verða úr kistu neðarlega í Elliðaánum í
Reykjavík, og þeim komið fyrir í Hólmsá og Suðurá,
ofan við Elliðavatn. Rannsóknir sýna að seiðaupp-
eldi hefur misfarist þar og því eru stór og vænleg
búsvæði fyrir laxinn vannýtt.
Samráðshópur um Elliðaárnar skýrði nýlega frá
rannsóknum á lífríki ánna á kynningarfundi. Þar
kom m.a. fram að rannsóknum frá fyrra ári, á
hrygningarstöðvum ofan Elliðavatns, verður fylgt
eftir með því að þangað upp eftir verða fluttir laxar
til að reyna að koma upp náttúrulegri hrygningu.
Hrygning hefur misfarist undanfarin ár.
Seiðauppeldi í kvíslum neðan við Elliðavatn og
Árbæjarstíflu gengur að sögn samráðshópsins mun
betur. Vegna þessa verður veiðieftirlit hert í
Hólmsá og Suðurá og veiðar bannaðar. Í fyrra var
gerð tilraun til að flytja laxa upp eftir og fylgst með
þeim með aðstoð útvarpssenda. Sú rannsókn var að
tilhlutan hópsins og leiddi í ljós að laxar sem fluttir
voru á efri svæðin komu sér þar fyrir.
Þá beinir samráðshópurinn þeim tilmælum til
veiðimanna að þeir hlífi löxum í ánum með því að
sleppa þeim og hjálpi þannig stofninum að vaxa.
„Æskilegt er að hver veiðimaður taki ekki meira en
einn lax í soðið,“ sagði Stefán Jón Hafstein, fulltrúi
hópsins, m.a. Með sjálfboðnum verndunaraðgerð-
um veiðimanna mætti minnka veiði úr stofninum,
sem hópurinn telur æskilegt markmið, ef ekki á að
banna alveg að lóga laxi úr Elliðaám. Beinir hóp-
urinn því til stjórnar Stangveiðifélags Reykjavíkur
að í veiðihúsi verði tiltæk prentuð tilmæli þessa efn-
is sem allir fái afhent, ásamt leiðbeiningum um það
hvernig best er að sleppa laxi ósködduðum.
Leggja rækt við veiðimenningu
Þá telur hópurinn mikilvægt að efla og rækta
veiðimenningu við árnar, viðhalda veiðireynslu og
ala upp nýjar kynslóðir veiðimanna sem geti notið
ánna um ókomna tíð. „Hluti af þeirri veiðimenningu
hlýtur að vera að virða bráð, leyfa náttúru að njóta
vafans, og gæta hófst í hvívetna,“ segir Stefán. „Því
er lagt til að veiðimaður taki ekki meira en einn lax,
en að sem flestir læri að njóta dásemda ánna og
þeirrar upplifunar sem felst í því að kasta fyrir lax í
Elliðaám.“
Að lokum kynnti hópurinn tilkomu nýrrar sett-
jarnar við ósasvæði ánna, sem ætlað er að taka við
hugsanlega menguðu vatni. „Þetta er fimmta tjörn-
in sem sett er upp við árnar, þær hafa verið settar
upp ofarlega og við höfum verið að þrýsta mjög á
fyrirtæki í nágrenninu að gæta vel að því hvað fer
frá þeim,“ segir Stefán Jón að lokum.
Rannsaka áfram hrygningar-
stöðvar ofan Elliðavatns
Morgunblaðið/Þorkell
Steinunn Valdís Óskarsdóttir borgarstjóri renndi
fyrir árlegan borgarstjóralax í Elliðaánum í vor.
Eftir Svavar Knút Kristinsson
svavar@mbl.is
FRAMKVÆMDASTJÓRI Land-
verndar hefur óskað eftir áliti Skipu-
lagsstofnunar hvort kvikmyndataka
við Arnarfell í Reykjanesfólkvangi sé
skipulagsskyld. Hann segir hugsan-
legt að kvikmyndatakan hafi varanleg
áhrif á náttúrulegt yfirbragð svæðis-
ins og hann spyr hvaða skilaboð sé
verið að senda með því að veita leyfi
fyrir því. „Getur verið að við séum að
senda skilaboð um að það sé í lagi að
umturna landi innan fólkvangsins?“
spyr hann.
Tryggvi Felixson, framkvæmda-
stjóri Landverndar, lýsti áhyggjum
sínum af kvikmyndatökunni og fram-
kvæmdum vegna hennar í bréfi til
Lúðvíks Geirssonar bæjarstjóra í
Hafnarfirði á þriðjudag. Þar segir
m.a. að nokkrir aðilar hafi haft málið
til meðferðar s.s. Umhverfisstofnun,
Landgræðsla ríkisins, stjórn Reykja-
nesfólksvangs og nefndir og ráð
Hafnarfjarðabæjar. Afstaða þessara
aðila til málsins sé ekki á einn veg. Á
hinn bóginn hafi framkvæmdirnar, að
því er skrifstofu Landverndar sé
kunnugt, ekki verið formlega kynntar
almenningi og félagasamtökum og
þessum aðilum ekki veittur frestur til
að gera athugasemdir. Af þessum
sökum hafi Landvernd ekki tekið af-
stöðu til framkvæmdanna sem slíkra,
athugasemdir hans lúti að formlegri
hlið málsins og hvaða skilaboð verið
sé að senda með því að samþykkja
þær framkvæmdir sem fylgi kvik-
myndatökunni.
Nauðsynlegt að efla
ímynd svæðisins
Í samtali við Morgunblaðið sagði
Tryggvi að undanfarin ár hefðu sam-
tökin lýst áhyggjum af gróður-
skemmdum innan fólkvangsins af
völdum jeppa og torfærumótorhjóla.
Það að leyfa kvikmyndatökuliði að
umturna landi gæti hugsanlega orðið
til þess að jeppa- og mótorhjólamenn
teldu að það væri einnig í lagi fyrir þá
að umturna landi innan fólkvangsins.
Í bréfinu til Lúðvíks bendir
Tryggvi á að í nýlegri skýrslu um
Reykjanesfólkvang komi fram að
jarðfræði hans sé merkileg á heims-
vísu og að hann búi yfir miklum minj-
um um lífshætti fólks fyrr á tímum til
lands og sjávar. Stjórnvöld hafi lengi
sýnt Reykjanesfólkvangi meira tóm-
læti en hann á skilið. Nú fái fólkvang-
urinn neikvæða athygli og hætt sé við
því að uppgræðsla í kjölfar fram-
kvæmda nái ekki að breyta þeim nei-
kvæðu áhrifum sem þeim fylgi.
Kvikmynda-
taka gæti haft
varanleg áhrif
LÖG og reglur um fjarskipti
annars vegar og fjölmiðla hins
vegar eru ekki nógu skýr og
taka ekki á margs konar sam-
nýtingu í miðlun og þjónustu,
segir Hrafnkell V. Gíslason, for-
stjóri Póst- og fjarskiptastofn-
unar, meðal annars í ávarpi í
ársskýrslu stofnunarinnar.
Hrafnkell segir að löggjafan-
um hafi með öðrum orðum ekki
tekist að laga lagarammann að
tækniþróuninni. Af mörgu sé að
taka í þessum efnum svo sem því
að skýra lagalega stöðu íslenska
lénsins, þ.e.a.s. .is. Taka þurfi af-
stöðu til þess hvort og þá hvaða
afskipti ríkisvaldið eigi að hafa
af lénaúthlutunum og skráning-
um, en fyrirtækið ISNIC sjái nú
alfarið um þær. Skipuleggja
þurfi samstarf stjórnsýslu og
viðskiptalífs um net- og upplýs-
ingaöryggi og ræða þurfi
breyttar forsendur í fjölmiðlun,
samræma löggjöf um hana og
samstarf efnis- og dreifiveitna á
fjarskiptamarkaði.
„Í byrjun árs 2003 setti Póst-
og fjarskiptastofnun fram
stefnumörkun til ársins 2006.
Ljóst er að á árinu 2005 þarf að
móta nýja stefnu sem tekur mið
af þeirri þróun sem rakin er hér.
Hún mun kalla á endurmat á
helstu grunnþáttum eftirlits á
fjarskiptamarkaði, svo sem á
kostnaðargrunni heildsöluþátta
í fjarskiptaþjónustu, kostnaðar-
þáttum í alþjónustu og sam-
keppnisgrundvelli fyrirtækja
sem reka þjónustu á sama fjar-
skiptaneti. Einnig þarf að skýra
betur hlutverk stofnunarinnar í
upplýsingasamfélaginu svo hún
geti uppfyllt þær kröfur sem
nýjar tækniforsendur leiða af
sér, til hagsbóta fyrir neytendur
og fyrirtæki í landinu,“ segir síð-
an.
Forstjóri Póst- og
fjarskiptastofnunar
Lög og
reglur
ekki nógu
skýrar
RJÓÐUR, hvíldar- og endurhæf-
ingarheimili fyrir langveik og fötl-
uð börn, hélt afmælishátíð á laug-
ardag með tilheyrandi
skemmtiatriðum og grilli. Af því
tilefni var formlega afhentur heit-
ur pottur og húsnæði yfir hann
sem tekið hefur verið í notkun.
Velferðarsjóður barna hefur staðið
fyrir framkvæmdunum og þær af-
henti Ingibjörg Pálmadóttir, fram-
kvæmdastjóri sjóðsins, ásamt Kára
Stefánssyni.
Að sögn Guðrúnar Ragnars,
deildarstjóra Rjóðurs, hefur aldrei
verið til staðar sjúkraþjálfun og
endurhæfing fyrir börn. Börnin
hafi annaðhvort farið upp á Grens-
ásdeild eða verið langtímum sam-
an uppi á barnaspítala. Hún segir
Rjóðrið vera kjörstað til þess að
veita börnunum þessa þjónustu.
„Þetta er alveg frábært að geta
gert þetta á þessum stað. Þau eru
kannski hjá okkur í þrjá til fjóra
mánuði og koma yfirleitt frá
barnaspítalanum eins fljótt og þau
geta,“ segir Guðrún og bætir því
við að þarna sé allt til alls, bæði
iðjuþjálfun og sjúkraþjálfun og
síðast en ekki síst fallegt um-
hverfi.
Kristínarsjóður, sem tengist
Krabbameinsfélaginu, gaf heita
pottinn. Fyrir ofan pottinn var svo
gefið lyftukerfi en það var gjöf frá
Svölunum, sem er félag flugfreyja
á Íslandi.
Rjóður var formlega opnað í
apríl 2004 og er til húsa hjá Land-
spítala Kópavogi. Þar er rými fyr-
ir 10 langveik börn í einu í end-
urhæfingu og aðhlynningu en alls
eru um 30–40 börn hér á landi tal-
in þurfa á þjónustu af þessu tagi
að halda – þó ekki samfellt.
Morgunblaðið/ÞÖK
Kári Stefánsson hélt stutt erindi þegar Velferðarsjóður barna afhenti
formlega heitan pott og húsnæði yfir hann.
Gáfu Rjóðrinu
heitan pott og hús-
næði í afmælisgjöf
INGVAR Ásmundsson vann í gær
Þjóðverjann Heinz Rudnik í 8. og
næstsíðustu umferð Evrópumóts
öldunga, 60 ára og eldri, sem haldið
er í Bad Homburg í Þýskalandi.
Ingvar hefur 5,5 vinninga og er í
15.–30. sæti.
Efstur á mótinu með sjö vinninga
er ísraelski stórmeistarinn Mark
Tseitlin. Í 2.–3. sæti með sex og
hálfan vinning eru ísraelski stór-
meistarinn Jacob Murey og búlg-
arski stórmeistarinn Liuben Spass-
ov. Mótið er bæði sterkt og
fjölmennt, en þátttakendur eru 220.
Af Evrópumeistaramótinu í skák
er það að frétta að Hannes Hlífar
Stefánsson (2573) gerði jafntefli við
Mchedlishvili Mikheil (2518) frá
Georgíu í þrettándu og lokaumferð-
inni. Hannes lauk keppni með sjö
vinninga og endaði í 74. sæti. Stefán
Kristjánsson (2461) gerði jafntefli
við Kurnosov Igor (2550) frá Rúss-
landi og endaði Stefán með sex
vinninga í 159. sæti. Bragi Þor-
finnsson (2442) tapaði fyrir Citak
Selim (2351) frá Tyrklandi í loka-
umferðinni og endaði með fjóra og
hálfan vinning í 207 sæti.
Sigurvegari mótsins var Liviu-
Dieter Nisipeanu frá Rúmeníu en
hann lauk keppni með 10 vinninga.
Alls tóku 229 keppendur þátt í
mótinu sem haldið var í Varsjá.
Sigur í næst-
síðustu um-
ferð Evrópu-
móts öldunga