Morgunblaðið - 04.07.2005, Blaðsíða 4

4 MÁNUDAGUR 4. JÚLÍ 2005 MORGUNBLAÐIÐ
FRÉTTIR
HREINN Loftsson, stjórnar-
formaður Baugs Group, segir að
engin yfirlýsing hafi verið gefin af
hálfu félagsins í þá veru að Baugur
bjóðist til að draga sig út úr við-
ræðum um kaup á bresku versl-
anakeðjunni Somerfield í kjölfar
ákæru Ríkislögreglustjóra á hend-
ur stjórnendum þess, eins og sagt
er frá í breskum fjölmiðlum um
helgina. Hreinn segir að eins og
fram hafi komið í tilkynningu frá
félaginu á föstudag muni það
leggja áherslu á að taka áfram þátt
í þeim verkefnum sem það sé í og
láta ákæru Ríkislögreglustjóra
ekki hafa nein áhrif á viðskipti fé-
lagsins eða fjárfestingu.
„Við munum ekki draga okkur út
úr slíku að fyrra bragði. Engin slík
ákvörðun hefur verið tekin og eng-
in slík fullyrðing verið gefin. [...]
Það er markmið okkar að félagið
haldi áfram eins og ekkert hafi í
skorist. Það er algjörlega mik-
ilvægt fyrir okkur og við munum
reyna að gera það sem við getum til
þess að tryggja þessi viðskipti okk-
ar og þátttöku í þessum fjárfest-
ingum.“
Hreinn segir að fyrirspurnir hafi
borist frá samstarfsfélögum í Bret-
landi vegna ákærunnar.
Engin slík
ákvörðun
verið tekin
JÓN Gerald Sullenberger hyggst
stefna Jónatan Þórmundssyni
lagaprófessor fyrir meiðyrði í
lögfræðiáliti sem hann vann fyrir
Baug Group hf. Segir Jón Gerald
álitsgerðinni ætlað að slá ryki í
augu almennings og kallar hana
persónulegt níð, auk þess sem hún
byggi eingöngu á gögnum frá
Baugi. Þetta kom fram í kvöld-
fréttum Ríkisútvarpsins sl. laug-
ardag.
Það sem Jón Gerald er ekki sátt-
ur við er sú athugasemd Jónatans í
álitinu að rannsókn á ætluðum af-
brotum stjórnenda Baugs, þar með
taldar húsleitar- og hand-
tökukröfur, hafi „byggt á heift-
úðugri og ótrúverðugri kæru eins
einstaklings, sem bersýnilega bar
keim af hefndaraðgerð.“ En þessi
ummæli Jónatans vísa til Jóns Ger-
alds sem í ágústmánuði 2002 lagði
fram kæru á hendur Baugi.
Álitsgerð Jónatans var unnin að
beiðni forsvarsmanna Baugs Group
en þar kemur fram að hann hafi
ekki fengið mikið til að styðjast við
frá ríkislögreglustjóra.
Jón Gerald ætlar
í meiðyrðamál
við Jónatan
Í BRÉFI Jóns Ásgeirs Jóhann-
essonar, forstjóra Baugs Group, til
Haraldar Johannessen ríkislög-
reglustjóra, dagsett 30. júní sl., sem
birt var í Morgunblaðinu á laug-
ardag, var m.a. vísað til úttektar
KPMG árið 2002 sem gerð var að
beiðni Hreins Loftssonar, formanns
stjórnar, um viðskipti Baugs við að-
ila sem tengjast félaginu. Tilefnið
var, að því er fram kemur í bréfinu,
viðskipti félagsins við Jón Gerald
Sullenberg og Nordica, og ásakanir
um að ekki væri allt með felldu í
þeim viðskiptum. Morgunblaðið
hefur óskað eftir að fá afrit af út-
tekt KPMG, en ekki fengið á grund-
velli þess að hún er hluti af máls-
skjölum í Baugsmálinu. Þá hefur
Morgunblaðið einnig óskað eftir að
fá aðgang að bréfi Hreins Lofts-
sonar til ríkislögreglustjóra, dag-
settu 28. maí 2004, sem fjallar um
viðskipti eignarhaldsfélagsins A-
Holding, en ekki fengið.
Ekki náðist í Jón Ásgeir Jóhann-
esson, forstjóra Baugs, í gær.
Morgunblaðið hefur ítrekað frá
því á föstudag falast eftir að fá
ákærur Ríkislögreglustjóra á hend-
ur sakborningum, en ekki fengið.
Engin svör
BAUGUR hefur boðist til að draga
sig út úr viðræðum um kaup á
bresku verslanakeðjunni Somer-
field í kjölfar ákæru embættis Rík-
islögreglustjóra á hendur Jóni Ás-
geiri Jóhannessyni, forstjóra
Baugs. Þetta var fullyrt í netútgáfu
bresku blaðanna Sunday Times og
Daily Telegraph í gær. Kemur þar
fram að sala á bresku verslana-
keðjunni sé í uppnámi eftir að Jón
Ásgeir var ákærður fyrir fjársvik,
eins og segir í Sunday Times.
„Baugur er einn áhrifamesti
fjárfestir á breska smásölumark-
aðnum og á stóran hlut í sumum af
þekktustu fyrirtækjum á markaðn-
um. Baugur er einnig einn aðal-
þátttakandi í hópi fyrirtækja sem
sameinast hafa um að bjóða í
fimmtu stærstu matvælakeðju
Bretlands,“ segir í Sunday Times,
en hin fyrirtækin í samstarfinu við
Baug eru fjármálafyrirtækin
Barclays Capital og Apax, auk at-
hafnamannsins Robert Tchenguiz.
Keppir þessi hópur við London og
Regional properties, eignarhalds-
félag sem Livingstone-bræður
ásamt japanska bankanum Nom-
ura standa að, um yfirtöku Somer-
field.
Spurning hvort Somerfield-
salan er í uppnámi
Samkvæmt fréttum bresku blað-
anna kemur fram að Baugur hafi
boðist til að draga sig út úr við-
ræðum um kaup á bresku keðjunni
vegna ákærunnar sem Jóni Ásgeiri
var birt á föstudag. Sunday Times
segir óvissu ríkja um hvort bankar
séu fúsir til lánveitinga vegna
kaupanna á meðan óvissa ríki um
hvernig dómsmáli yfir Jóni Ásgeiri
lykti, en fram kemur að ákæran
verði þingfest um miðjan næsta
mánuð og að tvö ár geti liðið þar til
kemur að hugsanlegum réttarhöld-
um. Samkvæmt því sem fram kem-
ur í Sunday Times er talið að
Baugur legði til fjórðung fjár í til-
boðið og þykir óvíst hvort af yf-
irtöku fjárfestingarhópsins geti
orðið án fulltingis félagsins. Í sam-
tali við Sunday Times nú um
helgina sagðist athafnamaðurinn
Robert Tchenguiz vera hálfgáttað-
ur og ekki treysta sér til þess að
tjá sig strax um málið. „Ég verð að
hugsa málið áður en ég segi eitt-
hvað. Við munum þrátt fyrir þetta
bjóða í verslunarkeðjuna, en við
þurfum að ræða við Baug. Við
þurfum að komast til botns í því
hvað hér raunverulega er á seyði.“
Ásakanirnar á hendur Jóni Ás-
geiri hafa, að sögn blaðsins, ekki
aðeins komið Íslendingum í opna
skjöldu heldur einnig Bretum og
valdið uppnámi í breska tískuheim-
inum, en Baugur skapar hundruð-
um þúsunda manna störf í tísku-
búðum. Minnt er á að fyrirtækið á
m.a. Goldsmiths, skartgripakeðj-
una, og Julian Graves, heilsuvöru-
búðirnar, á Bretlandseyjum og á
Íslandi eigi fyrirtækið matvörubúð-
ir og Mosaic, sem aftur eigi Oasis,
Karen Millen og Coast.
Haft er eftir ónafngreindum
talsmanni Baugs, í Sunday Times,
að Jón Ásgeir haldi fram sakleysi
sínu og að hann haldi því fram að
rannsóknin á hendur sér eigi sér
pólitískar rætur. Segist talsmaður-
inn þess fullviss að Jóni Ásgeiri
takist að sanna sakleysi sitt.
Breskir fjölmiðlar fjalla um áhrif Baugsmálsins á viðræður um kaup á Somerfield
Segja Baug hafa boðist til að
draga sig út úr kaupunum
MIKIÐ vatnsveður geisaði á Aust-
urlandi í gær sem gerði það að
verkum að ár flæddu yfir bakka
sína og aurskriður féllu. Þannig
þurfti að loka veginum um Fagra-
dal á milli Egilsstaða og Reyðar-
fjarðar en hann fór í sundur þegar
fjórar aurskriður féllu á hann um
hádegisbil í gær. Nokkrir bílar lok-
uðust milli skriðanna en það tókst
að ryðja þeim leið til Egilsstaða.
Vegurinn er mikið skemmdur en
samkvæmt upplýsingum frá Vega-
gerðinni stóð til að hann yrði opn-
aður í nótt.
Loka þurfti tveimur götum á Fá-
skrúðsfirði en úr þeim brotnaði
þegar vatn flæddi undir malbikið
og tafðist umferð eitthvað vegna
þessa. Samkvæmt upplýsingum
lögreglunnar á Fáskrúðsfirði uxu
ár í nágrenninu gríðarlega á stutt-
um tíma en bæjarstarfsmenn og
íbúar bæjarins lögðu hönd á plóg
þegar kom að því að lagfæra þær
skemmdir sem af hlutust.
Gestir á Humarhátíð á Höfn í
Hornafirði þurftu margir hverjir að
bíða fram eftir degi eftir því að
komast til síns heima en leiðinda-
veður var á Höfn og varaði Vega-
gerðin fólk við því að ferðast um
nágrannasveitirnar vegna mikilla
vindhviða. Samkvæmt upplýsingum
lögreglunnar á Höfn var íþrótta-
húsið á staðnum opnað í gærmorg-
un og gat fólk leitað skjóls þar en
lögregla og björgunarsveitir höfðu í
nógu að snúast við að aðstoða fólk
á tjaldstæðum í veðurhamnum.
Lögregla telur um 60 til 80 manns
hafa þegið aðstoð frá því veður
versnaði mjög um klukkan níu í
gærmorgun.
Vatnsagi og vonskuveður víða um land og fjöldi manns þurfti á aðstoð að halda
Morgunblaðið/Helgi Garðarsson
Aurskriður
lokuðu veginum
um Fagradal
Verð kr. 49.990
Netverð á mann, m.v. 2 í her-
bergi/stúdíóíbúð í viku. Flug, skattar,
gisting og íslensk fararstjórn. Stökktu
tilboð 14. og 21. júlí.
Stökktu til
Króatíu
14. júlí eða 21. júlí
frá kr. 39.990
Skógarhlíð 18 • sími 595 1000 • Akureyri • sími 461 1099 • www.heimsferdir.is
Allra síðustu sætin
Verð kr. 39.990
Netverð á mann, m.v. hjón með 2 börn,
2-11 ára, í íbúð í viku. Flug, skattar,
gisting og íslensk fararstjórn. Stökktu
tilboð 14. og 21. júlí.
Munið Mastercard
ferðaávísunina
Heimsferðir bjóða ótrúlegt tilboð til
Króatíu þann 14. eða 21. júlí. Nú getur
þú notið fegursta tíma ársins á þessum
vinsæla sumardvalarstað sem svo sann-
arlega hefur slegið í gegn hjá Íslending-
um, og búið við frábæran aðbúnað. Þú
bókar ferðina og tryggir þér síðustu sæt-
in og 3 dögum fyrir brottför færðu að
vita hvar þú gistir. Að sjálfsögðu nýtur
þú traustrar þjónustu fararstjóra Heims-
ferða allan tímann.