Morgunblaðið - 07.08.2005, Qupperneq 42

42 SUNNUDAGUR 7. ÁGÚST 2005 MORGUNBLAÐIÐ
FRÉTTIR
SÍÐUSTU viku hafa 38 unglingar
frá Álandseyjum, Íslandi, Litháen og
Svíþjóð tekið þátt í listasmiðju á veg-
um Myndlistaskólans í Reykjavík.
Þeir búa og starfa í skátaheimilinu
Hraunbyrgi og hafa fengið inn-
blástur úr náttúrunni af Suðurnesj-
unum en þema smiðjunnar er nor-
ræn sagnahefð og samanburður á
uppruna hefðanna í náttúrufari land-
anna, sem að verkefninu koma.
Ína Salóme Hallgrímsdóttir,
kennari Myndlistaskólans í Reykja-
vík og einn umsjónarmanna verkefn-
isins, segir listasmiðjuna hafa gengið
afar vel. Krakkarnir vinni vel saman
og skapi skemmtileg listverk, sum
taki áhættur á meðan önnur vinni
innan hefðbundins ramma.
Fyrir tveimur árum fór hópur frá
Myndlistaskólanum til Svíþjóðar og
tók þátt í svipuðu verkefni en þá
komu einnig litháískir krakkar til Ís-
lands í listasmiðju.
„Verkefnið kallast Hamarinn í
tengslum við Hafnarfjörð og náttúr-
una,“ útskýrði Ína fyrir blaðamanni
Morgunblaðsins þegar hann heim-
sótti listasmiðjuna á föstudag.
„Markmiðið er að lofa unglingum á
svipuðum aldri frá ólíkum þjóðum að
kynnast og tengjast, bæði félagslega
og í tengslum við myndlistina.“
Áframhaldandi verkefni
Krakkarnir, sem eru flestir á aldr-
inum þrettán til sextán ára, hafa far-
ið í vettvangsferð í Krýsuvík, skoðað
jarðfræði og liti svæðisins og sótt
efni í náttúruna fyrir listaverkin.
Síðustu daga hafa þau svo málað
vatnslitamyndir, skissað og gert
grímur.
„Hver og einn sækir svolítið í
hefðir frá sínu landi og svo höfum við
kynnt þeim álfatrúna, það sem sést
og sést ekki,“ segir Ína. „Erla Stef-
ánsdóttir sjávaldur kom og hélt fyr-
irlestur og krökkunum fannst það
mjög sérstakt.“
Allir þátttakendurnir eru nem-
endur í myndlistarskólum sem vinna
á svipuðum nótum og Myndlistaskól-
inn í Reykjavík. Hugmyndin er að
halda áfram með listasmiðjuna
næstu árin og ferðast á milli aðild-
arlandanna.
Ína segir einnig áhuga fyrir því að
ferðast milli landa með sýningu á
verkum krakkana, en sú hugmynd er
enn í mótun.
Ásamt Ínu hafa umsjón með
smiðjunni myndlistarkennararnir
Eygló Harðardóttir, Kristín Reyn-
isdóttir og Brynhildur Þorgeirs-
dóttir myndlistarkona, en hún sér
um matseldina fyrir hópinn. Þá
fylgdu krökkunum kennarar að
heiman.
Verkefnið er styrkt af Norræna
menningarráðinu, mennta-
málaráðuneytinu, Íslandsbanka og
fleirum.
Ragnhildur Eik, 14 ára frá Íslandi,
Jenny, 19 ára frá Álandseyjum, Vyt-
autas, 15 ára og Urte Marie, 16 ára
frá Litháen segja vikuna hafa verið
mjög skemmtilega, þau hafi teiknað
mikið og haft sérlega gaman að
grímugerðinni.
„Það var gaman að ferðast til
Krýsuvíkur og líka gaman að kynn-
ast krökkum frá öðrum löndum,“
segir Ragnhildur, sem hefur farið á
nokkur myndlistarnámskeið hjá
Myndlistaskólanum í Reykjavík.
Öll hafa þau áhuga á að kynnast
hinum ýmsu listformum. Jenny hef-
ur notið grímugerðarinnar mest á
meðan Urte Marie og Vytautas ein-
beita sér meira að skissum og vatns-
litamálverkum.
Í fyrstu segjast krakkarnir ekki
verða vör við mikinn mun á sýn
hópsins á listina eftir því hvaðan þau
koma en þegar málin voru rædd
frekar við blaðamann kom á daginn
að hver og einn kemur með áhrif frá
sínu heimalandi.
„Við fáum mikinn innblástur frá
náttúru og sögum og einnig frá hvort
öðru. Það er svolítill munur á lönd-
unum en þegar hópurinn kemur
saman verður til góð blanda,“ út-
skýrir Jenny, sem er elsti þátttak-
andi listasmiðjunnar og stefnir á list-
nám í haust.
Í dag heldur hópurinn sýningu
fyrir almenning í Hraunbyrgi þar
sem afrakstur vikunnar verður
sýndur; grímur, vatnslitamálverk og
skissur.
Norræn ungmenni í listabúðum Myndlistaskólans í Reykjavík
Vinna tengd náttúru og sögu
Eftir Völu Ósk Bergsveinsdóttur
valaosk@mbl.is
Markmiðið er að lofa unglingum á svipuðum aldri frá ólíkum þjóðum að kynnast og tengjast, bæði félagslega og í
tengslum við myndlistina,“ segir Ína Salóme Hallgrímsdóttir, einn af verkefnisstjórunum.
Grímurnar á frumstigi. Síðan voru þær málaðar með máln-
ingu úr náttúrunni og skreyttar steinum, vír og skeljum.
Krakkarnir vinna vel saman og hafa kynnst bæði á fé-
lagslegum og listrænum vettvangi.
Á verkstæði listabúðanna vinna ungu listamennirnir undir
leiðsögn norrænna listamanna.
Morgunblaðið/Jim Smart
MORGUNBLAÐINU hefur borist
eftirfarandi yfirlýsing frá Hand-
knattleikssambandi Íslands:
„Sl. sunnudag átti það leiðindaat-
vik sér stað að Viggó Sigurðsson,
þjálfari U-21 árs landsliðsins í
handknattleik, hafði áfengi um hönd
á heimleið með liðið frá keppni er-
lendis, jafnframt þreif hann til flug-
þjóns sem var að sinna sjálfsögðum
öryggisskyldum í starfi.
Forsvarsmenn Handknattleiks-
sambands Íslands líta þessa uppá-
komu mjög alvarlegum augum, og
vilja í framhaldi af því benda á að
áfengisneysla í ferðum á vegum
HSÍ á ekki að eiga sér stað.
Á fundi í hádeginu í dag með for-
ráðamönnum sambandsins baðst
Viggó Sigurðsson afsökunar á fram-
ferði sínu.
Jafnframt hefur Viggó hitt við-
komandi flugþjón úr þessari ferð og
beðið hann afsökunar.“
Kemur fram að HSÍ hafi farið yf-
ir málið með Flugleiðum og að full
sátt sé og eining á milli Flugleiða og
HSÍ. Undir yfirlýsinguna skrifar
fyrir hönd HSÍ Einar Þorvarðar-
son, framkvæmdastjóri sambands-
ins.
Yfirlýsing frá
Handknattleikssam-
bandi Íslands
Atvik í flugvél
litið alvar-
legum augum
FÉLAG áhugafólks um íþróttir aldraðra heldur námskeið
sem hefst 12. ágúst kl. 13 í Íþóttahúsi Árbæjarskóla í
Reykjavík og lýkur 13. ágúst.
Efni námskeiðsins er ratleikur og dómaranámskeið í
boccia fyrri daginn en seinni daginn verður kennd skyndi-
hjálp með sérstakri áherslu á notkun hjartastuðtækja. Síð-
an verður fræðsluerindi flutt og kenndir nokkrir hópdans-
ar. Námskeiðið er sérstaklega ætlað kennurum og
leiðbeinendum sem annast eldri borgara í félagsstarfi og
íþróttum. Námskeiðið er öllum þátttakendum að kostn-
aðarlausu. Frekari upplýsingar veita Guðrún í síma 553-
0418, Soffía í 567-110, Ólöf í 553-6173 og skrifstofa UMFÍ.
Íþróttanámskeið FÁÍA
FRJÁLSHYGGJUFÉLAGIÐ mót-
mælir auknu ofbeldi og eignaspjöll-
um í mótmælaaðgerðum á Íslandi
og telur mikilvægt að slíkar aðferðir
verði ekki samþykktar.
„Til þess að komast hjá ofbeldi
hafa Íslendingar tekið upp lýðræði
og lýðræðislegar umræður, sem
hafa reynst heilladrýgri en aðrar
aðferðir við að takast á við ágrein-
ing.
Aðferðir á borð við að hægja á
bílaumferð, sletta skyri og stöðva
fjölda fólks við vinnu með því að
klífa krana á byggingarsvæði eru al-
gjörlega óviðunandi.
Allir, sem einhverja stjórnmála-
skoðun hafa, telja einhvern tíma á
sér og öðrum brotið. Þá er mik-
ilvægt að reyna að bera virðingu
fyrir skoðunum annarra og takast á
við þær með friðsamlegum hætti. Ef
baráttuaðferð ofbeldis er samþykkt
mun það hafa vondar afleiðingar
fyrir alla.
Í mótmælaskyni við ofbeldi í mót-
mælaaðgerðum ætla nokkrir með-
limir Frjálshyggjufélagsins að aka á
venjulegum umferðarhraða um göt-
ur Reykjavíkurborgar í dag, laug-
ardaginn 6. ágúst. Jafnframt er trú-
legt að einhvers staðar muni
frjálshyggjumenn grípa til skyráts í
mótmælaskyni, eða klifurs á fjöll,“
segir í ályktun frá félaginu.
Mótmæla
auknu ofbeldi
í mótmælaað-
gerðum
STJÓRN Félags ungra framsókn-
armanna í Reykjavíkurkjördæmi
suður (FUF-RS) hefur sent frá sér
yfirlýsingu þar sem lýst er yfir
stuðningi við að samkynhneigðir
hafi rétt til tæknifrjóvgunar og
frumættleiðingar barna.
„FUF-RS telur að kynhneigð
foreldra sé ekki forsenda til þess
að taka þessi sjálfsögðu mannrétt-
indi frá fólki sem hefur alla burði
til að vera ástríkir foreldrar. Meira
máli skipir að börn hafi tækifæri til
að alast upp hjá góðum foreldrum
sem hlúa að börnum sínum og
tryggja þeim bjarta framtíð.
Ýmsar rannsóknir hafa sýnt
fram á að börn samkynhneigðra
foreldra eru á engan hátt frábrugð-
in börnum gagnkynhneigðra for-
eldra, má þar m.a. nefna rannsókn-
ir dr. Rannveigar Traustadóttur.
FUF-RS skorar því á Alþingi Ís-
lendinga að tryggja það að sjálf-
sögð mannréttindi séu ekki brotinn
á fólki vegna kynhneigðar þeirra
og breyta lögum þannig að sam-
kynhneigðir hafi rétt til tækni-
frjóvgunar og frumættleiðingar
barna,“ segir í yfirlýsingunni.
Mannréttindi séu ekki brotin á fólki