Morgunblaðið - 07.08.2005, Blaðsíða 49
MORGUNBLAÐIÐ SUNNUDAGUR 7. ÁGÚST 2005 49
MENNING
MARGIR muna eftir fjölskyldu-
ferðum í Tívolíið í Hveragerði þar
sem börn kynntust sannkölluðum
ævintýraheimi fylltum gleði, hraða
og sælgæti en einnig hræðslu og
sorg.
Á morgun verður opnuð mynd-
listarsýningin Tívolí í Hveragerði í
Listasafni Árnesinga og verður
mikið um dýrðir á opnunardaginn.
Í vor komu sýningarstjórarnir
Markús Þór Andrésson og Þuríður
Sigurðardóttir að máli við yfir tutt-
ugu listamenn með þá hugmynd að
búa til listasprengju þar sem lista-
verkum, gjörningum og uppá-
komum væri blandað saman.
„Við völdum listamennina með
tilliti til þess að þeir hafa allir unn-
ið verk sem hafa einhvern leik í
sér,“ segir Þuríður.
„Samtímalist hefur lítið verið að-
gengileg börnum og með þessari
sýningu vildum við bæta fyrir það
og búa til skemmtilega fjöl-
skyldustemmningu.“
Áhersla sýningarinnar er á
myndlist sem sækir innblástur í
heim afþreyingar og dægurmenn-
ingar, leikja, tilrauna og skemmt-
unar.
Listamenn á öllum aldri
Elsta verkið er skúlptúrar af
fullorðnum og börnum í ýmsum að-
stæðum eftir Þorbjörgu Pálsdóttur,
en hún er jafnframt elsti listamað-
ur sýningarinnar. Sá yngsti er
Guðmundur Thoroddsen en hans
verk er litríkt málverk af tívol-
ístemmningu. „Það er gaman
hversu mikið listamennirnir lögðu í
verkin,“ segir Þuríður, og er
ánægð með útkomuna.
Aðrir listamenn eru: Ásdís Sif
Gunnarsdóttir, Berglind Ágústs-
dóttir, Birgir Andrésson, Egill Sæ-
björnsson, Gabríela Friðriksdóttir,
Gjörningaklúbburinn, Hekla Dögg
Jónsdóttir, Helgi Þórsson, Hrafn-
hildur Arnardóttir, Hreinn Frið-
finnsson, Huginn Arason, Margrét
H. Blöndal, Pétur Örn Friðriksson,
Ólöf Björnsdóttir, Ragnar Kjart-
ansson, JBK Ransu, Sigga Björg,
Sirra Sigrún Sigurðardóttir og Val-
gerður Guðlaugsdóttir.
„Minningin um tívolí er mjög
misjöfn hjá fólki. Sumir upplifðu
það til dæmis að gubba allt út í
hringekjunni, síðan voru alls konar
óvæntir hlutir eins og draugahúsið
sem börn áttu ekki von á þegar
þau hugsuðu um blöðrur og kandí-
floss.“
Listflug og karamellur
Börnin verða heiðursgestir á
opnunarhátíðinni á morgun og
þeim boðið upp á svala og ís ásamt
því að Arngrímur Jóhannsson flýg-
ur yfir bæinn og dreifir karamell-
um.
„Við upplifum síðan spennuna
sem við þekkjum flest úr tívolíinu
þegar Björn Thoroddsen sýnir list-
flug yfir Hveragerði,“ segir hún.
Þá munu myndlistartrúðar taka
á móti gestum og leiklistar- og
myndlistarmenn verða með gjörn-
inga.
Tívolí í Hveragerði stendur til
25. september og tívolístemmningin
verður stórkostleg; tónlist, gleði,
litir, sælgæti, rússíbani tilfinninga
og fleira sem fólk man úr gamla
tívolíinu sem nú er horfið á braut.
Myndlist | Tívolí í Hveragerði í Listasafni Árnesinga
Málverk eftir Guðmund Thoroddsen.
Eftir Völu Ósk Bergsveinsdóttur
valaosk@mbl.is
Tívolístemmning í
Hveragerði endurvakin
Roy Orbison syngur fyrir gesti,
hægt er að setja smápening í rauf á
hliðinni ef vill. Verkið er eftir
Helga Þórsson.