Morgunblaðið - 07.08.2005, Blaðsíða 56
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 7. ÁGÚST 2005 VERÐ Í LAUSASÖLU 350 KR. MEÐ VSK.
UNGLIÐUM innan Samtakanna ’78 fjölgaði
úr sex í fimmtíu á einu ári eftir Gay Pride-
gönguna í fyrra. Framkvæmdastjóri Hinsegin
daga segir þátttöku í hátíðahöldunum á Íslandi
líklega heimsmet. Enn er þó nokkuð í land með
að lagaleg réttindi samkynhneigðra á Íslandi
séu tryggð til jafns við aðra.
Í Morgunblaðinu í dag er rætt við þrjá for-
svarsmenn Hinsegin daga sem haldnir eru há-
tíðlegir í Reykjavík nú um helgina. Meðal
þeirra er Erlingur Thoroddsen en hann er
jafnframt virkur í starfi Ungliðahóps Samtak-
anna ’78 sem er vettvangur samkynhneigðs
fólks á aldrinum 14–20 ára. Erlingur segir há-
tíðahöldin og Gay Pride-gönguna skipta miklu
máli þegar kemur að því að ungt samkynhneigt
fólk komi út úr skápnum með kynhneigð sína.
„Þessi sýnileiki er svo mikilvægur. Meðan
maður er enn inni í skápnum skiptir miklu að
sjá annað fólk sem er stolt af því sem það er.“
Erlingur segir þetta endurspeglast í starfi
ungliðanna. „Í fyrra vorum við ekki nema sex í
ungliðahópnum en núna erum við orðin 50.
Strax eftir gönguna í fyrra bættist mikið af
nýju fólki við og gerði það í langan tíma á eftir.“
Heimir Már Pétursson, framkvæmdastjóri
Hinsegin daga, tekur undir þetta og segir
mikla þátttöku vina, ættingja og almennings í
göngunni ekki síður mikilvæga. „Í fyrra reikn-
aði ég út að um 39% borgarbúa hefðu komið í
bæinn og um 15% landsmanna. Ég held að það
sé heimsmet. Svona stór hátíð, þar sem er
svona mikil samstaða og þátttaka, hjálpar unga
fólkinu því þá sér það að samkynhneigð er ekki
eins stórt vandamál og það heldur. Það hjálpar
líka ættingjunum og unga fólkinu að tala við
sína nánustu.“ Katrín Jónsdóttir göngustjóri
segir réttarstöðu samkynhneigðra hér á landi
ekki svo slæma. „Ég held að samfélagið á Ís-
landi sé komið fram úr löggjafanum,“ segir hún
þó og þau fagna lagafrumvarpi sem von er á í
haust sem gerir ráð fyrir að lagaleg réttindi
samkynhneigðra verði bætt að einhverju leyti.
Þátttaka á Íslandi í Gay Pride-göngunni er líklega heimsmet
Ungliðum hjá Samtökunum
’78 hefur fjölgað margfalt
Gengið í gleði | 10
Eftir Bergþóru Njálu Guðmundsdóttur
ben@mbl.is
ÞESSI ófrýnilegi guðlax rataði í trollið hjá Víði
EA á dögunum þegar skipið var á ufsaveiðum á
Halamiðunum út af Vestfjörðum. Talsvert er um
að guðlax þvælist í flottrollin á úthafskarfamið-
unum en sjaldgæft að hann fáist á miðunum norð-
ur af landinu. Guðmann Guðmannsson, bader-
maður um borð í Víði, segir fiskinn hafa vegið 45
kg og að hann hafi verið yfir metri á lengd.
Sigmundur Sigmundsson skipstjóri segir þá
hafa bæði veitt og matreitt guðlax áður. „Eins og
við segjum; því ljótari því betri, og það á svo sann-
arlega við um þennan fisk. Hann bragðast eins og
millivegur kjöts og fisks og er alveg ljómandi góð-
ur matur.“
Þessi guðlax er þó ekki enn kominn á pönnuna á
veitingahúsi bæjarins heldur er hann til sýnis á
furðufiskasýningu á Fiskidögum í Dalvík.
Ljótur en
ljúffengur
„LÍNUDANS hefur verið stundaður á Ís-
landi síðan 1994 og er því kominn til að vera,“
segir Óli Geir Jóhannesson línudanskennari,
en Landsmót línudansara fer fram á Akra-
nesi um næstu helgi. Þar í bæ leggja á annað
hundrað manns stund á dansinn og er jafnvel
talað um hinn nýja kántríbæ sunnan heiða.
Undirbúningur fyrir mótið stendur hins veg-
ar í öllum landshornum. „Sumir hópar eru
mest með kántrítónlist, en við erum með allra
handa músík sem hentar – salsa og já … bara
nefndu það,“ segir Skagakonan Sigríður Al-
freðsdóttir í verðlaunadanshópnum Og útlag-
arnir, en hún situr í landsmótsnefnd.
Á mótið mun m.a. mæta Kate Sala, heims-
kunnur línudansari, og kenna nýjustu snún-
ingana. | Tímarit
Dans í
heimsklassa
LEIKMYNDIN í söngleiknum Kabarett, sem
sýndur er í Íslensku óperunni, er sérstök að því
leyti að hún mun einnig nýtast í óperunni Tökin
hert eftir Benjamin Britten, sem frumsýnd verður
í október í leikstjórn Halldórs E. Laxness. „Þetta
er gert hér því aðstæður í húsinu eru svo sér-
stakar,“ segir Snorri Freyr Hilmarsson leik-
myndahönnuður, en hann á heiðurinn af hinni tvö-
földu leikmynd. Allt nagl- og formfast eins og
bogadregin efri hæð, tröppur, súlur og fleira
mynda grunn beggja leikmynda, en svo kalla gull
og glamúr fram klúbbinn Kit Kat í Berlín í kring-
um 1930, en ljósleit leiktjöld, myndvörpur og aðrir
galdrar munu skapa andrúmsloft sveitaseturs á
Viktoríutímanum fyrir óperuna Tökin hert. Ráð-
gert er að sýningarnar gangi samtímis um nokk-
urra mánaða skeið og því var brugðið á það ráð að
samnýta leikmyndina. | Tímarit
Tvöföld leikmynd
Kabarett og Tökin hert
VINKONURNAR Elva Björk, 10 ára, og Halla Líf, 9 ára, voru í
skólagörðunum í Hafnarfirði að skoða sprettu kartöflugrasanna
þegar ljósmyndara Morgunblaðsins bar að. Þær voru ánægðar með
sprettuna en sögðust þó ekki ætla að taka upp fyrr en nær drægi
september, væntanlega til að kartöflurnar safni nokkrum aukakíló-
um þangað til. Vonandi flýtur samt eitthvað af smælki með þegar
tekið verður upp. Mennskt smælki veit sem er að það er lang-
skemmtilegast að borða það.
Morgunblaðið/Árni Sæberg
Smælki í skólagörðunum
HLUTHÖFUM Straums fjárfestingarbanka
hf. mun fjölga úr fjögur þúsund í um tuttugu
þúsund við samruna Straums og Burðaráss
hf. Þórður Már Jóhannesson, forstjóri
Straums, segir í viðtali við Morgunblaðið afar
ánægjulegt að fjárfestar séu tilbúnir að
treysta starfsfólki væntanlegs sameinaðs fé-
lag fyrir fjármunum sínum sem sé að hans
mati mikil viðurkenning á þeirri uppbyggingu
sem átt hefur sér stað.
„Snertiflötur bankans við almenning mun
einnig stækka mjög og fleiri munu fylgjast
með starfsemi bankans,“ segir Þórður.
Snjallir peningar
Þegar Straumur fjárfestingarfélag var
stofnað í marsmánuði árið 2001 var Þórður
Már eini starfsmaðurinn. „Lengi vel voru
starfsmenn Straums þrír og voru ekki nema
um átta talsins í byrjun árs 2004. Í dag eru
þeir tuttugu og sjö og verða eftir samein-
inguna við Burðarás um fjörutíu.“ Eigið fé
Straums hefur líka margfaldast á þessum
tíma. Straumur hóf rekstur með um 3,5 millj-
arða eigið fé. Í árslok 2003
var eigið fé um 16 milljarð-
ar og var orðið 32 milljarð-
ar í árslok 2004. Hálfu ári
síðar, í júní 2005, var eigið
fé Straums orðið 45,8 millj-
arðar og verður eftir sam-
eininguna við Burðarás ríf-
lega 100 milljarðar króna.
Mikilvægi þess að hafa
gott starfsfólk er nokkuð
sem Þórður leggur mikla
áherslu á. „Í útlöndum er stundum talað um
snjalla peninga, „smart money“. Peningarnir
sjálfir eru ekki snjallir, heldur er þetta spurn-
ing um að þeir séu notaðir rétt. Peningar sem
ekkert er gert við eru gagnslausir, eins og
frækorn sem ekki er sáð. Til að nýta fjár-
magnið sem best, til að finna bestu og arð-
bærustu fjárfestingarnar, þurfa fyrirtæki
fyrsta flokks starfsfólk og við höfum verið svo
lánsöm að hafa slíka starfskrafta hér.“
Þórður Már
Jóhannesson
Ónýttir peningar | 14
Stærri snertiflötur
við almenning
♦♦♦
„BARÁTTUMÁL homma og
lesbía er að öðlast fullan rétt á
við gagnkynhneigða til fjöl-
skylduþátttöku. Ég styð það
sjónarmið heilshugar,“ lýsti
Árni Magnússon m.a. yfir í há-
tíðarræðu eftir Gay Pride-
gönguna í gær, laugardag.
Árni benti á þá þætti löggjaf-
arinnar þar sem mismunandi
reglur gilda um samkyn-
hneigða og gagnkynhneigða. Í dag eigi hommar og
lesbíur ekki sömu möguleika og gagnkynhneigð
pör að skrá óvígða sambúð, samkynhneigð pör í
staðfestri samvist ekki rétt á að ættleiða börn til
jafns við gagnkynhneigð hjón eða einstaklinga og
lesbíur ekki sama rétt og gagnkynhneigðar konur
til tæknifrjóvgunar. „Að því ógleymdu að samkyn-
hneigt fólk getur ekki óskað eftir því að prestar
eða forstöðumenn safnaða gerist vígslumenn
þeirra sem hyggjast ganga í staðfesta samvist. Ég
kalla á opnari og hreinskiptnari umræðu um rétt
samkynhneigðra til fjölskyldulífs,“ voru skilaboð
félagsmálaráðherra til hátíðargesta í gær.
Árni Magnússon
Hommar
og lesbíur
sama rétt
til fjölskyldu