Morgunblaðið - 29.10.2005, Page 23

MORGUNBLAÐIÐ LAUGARDAGUR 29. OKTÓBER 2005 23
ERLENT
Moskvu, París. AP. | Sergei Lavrov,
utanríkisráðherra Rússlands, sagði í
gær að nokkur þeirra skjala sem
lögð hefðu verið fram í tengslum við
rannsókn á ólöglegum greiðslum
fyrirtækja til Íraka væru fölsuð.
Rússneskar fréttastofur greindu frá
þessum ummælum ráðherrans en
fram kom að hann hefði ekki séð
skýrsluna.
Með þessu móti brást Lavrov við
lokaskýrslu óháðrar rannsóknar-
nefndar sem komst að þeirri niður-
stöðu að meira en 2.000 fyrirtæki
hefðu greitt íröskum stjórnvöldum
mútur eða innt af hendi aðrar ólög-
legar greiðslur í tengslum við olíu-
söluáætlun Sameinuðu þjóðanna á
árunum 1996-2003.
Talsmaður franska utanríkisráðu-
neytisins, Jean-Baptiste Mattei,
sagði Frakka hafa átt fullt samstarf
við nefnd Bandaríkjamannsins Pauls
Volckers sem gerði skýrsluna að
beiðni Kofi Annans, framkvæmda-
stjóra SÞ. Sagði Mattei að frönsk
stjórnvöld vildu að ekkert yrði dreg-
ið undan þegar
varpað væri hul-
unni af spilling-
unni sem tengdist
áætluninni og far-
ið yrði vandlega
yfir skýrsluna.
Samkvæmt henni
voru fyrirtæki í
Rússlandi,
Frakklandi og
Kína umsvifamest
í svindlinu. Haft var eftir rússneska
utanríkisráðherranum í gær að á
sumum þeirra skjala sem lögð hefðu
verið fram spillingunni til sanninda-
merkis væri að finna falsaðar undir-
skriftir rússneskra embættismanna.
Kvað hann Rússa hafa farið fram á
upplýsingar varðandi skjöl þessi og
þær heimildir sem stuðst væri við en
ekki fengið.
Þekktir rússneskir stjórnmála-
menn eru vændir um spillingu í
tengslum við olíusöluáætlunina. Á
meðal þeirra eru Gennadíj Tsjúg-
anov, leiðtogi kommúnista, og þjóð-
ernissinninn Vladímír Zhírínovskí.
Báðir neita því að hafa hagnast á ol-
íusölu-áætluninni.
Áætlunin varð til með þeim hætti
að SÞ ákvað árið 1996 að milda við-
skiptabannið sem sett var á Írak
1990 vegna innrásarinnar í Kúveit
enda ljóst að víða ríkti neyð í land-
inu. Var ákveðið að tryggja að al-
menningur fengi nægilegan mat og
lyf. Íraksstjórn var í fyrstu leyft að
selja takmarkað magn af olíu til út-
landa, síðar voru þær takmarkanir
þó afnumdar. SÞ höfðu yfirumsjón
með viðskiptunum og áttu að sjá til
þess að almenningur nyti góðs af til-
slökuninni.
SÞ gagnrýnd fyrir sleifarlag
Hins vegar var orðið við þeirri
kröfu stjórnar Saddams Hússeins
Íraksforseta að Írakar mættu sjálfir
ákveða hvaða erlend fyrirtæki og
einstaklingar fengju að taka þátt í
viðskiptunum. Ef marka má skýrsl-
una sköpuðust forsendur fyrir spill-
ingu sökum þeirrar ráðstöfunar. Alls
seldu Írakar olíu fyrir um 64 millj-
arða dollara á þeim sjö árum sem
áætlunin um olíu-fyrir-mat var í
gildi.
Í skýrslunni sem birt var á
fimmtudag eru yfirstjórn Samein-
uðu þjóðanna og öryggisráðið harð-
lega gagnrýnd og segir þar að áætl-
unin hefði ekki verið svo gegnsýrð af
spillingu hefðu SÞ stjórnað henni af
kostgæfni.
Rússar segja sum olíuskjöl fölsuð
Sergei Lavrov
SKIPULEGGJENDUR fyrstu
alþjóðaráðstefnu femínista í ísl-
ömskum ríkjum hvetja til heil-
ags stríðs, jihad, fyrir jafnrétti
kvenna gagnvart körlum, að
sögn breska ríkisútvarpsins,
BBC. Ráðstefnan er haldin í
Barcelona á Spáni. Spænska
múslímakonan Abdennur Prado
Pavon segir að berjast þurfi
meðal annars gegn karlrembu-
túlkun á kennisetningum trúar-
innar í íslömskum löndum.
Alþjóðlegu samtökin Íslamsk-
ur femínismi halda því fram að
léleg félagsleg og lagaleg staða
kvenna í flestum löndum músl-
íma stafi af því að kenningar
Kóransins hafi verið afbakaðar.
Þátttakendur á ráðstefnunni
eru um 300 og var ráðstefnan
haldin á Spáni vegna þess að
ætlunin er að ná betur til vax-
andi fjölda múslímakvenna í
Evrópu. Aðalviðfangsefnið er þó
réttindi kvenna í löndum íslams.
Prado, sem er frá Katalóníu,
segir að það sé útbreiddur mis-
skilningur á Vesturlöndum að
útilokað sé að koma á jafnrétti
kvenna í ríkjum íslams. Meðal
þátttakenda er Riffat Hassan
frá Pakistan sem hefur ritað
mikið um konur í múslímalönd-
um og er talin brautryðjandi í
femínískri guðfræði meðal
múslíma.
„Heilagt
stríð“
fyrir
jafnrétti
kvenna
ÞÚSUNDIR íbúa við strandlengjuna á suðaust-
urhluta Indlandsskaga hafa verið fluttir á brott en
fellibylur stefndi í gær á svæðið frá Bengalflóa.
Hér sést fólk í gær í borginni Chennai með eigur
sínar í vatnselg á götunni.
Vindhraði var talinn vera á bilinu 70–100 km.
Bylnum fylgir úrhellisrigning sem veldur miklum
truflunum á svæðinu. Meira en 100 manns hafa lát-
ist vegna flóða í indversku sambandsríkjunum
Tamil Nadu og Karnataka. Víða hafa raflínur slitn-
að og flug legið niðri. Skólum hefur verið lokað og
hefur mörgum þeirra verið breytt í bráðabirgða-
skýli í Tamil Nadu. Undanfarna daga hafa yfir
50.000 manns verið flutt brott frá svæðum í Tamil
Nadu. Samgöngur hafa víða rofnað vegna flóða. Í
Karnataka hafa ár flætt yfir bakka sína vegna rign-
inga.Reuters
Fellibylur ógnar
Indverjum