Morgunblaðið - 29.10.2005, Qupperneq 28

28 LAUGARDAGUR 29. OKTÓBER 2005 MORGUNBLAÐIÐ
MINNSTAÐUR
Auglýsing um starfsleyfistillögur
Með vísan til 9. gr. reglugerðar nr. 785/1999 um starfsleyfi fyrir atvinnurekstur, sem getur haft í för
með sér mengun eða mengandi starfssemi, munu starfsleyfistillögur neðangreinds fyrirtækis liggja
frammi hjá upplýsingaþjónustunni í Ráðhúsi Reykjavíkur dagana 29. október til 29. nóvember 2005.
Rétt til að gera athugasemdir hafa eftirtaldir aðilar:
1. Sá, sem sótt hefur um starfsleyfi, svo og forsvarsmenn og starfsmenn tengdrar eða
nálægrar starfsemi.
2. Íbúar þess svæðis, sem ætla má að geti orðið fyrir óþægindum vegna mengunar.
3. Opinberir aðilar, félög og aðrir þeir sem málið varðar.
Athugasemdir skulu vera skriflegar og sendast Umhverfissviði Reykjavíkur, Skúlagötu 19,
101 Reykjavík, fyrir 29. nóvember 2005.
Umhverfis- og heilbrigðisstofa Reykjavíkur.
Fyrirtæki/gildistími starfsleyfis í árum Almenn
skilyrði
Sértæk
skilyrði
Heimilisfang
Heimilisfang Vífilfell hf. 8 ár
Ölgerðin Egill Skallagrímsson ehf. 8 ár
Stuðlahálsi 1
Grjóthálsi 7-11
X
X
X
X
SKINNAIÐNAÐUR Akureyri
sagði um 40 manns upp störfum sl.
sumar og áttu flestar uppsagnirn-
ar að koma til framkvæmda um
næstu mánaðamót. Þar er þó enn
starfsemi í gangi og útlit fyrir að
framhald verði á fram að áramót-
um og jafnvel eitthvað fram á
næsta ár, að sögn Ormars Örlygs-
sonar framkvæmdastjóra. Hann
sagði að um 40 manns væri að
störfum á Akureyri en m.a. er ver-
ið að vinna upp í pantanir og klára
birgðir.
Hann sagði að gerðir yrðu
skammtímasamningar við það
starfsfólk sem vildi starfa þar
áfram eftir mánaðamótin. Hins
vegar hafi eitthvað verið um að
fólk væri að leita sér að annarri
vinnu. Þá starfa fimm karlar á
vegum fyrirtækisins á Sauðár-
króki. Ormarr sagði að þótt ein-
hver framleiðsla væri enn í gangi
hjá Skinnaiðnaði væri ljóst að iðn-
aðarsögu sambandsins á Gler-
áreyrum mundi ljúka áður en
langt um liði. Þróun gengismála
síðustu vikurnar hefði endanlega
gert út um þær vonir að hægt yrði
að halda starfseminni áfram. Einn-
ig hafa markaðsaðstæður verið
fyrirtækinu erfiðar.
Ormarr sagði að gærur sem til
féllu í sláturtíðinni í haust væru
seldar hráar úr landi. Skinnaiðn-
aður hefur verið í samstarfi við
sláturleyfishafa á Norðurlandi og
saltað gærur á Sauðárkróki og
undirbúið til útflutnings. Hann
sagði að til greina kæmi að fyr-
irtækið héldi úti skrautgæru-
vinnslu og þá líklegast á Sauð-
árkróki en sú framleiðsla hefur
verið seld í verslunum hérlendis
og einnig flutt úr landi.
Skinnaiðnaður Akureyri
Starfsemin í gangi
næstu mánuði
Eyjafjarðarsveit | Forsvarsmenn
flestra verkalýðsfélaga á Akureyri
heimsóttu endurhæfingardeild FSA
í Kristnesi og afhentu veglega pen-
ingaupphæð fyrir hönd sjúkrasjóða
félaganna.
Þessi félög eru Eining Iðja, Félag
byggingamanna Eyjafirði, Félag
verslunar- og skrifstofufólks Ak-
ureyri og nágrenni, Félag skip-
stjórnarmanna, Sjómannafélag
Eyjafjarðar, Vélstjórafélag Íslands,
Verkstjórafélag Akureyrar og ná-
grennis, Félag málmiðnaðarmanna
og Rafvirkjafélag Norðurlands.
Fjárhæðinni er varið til að bæta
þjálfunarbúnað endurhæfing-
ardeildarinnar og nýtist annars
vegar til kaupa á þrekhjólum fyrir
sjúkraþjálfun og hinsvegar vinnu-
stólum fyrir iðjuþjálfun. Þessi tæki
eru nauðsynleg til þess að meðferð-
ardagskrá fyrir þá sem eiga við of-
fituvandamál að stríða geti gengið,
en slík meðferð er nýlega hafin við
endurhæfingardeildina. Í máli
Björns Snæbjörnssonar, formanns
Einingar Iðju, kom fram að hér
væri örugglega um hluti að ræða
sem nýttust einhverjum fé-
lagsmönnum þessara verkalýðs-
félaga og því væru félögin mjög
ánægð með að geta stutt við starf-
semi endurhæfingardeildarinnar á
þennan hátt.
Ingvar Þóroddsson, yfirlæknir
deildarinnar, veitti gjöfinni viðtöku
og sagði m.a. að stærsti hluti þeirra
sem biðu eftir aðstoð við sínu offitu-
vandamáli, væri yngra fólk, það er
á aldrinum tvítugs til fimmtugs svo
að til mikils væri að vinna að hjálpa
þessum einstaklingum til þess að
auka sín lífsgæði og hindra sjúk-
dóma í framtíðinni.
Fyrir utan þessa afhendingu
voru húsakynni deildarinnar skoð-
uð og starfsemi kynnt og boðið upp
á hollustuhressingu.
Sjúkrasjóðir gáfu endurhæfingardeild veglega gjöf
Yngra fólk
meirihluti
offitu-
sjúklinga
Morgunblaðið/Benjamín Baldursson
Gjöf Fulltrúar félaganna á Kristnesspítala, Konráð Alfreðsson, Eggert
Jónsson, Úlfhildur Rögnvaldsdóttir og Guðmundur Ómar Guðmundsson en
fremst færir Björn Snæbjörnsson Ingvari Þóroddssyni gjafabréfið.
AKUREYRI
MENNINGARVIKA barna var hald-
in í síðastliðinni viku og er það í
þriðja sinn sem menningarnefnd
Ólafsfjarðarbæjar stendur fyrir
slíkri uppákomu. Að þessu sinni var
boðið upp á þrennt: náttúrulist undir
handleiðslu Valbjargar Fjólmunds-
dóttur, þar sem unnið var með efni-
við úr fjörunni, grímugerð þar sem
unnið var með ýmsa sjávarsvipi und-
ir stjórn Guðrúnar Þórisdóttur; og
tónlist þar sem brasilíski tónlistar-
kennarinn Thiage Trinidage Silvera
kenndi börnunum ýmis undur tón-
listar en unnið var með hljóðgjafa úr
ríki náttúrunnar.
Námskeiðin fóru öll fram í gamla
Trévershúsinu að skóla loknum og
síðan var sýning á verkum sem unn-
in voru á menningardögum.
Efniviður úr fjörunni
Morgunblaðið/Helgi Jónsson
TÖLUVERÐRAR óánægju gætir
meðal fjölmargra starfsmanna Ak-
ureyrarbæjar, vegna breytinga sem
unnið er að varðandi launamál. Á
fundi bæjarráðs í vikunni, var lagt
fram erindi frá 47 starfsmönnum
Framkvæmdamiðstöðvar Akureyr-
arbæjar, þar sem þeir lýsa yfir van-
þóknun á launastefnu bæjarstjórnar
og þess er krafist að hún taki til al-
varlegrar endurskoðunar ákvörðun
sína varðandi vinnutíma og launa-
greiðslur til starfsmanna. Bæjarráð
vísaði erindinu til yfirvinnunefndar.
Einng var lagt fram erindi frá 26
starfsmönnum Ráðhúss Akureyrar-
bæjar, sem eru félagsmenn í Kili, þar
sem þeir lýsa yfir mikilli óánægju
með niðurstöður starfsmatsins. Bæj-
arráð bendir starfsmönnunum á að
hugsanlegar leiðréttingar á niður-
stöðum starfsmats verði að fara eftir
þeim áfrýjunarleiðum sem kjara-
samningar kveða um og nýlega hafa
verið framlengdar. Í byrjun árs voru
nýjar tillögur vinnuhóps um yfir-
vinnu starfsmanna bæjarins sam-
þykktar í bæjarstjórn. Tillögurnar
miða einkum að því að gera kjaramál
starfsmanna gegnsærri og réttlátari
með það fyrir augum að greitt verði
fyrir raunverulegt vinnuframlag.
Brýnt þótti að taka á þessum þætti
kjaramála hjá bænum þar sem sýnt
þótti að nokkur mismunun milli
starfsmanna átti sér stað. Við þessa
breytingu lækka einhverjir starfs-
menn í launum en svo eru aðrir sem
hækka í launum.
Björn Snæbjörnsson formaður
Einingar-Iðju, sagðist hafa orðið var
við megna óánægju meðal starfs-
manna bæjarins og mikla andstöðu
gagnvart því sem verið hefur að ger-
ast. „Menn eru aldrei ánægðir með
það að lækka í launum en einnig
finnst þeim að nokkuð hart sé gengið
fram í þessu máli.“ Björn sagði ým-
islegt óljóst og að ekki hefði verið
skýrt nógu vel hvernig ætti að fram-
kvæma hlutina.
Guðmundur Karl Jónsson for-
stöðumaður Skíðastaða í Hlíðarfjalli,
sagðist aðspurður verða fyrir um-
talsverðri launalækkun við þessa
breytingu og við það er hann ekki
sáttur. „Ég á erfitt með að sætta mig
við þetta. Ég var ráðinn á ákveðnum
forsendum og svo er þeim bara
breytt með einu pennastriki.“ Guð-
mundur Karl sagði að þessar breyt-
ingar hefðu einnig áhrif á aðra
starfsmenn í fjallinu og hefði einn
þeirra ákveðið að segja upp störfum
vegna þessa. Guðmundur Karl sagði
að einhverjir endar væru enn lausir
en aðspurður sagði hann að útlitið
væri alls ekki bjart.
Margir óánægðir
Launastefna Akureyrarbæjar
FRANZ Árnason forstjóri Norður-
orku sagðist ánægður með að kaup
fyrirtækisins á Hitaveitu Ólafsfjarð-
ar skuli hafa verið samþykkt í bæj-
arstjórn Ólafsfjarðar. Eins og fram
kom í Morgunblaðinu í gær, sam-
þykkti meirihluti bæjarstjórnar að
selja Norðurorku hitaveituna fyrir
535 milljónir króna og verður sölu-
andvirðið notað til að greiða niður
skuldir bæjarsjóðs. „Við erum að
kaupa á verði sem Ólafsfirðingar
þurfa ekki að skammast sín fyrir að
fá fyrir þessa veitu. Þetta á að geta
rekið sig, Akureyringar eiga ekki að
þurfa að borga þetta niður og Ólafs-
firðingar eiga ekki að verða fyrir
neinum skakkaföllum af okkar
hálfu,“ sagði Franz.
Norðurorka tekur yfir rekstur
veitunnar um næstu áramót. Franz
sagði að það að fyrirtækið eignaðist
hitaveituna hefði mjög takmarkaðar
breytingar í för með sér fyrir Ólafs-
firðinga. Hann sagði þó líklegt að
settir yrðu upp mælar innan ein-
hverra ára en það þyrfti þó ekki að
þýða að húshitunarkostnaður í bæn-
um myndi hækka. Gjaldskrá Hita-
veitu Ólafsfjarðar hækkaði nokkuð
fyrr á árinu og sagði Franz að ekki
væri gert ráð fyrir frekari hækk-
unum. Þá muni eini starfsmaður
veitunnar í Ólafsfirði starfa þar
áfram.
Hitaveita Ólafsfjarðar tók til
starfa árið 1994 og á vef bæjarins
segir m.a. að telja megi hana fyrstu
hitaveitu landsins sem hitaði upp
heilt bæjarfélag. Heitt vatn fær
veitan úr borholum að Laugarengi
þar sem þarf að dæla. Þá er sjálf-
rennandi vatn úr Skeggjabrekku-
dal, en þaðan koma um 85 tonn á
klukkustund eða um 45% af vatns-
þörfinni. Heitavatnsþörf í bænum
er um 180 tonn að meðaltali á
klukkustund og tekst vel að halda í
horfinu og vatnsskortur ekki fyr-
irsjáanlegur á næstunni.
Ekki gert ráð fyrir
miklum breytingum
Salan á Hitaveitu Ólafsfjarðar „Inni“ | Björg Eiríksdóttir opnarsýninguna „Inni“ í sal Svartfugls og
Hvítspóa laugardaginn 29. október
klukkan 14. Sýningin stendur til og
með 13. nóvember og verður opin
alla daga frá 13–17.
Þetta er önnur einkasýning
Bjargar og önnur sýningin sem
haldin er í nýjum sal Svartfugls og
Hvítspóa í bakhúsi við Brekkugötu
3a rétt við Ráðhústorg á Akureyri.
Björg hefur tekið þátt í nokkrum
samsýningum og aðallega notað
málverk og textíl sem miðil. Á sýn-
ingunni að þessu sinni verða mál-
verk og ljósmyndir.
  
Umhverfismál | Fræðslu- og um-
ræðufundur um umhverfismál og
staðardagskrá 21 verður haldinn í
Dalvíkurskóla sunnudaginn 30. októ-
ber kl. 13:30. Framfarafélag Dalvík-
urbyggðar stendur fyrir fundinum
en fjallað verður um umhverfismál,
eflingu byggðar og staðardagskrá 21
og hvernig þetta fari allt saman.
Á fundinn koma m.a. og flytja
framsögur þeir Stefán Gíslason og
Steinn Kárason.
Allir eru hvattir til að mæta, ekki
síst þeir sem standa í forustu fyr-
irtækja og láta sig sveitarstjórn-
armál varða, segir í tilkynningu frá
félaginu.