Fréttablaðið - 25.01.2003, Síða 20

20 25. janúar 2003 LAUGARDAGUR
Ragnheiður Eiríksdóttir, eðaHeiða eins og hún er kölluð,
var svo lánsöm að vinna á veit-
ingahúsinu Asíu. Þar lærði hún
margt um töfra austurlenskrar
matargerðar og fylltist áhuga á
asískum mat. Í dag eldar hún
asískan mat við hvert tækifæri.
Hún segir það afar hentugt fyrir
budduna þar sem stærsti hlutinn
sé grænmeti, hrísgrjón og núðlur.
„Það er eitthvað frábært við
það að blanda saman fullt af
grænmeti, sem þarf ekki að vera
dýrt, og gera tilraunastarfsemi
með það,“ svara Heiða aðspurð
um töfra asískrar matagerðar.
„Svo er bara svo gaman að borða
með prjónum. Það er ekki hægt að
borða þennan mat öðruvísi. Ef
maður skóflar þessu upp í sig með
gaffli þá missir maður af því að
taka einn og einn bita í einu.
Svona kássumatur missir bara
marks ef maður raðar honum ekki
upp í sig með prjónum. Það eru
prjónarnir og ostrusósan sem eru
mikilvægasti parturinn af þessari
uppskrift.“
Heiða bætir því við að einnig
sé hægt að elda uppskriftina með
hrísgrjónum ef núðlur heilla
minna. Hún bendir einnig á að ögn
af chili geti hrist verulega upp í
uppskriftinni.
Heiða og Elvar kærasti hennar
fá oft til sín matargesti. Saman
eiga þau soninn Ólíver sem er
rúmlega eins árs. Eldhúsið þeirra
er ekki stórt, tekur aðeins fjóra
við borðið, og því hentar þeim
best að fá einn matargest í einu.
Þá er gestum oftar en ekki boðið
upp á austurlenskan mat að hætti
Heiðu.
biggi@frettabladid.is
Prjónar og
ostrusósa Innihald:10-15 sveppir1 rauð paprika2 tómatar1 hvítlauksrif
1/2 laukur
Hálfur bolli af sojasósu
Ostrusósa
Fersk engiferrót
3 núðlusúpur
Uppskrift:
Sveppirnir eru steiktir snögglega á
pönnu með smjöri. Næst eru þeir settir
til hliðar og olía sett á pönnuna.
Paprikan, tómatarnir, hvítlaukurinn og
laukurinn eru næst steikt á pönnunni í
um fimm mínútur. Þegar safi grænmet-
isins hefur lekið út er sveppunum aftur
bætt á pönnuna. Hálfum bolla af
sojasósu er hellt yfir allt saman.
Núðlurnar úr þremur þriggja mínútna
pakkanúðlusúpum eru settar saman í
heitt vatn og látnar sjóða í þrjár mínút-
ur. Þeim er svo bætt við grænmetið og
þremur rykkjum af ostrusósu hellt yfir
allt saman. Litlum bita af ferskri engi-
ferrót er bætt við eftir smekk.
Heimilis-
matur
HEIÐA OG ELVAR
Heiða og Elvar njóta matartímans vel. Þau sitja oft lengi og spjalla um daginn og veginn
yfir asískum mat.
FRÉTTAB
LAÐ
IÐ
/RÓ
B
ERT
Heitir í
höfuðið á tík
Ég er nefnd alveg út í loftið eðaþví sem næst,“ segir Drífa
Hjartardóttir alþingiskona um
nafn sitt. „Engar í ættinni hétu
Drífa áður en ég kom til.“ Nafnið
er þannig til komið að móður
Drífu þótti þetta fallegt nafn með
afbrigðum og átti meira að segja
sem barn tík sem hún kallaði
Drífu. „Það má því eiginlega
segja að ég sé látin heita í höfuð-
ið á tík,“ segir Drífa hlæjandi.
Að hennar sögn er nafnið
mjög gamalt og norskt en til var
norsk konungsdóttir sem hét
Drífa. Nafnið þýðir snjór eða
snjókoma. Drífa Hjartardóttir
er ákaflega ánægð með nafn sitt
og líður vel með það. Henni hef-
ur alltaf þótt nafnið fallegt og
segir Drífum Íslands fara fjölg-
andi.
„Þó er það enn sem komið er
sjaldgæft og til marks um það var
ég eitt sinn stödd á læknastofu
ásamt nöfnu minni Kristjánsdótt-
ur og þegar nafnið var kallað upp
stóðum við báðar upp. Við erum
þrjár sem berum þetta nafn sem
erum á svipuðu reki og er stund-
um ruglað saman.
Þó svo að nafnið sé sjaldgæft
þurfti Drífa ekki að búa við
stríðni sem barn þess vegna. „Ég
man nú reyndar eftir því að reynt
var að stríða mér á því en það stóð
ekki lengi. Ég lét það ekki við-
gangast. Ég læt ekki vaða yfir mig
enda var mér kennt sem krakka
að það þýddi ekkert að koma inn
og klaga heldur bretta upp
ermarnar og slást. Ég gerði það
svikalaust.“ Þá segir Drífa jafn-
framt að svo virðist sem hún og
nöfnur hennar þurfi að rísa undir
merkingunni að vera röskar og
láta til sín taka: „Það fylgir senni-
lega nafninu. Allar Drífur sem ég
þekki eru allar mjög drífandi kon-
ur og bera nafn með rentu.“ ■
DRÍFA HJARTARDÓTTIR
Segir allar Drífur sem hún þekkir rísa undir nafni og vel það
– drífandi og dugmiklar konur.
Nafnið
mitt
MINN STÍLL
Drífa Hjartardóttir
var látin heita út í loftið, en
móðir hennar var ákaflega
hrifin af nafninu. Þetta er
fornt nafn sem norsk kon-
ungsdóttir bar, sem og tík
móður Drífu.
,,
FR
ÉT
TA
B
LA
Ð
IÐ
/B
IL
LI
BOLUR
Síðerma afabolurinn er fenginn
Hjá Guðsteini á Laugaveginum.
Ég er búinn að kaupa marga
svona boli síðastliðin 25 ár.
SKÓRNIR
Ég man ekki hvaða
merki skórnir eru eða
hvar ég keypti þá. Ég
datt á þá af því að þeir
eru svo þægilegir.
BUXUR
Gallabuxurnar keypti
ég í einhverri skelfilega
vondri vöruskemmu í
Bandaríkjunum. Mig
minnir að þær hafi
kostað 2 dollara.
Guðmundur Týr Þórarinsson, eða Mummi í Mótor-smiðjunni eins og hann er gjarnan kallaður, segist
ekki spá mikið í föt.
„Ég er aumasti og lélegasti markhópur sem
finnst fyrir tísku. Ég er mikið fyrir hráa
tísku; gallabuxur, boli, góða skó og her-
mannaúlpu. Það er svona minn venjulegi
klæðaburður,“ segir Mummi, sem rekur
nú útvarpsstöðina Radíó Reykjavík.
Mummi segist vera mikill sérvitr-
ingur á föt en þá eru það ekki tískan
eða merkin sem skipta máli. „Það
breytir engu hvar ég kaupi fötin,
hvort sem það er í Rúmfatalagernum
eða einhverri tískuverslun. Bara ef
þau virka og mér líður vel í
þeim.“
Mummi segist ekki
eiga nein jakkaföt. Hann
átti eitt sinn slíkan fatn-
að en gaf hann 24 tím-
um síðar. Því vandast
oft málin þegar hann
þarf að fara í fín
boð með konu
sinni.
„Hún er í losti
nokkrum dögum
áður og vill
drösla mér í
tískuvörubúðir.
Ég vil bara fara í
hreinar gallabuxur
og hvíta skyrtu og þá
finnst mér ég vera
flottastur í heimi,“ segir
Mummi útvarpsmaður.
HÚÐFLÚRIN
Ég held ég sé með ellefu tattú.
Þau eru meira lífsstíll og
„statement“ en skraut. Ef maður
byrjar á þeim þá er svo erfitt að
hætta.