Fréttablaðið - 25.01.2003, Blaðsíða 23

23LAUGARDAGUR 25. janúar 2003
hún hefur verið undir miklu álagi
síðustu misserin í kjölfar óvænts
skilnaðar við Tom Cruise. Skilnað-
urinn mun þó vart ríða baggamun-
inn þar sem Akademían hefur
frekar litið framhjá persónuleg-
um áföllum en hitt. Hremmingar
fólks hafa þó átt það til að setja
strik í reikninginn og einhverjir
vilja meina að samúðarfylgi hafi
ráðið því að Elizabeth Taylor var
verðlaunuð fyrir leik sinn í Butt-
erfield 8 árið 1961. Hún var þá að
jafna sig eftir veikindi og hálsað-
gerð og haft hefur verið eftir
Shirley McLaine að hún hafi „tap-
að fyrir barkaskurði“ það árið.
Gamlir refir sýna klærnar
Gamli jaxlinn Jack Nicholson
hreppti Golden Globe fyrir leik
sinn í About Schmidt og á því nú
sex hnetti á arinhillunni. Hann
hefur hlotið Óskarsverðlaunin
þrisvar, fyrir One Flew Over the
Cuckoo´s Nest, aukahlutverk í
Terms of Endearment og nú síðast
fyrir leik sinn í As Good As It
Gets. Það blandast því engum hug-
ur um að hér er þungavigtarmað-
ur á ferð sem mun án efa keppa
um Óskarinn í ár. Það er að vísu
ekki við neina aukvisa að etja þar
sem Daniel Day-Lewis þykir fara
á kostum í Gangs of New York og
Michael Caine kemur sterkur inn í
The Quiet American. Þeir kepptu
um Golden Globe við Nicholson og
þykja nánast öruggir með óskars-
tilnefningu. Þá gætu þeir Day-
Lewis og Caine hagnast á því að
Nicholson taldi sig vera að leika í
gamanmynd en ekki drama og hef-
ur látið í það skína að hnattveiting-
in hafi verið byggð á misskilningi.
Sú hvimleiða hefð hefur skap-
ast í kringum Óskarsverðlaunin að
ein og sama myndin sópar til sín
öllum helstu verðlaununum og því
má nánast bóka það að líkt og á
Golden Globe muni leikstjórar
þeirra mynda sem líklegastar
þykja til stórræða bítast á um
verðlaunin fyrir bestu leikstjórn-
ina.
Stephen Daldry (The Hours),
Peter Jackson (The Two Towers),
Alexander Payne (About
Schmidt), Rob Marshall (Chicago)
og Martin Scorsese (Gangs of New
York) verða því væntanlega í
fremstu víglínu þegar tilnefning-
arnar til Óskarsverðlaunanna
verða birtar þann 11. febrúar.
Scorsese stendur óneitanlega vel
að vígi enda með glæstasta feril-
inn að baki. Hann hefur þrisvar
verið tilnefndur til Óskarsverð-
launa, fyrir Raging Bull, The Last
Temptation of Christ og Good-
fellas, án þess að hljóta þau. Þreyt-
andi tilhneiging Akademíunnar að
ganga ítrekað framhjá óumdeildu
hæfileikafólki hefur í gegnum
árin stuðlað að því að verðlaunin
verða seint talin raunhæfur mæli-
kvarði á gæði og hæfileika, enda
snýst valið að miklu leyti um
markaðssetningu, klíkuskap, pen-
inga og völd. Þannig fékk um-
fangsmesti leikstjóri síðustu ald-
ar, í tvennum skilningi, Alfred
Hitchcock, aldrei Óskar fyrir leik-
stjórn.
Munu þeir síðustu fyrstir
verða?
Eðalleikarinn Paul Newman er
annað gott dæmi. Hann hafði oft
verið til kallaður en aldrei út-
nefndur þegar Akademían splæsti
á hann heiðursverðalunum 1986
og til að bíta höfuðið af skömm-
inni fékk hann svo verðlaun fyrir
bestan leik í aðalhlutverki fyrir
The Color of Money ári síðar.
Hann átti þau svo sem skilið en
hefði verið enn betur að þeim
kominn fyrir til dæmis Cat on a
Hot Tin Roof, The Hustler eða
Cool Hand Luke. James Coburn er
annað gamalmenni sem var klapp-
að á bakið með styttu þegar hann
var kominn á síðasta snúning.
Þessi hefð Akademíunnar fyrir
því að leiðrétta eigin mistök seint
og illa gæti skilað Scorsese styttu
í ár, þó Gangs of New York þyki
vart jafnast á við það besta sem
frá honum hefur komið hingað til.
Sagan hefur kennt þeim sem
sækjast eftir Óskarsverðlaunum
að gæfan er hverful og þó Golden
Globe-verðlaunin glæði vonir ein-
hverra gætu þær hæglega orðið
að engu strax og tilnefningar Aka-
demíunnar verða kynntar. Þá
dæma skakkaföll á Golden Globe
menn síður en svo úr leik og það
má til dæmis benda á að af þeim
þrettán sem fengu Golden Globe-
verðlaun í fyrra fengu aðeins
fimm Óskarsverðlaun. Þessi stað-
reynd breytir því svo aftur á móti
ekki að sjö af síðustu tíu myndum
sem hafa hlotið Golden Globe fyr-
ir besta dramað hafa haldið sigur-
göngunni áfram og krækt í Óskar.
thorarinn@frettabladid.is
Óskarinn
Hún fékk farsælan endi, sag-an af honum Káti sem gleð-
ur lesendur þesa vikuna. Fyrir
tveimur árum lenti Agnes Sig-
urðardóttir, eigandi hans, í
tímabundu húsnæðishraki. Kát-
ur var þá rétt um tveggja ára og
kom hún honum fyrir á meðan
hún beið eftir íbúð, hjá ömmu
sinni og frænda sem búa í Mos-
fellsbæ. Þar var Kátur um tíma
en fyrir einhvern misskilning
héldu amman og frændinn að
Agnes gæti ekki haft hann
áfram.
Þau auglýstu því eftir nýjum
eiganda fyrir Kát og Ingólfur
Júlíusson rak augun í auglýs-
inguna og tók hann að sér. „Ég
var ósköp ánægður með Kát og
hann hafði það fínt hjá mér og
kærustunni minni. Þegar dóttir
okkar fæddist fannst kærust-
unni of mikið að vera með Kát
líka og það varð úr að ég aug-
lýsti hann í vinnunni hjá mér.
Það var enginn sem hafði hug á
að taka hann en einn vinnufé-
laganna benti mér á að auglýsa
hann inni á huga.is,“ segir
Ingólfur.
Inni á huga var Agnes að
vafra og sá hundinn auglýstan
og þekkti hún um leið sinn
gamla félaga. „Ég spenntist öll
upp og treysti mér ekki til að
hringja. Ég bað því kærasta
minn um það því ég var svo
hrædd um að Kátur væri far-
inn. Ég hafði reyndar séð hann
áður í fréttaskoti í sjónvarpinu
því Ingólfur eigandi hans tók
myndir fyrir sjónvarp. Þá
reyndi ég að fá upplýsingar um
hann hjá sjónvarpinu en þeir
vildu ekkert segja mér,“ segir
Agnes.
Hjalti, kærasti Agnesar,
hafði samband og Kátur var fal-
ur. Það urðu mikir fagnaðar-
fundir þegar þau komu og náðu
í hann. Agnes segir að Kátur
hafi elt hana um allt hús og geri
enn. „Ég á fleiri hunda og þeir
tóku Káti vel, en hann má ekki
af mér sjá og er sérstaklega illa
við að ég skilji hann eftir
heima. Þá verður hann stress-
aður, enda ekki von á öðru þar
sem hann heldur líklegast að ég
komi ekki aftur. En ég er mjög
þakklát fyrir að hafa fengið
hann til mín. Það var fyrir tóm-
an misskilning sem hann var
gefinn.“
Ingólfur er ekki síður
ánægður með málalok því hann
kveið því virkilega að láta hann
frá sér. „Þetta fór á besta veg
og það var mikill léttir að vita
til þess að honum myndi líða
vel.“
bergljot@frettabladid.is
Agnes Sigurðardóttir bað annað fólk fyrir hundinn sinn á með-
an hún var í húsnæðishraki. Fyrir misskilning var hann gefinn og
hún vissi ekki hvert. Fyrir hreina tilviljun fann hún hann aftur og
það urðu fagnaðarfundir.
Fann Kát aftur
Gæludýrið
mitt
Ég á fleiri hunda og
þeir tóku Káti vel, en
hann má ekki af mér sjá og
er sérstaklega illa við að ég
skilji hann eftir heima.
,,
HJALTI OG AGNES MEÐ KÁT OG EINN AF HUNDUM ÞEIRRA
Hann eltir Agnesi enn um allt hús og má vart af henni sjá.
FR
ÉT
TA
B
LA
Ð
IÐ
/V
IL
H
EL
M
THE LORD OF THE RINGS
Aðdáendur myndanna eru ósáttir við gengi þeirra og vilja meðal annars kenna þjóðrem-
bingi Bandaríkjamanna um en leikstjóri bálksins er Nýsjálendingurinn Peter Jackson.
STYTTAN EFTIRSÓTTA
Hefur gengið undir nafninu Óskar eftir að
Margaret Herrick, sem starfaði hjá Aka-
demíunni, hafði orð á því að styttan væri
„alveg eins og Óskar frændi“. Nafnið
heyrðist fyrst opinberlega árið 1934 þegar
dálkahöfundurinn Sidney Skolsky nefndi
hana í tenglslum við fyrstu verðlaun
Katharine Hepburn.