Fréttablaðið - 10.05.2003, Blaðsíða 19

20 10. maí 2003 LAUGARDAGUR
Á FLUGI
Matt Clement, kastari Chicago Cubs, þurfti
að nota allan sinn stökkkraft til að forðast
Alex Sanchez, leikmann Milwaukee
Brewers, í leik liðanna í bandarísku hafna-
boltadeildinni á dögunum. Sanchez tókst
með naumindum að ná annarri höfn.
hafnabolti
FÓTBOLTI Juventus getur tryggt sér
27. meistaratitilinn í dag. Félagið
hefur átta stiga forskot á Intern-
azionale þegar þrjár umferðir eru
eftir og leikur gegn Perugia á
heimavelli síðdegis. Á sama tíma
leikur Internazionale gegn Parma á
heimavelli og AC Milan, sem er í 3.
sæti, gegn Brescia á útivelli.
Eftir jafna baráttu við Mílanófé-
lögin í vetur náði Juventus frum-
kvæðinu í byrjun mars með sann-
færandi 3:0 sigri á Internazionale.
Munurinn á félögunum var þó svip-
aður fram í apríl en þá fóru
Mílanóliðin að hiksta á meðan
Juventus hélt sínu striki.
Keppni um ítalska meistaratitil-
inn hófst árið 1898. Fimm sinnum
hefur keppni fallið niður vegna
styrjaldar og er mótið í vetur því
100. keppnin um titilinn. Sextán fé-
lög hafa orðið ítalskir meistarar:
Juventus 26 sinnum, AC Milan 16,
Internazionale 13, Genoa 9, Torino,
Bologna og Pro Vercelli 7, AS
Roma þrisvar, Fiorentina, Lazio
og Napoli tvisvar og Cagliari,
Casale, Novese, Sampdoria og
Hellas Verona einu sinni. ■
DEL PIERO
Alessandro Del Piero í baráttu við Ivan Helguera í leik Juventus og Real Madrid í Meistara-
deildinni á þriðjudag. Del Piero er markahæstur leikmanna Juventus með 16 deildarmörk.
Ítalski boltinn:
Juventus
meistari í dag?
Deildabikar kvenna:
Valur meist-
ari í sjöttu til-
raun?
FÓTBOLTI Breiðablik og Valur leika
til úrslita í Deildabikarkeppni
kvenna í dag. Leikurinn verður á
Kópavogsvelli og hefst kl. 16.30.
Breiðablik hefur fjórum sinn-
um áður leikið til úrslita og alltaf
unnið en Valur leikur til úrslita í
sjötta sinn og hefur aldrei tekist
að sigra í keppninni.
Undankeppnin fór fram í ein-
um sex liða riðli og léku fjögur
efstu félögin um sæti í úrslitum.
Valur vann alla leiki sína í riðlin-
um og sigraði m.a. Breiðablik 4:0 í
byrjun apríl.
Leikurinn verður fjórða viður-
eign Vals og Breiðabliks í úrslit-
um Deildabikarsins. Blikarnir
unnu 4:2 í fyrstu keppninni árið
1996, 3:2 árið 1998 og 5:3 eftir
vítakeppni fyrir tveimur árum. ■
FÓTBOLTI „Við eigum skilið að
komast í Meistaradeildina. Það
er mikilvægt fyrir alla: áhang-
endurna, leikmennina, mig og
félagið,“ segir Claudio Ranieri,
knattspyrnustjóri Chelsea.
Chelsea er í fjórða sæti deild-
arinnar og nægir jafntefli á
heimavelli gegn Liverpool til að
tryggja sér Meistaradeildarsæt-
ið eftirsótta. Liðin eru með jafn-
mörg stig en Chelsea hefur 8
mörkum betri markamun.
„Allir vita að við höfum lagt
hart að okkur alla leiktíðina og
við viljum ekki missa af lestinni
núna,“ segir Ítalinn knái, Gian-
franco Zola. „Ég held að við eig-
um eftir að ná áfanganum, en
það verður ekki auðvelt. Að spila
í Meistaradeildinni er stórkost-
legt og ég vil ekki missa af því.“
Erfiðlega hefur gengið hjá
Chelsea upp á síðkastið og hefur
liðið aðeins náð í fjögur stig af
tólf mögulegum í fjórum síðustu
leikjum. Á sama tíma hefur
Liverpool gengið flest í haginn
og með sigri hreppir félagið sæt-
ið í Meistaradeildinni á kostnað
Chelsea. „Þetta er enn í okkar
höndum,“ segir Gerard Houllier,
stjóri Liverpool. „Okkur hefur
gengið vel á útivöllum á leiktíð-
inni og við vitum að ef við vinn-
um á Stamford Bridge komumst
við í Meistaradeildina. Leik-
menn mínir hafa gaman af úr-
slitaleikjum í bikarkeppnum.
Þar höfum við náð að sigra og
þess vegna getum við alveg unn-
ið þennan síðasta leik.“
Chelsea vonast til að varnar-
jaxlinn John Terry komi aftur
inn í liðið eftir meiðsli. Í herbúð-
um Liverpool eru þeir Dietmar
Hamann og Vladimir Smicer
báðir tæpir vegna meiðsla.
Sam Allardyce, knattspyrnu-
stjóri Bolton, er sannfærður um
að leikmenn sínir standist álagið
og tryggi félaginu áframhald-
andi sæti í deildinni með heima-
sigri gegn Middlesbrough.
Bolton er með jafnmörg stig og
West Ham en hefur sex mörkum
betri markamun. „Við vitum að
niðurstaðan er í okkar höndum.
Þegar leiknum lýkur vil ég geta
gengið eftir leikmannagöngun-
um vitandi að við erum öruggir
með sæti í úrvalsdeild,“ segir
Allardyce.
Franski varnarmaðurinn
Florent Laville er í leikbanni hjá
Bolton og því verður Bruno
N’Gotty að öllum líkindum við
hlið Guðna Bergssonar í vörn-
inni. Guðni leikur kveðjuleik
sinn með Bolton og vill eflaust
ljúka átta ára farsælum ferli
sínum hjá félaginu með því að
tryggja því sæti í úrvalsdeild að
ári.
West Ham, sem leikur við
Birmingham á útivelli, treystir
á að Middlesbrough veiti Bolton
öfluga mótspyrnu. Middles-
brough, sem er í 10. sæti deild-
arinnar, hefur hins vegar að
litlu að keppa. „Middlesbrough
ætti að geta náð að minnsta
kosti jafntefli. Það er enn til
mikils að vinna fjárhagslega
hvað varðar lokastöðu liða í
deildinni,“ segir Trevor Brook-
ing, sem er knattspyrnustjóri
West Ham í fjarveru Glenn
Roeder.
Miðað við allar yfirlýsingarn-
ar má búast við að minnsta kosti
þremur æsispennandi viður-
eignum í enska boltanum í dag.
freyr@frettabladid.is
LEIKIR HELGARINNAR:
Chelsea-Liverpool
Everton-Man.Utd
Leeds-Aston Villa
Man.City-Southampton
Sunderland-Arsenal
Tottenham-Blackburn
WBA-Newcastle
Birmingham-West Ham
Bolton-Middlesbrough
Charlton-Fulham
STAÐAN
Man. Utd 80
Arsenal 75
Newcastle 68
Chelsea 64
Liverpool 64
Everton 59
Blackburn 57
Man. City 51
Tottenham 50
Middlesbr. 49
Southampt. 49
Charlton 49
Birmingham 47
Aston Villa 45
Fulham 45
Leeds 44
Bolton 41
West Ham 41
WBA 25
Sunderland 19
GUÐNI
Guðni Bergsson stefnir að því að skilja við Bolton í ensku úrvalsdeildinni.
Æsispennandi
lokaslagur á Englandi
Síðasta umferð ensku úrvalsdeildarinnar verður leikin á morgun. Bolton og West Ham berjast við
fall í 1. deild á meðan Chelsea og Liverpool heyja úrslitaleik um laust sæti í Meistaradeildinni.