Fréttablaðið - 10.05.2003, Blaðsíða 40

■ ■ ÚTIVIST

9.00 Ferðafélag Íslands efnir til
fuglaskoðunarferðar í samvinnu við
Fuglaverndarfélag Íslands. Áfangastaðir
eru m.a. á Álftanesi, í Hafnarfirði og við
Hafnarberg á Reykjanesi. Endað verður
á svæðinu umhverfis Grindavík. Fugla-
skoðarar hafi meðferðis fuglabók, sjón-
auka og nesti. Lagt verður af stað frá
BSÍ með viðkomu í Mörkinni 6. Heim-
koma er áætluð síðdegis. Fararstjóri er
Einar Þorleifsson.

10.00 Jepparækt ferðafélagsins
Útivistar. Farið verður á Langjökul frá
Húsafelli. Brottför er frá skrifstofu Útivist-
ar að Laugavegi 178. Þessi ferð kostar
ekki neitt og er opin öllu jeppafólki.
■ ■ FUNDIR

8.30 Seinni dagur ráðstefnunnar
Arfur, menning, áform í Norræna hús-
inu er í dag. Þar er rætt um norræna og
íslenska menningarstefnu. Af fyrirlesur-
um má nefna Arne Ruth prófessor,
Ritva Mitchell stjórnanda rannsóknar-
deildar Menningarstofnunar Finnlands,
Gest Guðmundsson félagsfræðing,
Tinnu Gunnlaugsdóttur leikara, Jón
Yngva Jóhannsson bókmenntafræðing
og Pál Skúlason rektor Háskóla Íslands.

13.00 Afmælishátíð Búdda, Wesak,
heldur áfram í dag og á morgun í húsa-
kynnum Hómópataskólans að Ármúla
44, efstu hæð.

14.00 Finnur Ingimarsson líffræð-
ingur hjá Náttúrufræðistofu Kópavogs
flytur fræðsluerindi um farfugla í Kópa-
vogi á vegum Náttúrufræðistofu og
Bókasafns Kópavogs. Erindið verður flutt
í Kórnum í nýja safnahúsinu.
■ ■ OPIÐ HÚS

14.00 Listamenn í Kópavogi ætla
að hafa opið hús á vinnustofum sínum
í tilefni af afmæli Kópavogsbæjar. Opið
verður milli klukkan 14 og 18 hjá eftir-
töldum listamönnum: Kristínu Sigfríði
Garðarsdóttur, Stúdíó Subba, Hamra-
borg 1, Ólöfu Erlu Bjarnadóttur, Lindar-
hvammi 9, Kristínu Þorkelsdóttur,
Lindarhvammi 13, Rögnu Fróðadóttur,
Lundur I v/Nýbýlaveg, Spessa, Frystihús-
inu - Vinnustofu Spessa, Hafnarbraut 6
og Mireya Samper, Bakkabraut 7 d.

14.00 Kópavogsdeild Rauða
krossins efnir til afmælis- og opnunar-
hátíðar í nýju húsnæði sínu í Hamra-
borg 11. Allir eru velkomnir.
■ ■ OPNANIR

14.00 Fyrsta Vorhátíð Listaháskól-
ans hefst með opnun útskriftarsýning-
ar myndlistar- og hönnunarnemenda í
Listasafni Reykjavíkur, Hafnarhúsinu.

14.00 Gunnar Karl Gunnlaugsson
opnar sýningu á ljósmyndum af um það
bil 60 brúm á þjóðvegi 1 í Menningar-
miðstöðinni Gerðubergi.

16.00 Fimmta alþingiskosningasýn-
ing Kristjáns Guðmundssonar verður
opnuð í Slunkaríki á Ísafirði. Að þessu
sinni er Kristján með grafíkmyndir í
farteski sínu.

16.00 Birgir Rafn Friðriksson
opnar einkasýningu á Næsta bar við
Ingólfsstræti í Reykjavík. Sýningin heitir
Portret x og stendur til 7. júní.
■ ■ KVIKMYNDASÝNINGAR

8.10 Kvikmyndaveisla Bíó Reykja-
víkur heldur áfram í dag í húsakynnum
MÍR að Vatnsstíg 10a. Sýnt verður fjöl-
breytt úrval af „Sci-Fi“ myndum fyrri
ára, svo sem The Thing frá 1951,
Invaders from Mars frá 1953, It came
from Outer Space frá 1953 og The
Incredible Shrinking Man frá 1957. Það
er frítt inn á hátíðina og allir velkomnir.

16.00 Kvikmyndasafn Íslands sýn-
ir frönsku myndina Landru eftir Claude
Chabrol frá árinu 1962 í Bæjarbíói,
Strandgötu 6 í Hafnarfirði.
■ ■ TÓNLIST

11.00 Vortónleikar Tónlistarskóla
Árbæjar verða haldnir í Árbæjarkirkju.
Fram koma nemendur skólans ásamt
kennurum.

13.00 Seinni vortónleikar Tónlist-
arskóla Árbæjar verða haldnir í Árbæj-
arkirkju. Fram koma nemendur skólans
ásamt kennurum.

13.00 Kór Menntaskólans á Akur-
eyri heldur tónleika í Sauðárkróks-
kirkju. Meðal verka á efnisskránni eru
íslensk þjóðlög, afrískir söngvar og am-
erískir negrasálmar. Söngstjóri að þessu
sinni er Svanfríður Eygló Arnardóttir

13.30 Dagur Tónskóla Sigursveins
verður haldinn hátíðlegur í þriðja sinn í
húsakynnum skólans að Engjateigi 1
með uppskerutónleikum vetrarins.
Haldnir verða alls níu nemendatónleikar
í þremur sölum. Fyrstu tónleikarnir hefj-
ast klukkan 13.30, og síðan verða aftur
þrennir tónleikar klukkan 14.30 og loks
þeir síðustu klukkan 15.30.

14.00 Fjölskylduhátíð verður í Vetr-
argarðinum í Smáralind í dag. Kynnir
er Halldóra Geirharðsdóttir. Birgitta
Haukdal og Írafár flytja nokkur lög,
Skólahljómsveit Kópavogs leikur, Snæ-
landskórinn og Kársnesskólakórinn syn-
gja. Einnig verður sýndur dans og fim-
leikar.

15.00 Vortónleikar Tónstofu Val-
gerðar verða haldnir í kirkju Óháða
safnaðarins í tengslum við listahátíðina
List án landamæra, sem haldin er í til-
efni Evrópuárs fatlaðra og tíu ára afmæl-
is Átaks, félags fólks með þroskahöml-
un.

16.00 Vortónleikar Árnesingakórs-
ins í Reykjavík verða haldnir í Lang-
holtskirkju. Undirleikari er Jón Bjarna-
son og stjórnandi Gunnar Ben, sem
jafnframt leikur á óbó og djembé. Sif
Björnsdóttir leikur á selló og Hulda
Björk Garðarsdóttir sópran syngur ein-
söng.

17.00 Álafosskórinn heldur vor-
tónleika í Hjallakirkju í Kópavogi. Með-
al annars verða flutt lög eftir Helga R.
Einarsson, söngstjóra kórsins, við ljóð
Halldórs Laxness. Einnig eru á efnis-
skránni íslensk þjóðlög, hefðbundin kór-
lög og lög og syrpur úr söngleikjum.
■ ■ LEIKLIST

14.00 Stígvélaði kötturinn fyrir
yngstu krakkana á Litla sviði Borgar-
leikhússins í samstarfi við Sjónleikhús-
ið. Allir fá ís á eftir.

16.00 Leikritið Sólstafir, sögur frá
Sólheimum verður sýnt í íþróttahúsinu
á Sólheimum í tengslum við listahátíð-
ina List án landamæra, sem haldin er í
tilefni Evrópuárs fatlaðra og tíu ára af-
mælis Átaks, félags fólks með þroska-
hömlun. Leikfélag Sólheima er eitt elsta
áhugamannaleikfélag landsins og hefur
starfað í 72 ár.

20.00 Farsinn Allir á Svið eftir
Michael Frayn er sýndur á Stóra sviði
Þjóðleikhússins, þýddur og leikstýrt af
Gísla Rúnari Jónssyni.

20.00 Veislan eftir Thomas Vinter-
berg og Mogens Rukov á Smíðaverk-
stæði Þjóðleikhússins.

20.00 Breski farsinn Öfugu megin
uppí með Eggert Þorleifsson í aðal-
hlutverki verður sýndur á Stóra sviði
Borgarleikhússins.

20.00 Sumarævintýri eftir William
Shakespeare og leikhópinn verður sýnt
á Nýja sviði Borgarleikhússins.
■ ■ ÚTIVIST

10.00 Ferðafélag Íslands efnir til
göngu um gömlu Krýsuvíkurleiðina.
Gengin verður leiðin Hraun - Breiðaból-
staður - Kvennagönguhólar. Fararstjórar
verða Davíð Ó. Davíðsson og Hrafnkell
Karlsson frá Hrauni. Lagt verður af stað
frá BSÍ með viðkomu í Mörkinni 6.

10.30 Níundi og síðasti áfangi
Strandgöngu Útivistar hefst í Sandvík
austan Háleyjabungu og þaðan liggur
leiðin vestur yfir hana að Reykjanestá.
Áfram verður haldið um Blásíðubás að
Valahnjúk og síðan norður með strönd-
inni að Önglabrjótsnefi og um Stampa-
hraun að Litlu-Sandvík. Göngunni lýkur í
Stóru-Sandvík eftir um það um það bil 5
klukkustunda göngu. Brottför frá BSÍ.

13.30 Hinn árlegi flórgoðadagur
Fuglaverndarfélagsins og Umhverfis-
nefndar Hafnarfjarðar verður við Ástjörn
við Hafnarfjörð milli kl. 13:30 og 15:00.
Haldið hefur verið uppá dag flórgoðans
við Ástjörn síðan 1993. Reyndir fugla-
skoðarar upplýsa gesti um leyndardóma
flórgoðans og sýna þeim hið fjölbreytta
lífríki Ástjarnar, sem er syðst í Hafnarfirði
austan Reykjanesbrautar og er farið að
tjörninni um hið nýja Áshverfi.
■ ■ SAMKOMA

13.00 Afmælishátíð Búdda, Wesak,
verður haldin í dag og næstu tvo daga í
húsakynnum Hómópataskólans að Ár-
múla 44, efstu hæð.
■ ■ MESSA

14.00 Gospelmessa verður í Vetr-
argarðinum í Smáralind í tilefni af af-
mæli Kópavogsbæjar með prestum úr
öllum söfnuðum þjóðkirkjunnar í Kópa-
vogi. Fram koma gospelhljómsveit,
gospelkór, unglingakór og barnakór.
Þorvaldur Halldórsson leikur undir.
Einnig verður fluttur leikþáttur um mis-
kunnsama samverjann og trúður
skemmtir börnunum.
■ ■ SÝNINGARLOK

15.00 Málverkasýningu Helga Þor-
gils Friðjónssonar á Kjarvalsstöðum lýk-
ur á sunnudag og býður Helgi Þorgils þá
gestum Kjarvalsstaða til listamanns-
spjalls.

15.00 Georg Guðni og Gunnar J.
Árnason heimspekingur eiga stefnumót
í Listsafni Íslands þar sem þeir munu
ræða um verkin á sýningu Georgs
Guðna og samtímann sem verkin eru
sprottin úr. Sýningu Georgs Guðna lýkur
á sunnudag, og sömuleiðis lýkur í safn-
inu sýningu á landslagsmálverkum Ás-
gríms Jónssonar og vídeóinnsetningu
Steinu Vasulka.

Þremur sýningum í Nýlistasafninu
við Vatnsstíg lýkur um helgina. Á annarri
hæð safnsins er Sólveig Aðalsteins-
dóttir með sýninguna Úr möttulholinu
en á þeirri þriðju eru Hanne Nielsen og
Birgit Johnsen með Stað-hæfingar eða
Territorial Statements í suðursal. Í norð-
ursal á sömu hæð er landi þeirra Kaj
Nyborg með sýninguna Nágranni eða
Next door neighbour.
42 10. maí 2003 LAUGARDAGUR
hvað?hvar?hvenær?
7 8 9 10 11 12 13
MAÍ
Laugardagur Þ
etta er gamall draumur sem nú
er að rætast, að setja þetta
verk upp og fá Kristján til að
syngja tenórhlutverkið,“ segir
Guðmundur Óli Gunnarsson,
stjórnandi Sinfóníuhljómsveitar
Norðurlands, sem ætlar að ráðast
í það stórvirki að flytja Sálumessu
eftir Guiseppe Verdi á afmælis-
tónleikum sínum í Íþróttahöllinni
á Akureyri á sunnudaginn.
Hljómsveitin hefur fengið til
liðs við sig stórsöngvarana Krist-
ján Jóhannsson og Kristin Sig-
mundsson til þess að syngja tenór-
og bassahlutverkin. Björg Þór-
hallsdóttir syngur sópranröddina
og loks hafði Kristján milligöngu
um að ítalski mezzósópraninn
Annamaria Chiuri færi með
fjórða einsöngshlutverkið.
„Við höfum aldrei teflt fram
flottari einsöngvurum hjá okkur,“
segir Guðmundur Óli. „Þetta er
líka viðameiri uppsetning en við
höfum verið með áður, og ég man
hreinlega ekki eftir stærri tónlist-
arviðburði utan Reykjavíkur-
svæðisins, að minnsta kosti ekki
þau ellefu ár sem ég hef verið hér
í þessu starfi.“
Tónleikarnir eru haldnir í til-
efni af tíu ára afmæli Sinfóníu-
hljómsveitar Norðurlands.
„Forveri hennar hét reyndar
Kammerhljómsveit Akureyrar og
var búin að starfa frá 1987. Nafna-
breytingin varð þegar gerður var
samningur við ríkið og Akureyr-
arbæ árið 1993.“
Starfsemi hljómsveitarinnar
hefur vaxið ár frá ári. Undanfarin
ár hefur hún æft um og yfir tíu
efnisskrár á hverju ári og haldið
eitthvað á fimmta tug tónleika,
þar á meðal skólatónleika fyrir
grunnskólabörn á Norðurlandi,
allt frá Húsavík og vestur á Sauð-
árkrók.
„Hljómsveit af þessu tagi dett-
ur ekki ofan af himnum einn dag-
inn, heldur er hún eðlileg afleið-
ing af öllu því starfi sem tónlistar-
skólarnir í landinu halda úti. Ann-
ars var þetta þannig á fyrstu
árum hljómsveitarinnar að kenn-
ararnir í tónlistarskólunum
þurftu að koma til liðs við okkur á
tónleikum, en svo fór þetta að snú-
ast við þannig að nú fá kennararn-
ir bara stundum að spila með.“
gudsteinn@frettabladid.is
■ TÓNLIST
Aldrei verið flottara
SVEINN H. GUÐMARSSON
Ég get sagt það í fullri hrein-skilni að ég ætla að fara á Vor-
hátíð LHÍ en ég veit að þetta er
mjög skemmtileg sýning“, segir
Sveinn H. Guðmarsson útvarps-
maður. „Þá er einnig að opna
mjög skemmtileg sýning í Gerðu-
bergi þar sem Gunnar Karl Gunn-
arsson sýnir ljósmyndir af brúm
á þjóðvegi 1. Við fjölluðum um
þessa sýningu í Dægurmálaút-
varpinu í fyrradag og hún er mjög
áhugaverð. Sjálfur er ég mikið
fyrir landafræði og hef þess
vegna áhuga á brúm. Gamall
skólabróðir minn, Markús Þ.
Andrésson, er að sýna í Englaborg
á Flókagötu og mig langar ekki
síst að fara á sýninguna til að geta
séð þetta hús en það er án efa það
flottasta í bænum. Ég hef aldrei
komist inn í húsið og þetta er
ágætis átylla til þess. Svo ætla ég
auðvitað að fara og kjósa.“

Val Sveins
Þetta lístmér á!
hvað?hvar?hvenær?
8 9 10 11 12 13 14
MAÍ
Sunnudagur
STÓRKANÓNUR VERÐA Á FRAMSVIÐINU
Sinfóníuhljómsveit Norðurlands flytur Requiem eftir Verdi á tónleikum í Íþróttahöllinni á
Akureyri klukkan 16 á sunnudag.
✓
✓
✓