Fréttablaðið - 27.02.2004, Blaðsíða 39
27. febrúar 2004 Matur 2004
Íslandameistarakeppni í blómaskreytingum:
Hleypir lífi í greinina
BLÓMADROTTNINGAR
Þegar Ragnhildur og María í Blómahönnun afgreiða blóm sem pöntuð eru í síma eða tölvupósti og fara með til þriðja aðila senda þær
gefandanum mynd af skeytingunni í tölvupósti.
Í Blómahönnun í Listhúsinu eruþær María Másdóttir og Ragn-
hildur Fjeldsted að ganga frá
skreytingum í eitt þeirra fyrir-
tækja í Reykjavík sem þær sjá um
að prýða með nýjum blómum
vikulega. „Við erum meira að
vinna við blómaskreytingarfagið
en að selja blóm, þó að við gerum
það að sjálfsögðu líka,“ segja þær.
Til að útskýra nánar hlutverk sitt
segjast þær sjá um skreytingar
vegna aðalfunda og ýmiss konar
ráðstefna, brúðkaupa og veislna
auk þess að skipta um blóm viku-
lega á sumum hótelum. Fyrirtæki
þeirra er eitt þeirra sem sett var á
laggirnar með hjálp Auðar í krafti
kvenna og þær segja greinilega
þörf fyrir svona þjónustu, bæði
við fyrirtæki og einstaklinga.
María er í stjórn félags blóma-
skreyta sem ásamt Félagi blóma-
verslana og Garðyrkjuskóla ríkis-
ins stendur fyrir Íslandsmeist-
arakeppni í blómaskreytingum
2004 á laugardaginn í Fífunni. Þar
er búið að skrá milli 10 og 20 til
leiks og þátttakan er ekki bundin
menntuðum blómaskreytum.
Verkefnið felst í frístandandi
skreytingu sem á að heita Óður-
inn til vorsins og þar eiga kepp-
endur að koma með blóm og ann-
að efni sjálfir en fá járngrind til
að skreyta. Hitt verkefnið heitir
Blómin gleðja og er blómvöndur
sem þátttakendur fá efni í á
staðnum. Dómari kemur frá Dan-
mörku gagngert til að meta
frammistöðuna, ásamt tveimur
Íslendingum.
Fyrsta keppnin af þessu tagi
var á síðustu matarsýningu árið
2002 og tókst vel. „Þetta hleypir
skemmtilegu lífi í greinina og
færir hana á faglegra plan,“ segja
þær Maja og Ragnheiður. ■